بدر حجاوي وبحر الزجل تعدد الزوجات

الحجاوي وبحر الزجل سليمان طراد
حوار جريئ
ألشاعر سليمان طراد
يا بدر
يا بدر قلي ليش تا دمك تقيل
وقلبك حجر مسود ولسانك طويل
اهون الك ما كان عا الجامع تروح
تشحد عا إيدك بعد منها تستقيل..؟

بدر حجاوي
يا بحر ... متل النحل عم بشحد رحيق
وبجود شهد ...... مكحل بلون العقيق
مش متل فضلك .....مز مالح مشربك
بالحيل .......لو شربوك ما بتبل ريق

ألشاعر سليمان طراد
شحّاد عم تشحد النقلي من الكسيح
لا في نبي بيطيقك ولا في مسيح
وعارف انا مبسوط...راسك من حجر
لا بالمنيح بتفهم ولا بالقبيح

بدر حجاوي
يا عرة الشعار .......كسرة جانحيك
قصر مداها والضعف..... كبل يديك
تعمشق ع.كتف المجد قرب عالسما
كرمال اسمع صوتك.... وافهم عليك

ألشاعر سليمان طراد
عليّت موجي كاس ..تا تشرب حرام
جاوبتني منكر ..ما بشرب أو حرام
خبيّت خمر الشمس بخوابي الشفق
تا شوف كنّو بتشرب بكاس الغرام

بدر حجاوي
خمر الهوى بكاس الوفا صبيتها
وشربتها وبالعاطفه ....قفيتها
رديت كاسي عا خوابيك ندمت
يا ريت ي سليمان... ما عبيتها

ألشاعر سليمان طراد
سألتك.. اذا ضيّفتك بكاس الهوى
شو كان ردّك...!!غير حجه بالهوا
بربح؟ ..اذا بسكر على خمر الشفاف
الجنه ..!جهنم ..!أو تنينتهن سوا ؟
هههههههههههههههه
بدر حجاوي
ما بين جنه ونار.. صفي نيتك
ربحان عالحالين... تقبر هيتك
دلقنا خوابي شعرنا شو نابنا
سلطه بنتفة خل من خابييتك

ألشاعر سليمان طراد
يا حج بدر ..بنعرفك شاعر صريح
ليش مني مستحي ...!!ومش مستريح...
قلي الخمره .. ليش حرّمها النبي؟
تا خبّرك عن سر تحليل المسيح

بدر حجاوي
تا ينتعش...... قلبك إذا كان السبيل
خمره.. وعرس قانا ع بن مريم دليل
طه لعنها ليش.......... لعنة قاطعة
فجعان..... عرفك ما بترضى بالقليل
........ قليل من الخمر يفرح القلب

ألشاعر سليمان طراد
راضي ..وما بشرب غير كاس على المسا
منشان انسى شو حملت هم وقسا
طيّب اقنعني كيف حلل اربعه
وعاود بيقلّك اعدل بحب النسا؟
وان عدلتم فواحده طلاع منها

بدر حجاوي
ردودك اذا ......بتبيعها برسمالها
سوق البلاغه .....بتنكسر كرمالها
بالأربعة حكمه.....وشواهد حالها
بتصرف عذاب.... الارمله وعيالها
بترضى بربع رجال... يشبع جوعها
ول تبيع في سوق ..الخطايا حالها

الشاعر سليمان طراد
بتزكر نابال الكان قائد أولي
لما انبعت عا الحرب ..عا ديار البلي
كان النبي داوود هووي الباعتو
غطى الخطيه وما ستر عا الأرمله

بدر حجاوي
نابال متلك احمق ..... واكثر شحيح
انكر عطايا......... بحكم الله مقدره
ومتلي ابو كيلآب ...عالقول الصحيح
دمر عماليق الدني...... كرامة مرا

الشاعر سليمان طراد
ما زالك لداوود حللت الخطا
معناتها الشيطان عا فكرك سطا
شو نسيت موسى قال بوصايا العشر
ممنوع تستحلي مرت جارك عطا
هههههههههههه
بدر حجاوي
ألله جميل وحَبْ يا طراد الجَمال
لا تستغّل الدين جــاو ب ع السؤال
ان عدلت بيجزلي نبينا أربعة
حرّم علىّ عَيني وعلىّ تمّي حَلال؟؟

الشاعر سليمان طراد
القرآن عا ذوقك جريمه تعدلو
الآيات متل الشمس ما بيتبدلوا
قلك اذا بتعدل بيجزلك أربعه
ان ماعدلت ..علل أيتو ب لن تعدلوا..!!

