قزاليط الزجل

موضوع: قزاليط الزجل الجمعة ديسمبر 12, 2008 5:36 pm

افرحوا ياولاد بالشعر ومجالو = عليكم مارح يعلق امــــــالو
أنا بطلت بالشعر التحـــــــدي = ولا رح بارز الطالع ع بــالو

ولأني ما لقيت رفيق قــــــدي = من البيمثلوا علينا مازالــــوا
سوا بو شربل البيضل حــدي = صادق بالقوافي وإرتجـــــالو

اذا للصخر بتضيع المهـــــدي = نحنا منفقش الصم بجبــــالـو
واذا معلم ماعندو كان عـــدة = خسر بكل ورشة رأسمـــــالو

واذا في قلب ماعندو مــــودي = وغارس حقد مامنحصد غلالو
واذا شي دماغ تفكيرو مصدي = بزيت العلــــــمنة مننقع مودالو

لأنو عندما ردنـــا التصدي = الزجل ع النت ماصمدوا رجالو
طلعنا وقصدنا نلغي التعدي = ع سلّم مجدنا طلعوا وتعــــــالوا

كم موقع قصدنـا وكان بدي = نكبـّر منبر الكلمة وخيــــــــــــالو
فزعوا يكتبوا ضدو وضدي = وتاهوا هرولي وع الخوف مالوا

واحد قال وقتي مش بيدي = وواحد بالحجج زادت شغــــــالو
يا إنعم قلت أو إكرم بيقدي = الشاعر يختفي ويبعث بدالـــــــو

بيبعثـّـلو ولـد تايقول ردي = فيها الجهل زايد إنفعــــــــــــــالو
وشو هالمهترات المستبدي = كل واحد نظم بيتين صـــــــاير
شاعر يعتبر ويعد حالو

* * * * * * * * *

تعا يا شعر حددلي مساري***بعد ما تقشع المتش الحواري
وعامنبر في الو جولات حرّة***اعترف يا بو اسامة بأنتصاري

انا شاعر متل عالم الذرّة***عملت الشمس لعبي بأختباري
ومناجم منبري جوّى وبرا***دهب مصقول من أجمل دراري

سمع صوتي المعرة وما تعرّى***وأبو النوّاس شارب من جراري
ومداري عرّق جبين المجرّة***انتبه يا ليل ما تخط بمداري

وتا نرجع للتحدي ألف مرّة***عطيتك من شموخي ومن خضاري
لقيتك يابس وغصنك معرّى***رفعتك للعلا حتى تباري

وما زالك حامل بيوتك بصرّة***وكأنك بعد مش عارف عياري
انا عياري عواصف مستمرة***وقصيدي بيلفح صدور الصحاري

وانا بوشربل عليي تحرّى***وحسابي عا المنابر ضل جاري
يا عارف علقتك بالشعر مرّة***شو جابك للسباع ول الضواري

عملت الشمس طرحة الغيم غرّة***وخطبت الريح تا تبقا بجواري
المنابر نقشتي والدف طرّة***وحواري بالزجل راقي وحضاري

شو بدك بعد يا معاود الكرة***يا طفل زغير عم يلعب أتاري
نصيحة روح لا تطلع ل برّة***انتبه عا توم لا يلحق ت جاري

انا ب الشعرحالة مستفرّة***وقرار الشعر ما يخالف قراري
وانت لو حامل من الذوق ذرّة***كنت ىبتبوس ايدي ألف مرّة
لتركتك تطلع ل منبر تباري

الحمدالله عا السلامة

كنت افتكرتك شـــــاعر بصفي = جبينك تاريخ لشعرنا مصـــفــي
تاريك راصور الضرب بل وج = عنو انخف الدعــس بيـجـفـّـــي

نسيان مين العلمك تحـــــــــتج = وبالارتجـــــالي تقدر تـكــــفـي
تاتصير تحكي معلمينك فــــــج = خدودك اشتاقوا يمــــكن لكفـي

وبوس الأيادي مش شفاف وكج = انكتبت ضحك ع الدقن بتصفي
الشـرب البحر ماغص لولا مج = نقعـــــــــةّ أبو شربل مابتوفي

ولولا تركــتــــك بالزجل يادج = بوقت الأعـادي عليك مصطفي
نفخـــــــوك بـالون وكنت بتبج = ومن كم سنـــــة صفيت متوفي

شاعر انا وللشعر شعري محج = كل البيقولوا شعـــــــر مابقفي
وماعــــدت بدي جاوبك لا تلج = وعليك صابر بالشعر تاتصـير
يمكن صبر أيوب بالقفة

* * * * * * * *

ياريت بعض العاملين حالهن شعار يتعلمو ..

