عركي عا التقيل مع ابو شوقي

بعد سحبة عتابا بين ابو شوقي والشاعر عمار دخلت للحركشي فكان كسر عضم
عمار

بو شوقي بالشعر لابس عبيـتو ... وزرعتو ورد في شعاري عبيتو

وإذا شي نهار منشرف ع بيتو ... بكلمةّ ياهلا بيفتح البـــــــــــــاب

يلا يابو شوقي شد همتك تانشوف !!!!!!!


اخوك العندليب
ابو شوقي
مابدي الحب ياسمرا بعاد لي* وحروف الوعد تمليها بعدلي
ظلمك صار يتمرجح بعدلي * العذول بسهم طعناتك بعد لي
صفاكي بس لو مره بيعود لي* الهنا اللي غاب لقلبي بيعدلي
وعدك بجنة يوم ملقانا بعد لي* عانار الشوق ناطر للجواب
***
سليمان
انت وصاحبك مهما عتبتو***عليي كتيير ما بزعل عتبتو
النبي سليمان ما بيدعس عتبتو***لا بو شوقي ولا عمار الكذب
ابو شوقي
طعن ومس يامشرف عتابتك * ماضني بيوم بشعري عاتبتك
قصير تدق براسك عتبتــــك * تاخللي بو لهب يشفق ع تبتك
فرد الــــرد براسك عتب تك* ان طلبت الستر ما ترد الجواب
سليمان
يا متمارض لا تتفلسف عا طبنا***مافي شيطان رح يقدر عا طبنا
كسرنا رقبة المتلك عطبنا***ونصيحة روووح بنكسر رقاااااااب
عمار
مضمض بالسيجارة كعاب وعقاب

ووديلي نســــــر بالشعر وعقاب

بعِقاب بقاصص سليــمان وعقاب

تايقولوا سوا صعب العقـــــــــاب
ابو شوقي
موكوك بكلامو وك عاب * الشعر مش لعب زقاط وكعاب
بوشوقي عوف بعد اليوم وكعاب * قليل الحيل بقول العتاب
****/
عمار
أنا هالبيت أضعف بيت شفتــو

لاتسكب نقدكم من دل شفّتو

وياما للخصــــم قطّبـت شفتو

كلمـــــا رد بي وجـــي جواب

ابو شوقي
شربت المر بعد البن شفتك* شاعر طالب الادوار شفتك
ياراعي هالشوارب فوق شفتك *راعي العدل تفلح بالجواب
عمار
عروس الشعر بو شوقي قريــنــــا

وجوع طراد من سكبو قريـــــــنــــا

الجهل بطراد وبيوتو قريـنـــــــــــــا

وبو شوقي الفلسفة صاغا ذهــب

*************************
يامنافـــــــق ياإبن طراد قللي

قلتك ع السما الأفكار قِل لي

بتشكي بالشعـر من كل قلة

وقليل العقل وضعيف الجواب

سليمان
يا نادي الشعرقلبي أنتمالك***ما مال الريح زندي وانت مالك
وأبو شوقي ان عطبتو أنت مالك***لتركع عا البحص قبل التراب
ابو شوقي
مادام الشعر بالافكار قللو *وسهام سموم بالردات قلو
ياعطر الورد للمرسال قللو * تركنا الشوك وقفلنا الحساب
عمار
[center]
أنا وعقاب قبلك إنـتـسـبــنـا

لهاالنادي وماقلنا أن تسبـنـا

وإذا متلك شويعر انت سبّـنا

نيعو بفسخو بشيل النيـاب
سليمان
أنا سليمان متل الحجل جردي***وانت عمار صاير متل جردة
أنت وعقاب صار مفروض جردي***نعمل بعد ما نشيل الحسااااااااب
ابو شوقي
انت سل وجردت الشر سيبتك * تركتك تهتدي وباللطف سبتك
اهاني للوضيعه بيوم سبتك * لسانا توسخ بكش الذباب
***
ياجردي طراديمكن قرد اب لك* بقلة وعي مع خيبات ابلاك
كلام السوء بالحسرات آب لك * قليل العقل مافهمت الجواب
***
رسلت الورد من الطاف وارداك* لئيم خسرت من قبحك ورداك
الذباب يحوم عا عينيك ورداك * الوضيع يعيش عا اصلو انتسب
***
نصحتك ماا نتهيت رغبت انهاك* جلبت العار لسليمان انهاك
عقاب ان غط وشال انهاك * قلع عينيك طعماهم غراب
***
ماعدت بعيدعجنونك ولا برد * ومابفتح باب للجاهل ولا برد
عالج ياطبيب الخوث ولب رد * براسو ركب قرونو خشاب
ابو شوقي

