وينك ياينبوع !!!

مشرف عدد الرسائل : 519 تاريخ التسجيل : 15/03/2008

سليمان وينك طل ياينبوع = خدك عرفـــــــــنـا للقتل بيجوع
جايي الحرف يفرك مناخيرك = كلما فزعت مـنو طلـبت خشوع

تأهب قبالو واترك سريـــرك = حاجي غفا حاجي كسل وخموع
صلّي ياسلــــو ربنا يجـــيرك = من حرف مابيرحم طفل دلّوع

العركات عم تنسا بمشاويـرك = واعلان شعرك بالدنــي مقطوع
ولابتكبر بزقفةّ جمــــــاهيرك = ولا صار قد الحرف ليك جموع

تفضل تعا ع حروب تعثـيرك = تانشوف مين بهالزجـل مسموع
ع إيد حرف الشعر تـــدبيرك = تاعلمك كيف الشعـــر والحرب
وتصير قد الحرب ياطرطوع
===========
يلا شد همتك تاشوف !!!!

انزلي ياملهة شعري الفريدي = بلكي بتقنعي مخوخ العنيدة
انتي بتعرفي البشعر قـــــــدّم = قــــوافي مبكلي منو مفيدة

ياحرف الآدمي إرجع تـأدم = قبل ماتهاجم رفاق العقــيدي
عنا رصاص متفجر مدمدم = مابدنا ياحرف توقع طريــدي

انا وبو شربل برتبة مــــقدم = ملوك الشعر ببيوت القصيدة
عملنا للزجل موقع تقـــدم = على مواقع قديمة وع الجديدة

سهرنا الليل نقشع مين هــــدم = وبإيدو نعمّر سـوية وبايدي
ونقلنا الشعر من سوق المردّم = تاما يغادروا الشعرة اكيدي

وقبل مالقرقش كواعو تنـــدّم = عطينا الليل انوارو السعيدة
نراقب حرف والحرف المعدم = بدل ينبـوع ياجربوع راقب
رقابات الصحافة ع الجريدة
===========

الينبوع ناطر تشرب التهذيّب***وتصير شاعر ناعم وحسّاس
بلاقيك يا حرّوف متل الديب***غدّار ما عندك وفا وأحساس

عمّار قلّك ها السفاهة سيب***ورجاع لينا وطيّب الأنفاس
ولا تضل غايب هيك مهما تغيب***بيضل موقع شعرنا ...؟عا الراس

عيبي عليك تفوت للتخريب***عا منتدى خد البلاغة باس
القضبان معنا هون للتأديب***براسك حرام يروح ضرب قواس

شعراتنا من الهم عم بتشيب***وأفكارنا بتضوي بليل الكاس
وعمّار وسليمان عطر وطيب***وشمعة قداسي عا الزجل بتدوب
قرّب لعنّا وخود منّا طيوب
كلما يا حرف بتعلن الأفلاس
ههههههههههههههههههههههههههه تعلم كيف الورد والعطر بيعطر جو المنتدى رح طقك
بغير طريقة من هلق ورايح يا من بوع ههههههه

مشرف عدد الرسائل : 519 تاريخ التسجيل : 15/03/2008

عجيبة كيف ياسليمان زاحف = مع عمار تحكي بشعر ناحـــف
حرف بالشعر نمر الارتجالي = وانت واياه مشيتكم زلاحـــــــف

فزعتوا تطلعوا سوية قبالي = وكفنّكم سوا بشرشف ملاحـــــــف
لحقتوني على منبر خيالي = وع انترنت ياما رقاب كـــــــاحــف

وانا بالمنتدى بدر الليالي = حروفي تصوروا ايـــــــةّ مصـاحـف
ووقت مابريد وبيخطر ع بالي = بضيعكم بموضوعي وحروفي
وبتحفاتي اللي فيها النت تاحف
============
واذا تهذيب ناقصكم وهيــــــــــبة = بلـقــنكم درس لا تقول عيبة
العيب عليك جاييني تــــــــــعاتب = وعيب الفيك عم بتعد عيبي

وبمطرح مالحرف صفحات كاتب = جلـلـها الوقــــــار بكل شيبة
قبالي مابقــــــــــــــــا تعلوا مراتب = او تحـكوا بقفايي بكل غيبة

