النقابه بخطر عدنان والبحر

لما الملوك يقررو علاج موضوع ب عالجوه ب كل روح محبه ب فتحة رده من خيينا Adnan R. Saeed ب صير حوار شييق مع المحكشوووووووون ألشاعر سليمان طراد للاستمتاع تأملو ب جمال الكلمه وللأمانه نزلتها متل ما هيي وحتى ب اغلاطها الاملائيه وطبعا الاغلاط من السرعه بالكتابه
عدنان
يا بحر موجاتك انا حرّكتها
تا شيل من قاعك شي درّه تركتها
قنابل كلامي اليوم لو فكفكتها
قواس النصر بتكون انت ملكتها
و مواهبك من بعد ما جمركتها
و عشرين مرّه عركتها و زركتها
شرّف تا نحكي بالنقابه و النقيب
سنتين صرلي دينتك ما فركتها
سليمان
اللي صار يا عدنان عيب ولا يجوز
بها النقابه... بقولها ..!! طق الفيوز..؟
الرحمه عا بو انطون كان ولو عجوز
خلّى التوافق سيّد ..برغم النفوز
لكن انا من دون خوف وضرب بوز
جايي الحقيقه قولها.. وفك الرموز
ما زال موراني وشيعي ترأسو
برأيي انا يخلو النقابه للدروز
عدنان
بالطائفيه حاج تحكي يا فطين
لا تطيِّف الشعّار عا شمال و يمين
و هودي نصاره تقول يمّا مسلمين
شو هالنهايه ان كان حكيّك عن يقين
و هالخالدين الرسملو الكنز الثمين
راحو و بقي بقلوبنا إلهن حنين
و بيناتنا ان صار التخاطب طائفي
منكون عم نحفر قبور الخالدين
سليمان
شو باك نازل يا سعيد مناقره
بحر الزجل قال الحقيقه وما افترى
ل كل شاعر منبري في تزكره
المذهب ودينو حد اسمو بينقرا
وحتى النقابه تضل متل الجوهره
ممنوع ياخدها حدا بالزعبره
وتا يضل في أنصار عنا بالزجل
خلو الرياسه بالنقابه مداوره
عدنان
مات النقيب الما حدا فيه اقتدا
و صارت آخرة الشعر تبكي المبتدا
إرث النقابه تقيل و اليوم و غدا
بدك خلَف بعد السَلف عزمو بدا
و يكون شاعر ... للشعر قلبو فِدا
و مش تاجر و ثوب الحمل جسمو ارتدا
من قبل ما سافر بو ناجي عالهدا
شفنا خليل شحرور ما فيلو عِدا
و تا يحمل الرايه التركها مع خليل
مات النقيب و ما ترك بعدو حدا
سليمان
كان النقيب على النقابه غيرتو
ومين الورث بعدو موتو.. سيرتو؟
الشاعر بنسال بالزجل ع مسيرتو
مش ع رصيدو بالبنوكي وليرتو
عندك مرشح ريحتو من نيرتو
وعندك مرشح مرعبه تكشيرتو
ان كانو البدهن يورثو ع ها الشكال
كرسي النقابه طهرو بسبيرتو
عدنان
للطائفيه يا حبيبي عوفها
عم تجرح قلوب البرايا سيوفها
بدّي الحقيقه تغط عنا رفوفها
تا تشوفها الناس و ألوف ألوفها
ليش النقابه العارفين ظروفها
اعضاءها شعّار دقو دفوفها
و عالنت في عنا مواقع شوفها
شعّارها هزّو الدني بحروفها
هِنّي الحضاره الناصعيين كفوفها