بس أكيد مارح يتعلمو

يا هولو الشعر بدو معلميّي***وقوافي مبكّلي ونغمة شذيي
أنا ملكوت من ألّف وجدّد***قوافي بيوت شعري مزهريي

الشعر ألهام من ملهم محدد***أصول النظم بدو واقعيي
الزكرتو قزم مش جبروت عبّد***طريقو بالقوافي السرمديي

كتب أبيات والمعنى تبدد**بشعرو بس تا يعمل قضيي
وقوافي تافهة عليها مشدد***قلّو يستحي بين البقيي

ألو شي شهريتبكبك ويشحد***قوافي من رفاقو بالوقيي
وراجع ينتخي والله بيشهد***أنا بالأرتجالي قد ميي

تعا بالشعر عا أيدي تعمد***على الأطفال بعطف يا بنيي
ومتل ما قال مع جريس محمد***صرت عا التشتشي معوّد يديي

/أنا وعمار جينا بليل أسود***عا قلب المنتدا أجمل هديي
سكبنا الذوق من ألهام مبعد***عن الروس اللي متلون مهتريي

أنا شاعر أجى من مجال أبعد***عصرت غيوم أفكاري السخيّي
لقيت المنتدا جوّوه ملبد***فلشت ورود كانت مستحيي

أنا جنينة قوافي اورد وررّد ***شلحني النوم عا صدر الصبيي
وقزاليط الزجل بلاّن أجعد***عا صدر القافيي أكبر بليي

أنا قدموس للألهام منجد***نزلت من جنة الرب العليي
تاأسقي من الوحي جلبوط مقعد***ما عندو مستوى ولا جاذبيّي

اللي بعتن ضدنا بالشعر ملحد***لأنو عارف زنودن طريي
وعا منبر شعرنا معقول تصعد***اذا بتاخد شهادي منبريّي

عا شرط الوزن تتعلم بتسعد***لأنو الكسر بعتبرو خطيي
ويا عمار يا شاعر الأوحد***على قزاليط ها العصر الرديّي

ما بدي يمر سيفك روق أجمد***بشهر يسوع لا توّقع ضحيّي
ويا هولو بمنتدى الكلمة تأكد***أبو شربل حليف الشاعريي

ويا قزاليط علّوا بجوّ أبعد***عصروا غيمات الله بطيب نيّي
لأنو مدفع الأبداع رمّد***كلمن خاب شعرو بالمعنى
الملاجئ جاهزة والمدفعيّي

ذوق الشـعـــر يسعدلي صباحو = بصباح الخير صبحني بصباحو
نصّبني ع عرش الشـعــر والي = وقــاضي العدل حملني وشاحو

عصرت الخمر من أطيب دوالي = ومسحت الدمع للزايد نواحو
ووحي الإلهام في ساحةّ سجــالي = سِكِـر ع نغمتي وقفـّى قداحو

وانت يامدلل وع القلب غـــــالي = راياتك بس مع عمار لاحوا
وجنب معلمك ياثــــوب بـــــالي = زهورك بالشعر مايوم فاحوا

انا الليّ معلمو ع الإرتجـالي = على غدري انتخى يشهر رماحو
نسي حالو بعتمات الليــــالي = ضفدع بالقنا حناكــــو سلاحـــــو

انا بكتبلك ومنّي مبـــــــــالي = بلبل مرتجــــل صوتي وصداحو
وجوابك واضح وبان اتكــالي = مهـيـر مش محـلـّـو ع لــــواحو

هجيت ولاد وبحكم العـــدالي = عرفنا من صواتن كيف صاحوا
ومسلّي تحت باطك ليش سالي = حتى المتلك تكـثـّــر جراحـــو

انا ع كرستي الجلسات مــالي = يانص مصيص بغيابي ارتاحو
بدك إعترفلك بالرســـــــالة = والف بوشربل من الخوف ناحـوا

ولأنو السبع عرشو ضل عالي = بعريـنـو غبـــار دخلها رياحـو
وهجرس فات ع غابو زوالـي = مافينا الزمــجـــرة مرة نقـارن
بابن آوى إذا كثـّر ضباحو

طالعنا السيد عمار بعنوان وبكلمة " قزاليط" التي لم نجد لها مكان في القواميس ومحيطات الفصحى، ولا بد أنها كلمة عامية، فحبذا لو أتحفنا شاعرنا الكريم بأصل هذه الكلمة أو جنسيتها، أو المكان التي تردد فيه. وشكراً.

