يلا يا محمد وينك

جهاد علاونة كتب:

سليمان كتب:: ما زالك بتهرب عا المعنّى***شو حاوجك تتحرّكش استنّى
نحنا ما بلّشنا بعد لا تروح***وعمار زاتو بعد ما غنّى

نفسّت يا دولاب عا المفضوح***وياما يا جوجو كنت متمنّى
تقدر تكمّل وبصدر مشروح***بركي بتاخد ورقتك منّا

عمار...؟جيجي شعورها مجروح***تأنّى دخيلك عا الهجا تأنى
بس الهجا يا جوجتي مسموح***ولا تخاف نحنا المبتدئ بنعين
وبالمستوى لو كان متدنّى

*****
قررت حد ملوك الله تعتلي***وما حسبت إنك رح بتحمل بهدلي
عمار وسليمان أول مرحلي***خلوك يا هربان بديار البلي
وما زال ما عندك مواهب كاملي***لو جبت بحر المعرفي ما بتنتلي
وتا تصيرعنتر عا المنابر يا جهاد***عنا شرط...؟مجبور تحمل محدلي

***************
وهلق يا ليلى الهريبي تلتين المراجل ههههه شو بلا تحيز اعلني اول نتيجة غير رسميي

واذا ما حمل المحدلي بنشلحو العروس هههههه

هلّق يَ كرسة منبري العالي اخجَلي = وِمْن الخَجَل ضبّي غراضك وازعَلي
لو تقبلي بهالمستوى وتتنازلي = بيومين قاع الأرْض يِمْكِن توصَلي
*** = ***
يا شرذمة تمنّيت انّك تعقَلي = وتبطّلي نطّ القرود والولولة
عم ترقصي وتزغلطي وتعلّلي = " فزنا .. وصلنالو . ربحنا المرحلة "
بعدك محلِّك كيف بدّك توصلي = للشكشك نجوم السّما عْقود وحِلي
*** = ***
يا رَيْتني بعْرَف شُ هِيّي المحدلي = اللّهجات يمكن بالبلاد مبدّلة
عا كلّ حال المحدلة مش مشكلة = يَ بيوت معتادة معاجِم تحمِلي ؛
رح حمّلك ياها يَ سممسمنا الولي = وشيلَك على كِتْفي وزِتّك بالبِلي
*** = ***
و عن غشّ لا تحطّ الهَرَب شيمة إلي = من مين بدّي أهرب ودمّي غلي ؟
حَبّيت جرّك عالمعنّى ونختلي = منشان نوّعلَك صْناف البَهْدَلة
ولو قلتلك دور القصيدة منجِلي = طَمّنت فيك عروق شِعْر مدلّلة
متل الحَكيم الدَقّ إبْرة كاملة = طويلة بجِلْد مْريض بَلْوة مبتِلي
تَتْهون عا راس المَريض المَسْألة = لمّا صراخو من البِداية يِعْتِلي
بيطَمّنو بكلمة " خلصنا " ، والحَزِين = مَ بيعرف الإبرة كتييير مطوّلة !

شو المحدلي ما فهمت يا شب الحلو***دخلك يا ليلى شرقّيلو بالدلو
ما أبيخو ما أسمكو ما أتقلو***مفكّر اذا حامل شهادة بنقبلو
عمّار وسليمان عا النت اعتلوا***شبكة من الأرهاب كمشو وعطّلو
يا بيعترف قدّامنا مين الرئيس***يمّا عا كرسة كهربا رح ننقلو
***********
لوما الأشاوس يا حلو يتدخّلو***كنّا ل جلدك بالعصا رح نسألو

وطلب خاص من الأنسة ليلى تعرفلي جوجو شو المحدلي لأنو انا رح قلو شو هيي بطريقتي ههههه

في محدلي بالشعر خليها ألي***هيدي الوحيدي بس بدها مرجلي
ومنشان بالتطبيق تفهم يا جهاد***تأمل براسك هيك شكل المحدلي

مازال مابيعرف شو معــــــنا المحـدلي = عنك اسمحلي فهمو وسيـبو إلي
ويامحدلي سيري وعلى دروبو إحدلي = وخلي الروس مقطعة وموصلي
وقديش فيها جدنا عن مرجـــــــــــــلي = يحدل وتحت الثلج الف محـاولة
وفي محدلة ترويكا بسياسة مخــجــلي = بيستعملوها حلف عند الطـــاولة
وتانقول ماعرفتا ونفسك جاهــــــــلي = سليمان وضحلك حلول المـسـألة
واعزب اذا بعدك في عندك مشكـــلة = وافضل تفتشلك ع وحدة ارمـــلي
لا الجرن قادر تعمـدو وتآخذ عروس = ولا المحدلة بتقيمها زور الـبــلي
============================
بنطلب من الأب حنا يوضحلنا شو معنى المحدلي كمان اذا بيسمح
*************************************

» وينك خيي حسن
» وينك يا ياسين
» وينك يا عمو امطانيوس ؟؟؟؟؟؟؟
» وينك ي هاني؟؟
» وينك ي سليمان؟؟