التعليق عاالتحدي علي وجهاد

بناء على طلب الشاعر علي عامر نفتح ها الصفحة للتعليق
بس بنطلب من مشرفتنا المميزة تنقلناالحدث من ارض المعركي يعني بنتمنى
من الآنسة ليلى تنقلناالتفاصيل من الصفحةمباشرة والوحيدة تكتب من صفحةالتحدي
من جهتي بقلو لعلي بدايي كاسحة

نشكر العزيز استاذ هذا المنتدى العريق سليمان على هذه اللفتة الكريمة، وسأكون عند حسن الظن، منتظرة الرد لنبني على الشيء مقتضاه.

اهربوووووووووووووووووووو
الله وكيلكو يا جماعة حاسس وهج القصايد ياللي عم يحضرها جهاد من هون... حتى الكمبيوتر ما عاد اشغل مليح من كثر الحم...
انا والكل نااااااااااااطرين الرد يللا يا جهاد

هلا بيك اخي محمّد

شو شايف صاحبك مش مسترجي يرد

او انّو لحد هلّق عم يستعين بصديق

ع كل حال موفق من كل قلبي

والله يا خيي علي.... ماني عارف شو بدي اقوللك
بس الله يوفقك انت برضو
بس دير بالك مليح من جهاد......
جهااااااااااااد وما ادراك ما جهااااااااااااد......

وبخصوص انو متأخر بالرد اكيد في شي اخرو غصبن عنو واللا لولا هيك كان صرت شايف شلال القصايد نازل
على كل حال شوف خوابي النبيذ قديش بيطولو ل حتى يعطوك نبيذ طيب.....

تحياني.....

البرغوث ي محمّد م أثّر بالليوث

بغابة قوافي والمعاني جبالها

والخنث بالأطهار ما حبّ المكوث

وينو جهادك بين بطش رجالها

طول بالك يا عامر == القصة صعبي ما تغامر
رح يوصل خيك جهاد == وقصايد مش عالخاطر
---
بدنا قصايد تا تجود== تحصن وتقوي الحدود
وما تنسى المتل شو قال== البعوضة إذيت لإسود

" إن البعوضة تدمي مقلة الأسدِ"

طول بالك يا عامر == القصة صعبي ما تغامر
رح يوصل خيك جهاد == وقصايد مش عالخاطر
---
بدنا قصايد تا تجود== تحصن وتقوي الحدود
وما تنسى المتل شو قال== البعوضة إذيت لإسود

" إن البعوضة تدمي مقلة الأسدِ"

حلووو

بس المشكله انّو بيقعد ايّام ع الردّه

بدنا رجال يا عمّي

copilo كتب:: طول بالك يا عامر == القصة صعبي ما تغامر
رح يوصل خيك جهاد == وقصايد مش عالخاطر
---
بدنا قصايد تا تجود== تحصن وتقوي الحدود
وما تنسى المتل شو قال== البعوضة إذيت لإسود

" إن البعوضة تدمي مقلة الأسدِ"

يا كوبيلو أيّا أسود = هاي العَم تحكي عَنْها
لا تغشّك زعقة لقرود = وعا قيمة لا توَهّمها
بْغِيب شْوَيّ شْوَيّ بْعود = ولولا النّاس البَعْرِفْها
بستَكْتِر ضَيّع لردود = عا شِخْص بهَيْئِة عامِر

علي عامر كتب:: طول بالك يا عامر == القصة صعبي ما تغامر
رح يوصل خيك جهاد == وقصايد مش عالخاطر
---
بدنا قصايد تا تجود== تحصن وتقوي الحدود
وما تنسى المتل شو قال== البعوضة إذيت لإسود

" إن البعوضة تدمي مقلة الأسدِ"

حلووو

بس المشكله انّو بيقعد ايّام ع الردّه

بدنا رجال يا عمّي

صَفْحِة التّعليق فَتْحوها = للمعركة وللي بحيّوها
مش تا تجي تكتّر حَكي مدسوس = عا ناس شعراتك بِحِلْقوها
وَقْتي ملان وكيف متلك سوس = نِيْران فِكْري قَدْر بِعْطوها
و شو مالك بجَوْلة معي مهووس = شَنْبَاتَك بْمِجْهَر مَ شافوها
يعني شفت حالك ع منبَر روس = من بَعْد عيشة خمخمة وذناب ؛
كتيرة على الحَشْرَة يطسّوها ؟ =

