قصايد 2023 وارشيف

حظّك مفلّق
عا قد شوقي ليك..طمّني
صرلك شي خمس شهور ما دقيّت
زعلان يمكن بعتقد منّي؟
مبارح إلك دقيّت..ما رديّت!!
قلت يمكن رحت..مش بالبيت
بعرف أنا ولو شفتك بعيني
حدّك مرا..!ما في مرا بعينك
إلا انا ..والبينك وبيني
مش نص آخ وآآخ تلتينك
كل الدني بتشوفها بعيني
معزور ما بترد..بعرف ليش
زعلان منّي ..بس ساعة طيش!
سامحتك وسامحتني مرّات
بعد مرّه سامح..ومعليش...
ساعة تخلّي ..!! لأ ...؟ساعة طيش
حلّي بقا عنّي..ي كذّابي
يا ملوفكي ...وعن جد...نصّابي
ما عاد بدّي اصرف عليكي
عرفت الحقيقه همّك جيابي
من قبل خدتي حق سياره
وقلتي حبيبي بحبّك..توقّى
ما عاد فيي عيش بالحاره
قلت بركي بتعقلي وبرتاح
أمري لألله.. بجبلها شقّه
ومن بعدها ت عرفت؟ شو صاير
بعتي الشقه وخيّك النصّاب
شفتو بجونه سايق وطاير
سيّارتك ما عرفت شو الأسباب
ما كنت عامل للخيانه حساب!!
لا تجرّبي تدقّي ومن هلق
بقلّك عليكي ..بضل اتخلّق
كنتي أميره عايش واليوم
ما عاد ينفع حظّك مفلّق


شخص...جديد
ي ناطره مني اجي من بعيد
لا تنطريني دبّري مواعيد
ما عاد بدّي التقي فيكي
قررت انّي صير شخص جديد
ما عاد بدي التقي فيكي
ومعقول..إنساكي وما احكيكي
تركت الخياني وادبحت ديكي
وعامل عزيمه لكل اصحابي
هيده العزيمه...بس للتأكيد
عامل عزيمه لكل اصحابي
ولكل خاطي وعامل حسابي
بفرن الخطيه احرق تيابي
واطلع من الماضي واتطّهر
وانقل من جهنم عا طقس جليد
واطلع من الماضي واتطّهر
عليي ضميري صدّقي مسهّر
منشان ما ابكي واتقهقر
وحنّ ليكي وارجع من جديد
لا تتركيني قطّف عناقيد
آدم خسر جنّه..بمدة إيد
ما عاد بدّي شوفك ولا بريد
قررت اني كون شخص جديد


تقيل الدم
انا موجوع وغيابي قتلني
وحلمي عا ع مدا واسع حملني
وكتر ما كنت إلعب بالعواطف
الله ع دني آخي نقلني
دراجي عاليه ومن فوق شاطف
مسامح مؤمن الخالق جعلني
ورودي من سما الإلهام قاطف
بحكي الحق لو قاضي سألني
ما بعرف راوغ وإلبس معاطف
القط بطيبتي حتى أكلني
ولأنو العمر مني عمر خاطف
صرت تقيل ما بحمل أّذيّه
سميك الدم الله ما حملني



تركوني عيش أيّامي برواقي
وكفكف دمعتي ضاقت خلاقي
مقرر ما بقا اهجي لأني
الزعل ممنوع ..مكتوب بميثاقي
اعذرني با شعر لو بان منّي
حرف أو بيت أو يمكن تلاقي
قصيده بتجرح ..بّطّل بغني
وبدعي الكل يهجم عا عناقي
انا شاعر ما بقبل بالتجنّي
وبعمري ما كنت شاعر زقاقي
وفاقي بالمواقع غصب عنّي
ورفاقي بيعرفو طبعي الوفاقي
المشاكل بالزجل ابداع فنّي
التباعد حقد أعمى وانعتاقي
واذا بيحس شاعر بالتدني
يجي تا ارفعو ويصير راقي
انا بعرف كتار وهون منّي
بوارد قول تا جدد خناقي
عليي بيعتبو ببعض المواقف
بدهن حد منهن ضل واقف
وانا ما بحب يزعل شخص منّي
وانتو بتعرفوني يا رفاقي



