صفحة التعليق على المحاورة بين شامخ ومحمد الخطيب

شاعر من فلسطين عم يكتب درر
وجايي عا قلب المنتدى بأجمل صور
انشالله المعارك بالشعر تعطي ثمار
واللي بيهز شعورنا بياكل تمر

وشامخ متل زير القصيدة بالحوار
وعندو مع محمد بمشتى العز تار
ضلو معي نستمتع بأجمل تنين
ومين البراءي الناس حقق أنتصار

يلا يا شباب كل واحد يعلن تحيّزو لجهة مين

شكرا كثيييييير خيي سليمان على هالصفحة اللي كان لازم تنفتح من زمان...
بس بدي اسالك انتي مع مين؟؟؟؟

بيوت الشعر الفوّاشي***قماشتها غير قماشي
ما بتقدر تعمل شعّار***ولاب عصر النهضة تماشي

رح اتحيّز للأشعار***وكل الّي ب يكتب ردّي
وشامخ حدي بغربة صار***ولا يفكر لولا حدي
رح اتحيز للشعّار***القدرت بالعركي تهدي
والّلي راسو بشوفو طار***بجبلو على حسابي شاشي

--------
ويا محمد ما تخلي رصاص***بصدرو لشامخ ادرز درز
ومنّي بكتبلك عا الخاص***وبقلّك ما عندي فرز
تلّت رباع وخمس نصاص***أنتي وشامخ متل الأرز
ولكن خايف من قنّاص***ابن العكاّري حسان
البلخردق جفتو حاشي

اخي محمد لا تحرجني مع عدوّك شامخ فهو صديقي وبييو حبيب القلب وعايش هون بفنزولا بس بدك للدغري ها المرّة محشور معك كتير ههههههه لا تزعل يا شامخ محمد قال شي حلو وبلا مجاملي وْبِيجُوز نُقْطَة تْعَكِّر البَحْر الصَفِي = وْتِتْجَرَّد حْرُوف اللُّغَة مْنِ المَعْرِفِة
لَكِن بِدِنْيَا القَافيِة مْحِمَّد خَطِيب = "طْوِيلَة عَلَى دَقْنَك" يرُوح وْيِخْتِفِي

شي حلو كتير وكمان يا شامخ انت كاتب شي حلو

بدك نصيحة روح يا مغرور نام.....نومة أهالي الكهف وطيور النعام
وشايف اذا عا الشمس بنفخ يا خطيب.....بتصير بفلسطين تشعر بالظلام
بس قسيت عا محمد حرااام
يلا يا شباب متابعين

شو حلوي هالقوافي +++++ بعضا عا بعضا بينقاس
بدي قلن عوافي +++++ أرهفتو فينا الاحساس
المعني يا شامخ كافي +++++ ويا محمد عندك أساس
بدي اشرب عالصافي +++++ كاس الحسان الشاعر
واسكر من أشعار الكاس

شامخ و محمد...يعطيكن الف عافية حوار شيّق من أوّلو

بتمنى تتابعو هيك

مشكورين كل اللي حطو ردود.... وعلقو عالحوار ونحنا منكبر فيكو....
بس يا اخوان يا ادارة كتبت بيت بردتي الاخيرة وهوي مش ع القافية يا ريت لو بتمرقولي اياها هالمرة....... بعد ما نزلت الرد انتبهت.... بطلب من الادارة "سليمان" انو يحذف البيت.....

لا نخاف بيتك صار بجهنم***وبتضل شاعر مركزك عالي
هفوة شعر بتصير بالمعجم***المهم تبقا تبعت رسالة

حلووووووووووو يا محمد شي مميز والله وهلق ناطرين شامخ شو بدو يرد

انا آسف يا جماعة ع التاخير بالرد!! آسف خيي شامخ.....
ما تواخذونا بكرا انشالله بفوت وبنزل الرد!..........
عذري اقوى مني بس مش مهم قلوبكو كبيرة وبتتحملونا.....

تحياتي........ محمد خطيب

شي حلو والله يا محمد يا دلك يا شامخ شو بدو يكون جوابو يا ترى نحنا ناطرين الرد تا نشوف شامخ اذا بعد عندو اعصاب تحملو
وشوفو محمد هون بالضربة القاضيي
ألِف شَاعِر قَبِل مِنَّك تْنَسَّر = عَلَى قْبَالِي يَ شَامِخ، وِبْجَدَارَة
كِل وَاحِد رِجِع دَفُّو مْكَسَّر = عَ رَاسُو كِل مَا شَنَّيْت غَارَة
يا عيني عا الشعر
وهون لزة الشاعر وقت بيضل يقصف بس عا الموضوع شوفو
وْبِهَالدِّنْيَا الوَسِيعَة لَو تْعَمَّر = بُرْج وْمَعْبَد وْهَيْكَل عِمَارَة
لَو مَ مْهَنِدْسَك عَ الشِّغِل أشَّر = بْتِبْنِي الطُوب مِن بَعْد اْلِقْصَارَة

حلووووووووووووووو بس شامخ ما رح يسكت ههههههههههههه بس عم ياخد حبوب ضغط أكيدي ههههههههههه

الحقيقة يا شباب استمتعنا بمحاورة من العيون وقصيدة شامخ مهمي وكل يوم عم بيحلق بالجو وكلنا يا شباب بلشنا هيك المهم الواحد يضل يحلق
وهلق تا نشوف مستوى الشباب بالعتابا انا بعتقد انو محمد امتن لأنو مش سامعين شامخ بالعتابا
بدنا نقد الشباب بلا تحيز هههههههههههه

مسا الخير!! سليمان ليش الواحد ما فيو يعدل مشاركاتو.....
كتبت ردتي وبعدها اجيت بدي اعدل ما اقدرت يا ريت تلاقيلنا حل لهالمشكلة......

تحياتي

و الله يا شاعرنا لكبير شتغلت مبارح كل الليل و ظبتها لعيونك انت بس امرني
على راسيي

ايلي المدير التنفيذي

يسلمو ايديك يا خيي والله يقدرنا على رد هالجميل.........
تحياتي..... محمد خطيب

التعديل حطيّناه كرمال الشباب ***واللي في عندو أي فكرة تنطرح
عا شرط بدنا شعر خالي من السباب***وممنوع أييا شعور شاعر ينجرح

نحنا عيلي وحدي شباب خليكم قاسيين بس ضمن الحدود واشتقنا لأبو زكي وكامل واميل شو يا شباب
بتوقفوا عا المسافات الطويلي

الشبيبة فضّلة عام الدراسي****عا بحر الشعر مرمية المراسي
شبيبة للعلم رهنو المقالع****الشهادة بتجلب بنخوة الحماسة

الله يقوّيهم للشباب وانشالله بينجحوا.

» صفحة التعليق على المحاورة الراقية بين سليمان وعمار البراضعي
» صفحة التعليق على العركة الزجلية(حسان&شامخ)
» يللا يا شامخ.......... خطط طريقك...
» صفحة التعليق على صفحة "صيف الضيعة"
» صفحة التعليق على الشاعرين جهاد وشامخ