انتوا بتقبضوا من الشـــــــعر راتب = وحفلة بتـعملوا تعبوا الجيبة
وخلقني ربنـــــــــــــا بأعلى مراتب = بنك للشعر والتهذيب حتى
الوحي بيصيبني بالعين صيبة
============
يكون بعلمكم الحرف رب من رد ومين تحدى واعلى خيولكم ركبوها
وتعلموا كيف الطق ع السريععععععععععععععع
هههههههههههههههههههههههههههههههههههههههههههههههههههه
===========================

'تأهب قبالو واترك سريـــرك = حاجي غفا حاجي كسل وخموع'
....
'تفضل تعا ع حروب تعثـيرك = تانشوف مين بهالزجـل مسموع
ع إيد حرف الشعر تـــدبيرك = تاعلمك كيف الشعـــر والحرب
وتصير قد الحرب ياطرطوع'

أف أف أف تحدٍ قوي... وماذا بعد!!!!!!!!!!!!!!!!!!!!!!!!!!!!!!!!!!!!!!!!!!!!!

"انزلي ياملهة شعري الفريدي = بلكي بتقنعي مخوخ العنيدة'
في هذه القصيدة لو اكتفينا فقط بهذا البيت لقلنا أن " المكتوب يُقرأ من عنوانه"
فجاءت قصيدة حرف قوية وردها متمكن، ننتظر رد سليمان
وأكتفي بهذا الموجزالبسيط من الرد لإنشغالي الكبير بأعمالي في الخارج، ولكنني سأتي على عجل فلا تطمئنوا

مالك دوا ألا ما ايدي تبوس***وتدوق قتلي كويّسة منّي
وتتعلّم الأبداع يا منحوس***وتشرب من الينبوع ...!!!من فنّي

الخلّاك معنا بمنتدى ...؟مرؤوس***بيقدر بي قلبك يزرع العنّي
ياما أبو شربل مكّسر رووس***وليلى بتعرف سامعا عنّي

قرّب يا أبني وخود منّا دروس***عمّار وسليمان ..؟هوّ...!!!هنّي
ملوك المواقع حاملين كؤوس***وعاالنت ألهن...!!! بالشعر طنّي

بتضل نافش متل شي طاووس***تحلّق مع العقبان متمنّي
ونفسك رخيصة بتنشرى بفلوس***بتبيع الله ...!!!بترهن الجنّة..؟

نحنا بموقع للزجل مدروس***بنزرع الورد العطر بنجنّي
ويا حرف رحّني ضلّني كابوس***وما اتركك راسك قبالي تقبّ
تا يصير شعرك مستوا فنّي

تعلّم يا عيوني مش العاقة تشمّر عا زندك حك جمجمتك وهات تا شوف ههههههههههه

لقد تثنى لي اليوم بعض الوقت فاستعملته لتصفح الموقع الرائد في والأدب والعلم شعرا ونثرا.

ونبدا مع هذا المطلع القوي:

" مالك دوا ألا ما ايدي تبوس***وتدوق قتلي كويّسة منّي
وتتعلّم الأبداع يا منحوس***وتشرب من الينبوع ...!!!من فنّي"

ومن ثم

" قرّب يا أبني وخود منّا دروس***عمّار وسليمان ..؟هوّ...!!!هنّي
ملوك المواقع حاملين كؤوس***وعاالنت ألهن...!!! بالشعر طنّي"

إلى أن قال سليمان:
" بتضل نافش متل شي طاووس" وهنا حبذا لو أفهمه حرف قيمة الطاووس الذي هو من أجمل الطيور، والذي ينسب اليه " الكنفشة" يظلمه لأن الطاوس قدم ما عنده، هيا يا حرف أقلب الطاولة على رؤوس الجميع، فهذا الشاعر الذي يُدعى سليمان هو من " فحول" الشعر وجهابذتها فلا تدعه يأخذ مجاله كثيرا وأنت لها، وكن " حديدان" لأن القائل يقول: " من للميدان غير حديدان" ولا تدع القول ينقلب ويصير " من للميدان إلا سليمان" ها ها ها.