توبة الخمسين
ي رب صبّرني ع أوجاعي
تغيّر زماني متل أوضاعي
عفت الغزل ما عاد فيي حب
حب حوّا ما ألو داعي
حوا جمر بعواطفي بتهب
منشان تحرق حقل إبداعي
ياما احترقت وكنت قادر..شب
واليوم عم اغفا على كواعي
عم نام عا وجي يا عالم طب
الإنسان لما يقطع الخمسين
بيصير قلبو للطهر ساعي
اخ
يا عمر بدّي ياك تفهمني
ما بعد ما الرحمن انعمني
بلّشت طلّق جهلة العشرين
ووحدو ضمير الذوق ألهمني
عندي مرا وولاد ومحبين
وما بحب طيش الحب يحرمني
من لهفة العيله وصرت مجبور
خفف الملح وخفف السمني
هههههههههه


رساله مفتوحه موجهه الى بدر حجاوي
يا بدر الطقس عا عمرك تغير
صرت بحقدك وهمك مزير
فش الخلق يا حج بقصيده
اذا ما كنت يا رفيقي مسير
انا وعدنان في عنا عقيده
الجفا من قلوبنا تنضف وطير
وعلى الإنجيل بقدر حط ايدي
ما عنا حقد لا تبقا محير
وبلا ما نزعل وننشر جريده
حلك تفهم وانت المخير
ومعك نفتح بقا صفحه جديده
تعا ننسا العداوي وحاج تحرد
محلك بالخوابي ما تغير
وصديقك بو علي الله يعينو
حمل حملك ودعمك من حنبنو
ولانك جوز للخالي هجانا
وحمل سيف التحدي في يمينو
بصواريخ روسيه اجانا
وضربني ويمكن توفى حنبنو
كانو نجم ماضي مع روتانا
احترمني واحترم هيبة سنينو
ومنا اعتذر فرقه كفانا
انا وعدنان قبلك دافنينو
بعتو يهاجم وفالق سمانا
وجوزه لخالتك محروق دينو
كفاك تشعل الفتنه بحمانا
نصيحة خي يا بدر المشاكس
واذا جرحك حدا وفقعك بواكس
تشكى للاداره وقول مينو


انا وعمي حسن والشغل تالت
الخوابي بتعرفو عنا شو قالت
بعد ما غاب عنها الكوثراني
نحو الحرب ها الأوضاع آلت
هههههه
ولانو ما بنستهو ي القناني
شربنا من سمانا الخمر فالت
وجيوش الكون يحكيها باماني
لا منو بتاخد الخط الشيوعي
ولا مني بفقش الموج نالت
اول فيقتي


بوسو بعضكم.
شبعنا يا بركان البكي حاجي بقا
واحمل بدر من منطقه عا منطقه
كلن من خوابي الزجل خمر انسقو
الا بدر علقم بموقعنا انسقا
قالو الجبال ببعضهن ما بيلتقو
كذبه كبيري في جبل فيي التقى
بدر اللي بيدق كان يلمع بيدقو
بلش حياتو بالكذب والبيدقه
ومن بعد منو كتار متلو بندقو
ونسيو بدمو اللوفكي والبندقه
ما توفقو ضلو بوهم يتعلقو
وهوي الزعيم الما اخد مره ثقه
عدنان عكو عينو تا يعلقو
ببحر الفراهيدي تا يتحمل شقا
تاري بدر بيغار ما بتصدقو
طنب عا عكو وابتدى بالحرتقه
ساعه يقلك بالوزن ما اجلقو
وساعه يقلك فاشل نكبو ارتقى
وعبيد تا يشيلوه يما حرتقو
وتهموه انو شر لحق المنفقه
دار الهجاء وكل شاعر يطرقو
اربع قصايد عا دماغو طرطقه
الدف انبخش كل الاحبا تفرقو
تا بحكمتي قررت حل المشكله
وبتعرفوني ما بحب التفرقه
٨ههههههه