هِنّي الثقافه و الكتب عا رفوفها
يعني النقيب بهالوقت لازم يكون
زار الخوابي و اندرج بصفوفها
زودة عدنان
منابر بلدنا بيدفعو مصروفها
جورج و علي و حسين مع معروفها
سليمان
يا بو بهاء النت مش منبر زغير
كل الطوايف بالخوابي يا مدير
ههععه
ومنشان ما نعلق متل هاك القفير
عندي اقتراح بيعجبك رح استشير
هههه
عنا وزير الوزن ها البدر المنير
ارضى بحكممو طالما عندك ضمير
اول نقابه سلمو مفتاحها
للمرتضى والكل راضي بالوزير
وهون بطالب سليمان بزوده ب جاوبني عدنان بسرعه خاطفه
الزوده لازمها شاعر محنّك خطير
متلي انا بالشعر متل الزمهرير
وهاي زودة المحكشووووووووون هههههه
اووف اووف
يا بدر وينك هات اسم وتا نسير
بها الاسم ريس بس خايف لا يصير
اسم الخوابي الشاعريه مستدير
وتبدل الخمره بخابية شاي وعصير
عدنان
اتركلي الوزير الآدمي يا ثرثري
يللي بسعدنة الشبيبي ما دِري
و خود الحقيقه الساطعه من مجهري
ولا تقول عنّي مفتري او عنصري
الشاعر الإسمو صار شاعر منبري
شو شغلتو الا عا خيّو يفتري
و يسرق شعر من شي مُفكِّر عبقري
تا يسلطن و يطلع بشعرو عنتري
و يُنطر يمتلو شي حدا مقرش ثري
تا يروح يرثي بمنطق البيع و شري
ولك كلمة نقابه شطبتها من دفتري
لما شفت ما في حدا منهن بَري
هودي اذا للجوهره بيتسلّمو
منقول غبن الجوهره بهالجوهري
زودة عدنان
قلام الشعر تا نزيد لازمها بَري
بدل السهم تا نشكها بالخيبري
ههههههه
سليمان
الشعار تقبض ع الغنا من حقها
ومش حق من دون حق نحنا نطقها
دروب الرثا المرحوم حنا شقها
وموسى وطليع استرزقو من شقها
وما زال ها الشعار زايد نقها
رح انجبر اني البخصه بقها
ما في حدا من كل شعار الزجل
بيقول كلمه وما بيقبض حقها
عدنان
الشاعر يا ابن طراد لوحه ملوّني
فيها الورد و العطر فيها السوسني
و رسّام عمرو فوق قصدانو فِني
و مش صفصفي و يكتب شعر عالهيّني
الشاعر تا حتى يكون قلعه محصّني
المفروض شعرو يكون بالجوهر غني
و يقبض ثمن شعرو جواهر مثمني
لكن يا بحر بحق الله و الدني
مش حق ندفع حق ردّه تافهة
ونحنا الدفعنا حقها هاك السني
الزوده
و مش ناطر جان تا يطلب زوده ههههههههه :
رح قول كلمه بالحقيقه معنوَني
اسمعها بتعرف شو جرالي و شو بني
منّي و عليي نسيت عهد الولدني
و ما عدت بالحفلات هلق اعتني
بوفـِّر تعب مشوار صار يهدّني
بوفـِّر مصاري ما صرت عنها بغني
وما بشوف منبر بالتفاهة منبني
و من تقل دم الراكبينو منحني
العما انا شو مسم ههههههه
سليمان
شو باك قايم ع الشبيبه؟ ع الهدى
متل الكانون عا منبرنا عدا...!!
