حوار بين التهذيب الاباحيه ياسر حجار َبحر الزجل

ا ياسر الحجار في عندي سؤال
ليش بتزفر بشعر الإرتجال
تعلم على التهذيب بشعر الزجل
تا الكل يعطيك الصداقه بها المجال
ياسر
بزفر بشعري وبالقصيد المرتجل
وبقدر انا من البوم فقسلك حجل
منّي بحاجه للصداقه بهالمجال
ولا تظن اني كتير رغبان الزجل
بحر الزجل
يا للأسف ازعر بشعرك والقسا
بين عليك وكلمتك ما بتنتسا
بعرف انا ما بترغب الشعر الجميل
الرغبه الحقيقيه بتجميع النسا
ياسر
الظاهر حمي الموضوع دار الاشتباك
العمر ماشي فيك صدقني وبلاك
اللما بيعرفك رح يفتكر انك ملاك
بتحكي بجمال الشعر رح قلك عفاك
بجمّع نساء الارض من كل الدني
بيحكو بوجك غير ما بيحكو بقفاك
بحر الزجل
البيسمعك بيقول عندك كبرجاه
والكل عارف ازعر باربع وجاه
ذكرت المرا منشان تلفت انتباه
انك حريص وطاهر ويمكن اله
مريم العدرا ام يسوع المسيح
بتحكي بوجو متل ما بتحكي بقفاه

بحر
شو ها الحكي الكلو تجني ومسخره
لا بينكتب يا ياسر ولا بينقرا
بلا مسخره جاوب وقلي يا ترى
ما في مرا بتحكيك من بعد الجرى
مستعيب عليي فرانيلا شلحتها
وع فيسبوكك شلحت مية مرا
ياسر
معروف عني بهالقضايا حربجي
العصفور عشو بس من اي د ي نجي
بكتب قصيده بالاباحي متوجي
بخلي الصبايا تقول ولله مهيجي
مشلح مرا وتنين شغله مبهجي
وحضرة جنابك انت عامل بوسطجي
و الشعر لما يصير نار ملوهجي
بشوف الصبايا شالحه و مغنجي
وعالمحبسه تفضل بساعه مبهجي
صلي وصوم وتوب للنور الشجي
كرمال يعملو عجيبه بحضرتك
تا يوقف لسانك بهالشغله و يجي
ههههه
بحر
شو ها الَوساخه الفيك حشمه ما الك
الله دخيلو مابقا بيتحملك
حد الاباحي بالغزل مستقبلك
لا بنقبلو عا المنبر ولا منقبلك
طهر شفافك واحترم في منزلك
عيله كريمه وست عم بتدللك
طيب اذا بحفله انوجدت عيلتك
بتقدر تغني ها الاباحي بسألك ؟
ياسر
الشاعر اذا بالشعر عالمنبر قلب
وغنّا اباحي المستمع هيكي طلب
سردين راسك كابسو بقلب العلب
وروايحك وصلت عا حمص وعا حلب
قرش المذلّه نهار ياسر ما سلب
خلّي الشهامه بشعرك المش منطلب
شعر الاباحي مين غير ياسر جلب
بغني عا ذوقي وهيك جمهوري طلب
عنتر ببيتك انت برّاتو انكلب
وقرِّف العالم بالصلا ولبّي الطلب
ساعه بتحكي بالعيال الحاضرين
وساعه بتحكي بالمسيح اللي انصلب

بحر
شايف اذا بتتغسل بنهر الفرات
بتضل اوسخ شخص شفتو بها الحياة
ما قلت ممنوع التغزل بالبنات
ولا قلت انو الشعر تبهيل وصلات
بيمرق برده ايحاءات وشيطنات
لكن بلا ها العهر كلو و زعرنات
وما زال عندك معجبين ومعجبات
بتشلح كلودات بتعري جنات
شو رايك تدشر المنبر للأدب
وتاسس على الشط منبر للعرات
هههههه
بحر

يا ياسر كل ما تحكي صبيه
تذكر امك واختك شويه
وضل مهذب ولا تكون ازعر
المرا بتضل للعيله وفيه

انا ما بحب اتزعرن واسكر
على جروح البنات المستحيه
انا بحب المرا ما تروح تسهر
بنيت كلوب ..ترجع منطفيه

وانت خليك عم تسكر وتخمر
وتترك كل سهريه ضحيه
وعمرك عا السكر والمكر تخسر
وتمرض ما تخلى صيدليه

وعلى سيرة المنبر حاج تبطر
وتفضح حالك بهاالمسرحيه
وتقلل حيا وتنزع المنبر
بغزل سيكسي بدون معلميه
الشعر يا ياسر مقدس مطهر
وصاحب كلمتو حامل قضيه
بيغني للفقير وللمعتر
وما بيستحقر الناس الغنيه

الشعر مش نهد تنهيده واكتر
وخيال ومعرفه وفكره ذكيه
لازم تترك السامع مسمر
تا يسمع شعر راقي بلا اذييه

الشعر مش نفخ شفة ونهد قطر
وجلسه انفلاتيي شهيي
شوف الجرح بالكف المسمر
ومن العشره حفضلك شي وصيي

وسهيل الصقر شوفو بكل محضر
بيجمع حول منو الابهيه
عيله كامله بتسهر بمظهر
مظهر لايق بحفله هنيي

على كل حال يا ازعر تذكر
بحفلات التحدي المنبري
في جمهور جايي شعر يحضر
انت غني اباحي للصبايا
وانا بغني لجمعه عاليه


ياسر


يا سليمان عنوان القصيدي
حجمك انت قد حجمو بإيدي
ذكرت الخمر يا شاعر معتر
وقلت البنت مع ياسر شهيدي
كنت بدّي الحوار يكون سُكّر
وما افتح سيرۃ الرفقه المجيدي
عنّي قلت يا سليمان ازعر
ما رح رد بعتبرك حفيدي
عنّي قلت ليل نهار بسكر
هيدي امور عن دقنك بعيدي
سهيل الصقر حالو مين فكّر
شعرو شموخ ومواقف عنيدي
لا انت ولا سهيل الشعر غبّر
عليي عندما حوّل رصيدي
فتحت عا منبري الباب المسكّر
تا افقر حصرمي بعين الحسيدي
شفت شعّار بتعرّم عا منبر
بضاعۃ وبحسب رأيي زهيدي
إباحي بالشعر الله واكبر
القصيده بإيدنا متل الطريدي
وبالبارات كلما بروح بخمر
مع الحلوين والرق العبيدي
بغنّيلن إباحي بهيك محضر
وشعري معلقو بدمعۃ وريدي
نحنا منرضع النهد المجوهر
وانت خليك مع شعّار متلك
الحليب بترضعو بليله سعيدي