سليمان
زندي العص عا الرقبي ولفاك***ما خلص سبع من أيدي ولا فك
عا قلب المنتدى الحطك ولفاك***بدو قتل عا راسو بخشب
******
عيوني مناح وزنودي سليمان***لمحنا الدم من راسك سلي من
ويا بو شوقي ما رح تغلب سليمان***لأنو رب ملكوت العتاااااااب
ابو شوقي
يافتر صغير عاشبري بقدرك* هزيل ركيك متساوي بقدرك
حلمت عقاب تا تحطو بقدرك* الزواحف سل تخشى للعقاب
****
السبع مايطل للواوي برقبو* زئيرو يحل بقلبك برق بو
روائع شعر بالنادي برقبو * ياضفدع نق مايطولك حساب
سليمان
هون انا حطيت الكلام برسم المدير

ياضفدع نق مايطولك حساب

برسم مدير العام
هنا تدخل عمار مدير الموقع
أبو شوقي قاموس الفــن مـالِك

وملكو صـــــــار حتى عليه مـالك

ويابو شربل ياسيف بحرب مـا لك

شو فيها سوء ؟ مالك حـق مالك

تآخذ موقف بحـــقــــــــــو عقاب

***********************
بتمنى من الجميع يكون عندن رحابةّ صدر
ويتقبلوا الهجوم بمحبة خصوصي اذا كان
ضمن الحدود وأبو شوقي يا أخ سليمان
الأخ الأكبر للكل .
وبعدين الشعراء الكبار أمثال أسعد سعيد قال
هيك للمرحوم زين شعيب وأبو شوقي ما بيقصد .
تحياتي إلكن وبتمنى تكملوا المحاورة نحنا متابعينكم
وشكرا.
سليمان
عا كلمة ضفدع مفكر سكتنا***نحنا ركاب رييحك ما سكتنا
وانت حردون مارق عا سكتنا***وتران الشعر مارق عا الرقاااااااب

وأجبرتني
ابو شوقي
قطار الشعر من صغري ركبتو* خطوطو الفن وبيدي ركبتو
يا جاثي زحف ومدمي ركبتو * ياشعرور البق برقبو راكبتو
عنادك جهل ومتمادي ركبتو*ركبت بون ياخاسر ركب تو
وحصاني جال تاتجرك ركابتو * عجب سلسور يهجم عالعقاب
***
سليمان
القطر بالشعر ما بعمرو مشي باك***وانا سليمان كل عمري مشييباك
ويا جاهل قصة الخرفة ومشيبك***خرفت على القتل والشعر شااااااب
ابو شوقي
قابيل القاتل بصفك لعنتو * شفلك شيخ وتقبل لعانتو
قزم والوهم متسمع لعنتو * قصير الباع خالي من الاداب
***
سليمان
رأيي صح ورفيقك بقر في***الدواجن بيض بتلاقي وبقر في
وما زالا اشتاقت الرقبة بقرفي***لأأقرف رقبتك يا بو الشباااااببالشعر طبعا
ابو شوقي
مدامك صرت عم تحلب بقرتك *** رغي ثرثار ومنقنق بقارتك
لزومك درس بعيونك بقرتك *** مع المبلول ما بيفرق جواب
سليمان
انا ما انبل يا جاهل بليتك***وبغير الشعر ما بعمري بليتك
ومتل قرقور ومعلق بليتك***ولغير الدبح ما بيصلح عقااااااااب

ابو شوقي

بلا ها البهورا اتركها بلاها * بأيدي وقعت تتحمل بلاها
ياشهر الناقص ومثلو بلا ها* غشيم ومدعي بقول العتاب
سليمان
بزلنا كتير يا جاهل قدامك***جديدك صار يضحك عا قدامك
واذا بالمنتدى بتدعس قدامك*** لأكسر أجرك بسيف العتاااااااب
عمار
سليمان وبو شوقي الرب منّكم

منو الموهبة والزهر من كــــــم

ومتل سمراء بطلب صرت منكم

النهايةّ ذاتهــا وصلح الصحــــاب

************************
مصلح خير
ابو شوقي
مادام عمار للصلحه كمى الكم *وكمل هالعام تايحقق كمالكم
الكرم بالشعر لوهديتوا كمالكم* غني النفس صافي ولا يهاب***\