يا كوبيلو أيّا أسود = هاي العَم تحكي عَنْها
لا تغشّك زعقة لقرود = وعا قيمة لا توَهّمها
بْغِيب شْوَيّ شْوَيّ بْعود = ولولا النّاس البَعْرِفْها
بستَكْتِر ضَيّع لردود = عا شِخْص بهَيْئِة عامِر

صَفْحِة التّعليق فَتْحوها = للمعركة وللي بحيّوها
مش تا تجي تكتّر حَكي مدسوس = عا ناس شعراتك بِحِلْقوها
وَقْتي ملان وكيف متلك سوس = نِيْران فِكْري قَدْر بِعْطوها
و شو مالك بجَوْلة معي مهووس = شَنْبَاتَك بْمِجْهَر مَ شافوها
يعني شفت حالك ع منبَر روس = من بَعْد عيشة خمخمة وذناب ؛
كتيرة على الحَشْرَة يطسّوها ؟ =

يا ريحة جراثيم فلتانه = شبعنا نقص منّك بالغناني

عا صفحة التعليق جايي زيز = جوجو بصدى عاري من المعاني

بخلعو بخصر ملووق هـ الهزّيز = بحالو قرادة طيش جربانه

ولو ما مشي في جولتي بتركيز = وضلّ يكسّر ويعجن حروفو

ابعتولي خصم صاحب قدر شوفو = مش شرشوح ومعمّد خيانه

والله يا شباب عن جد شي ب بيّض الوج من جهتي عجبني علي عامر كتير مع انو جهاد عندو شي حلو
بس ليش علي عامر لأنو نقل نقلي نوعّية ب شعرو وبالسبك شي ممتاز
شوفو ا هون

شغلك وسخ جرم الصطيفي بإعتقاد = ما في عقيد يرد تدجيلك ع واد

وبتضل يابس من عفارة منطقك = وفوقك ندي الإبداع عامر انتقاد
اما هون رهيب

يا هـ الدّني دموع بجهادك كفكفي = من حيث عا خدّو ت يربى كف كفي

وراسك توقّا تيبّسو بالمعرفه = بخلّيك سروالك تبلّو يا وفي

شو ها الزيادة الحلوي
اما هون بعتقد الضربة القاضية

موجو الوفا ونفسك بسرّو ضايعه = وربّ الشعر قدّم لروحو مبايعه

وترابنا اللي تبلّل بدمّ النضال = لا تنسبو لبقوة فراطه صايعه
شو يا ليلى هل انتي من رأيي ام لا وشو رأي الشباب المعركة بعدا بأولها
جهاد كمان روعة مش عم قول شي
وخصوصا بالافتتاح
الأجا عا منبري يمدّ المخالبِ = الأجا يرمي على البركان كازو
الأجا منّو لحالو الحَرْب طالب = وعِد قدّام هالنّاس الكَريمة
إلا حَرّمو يِفْتَح جهازو =

شي حلو وتحدي بكل ثقة
برافو جهاد هون بدّعت
اما هون جنيت على حالك من هيك علي ما رح يرحم صدّق فوّرت دمّو ويمكن احرقتو مو هيك يا ليلى
بدّك زيادِة حَمّ قَبْل تْنام = وأدلق ع راسَك معلقة روبة
تَ تصِير يا مايِص لَبَن رايِب =
ناطرين اللبن او القريشي الشعريي

وبعتقد انو علي عامر بدو يروّبك هههههههه

لا شك يا أستاذنا الكبير سليمان أنه لك باع طويل في الشعر لا يبزك فيه شاعر مهما كبير وعلا شأنه، ولكن لنا في سجل المعاني صولات وجولات، وها نحن نرى جهاد يصول ويجول فترتعب لصهيل خيله الخيول، وعامر إذ يركب أعلى خيله، تتسابق الفرسان لتقول يا ويله.
أنظر معي يا سليمان إلى هذا البيت المزلزل للشاعر الكبير جهاد:

"لو عارْفَك من قسوتي بِتدوخ هيْك = مَا كُنْت عَلَّقْت الملاقِط في ذِنيك"

تصور هذه الصورة الشعرية والصورة الكاريكاتورية الذي رسمها جهاد لخصمه

ثم أنظر إلى هذا البيت الذي لا يأتي به شاعر عادي:

" تْمرْمِغ جْنَابَك عا نَشَاف ترابنا = وِتْزيل كل شي مْن الوَسَخ عالِق عَليْك "

انظر كيف جمع التضادات في بيت واحدة ( تمرمغ) تفيد الوساخة، التراب أيضا، ثم تراه بدأ يقول " نزيل كل شي من الوسخ عالق عليك" فكيف وفق بين النظافة والمرمغة والتراب?!!
للوهلى الأولى يظن القارئ أن جهاد وقع في الخطأ، وأضاع بوصلة الدرب، ولكن هذا ليس صحيحا، بل إن جهاد أخذ كلامه بعدا فقهيا، حيث عند الضرورة الملحة، وخاصة مع فقدان المياه، يصبح التراب ضرورة ملحة " للنظافة"،
وأنا متأكد أن الشاعر على عامر فهم قصدي.

جولة موفقة يا جهاد

ملح الشعر خدّر ببطشو الأوّلي = ألفين عا شكلك بثوره وزلزله

وبالأكل ملحك بلّلوه المسأله = تا معدتك م تحدّها كل بلبله

وخبزك تبلّل وقت حشره وبهدله = بجور السرق خيرات بلّلها علي

افهم كلامي الحكم ناشف ع الولي = ومش بس عا شرشوح جوجو القلقله

من هيك عقلك بل بالشعر الرطيب = ولا بالنشافه الوهم يعمل مشكله

حلوووووووووووووووووو وهلق يا ليلى ما في شك الضربة القاضية
والله يا علي بيّضتا

سليمان!؛. مثل ما قالت اختي ليلى لا شك انو الك باع طويل بالشعر وما حدا بيقدر ينكر هالشي... بس بالنسبة ل ردودك بهالصفحة... تضرب على هالذوق................... "والفهمان يفهم"...
****
جهاد نحنا معك قلبا وقالبا انشاءلله..... وما بعتقد انو حكي سليمان من قلبو.. اما هوي ضدك وما بهم مين خصمك... اذا هوي ما قاللك اياها انا بقللك اياها............"والفهمان يفهم"...
****
جهاد بعرفك كبير وبعدك كبير ورح تظل الكبير.... بس الكلام الموجه الك بطريقة غير مباشرة من "بعض الاشخاص" طالع من غيرة ومن حم لو بخليه وما بنشرو يمكن يموت او مدري شو بصير فيو... "والفهمان يفهم"...
على كل حال خيي جهاد تعليق اختي ليلى كان بمحلو... واضح... وصريح... وانت بتعرف انو انا وقتي ما بسمحلي اقعد عالكمبيوتر اكثر من هيك واللا كان انا الثاني نزلت رد مظبط... بدي احاول اطبع الحوار واخليه معي واكتب عليه نقد بنَّاء.. ما بوعدك بس بدي احاول... موفق يا جهاد... وياللي كسَّر روس "الكبار" ما بعتقد يصعب عليه حدا مثل علي عامر... مع احترامي الك خيي علي بس جهاد وما ادراك ما جهاد..."والفهمان يفهم"...

ومثل ما قالو بدعاية باب الحارة الجزء الثالث "اذا ما كبرت ما بتصغر"......."وخلي صهيل الخيول يوصل للسما" والفهمان يفهم"