مشرف عدد الرسائل : 519 تاريخ التسجيل : 15/03/2008

حرف القوافي الماخشي ميدان = قــاضي بعدلــو مرجـّــــح الميزان
رجح الكفة بعدل ميزانــــــــــو = وعـــــــانـق خيالو قبـــــةّ الميزان

وكلما بطش في سكب قصدانو = بيسمع بيقولوا هون خصمو كان
طبـّش الروس بحرب ميدانــــو = وغيرو ماضل بساحـتو حديـدان

وعمار لو نادى سُــليمانــــــــو = وبوس الأيادي بيطلب النســـيان
ع الدقن ضحكة وعيب ينهانوا = والمطرقة فوق وتحت ســـــــدان

وع سيرةّ الطـــــاووس ولوانو = الفكّر بنزع الريش والألـــــــــوان
ومر الحكيــــــــم القال منشانو = قصة حكيمة بتتركو منـــــصـــان

وهيكي الحرف بشعور وجدانو = منك ياليلى بمنـتـدى الوجــــدان
قصدك قبل تايـربـح رهــــــانو = وبالنصر حتى يطمّـن الأخــوان

لو ألف ضدك ياحرف كانـــــوا = ومعهم لهب عــــمار وسليــمان
التـّـنـيـّن لو بيعود بزمانـو = رمح الخضر بالإيد بدو يشوف
وطلعات ماجريوس ع ظهر حصان
ههههههههههههههه وهلق شو رأيك ياليلى ؟؟؟؟؟؟؟

"والمطرقة فوق وتحت ســـــــدان"
بدأ حرف هجومه بدغدغة مشاعر الخصم، وباعتراف شكلي بقوته، غير أن هذا الشطر من الشعر أكد - إذا كان هذا ما يقصده الشاعر- أنه هو المطرقة وهم السندان الذي يتلقي الضرب المبرح.

ل"و ألف ضدك ياحرف كانـــــوا = ومعهم لهب عــــمار وسليــمان"

تطلب رأي يا حرف،وأنا بدوري أطلب راي سليمان أمام هذه القوة الكبيرة التي أردت التحدي بها، وهذا التشبيه القوي حيث سيُقهر التنين، ويرتد الخصوم خائبين.
ماذا يا سليمان اتستسلم وتتراجع?!!!!!!!!!!

رمح الخضر لو شك مش رح ينفعك***يا حرف جهّز بالمواقع مدفعك
بفزع أنا قدّام ليلى أصفعك***وتصرخ يا سلّو روووق ...؟ أو توقف معك
شايف تحيّز ...!!!ليش ليلى بتدفعك***عا معركة معقول ...!!!فيها توقّعك
لا انت قد المعركة ولا في سبب***بيجبر أبو شربل ل عندو يرفعك

لك رووح قناع رح نوّعلك القتلي ههههههههههههههههه

مشرف عدد الرسائل : 519 تاريخ التسجيل : 15/03/2008

حرف العطاك حروف واتـمــنى = تبقى تغني متل مــــــــــــــــــاغنى
تمرن نصيحة بيلزمك تـــدريب = ورجــــــــــاع شرّف فـــوت وتأنى

عطيتك حروف الشعر والتهذيب = وطــــــاووس خلقة بدون ماتحنى
من لون ريشو نفّض التــعـذيب = سميـيـــك حكــيـــم سئـــآل وتهنى

وعمار ببعثلو معك ترحـيـــــب = بيعـــــرف حرف من هـيك ماتجنى
بيضل ازكى بيكره التخيــــيـب = تــــــاه وهرب عن خـــوف يستنى

وبالاخرة مهما سلاح تـجـيـــب = تخاصم ملـــوك الشعـــر.مـــا بـنـا
صعبة الكلمة بالسطر تاتصـيب = كيف رح تصـيـب حروف ع مسنا

وليلى لاتتهم زور نفسك عِـيب = من حكمـــــــــها عـــدل الشعر جنا
وفي كم شعرة بقرعتك بتشيب = كلما علقت مــع حـــرف بالقصدان
من الضعف عم تهرب ع المعنى
================
هلّق رح إتركك تدرب انت وعمار
وبرجعلكم شهر الجايي بشوف اذا تحسنتوا ههههههههه

