قصايد

صارت بوجّي ضيّقه الأحلام
وهموم قلبي كلما بتزيد
محتار شو بعمل بها الإيام
مضيّع طريقي والزمان بعيد
ما ضل عندي غير روحي قلام
عم تنبرى بالخوف والتنهيد
صارت حياتي جلجلة آلام
وبحب اكتبلك شعر عا العيد
وروحي عا كتر الدمع ما بتنلام
رح موت ببكي من خمس أعوام
دمع الوجع والشوق مش بالإيد


اووف


يا عايشي فيي وبوجداني
ملح الوفا ..ما بتفسدو الأيام
مهما يا أمي اتعب وعاني
بيبقا رضاكي بلسم الآلام
عطفك عليي عطف ربّاني
وكتاب روحي من وحي الآلام
بآمن بالقيامه ...وما بنلام
وبشهد مسيح الحق .حقا قام


ع قدّ ما بتتنفس قلامي
رح ضل صليلك حنين وشوق
وكمّل صلاتي كل إيامي
رح ضل أرفع ها الصلاة الفوق



اووف

قاعد بها الإيام عد نجوم
ونجمات الله ضهرها مبروم
مدري الدني عم تنتقم منّي
وبتدور فيي دورة المهموم
مدري السما بدها تجنني
بالرغم ما بصليلها وبصوم
عارف اليوم ...معيّدي بجنّي
عليكي ملايكة السما بتحوم
مهموم يا أمي وغصب عنّي
عم التجيلك تا القيامه تقوم
بركي بقلبي بتسكت العنّي
وبسمع صدا صوتك يطمنّي
غيّم الوجع بطّل يشتي هموم

اجمعيني وفرقيني يا سنيني
وعلى معجن عذابي وزعيني
لأنو مطحنة عمري اثرها
غبره معلّقه بسجرة جبيني
الحياة الصالحه فوخر سجرها
بعد ما انضربت بسوس الضغيني
ولأنو ال رب بكتابو زكرها
بقيت للأذا صيده ثميني
وضعفت بعد ما الواقع حشرها
رغم ما جذوعها كانت تخيني
انا من هالحياة البحتقرها
ما بدي اشحد واكسر يميني
بدي بس ابعد عن بشرها
وعيش العمر كلو بالسكينه
واذا تأملت يا انسان برهه
بنوع ولادها من اي طيني
بتعرف للأسف طعمة تمرها
وبلا ما تغص كمّل عا السفينه
التركها لوط عا الضفه وهجرها
ولأنو ارضنا الام الحزيني
زرعها ربنا وادم نطرها
ولهالا الاسباب بدي من حياتي
فرابي يرجع يشيّد مدينه
بلا تنقيح لأني فالل برجع بظبط القفله

لا خوف الا من الله
أنا ما بخاف إلا من عذابي
التركني عنّ..وحدي بإغترابي
وبرم دولاب إيامي الجميله
وعليي تآمر الحلم بغيابي
أنا إنسان ما بربّح جميله
اذا مديّت إيدي عا جيابي
وما بطلب من حدا يحفظ جميلي
جميلي بدفنو وبردم ترابي
انا شاعر سبقت ولاد جيلي
بفن الإرتجالي والكتابي
وقصيدي بيشبه البنت الجميله
قبل ما تلتقي فيها الكآبي
حبي للمرا..قصه طويله
عنها بيصعب عليي الإجابي
واذا بتصدّقوني عا القليله
ما بجرح حسّها وبخفي عتابي
المصاري بجيبتي ان صارت قليله
عا قدّي بعيش ..ما بكفر بــآبي...!!
برضى بحصّتي وما بزيح ميلي
عن دروب الفضيله.. ولا بحابي
تا إوصل للهدف.. بعمل متيله
وبشكّر ربّنا ..عا ها الوسيله
العطيتني الصبر بظروف مره
وما خلّتني..ت اطلع من تيابي

ملكوت برحليون
صوتي بحنجرتي خلق مفلوت
وما بتطلع الكلمه ولا بتفوت
محتار بين الصوت والأوتار
مين منهن عم بيعطي سكوت
معقول صوتي من الصمت بيغار؟
أو حنجرة قلبي حسد بتموت!
يا ها الوجع قديّش عمرك صار
وبعدك بتلعب لعب بيت بيوت
ي حّس ع دمّك ..وجيب حجار
وعمّر بذاكرتي سما وملكوت
تا عيش آخرتي على التذكار
وكمّل عذابي بين أهل الدار
حابب ببرحليون ارجع موت
وجدانيات