ياكوبيلو التحية بالبدايــــــة = برسالة واضحة بـاعث ورايـي
فيك المنتدى زيـــادي تهنى = وتعليقك متل زهـــر البوكايــي

الزجــــل بالعاميية في وطنى = وانا من تيمنا الحقق رجايـي
مطرح ما انحفر ع رخام عنا = استـقـلالــنـــا بفصل البدايـي

ولأنو الشـعـــر بالوادي تغنى = وقزاليط الزجل بدها هدايــي
كلمة دارجــــــة بالتـيـــــم عنا = وللأطـــــفال منقالي نكــايي

وتانفرض قلت ياعمــــار بنا = تخبرنا الحقيقة منين جــــايي
اذا الأتراك تركــــوها استـنى = ما إلها منجد وريشة ودوايي

لكن مُعتَرَف فيـــــــهــــا لإنـّـا = كلمة واضحة انقالت كفــايي
واللي عـقـّـب علـيـهـا وثـنـّــى = بتقدر تسألو بعدي ذكرهـــا
للأولاد يعني بالنهاية

* * * * * *

تكرم عيونك

طلب استاذ كوبيو توضيحا لكلمة " قزاليط" وجاء جواب عمار الشعري موضحا كفاية، وعرفنا الآن أن " قزاليط" تعني أولادا صغارا، والمعنى أن البعض من الذين ادعوا أنهم كبار في الشعر ما زالو صغارا جداً، واعتقد أن عندنا مفردة مماثلة وتصيب نفس المعنى وهي " قبابيط" جمع " قبوط" وتفيد الصغر والوضاعة.

مشرف عدد الرسائل : 519 تاريخ التسجيل : 15/03/2008

تعا ياحرف للمغرور قِـــــــلــو = الفطـــاحل في سما الإلهام قَلــوا
قزاليط الزجل طلوا يقاقــــــوا = وغيرن يتهموا وبالضعف طلــوا

الحرف للشعر مفروشي طباقو = الزجل والشعر بحروفو استقلوا
وأفكارو بمروج الزهر فاقـــوا = ووعي قدموس وتجسد محــــلو

انا السيف الذبح كذب بـنـفـاقـو = بدحرج روس لو سيفي بـــسلـو
وجحافل بالحرب لو ألف فاقـو = أفلت نجوم متل النحس هــــلوا

وقبابيط الغنا كلما انذاقـــــــــوا = الجندب مايوم حقو وصـــــــلـو
واللي بيتهم مرة رفاقـــــــــــــو = بيســـمع نقد ماسمعو بزمــــانو
لابالشرق ولا أرض الغرب كلو
============

على فكرة قبابيط عنا تقال للجنادب اي صغار الجراد
اما قزاليط ليس فقط للأولاد بل لكل انسان على الحصيرة لا يملك شيء
يقال له مقزلط او ( قزلوطي )
============

كفاك تهين شعّار الكبيري***وبعجنة شعرنا تحط الشعيري
انت قبّوط موقعنا المبجّل***اللي صار النت...؟عنّو يجيب سيري

عا نتف شواربك ...!!جايي معجّل***متل طرزان عملاق الجزيري
واذا رجّال عن مهرك ترجّل***لأنو علقتك طلعت كبيري

انا ملكوت من ألف وزجّل***وما ببدل موقعي بمال الحريري
ويا قزاليط شوفوا حرف دجّل***وعزم برهوم عا حفلة معنى
الي بدّو يعلّم بجلدو الحصيري

شو رأي ليلى بها العركة المنتظرة بدنا حماس ههههههههه

مشرف عدد الرسائل : 519 تاريخ التسجيل : 15/03/2008

بإهانة رجعت ياسليـمــــــان كفي = حساباتي مـــع المغـــرور صـفــي
سبقت الضو قبل طلـوع فجـــري = حملت الشمس والكـــوكب بكفـــي

واذا جينا حساب الشــــعر نجري = بوقت ما ع التحدي بـــخش دَفـي
ماقبلوا فيك لوما دفعـــــت أجري = وتانحكي شو انحكى ع كل شِـفي

ياأجرودي كفاك تـحب هجـــــري = معـــك تاتصــــــير بغيابي توفي
ولوما شلت من شعرات إجـــــري = لزقّلــك على دقــــــنـــــك لحتى
متل رجّال مابشوفك بصفي
===========

» بخر الزجل ومخايل لطيف رايس عصبة الزجل بسدني
» الى الشاعر نجيب من اعماق قلبي
» شعر الزجل !!!
» بحر الزجل
» بحر الزجل