حوار مع الحمار

موضوع: حوار مع الحمار الجمعة مايو 16, 2008 8:04 pm

كنت مارق وشفت حمار واقف بالطريق ومتل الكأنو عم بيفكر وصافن بها الدني حبيت احكي بالشعر هههههههه

يا حمار أنتي بتفهم وهنّي جحاش
ما بيفهمو تا وصلونا للكباش
راحو تا يتفقو عليناوعا الوطن
يا ريت منّك ياخدو حكمة ب بلاش

قديش زقّو من الغريب سلاح
وما استعملو عا حدودنا طلقة
انشالله يموتو وكلنا بنرتاح
ولا يعلقّونا بالحرب علقة

ويا حمار أنتي زينة الراحو
بتحمل عا ضهرك تا تعمر دار
وهنّي بيزقّو الموت ما ارتاحو
يحلّو بقا عن ضهرنا يا حمّار

شو قال الحمار

الحمار قلّي الجحش ما بيفهم كتير
بيحس حالو غير عن كل الحمير
ولولا عزمتو نهار عا زق الحطب
بيقول بقبل زق لكن للأمير

وهوني الأمير بينصفو وبيقول زير
منشان يكري عليه ب أمرو خبير
وهوّي تا يظهر جحشني بيحمل تعب
وبيضل جمعة ونص ما بياكل شعير

وقلّي اللي صاير بالوطن فتني وشذوذ
ما يفتكر أنو حدا بيقدر يفوز
هنّي عا سطح البدر عم يتنقلو
ونحنا بننقل كل مدة من نفوز

تابع

مشرف عدد الرسائل : 519 تاريخ التسجيل : 15/03/2008

ومن قبل ما تتابع كنت مارق
ذات الحمار بشوف ع مفارق
قلي وين رايح ؟ ورا سليمان
يما بعكسو ع الدرب فارق
===========
ياحمار قلتلو ماعنا حل
لازم بلدنا نتركو ونفل
قلي متل غيرك انت خلقان
ولبنان ابنو ان دشـّرو بيذل
============
ماعرفت فينا مين المغفل
وباب الحلول بوجهنا مقفل
وبالإنتخاب منبدىء التغيير
شنهق بصوتو وذينتو رفّل
============
قلي لا تفزع يوم من موتك
يما تجوع وما التقى قوتك
خاف تايغفى الضمير الحر
أو ترتشي وتقبض ثمن صوتك
===========
ورح خبرك مين القبض كمشة
ع الزور شاهد مارمش رمشة
ونص الشعب ع الفقر متلو صار
والا بقوة ودعس مابيمشي
===========
وآخر ماقلي عيش عيشةّ حر
ومتلي لاتبقى ولا تخبي سر
الله خلقني رهن للإنسان
وإنسان يللي بيرهنو انسان
مافي فرق بينو وبين الكر
============
وسعد الصغير القال موالك
متلو الحرف ياحمار غنالك
وبزعل اذا قلك حدا ياحمار
وكل الحمير بحب كرمالك
============

» حوار أديان
» حوار بحر الزجل وهيفا العنداري
» حوار الكيس شادي موسى وبحر الزجل
» حوار بين نتنياهو ولبنان وسفير ومرشح رياسي
» حوار بين الشاعرين نجيب سجيم ونجدي حاطوم