لا خوف الا من الله
أنا ما بخاف إلا من عذابي
التركني عنّ..وحدي بإغترابي
وبرم دولاب إيامي الجميله
وعليي تآمر الحلم بغيابي
أنا إنسان ما بربّح جميله
اذا مديّت إيدي عا جيابي
وما بطلب من حدا يحفظ جميلي
جميلي بدفنو وبردم ترابي
انا شاعر سبقت ولاد جيلي
بفن الإرتجالي والكتابي
وقصيدي بيشبه البنت الجميله
قبل ما تلتقي فيها الكآبي
حبي للمرا..قصه طويله
عنها بيصعب عليي الإجابي
واذا بتصدّقوني عا القليله
ما بجرح حسّها وبخفي عتابي
المصاري بجيبتي ان صارت قليله
عا قدّي بعيش ..ما بكفر بــآبي...!!
برضى بحصّتي وما بزيح ميلي
عن دروب الفضيله.. ولا بحابي
تا إوصل للهدف.. بعمل متيله
وبشكّر ربّنا ..عا ها الوسيله
العطيتني الصبر بظروف مره
وما خلّتني..ت اطلع من تيابي


غسان شديد عا الصلب
تعا يا شعر بنّج إنفعالي
وبلا ما تحصل الليله قتالي
في شاعر ع الخوابي فات فوتي
مشكّل ع ذنودو ولا مبالي
يا غسان الجبيلي بعد موتي
بدها تزعل عليي الليالي
لأنومن القبر لو سمعت صوتي
بدّك تحتمي بجنح الشديدي
وتحفر قبرك برمل الجهالي
اووف
نطرتك تعتذر ..عن ها الإهاني
وتركع ركعت الذل المهاني
وما ترفع راسك قبالي لأنو
بدي اقطعو بأربع ثواني
اللي فالق ربنا بطنو ورنو
يا عدنان افتكرتو الاصفهاني
بالميدان اخجل يا شرنو
قبل ما يقوم ليك الكوتراني
بخوابينا العتاق كبار غنو
ومن كبار الكبار ال عازماني
ضربة واحدة ومش رح يتنو
شيلو شديد هاتو شديد تاني
شديد الطبّل وزمّر ل فنو
وعلى العركه دعى غيري ودعاني
ظن الناس خاب وخاب ظنو
لأنو البحر ما بيرد ميت
ما رح بيغص بها البهلواني


عايف..سمايي
مهموم مش عم حس بوجودي
قلبي عا كتر الهم رح بيطق
الأحلام طارت غير موجوده
والدهر بمدقة قهر بيدق
والنفس بالفردوس موعودي
والراس فوق الراس عم بينق
دخلك يا الله هات بارودي
منشان صوّب عا اليأس والخوف
بوجي انطلع..مين ما طلع رح طق
عايف سمايه نسخه تانيه
مهموم مش عم حس بوجودي
قلبي ع كتر الهم رح بيتخ
والحلم صار ديني وعبودي
برفع جبيني للسما وبنخ
دخلك يا ربي عزز صمودي
بوج ال علينا صار عم بيجخ
وينك يا الله هات بارودي
من كتر منها ضيّقه بوجي
بوجي انطلع..مين ما طلع رح طخ

دخيلك فل عني يا عذابي
تركني ولا بقا تدقدق عا بابي
انا قررت ما اكتب قصيده
لأنو الشعر سبب إكتئابي
القوافي بحسها بتفتح نهيدي
ومعاني بيوتها همي وخرابي
وكلما بيسرح الدم بوريدي
بركض اختبي وبحرق كتابي
انا من هيك ما بجيب الجريده
ولا بحب القرايه والكتابه
انا بهجّي همومي بكف إيدي
وتا ارضي ربّنا بضحي بشبابي
ولأنو الشعر سيدي وسيد سيدي
ما بقدر اقنع الفكره بجوابي
بخوابي طيبّه تعتّق نبيدي
وشو بعمل بالنبيد وبالخوابي
هدرت العمر مع سعدى وسعيده
شبّع نزوتي وفضي جيابي
وتا بطّل سكر ما بيطلع بإيدي
اعذروني ولا بقا تزيدو نهيدي
مدمن ع سما رب الخوابي