وليد رضا وبحر الزجل

دخيلك فل عني يا عذابي
تركني ولا بقا تدقدق عا بابي
انا قررت ما اكتب قصيده
لأنو الشعر سبب إكتئابي
القوافي بحسها بتفتح نهيدي
ومعاني بيوتها همي وخرابي
وكلما بيسرح الدم بوريدي
بركض اختبي وبحرق كتابي
انا من هيك ما بجيب الجريده
ولا بحب القرايه والكتابه
انا بهجّي همومي بكف إيدي
وتا ارضي ربّنا بضحي بشبابي
ولأنو الشعر سيدي وسيد سيدي
ما بقدر اقنع الفكره بجوابي
بخوابي طيبّه تعتّق نبيدي
وشو بعمل بالنبيد وبالخوابي
هدرت العمر مع سعدى وسعيده
شبّع نزوتي وفضي جيابي
وتا بطّل سكر ما بيطلع بإيدي
اعذروني ولا بقا تزيدو نهيدي
مدمن ع سما رب الخوابي


يا ظالم.ما علقت تحت ايدي
وليد دضا Waleed Rada
الإبداع شيطاني يا جولاني
وجولان بالإبداع شيطاني
وكلما معك بحكي عن الجولان
بيفيق شيطانك ع شيطاني
شو بخبرك عن سوريا ..بلبنان
ما ضل في بلبنان ..لبناني
السوري طلع من سوريا هربان
وما عدت اعرف وين لبناني
مظبوط نحنا شعب واحد كان
وقت اللي كان الحكم عثماني
بيروح عثمان بيجي عثمان
و(غازي) بيجي وبيفل (كنعاني)


وليد

ما كان بدي يا سليماني
تربط مصيرك مع "سليماني"
وتعمل ل الله حزب والشيطان
بالشرق ولّى حزب شيطاني
وتا نقول انو سوريا ولبنان
كانوا سوى بطربوش عثماني
الطربوش صفّا بعهدة الاديان
وعثمان "صفّا" الشرق عا ثماني
روسيا بوتين مع ايران
وتركيا عا "اير دوغاني"
وقبالهن ناتو بكل مكان
فرنسي انجليزي امركاني
ومن عند خيبر عاصفي بفنجان
بتشرب دني ويتضل عطشاني
وتنين صيني سوّق الدخان
لا دين لا ديّان لا دياني


سليمان
ألشاعر سليمان طراد
اووف أووفف
مجد الشمس ويرحليون
توأم شعر سليماني
والجولاني شوما يكون
منقصف عمر " الجولاني "
تشتك تشتك تشتك
يا جولاني بالميدان
داعش والنصره انهزموا
واللي فاتو عا لبنان
نزحو لعنا وما انعزمو
وانتو يا اهل الجولان
اهل النخوه بتلتزمو
بالانجيل وبالقران
وبالانسان الأنساني