ياحرف الواقع بحالةّ اضامي = وطحينك ع مياه الشعر ظامي
عجينك لو انقرصلك ع ميزر = طلع دكدوكةّ شعير الطلامي
ماشالله بترتجل متل الشميزر = ومفرق جبهتك متل القضامي
وانا وسلمون معنا شعاع ليزر = واشعة ما تحت حمراء حتى
كيف مامرقت منصيب العلامة

=========================
ياحرف البهورة ماصار جايز = تبدل عقلك بنتفةّ غرايز
العقل بيضل من الله تعالى = وغيرو العبقري ما كان عايز

وجراحك دشـّر وعنها تعالا = وركّز تاتكون بحق مايز
بيقدي بهورة صوتك تعالا = ومعنا ماطلعت نهار فايز

اجا سلمون عيطلك تعالا = وخلفوا مشيت مشيات العجايز
واذا عمار نادالك تعــــــا = لا .بتسترجي تجي وبالشعر تهجي
عمالقة الزجل نحنا الركايز
=============
تعي يامحاسبة الحرف ومعــــاشو = ماعاشوا الهاجموا علينا ماعاشوا
مرقي ع الحرف حاجي يضل مبهر = امسحي بالكف عن عينو غباشو

وشوفي بمنتدى الكلمة الأشـــــطر = البدو يصارع الموت بكـــــباشو
واسم ليلى حَكَم خلاه مشـــــــــهر = فاق العامرية بإنتـــــــــعـــــاشو

اسم عمار مابيهرب معـمّـــــــــــر = وملوك الشعر عركاتو تحاشوا
وكلما ع زنودو السمر شـــــــــمر = الفطاحل كلها قبالو تلاشــــــوا

وإجا سليمان حامل حلم أخضـــــــر = جدد بالمواقع إرتعــــــــاشـــو
وخلاّ مجد شعرو كنز أصـــــــــــفر = ذهب موزون بالجملة حواشو

عرفتو معلمك بالشعر اشـــــــعــر = قطــــــاب المنبر بجنبو تماشوا
شلحتك خصم قدامو مــــــحيــــــر = يضمد جرحك يلفو بشــــــاشو

وياحرف اللي عملت طاووس مقهر = رياشك ع الفزع بالدمع فاشوا
اتركت سلمون وحدو فيك مجــــبر = بدكّة يطالك ومن ميــــــــل بدو
اكبر طير ينتفلو رياشو
===============
لاتقول هرب مش مقلل عقلو ليك بس فيك تقول وهدي اذا فيك

فليّت... خيّ ارتاحت الجبهة***من صوت بووم بيزعج الموقع
وليلى زكيّي بظن...؟منتبهة***أنّك تقيــــــــــــــــل الدم...!!! ما بتقنع
*********-
لا تروح ترجع رجعتك بتصير***أكبر مصيبة بمنتدى الكلمات
وعمّار بيبلّش معي التكسير***بروس الما عندن راس بالعركات
***************
فزعان منّك....؟فالت لسانك***بتقولها وما بتستحي ...!!!ثعلب
بأول الملقى ركبت عا حصانك***ومن بعدها شفناك متشقلب
*****************
لا تروح تسكر راسك بيتقّل***وبينتلي الفاضي على الفاضي
ونحنا ما فينا فيك نتبشلل***خليّك طايع باصم وماضي
******************
روحة...؟ بلا رجعة...!!! يا حرف ...!!زمّك***فلّ وما بدنا ياك تستنّى
وها الجمجمة مرّة ...!!!بحياتك حكّ***ولا تقول عم أهرب عا المعنى
****************************
وعدتك ما أزرع عا الصخر شتلة***ورش الحبوب بأرض شعريّي
وحضّر الحبلة ونوّع القتلي***تا تدوق خبز الشعر من ديّي
***********
وهلّق يا ليلى بعتب عليكي***ليش التحيّز مع حرف قولي
وها المنتدى أمانة بأيديكي***يا بتعزميني عا صحن رشتا
يا بعزمك عا صحن تبّولي
مع حامض زيادة ههههههههههههههههههههههه
ولك رووووووووح الله مع دواليبك