هودي براعم موهبه وشمس الهدا
وها الجيل من ها الجيل صدقني انعدى
وكل اللي مرقو وزجلو من المبتدا
عملو العمايل.. رغم ما تركو صدا
ههههه
بهاك الزمن تدفع دوبل تا يفوتوك
كانو يعيدو وما حدا يسأل حدا
عدنان
كنا بنقابه فارطه و مالها دوى
صرنا بمنبر لا حلا ولا مستوى
الأقطاب كانو كل ما مال الهوا
يجيبو ألوف مألّفي بليل الغوى
و اليوم صارو وقد ما يشدو القوى
بإعلان تلفزيون يطلع عالهوا
و أكل و شرب و الكاس من كاس ارتوى
ما بيجمعو ميتين شخص على السوى
الجمهور عارف صار ما منهم نوى
لكلن سوى رح قولها بصوتي الدوى
خمسميّة شخص صعبه يجمعو
و لولا بحفله تجمّعو كلن سوى
الزوده
بدك زياده بالشكل و المحتوى ؟؟
تكرم انا راسي ألف زوده احتوى
ما في ولا شاعر فوق منبرنا استوى
قادر قبالي بالشعر يرفع لوى
سليمان
ليش التجني جيلنا وجيلك فرق
والفرق َواضح متل جيلي ما مرق
جيلك مواهب واعدي بحقدوحرق
وخمر المنبر بس تا يشرب العرق
شوف الشبيبه اليوم حلمن ما انسرق
عملو العمايل عا المنابر والورق
وصارو على كل البرامج يظهرو
من خلف ها الشاشات جوقات وفرف
عدنان قصيد الختام
وزير بلادنا بلفتي أبيي
استقبل هالشباب بطيب نييّ
و مش عارف شو في عندن نوايا
نوايا سمّها بيقتل الحيي
اذا كنّو الوزير بهالقضايا
خبير و حامل افكار البهيي
مع شعّار منبرنا الذكايا
ما بيربح ولا واحد عا ميي
اللي غنا عا منابرنا الأبايا
مواضيع اللي بدها معلميي
ما بيخسر ولا بترضى المرايا
بِ حربو مع وزاره هامشيي
النقابي بدّها أشرف مزايا
ثقافي و فلسفه و علم و حميي
و إداره مشكّلي بعالم وفايا
تا هيي تكون للشاعر وفيي
يا بحر ... الشعر صفّا من المنايا
تا جينا عبر شاشي سرمديي
فتحنا مواقع الشعر البهايا
و عزمنا هالشباب الأشبهيي
و تا قدّمنا لهالمنبر هدايا
و صارو نجوم ... طلّه و شاعريي
من هيكي الخوابي بهالقرايا
صارت منبر عقول الذكيي
ومنها توّزعو رجال القوايا
عا جوقات القويي وما بسمّي
لأنّك يا شريكي بهالمُهمّه
لَ وحدك انت عم تفهم عليي
اول شي بحب وصح بو مدين وجورج لطيف احبا والشعر ما حدا منهن بيزعل بس الحوار بيفرض عليي جاوب عا الموضوع ونعالجو بحرفيه الحق عا عدنان بكل الموضوع هو حركش بالمدبره هههه بعتذر اذا حدا انجرح
اووف اووف
يا عادل ويا لطيف لا تجنو
وتفرغو لبنان من فنو
خلو التوافق يجمع الجيلين
وكرسي الفتن شو بدكن منو
عدنان يا عدنان من سنتين
حكينا بها الموضوع ..مع انو
كانو علينا يضحكو التنتين
هيدا الحكي يقولو ما في منو
هههههه
بعرف انا في لعب عا الحبلين
وكلمن حسب ظرفو احترق بنو
وشعار ب وجين ولسانين
مين ما اخد اماتهن هنوا
هههههه
لكن إذا بدكن ..بنحكي وين
صار الغلط رح اشرح استنو
من قبل ما مات النقيب تنين
راحو البركه ياخدو منو
قلن انا ما بحب فضل بين
عادل وجرجي ..تمهلو استنو
وببدال ما يتوافقو القطبين
عا بعضهن أعنف حرب شنو
بحبو ل عادل متل ببو العين
ولطيف ما في بالكرم منو
لكن بها الموضوع بدنا منين
نبلش تا نحكي الصار ..لا تزنو
حطو القرار بمرتضى ...يا عين
كلن بحكمة موقفو تغنو
ومش عارفين المرتضى من وين
تخرج ..مع الاستايز وبفنو
قلن طليع واحرجو من تنين
بيقدر ينقى بس لا تظنو
بدو رياسي كان عصفورين
بها المعضله ما يفلتو منو
والكل بيقلك في عندو دين
عا ها التراث اللي ضحك سنو
يلا انا وياك ها اليومين
بنعمل حوار وقد ما يزنو
بقلب الخوابي بنجمع الضدين
يما بيغنو تا التراث يعيش
يما العمرن ما بقا يغنو
هههههه