ههههههههه
"فَإِنْ خِفْتُمْ أَلاَّ تَعْدِلُواْ فَوَاحِدَةً"
بدر حجاوي
بدر حجاوي
هيدي العداله المطلقه شغل الآله
سبحان الله ..... ما بحققها سواه
المطلوب تعدل يا بشر عا قدرتك
وبالأستطاعه ربنا.... تطلب رضاه
القاعده الشرعيه .. الأستطاعه مناط التكليف .
الآيه ( فَاتَّقُوا اللَّهَ مَا اسْتَطَعْتُمْ )

اعر سليمان طراد
وين العداله.. وكيف الله من سماه
قادر معو تتجادل وتطلب رضاه
هيدا كفر... الله ما فيك تحددو..!
حددت الله ..!! يا بدر الله إله
ههههههههههههه

لَّا تُدْرِكُهُ الْأَبْصَارُ وَهُوَ يُدْرِكُ الْأَبْصَارَ ۖ وَهُوَ اللَّطِيفُ الْخَبِيرُ
الشيخ سليمان هههههههه

بدر حجاوي

بدر حجاوي
يا سليمان ها الفتوى بلاها
وبلا ما تحمّل العالم بلاهه
جاهل نَفسك ونفسك عَطبها
كْتر الصفصفي وحكي التفاهه
جروحي قبل ما تفكفك قُطبها
وتحكي بشرع عيسىّ ودين طه
خُطبة القرضاوي ما خطبها
ولا العرعور ها الفتوّي فتاها
إذا مريم من النخلة رطبها
اشتهتها.. ربنّا حقق رجاها
الدنس والزوّج عمرو ما قِربها
ووضع سرّ النبوة في حَشاها
علا شي ورقات فتواتك كتبها
وانقعها... بمييّ... ومحتواها
وبعد ما تنقع الورقة شربها
بركي صرت من أهل النباهة
لأنو كان للفتوي.. سببها
مبني ع الحروب ومقتضاها
مات. الزوّج. والحرمي نسبها
منها راضييه المتلك غواها!
عَليها من قبل ما تكون شبهة
وبعرف العارفين تكون عاهة
طَه تكرّم وحقق طــَلبها
لمـّا حقها الشرعي عطاها
يا سليمان يللي فتحت جبهة
بأسم الدين بيكفي سفاهة
المرّة التانية ابقىّ احسبها
إذا بيني وبينّك كان خندق!
عمّك. بدر للجولة فتاها!!


ختام الشاعر سليمان طراد
ألشاعر سليمان طراد
ياحجي كعبتي بالشعر حجه
وانت ضعيف بالحجه ياحجي
إنت أحول ع كتفك آر بيجي
قتلت أهلك إنت من فرد دجّه
وتا تعرف لون قلبي من نسيجي
لازم يا بدر تقرب محجي
وتا تاخد عن كفر جهلك نتيجه
سماع بقلبك ومن دون ضجه
النبي ما جاب ضره عا خديجه.
بقت عا ذمتو يا حج حجه.
انا من مجد سوريا نسيجي.
وقلبي كتاب تاريخو بيهجّي
ماتوا اهلها ببحور اايجي
وضاعو بين لجه وبين لجه
وعلى ألمانيا راحو حجيجي
انشملوا بعطفها والله المنجي
الحرج بظروفهن كان النتيجي
الكرامه انحفظت وبتوج وجي
وشوف العطف بالوحش الخليجي
بينكح قاصره رغم الترجي
بيجي بشرور محمود المليجي
تيكسرها بحضنو متل قجّه
وبيقول محمد ودينو حجيجي.
الشرع بيسمح. وبيجيب حجي
الزواج بهيك حالي يا بهيجي.
ان منو عار احكيها بوجي
واذا الله محلل هيك زيجي
تا اكفر بالاله وبالتقايا
واطلب ربنا منهن ينجي