مشرف عدد الرسائل : 519 تاريخ التسجيل : 15/03/2008

ياحامل بالجهل لو جيت ناقل = انا رح ضـيفك بالشعــــر سحلب
صارلك بالزجل شهرين ناقل = ع جوز الطــــيب بتفتّش ومحلب
قبلك جربـــــوا باهت وشاقل = وجمدوا ع صخوري متل طحلب
وقبل مافل ع جمر المنـــاقل = بشــــــــــوي لحمك بمنقل زجلنا
تايقولوا ع باب القبر سحلب
==============
ومازال صاير بالشعر حشري = ومافيك ساعــةّ مرتجل تلقى
قوم انقشر تِـنـّـقـدّ هالعـــشري = ولا تــدحّ فــيي بعينك البلقة
بداء الحروز انجيت مستشري = دقـنــــك ودقـنو بنتف بحلقة
وبمعط روسـكم تاتهر قـشــرة = الجلدة بجلط براسك وراسو
كلما بتعلقوا مع حرف علقة
===============
وياريح الغاز لاتقـرب ع وهجي = حياتك بحرمك منها البهــجـــــة
قبل ماتهب بدك فقع تفــــــــقــع = وأشلائك ما إلها عـــــاد رهجة
المتلك كل يوم بحب إفــقـــــــع = قتلة وعلّمو بالشـــــــعر يهجي
بـّـهد عليك ضحكة بعود بفــــقع = وبنهر فيك صوت زغير بسحب
من زلعومك بسرعة المهجة
===============
وقبل ماروح فل بهيك فـــلـي = القمل بي راسكم حبـيت فلّي
وقتلة تاكلوا مني كبـــــيــــرة = قيام قعــــــود مافيـها تسلي
ولأنو واجبي إحكي بضمـيري = زهرة للحكــــم بهـدي وفلة
ليلى بعدلهــــــا متل الأميري = بيقدي ظلم تتهـمها تبـــــلـي
وتانحكي الحق في عالم كثيرة = بتقدر رأيها تآخــــــــذ تملي
بتعرف وين بالشعر الخمـيري = ومين القرعتو بتضل فاضي
وبثقل الدم أبياتو مملي
=========================

دروب الموهبة للشعر مسعى = اجتهد ياحرف بالأخلاق واسعى
عمرك خاسر ورقمك تســـقط = طلـع ع حسابــنا بالرقم تسـعة

ومازالك جيت بالثوب المنقط = ميـــــادينــي عليك كثير شسـعة
دس السم من ثوب المـــرقط = ياأفعــى جلـدها بهالثوب خسعة

عزمتك ع الشعر شرّف تبقط = انا وبـــو شـربل لساحات وسعة
وبعد مانسرنا بجسمك تلقـــط = رماك من الفـضا من جو عالي
قمت لسعت حالك هيك لسعة
============

شو بعمل فيك مابتــعرف تناقش = وعلى جبيـــنك عبارةّ جهل ناقش
اذا شلش الحيـــــا بالحرف فاقع = بفقــــــــع رقبـــتو والراس فاقش

استحي وبالصدق لاتزوّر الواقع = وقـوش الشـــعــر مابتقدر تواقش
نحنا رب من هجــــــموا مواقـع = وبأكبـر منتــــدى حرقنا القشاقش

بو شربل زتك وصـــفيـت واقـع = مرمـي ع الأرض والعظـم طاقش
وفتحةّ مبسمك عمـــــــار راقـع = شفــــــــافـك قطّب وسجّل عبـارة
جنت ع نفسها قبلك براقش
===========

وهلق رقبتك قررت رح فِك = وشعرك مع ليالي الدهم شييب
مازال جايي بقرعتك بتحــك = افرك القمل وغيرها سيــيب

وتاعلمك كيف الربط والفـك = وتحكي شعر بالموهبة هييب
وماتعود تسترجي معي تلتك = وتفهم ع مين الناس بتعيـيب

عزمك مع سليمان لمــا رك = ردك بضنك ضايع وخـييـب
من هيك عيطلك قبل يازمك = وكاتــب قوافي قد بو الطيب

نحنا حصون الموهبة منـدك = وع الشعر إلنا الناس بتطيب
وتاتفل ياحسرة ماعنا شـــك = عا القبر جثة هــامدة بتروح
لا تفتكر رح نتركك طيب

* * * * * * * * * * *

» وينك خيي حسن
» وينك
» وينك ي سليمان؟؟
» وينك يا بو شربل
» وينك يا شاعر