تحياتي....... محمد خطيب

aaaa

هلّق بدي أوّل صفير العاصفة = دمّك نِشِف بعروق نذلة خايفة
عْرِفْتَك غَبي مش خَرْج شِعْر وفَلْسَفة = وْلا خَرْج جَولات العِلِم والمعرفة
ممكن توضّحلي شُ " شرع الصّفصفة " = وشو متلها مليون كلمة محرّفة ؟
عا قدّ ما بهدلتك لساني حفي = وبَعْدَك ع ذات الدّرب ناسس بالخِفِي
بحدود شي عشرين كلمة مصنّفة = لو أمنَعك عَنْها قصيدَك بنطِفي
بتلِمّ جملة مكسّرة ومتطرّفة = وألفاظ من صنعَك ركيكة زايِفة
وكلّك صوَر متشوّهة ومتكلّفة = شي مكرّرة شي مموّهة شي مقرفة
بَدّك شَهَر عا قطب أبْيَض تنتفي = تَ تتّوب تعمَل بالمعاني لفلفة
ولو شِفت وجهَك عاد لا هون ولِفي = بَدّي تَ خَلّي الكلّ ضاحِك مشتفي ؛
أفْلَخْلَك نْياعَك وتمّك أفْتَحو = وزقّلّك خيارَة طْويلة ناشْفِة

حلوووووووووو يا جهاد، قصيدة موفقة

شوووووووو يا أستاذ سليمان لونتن بالأحمر تا ما تمرق علين مرور الكرام.
تأمل وشووووووووف، ضرب الكفووووووف
تحية يا محمد

وت تضحّك التلفان يا ( شابلن ) قصير = بدنيا الدعابه ما منعرفلك نصير

وخيارة اللي معوّد عليها تشير = وتقول هيدا مطلبك وبحضن زير

عن تم او عن خد لا تحدّد مصير = حيثك بأدنى مستوى وجرحك خطير

تا توصل الوحله بحضيض جهنّمك = بلكي تبلّك تنشلك دربك تنير

رهييييييب يا علي والله يا محمد ما بشهد الا للحق جهاد جني عا حالو
ويا انسة شوفي هون صورة مضحكي واكتر من شابلن في صور كريكاتوريي ما بعتقد

وت تضحّك التلفان يا ( شابلن ) قصير
يا عيني عليك يا علي
امّا هون ولك رووووووووووووح الله معك

شو علّقك ما بين ديي وصخر جير = بعلمي عن الجوره عم تحيد الحمير

بس يا علي قسيت عليه كتير
والله يا محمد مع انّي بحبك تضرب عاها الذوق ولك يا زلمي مانك شايف شلال الوحي
نازل فوق علي عامر
وبالنسبة لجهاد انا بحبو رغم كل شي بس شو بقدر ساعدو جني على حالو خخخخ

ولعت يا شباب، شو هالرد الغير شكل يا علي، اسمحلي عزيزتي ليلى، هل العلي مصارع من الوزن التقيل.
آه يا علي آه
وشو هالخاتمة المزلزلة
"وطراد لا تذمّو ت تبقى تستجير = بخمسين شاعر متل أخطل أو جرير"

مممم
مطوّل بهالمهزلة ؟
هههههههه
شو انت بتمثّل وبتجابه ومن هون لهون وأبصر شو !!!
ع ميييين يعني ؟
؟؟
تحياتي للاخت ليلى
ولأخوي محمد خطيب
وإلك يا كوبيلو ..
منيح انو عجبك شعر علي >>
بس يعني كان بتقدر توخد بيت تاني كمثال غير هالبيت اللي نقيتو
يعني في كتير أبيات أقل سوء وضعف منّو
ههههههه
يلا منيح منيح
شاطرين

الله يصبحككم بالخير
أول مشاركة تحابب حابب أوضعهاهني انا لستو ب شاعر محترف بل شاعر اصيل
وما بدي علي يزعل مني اذا ما كنت من جهتو حبيت جهاد بعد ما كنت متابعو
ب غير منتدى وخصوصا قصيدة الحمار يا ريتو بيكتبا هني

أفْلَخْلَك نْياعَك وتمّك أفْتَحو = وزقّلّك خيارَة طْويلة ناشْفِة

هني صدقوا يا جماعة الخير زرنقت بتيابي شو ها التعابير المهضومي
وكمان عجبتني المشرفة ليلى وكوبيلو كتير وها المنتدى كتير متابعينو عنا كتير
والله يوفق كل البيحب الجزل ولا تواذوني

لا يوجد تعليق

» صفحة التعليق على الشاعرين جهاد وشامخ
» التعليق بين بو زكي وحسّان
» صفحة التعليق على المحاورة بين شامخ ومحمد الخطيب
» التعليق ع التحدّي = محمّد وسليمان
» صفحة التعليق بين كامل وأميل حنا كرم