من جديد وين ابراهيم ؟

مشرف عدد الرسائل : 519 تاريخ التسجيل : 15/03/2008

ولوما طلبت مني شعر مـحّـي = كنت ع الشــعر تفكيرك بصحي
ولأنو العكس يامرحوم صفـى = معك بالوقت مش معتاد ضحي

الحافر كلمتو ع الصخر كفـــى = وديوك الفجر ناداهـــــا انبحي
وخبز الروح كل من ذاق وفى = بيجي عن ذمتو يوفّي لأنــــــو
حرف رغيف أهل الذوق صِحي
================

بدك شعر ياطفل بحنـيـنــــو = وخلايا دمـــــــــاغ تفكيرك بجيـنو
منعت عنو التناسخ حيث ألّم = حمل ع شكــــــل دوللي ناسخيــنو

انا بهالفن أجيالك معــــــــلــم = وبعدك ماعــــــرفت الحـرف مينو
كفو بخد أخصامو معــــــــلـّم = الزجل مع هيك جـــيــــــل معلمينو

قبلك طل كم قزلوط سلّــــــــم = وإذا عمـــــــــــارك بيعـــقد جبينو
العشرة بيرفع سليمان سلّـــــم = تاطعمــــــيكم عسل شهـدي بقافي
حرفي لنحلها مخرسن عنينو
============

وألك مابحب اكتب بـعد بندي = وولا كرحــــوت ليّن يـوم عندي
لأنو الحرف بصفوف القيادي = وانت حمـيل جعبة بصف جندي
اصحى تفتكر عندي تمـــــادي = وع راسك ريش تاتهجم ياهندي
اذا مابتفهم اصول المبــــــادي = من حروفي الألف مجـبور ودي
عصاية أدبك فيها ع زندي

===============

وبابا غنوج عم اعمل واشوي = انتبه لاتروح فوق الصحن قشوة
غيري بيرتشي عنـــــك يخفف = وحرف مابيقبل الدفـــعات رشوة

حرف معتاد تاعيونك يكـــفـــــف = النظر بالليل كنو فيك عشوي
وع درب المقبرة خصامو مصفف = معـو لاتعلق وقبرك بجوعــو
ناطر تايحطك فيه حشوي
======

يا برهوم القصــــــــــايد والمعنى = ألهــــــــا سنين من جنّة عدنّا
ما فيك تطّعم البطيخ لوبـــــــــــي = استنى الموسم الجايي استنّى

انتبه عم بفضح الفات بحــروبي = وع باب المنتدى التعليق عنا
وأكبر معركي تحاشت دروبـــي = وما في قوّة ولا شاعر منابر
قدير يخلّصك باالحرب منّا
==========

وخالقني حرف للشــــــــعر ربي = أطفال الزجل تاطـــل ربـي
الجرن من عندك وعندي المدقة = كلما جعت طل نــدق كــبي

انت تاترجل عندك مشــــــــــــقة = وشــــو بدك تلـــبي تاتلبـي
واذا خيالي إلي بيقول بقــــــــــــة = أنا بشــاقط خــيالي بالتنبي

ولا بفضّل معي تحكي بي رقــــة = عليي هب إبــقى بفرد هبة
وع باب المنتدى الشعر المنــــقى = حتى تلزم حدودك ساعتها
ممكن عود إحكيك بمحبة
=============

تعا تا علمك نوسي ونوســي = بعد الجامــــــــــعة بتنفع دروســــي
حوار زغير مع شاعر المتلي = بيسوى شهر من درس النــفوســـي

انتَ من وين منّو مهم تتـــلي = ع درب العتم ضوالك فانـــــــــوسي
بسـرعة زلحفي صح المشتلي = ودشر ع الغلط ركض الجــــاموسة

السبح صوب السفينة عكس سطلي = نطرها وقال رح كثّر جلوسي
وخسارة معركي أو أكــــــــــل قتلي = قديرة تعلــمك بالشعر عندي
كيف النصر وأصول الفروسي
=============

مشرف عدد الرسائل : 519 تاريخ التسجيل : 15/03/2008

تزعلش يابرهوم كل عمري حـنون = متل النسر للآخر بخلي الســنــــــــون
بدك تبارز حرف ماعدك سكـــــون = وهاديك شدة فوق حرفـــك بالضنون
لاتفتكر هربان بيصيبك جــــــنـــون = بسقيك كاس الحنضل وكاس المـنون
وتاتصير قد الحرف هون المرجلــي = جاوب ولحق دوم مطرح مابـــــكون
==============================
رح عيدها لاتزعلوا بدي زبـــــــون = بيفهم اصــــول الحرب وبواب الفنون

[]بيكفي بصفحة واحدة رح تندعك----عا غيرها ما تطقّ إني إتبعك
نقّادنا... بيهمها اللي بمقلعك...----ما همّها قديش بدها تسمعك
لكن إذا قصة عدد ما بصارعك----و مني نصيحة روح دشّر موقعك
و إنزل و غنّي عا محطّة بانزبن----بيجوز عدّاداتها... تلحّق معك[/]

" لكن إذا قصة عدد ما بصارعك----و مني نصيحة روح دشّر موقعك
و إنزل و غنّي عا محطّة بانزبن----بيجوز عدّاداتها... تلحّق معك"

انه تحد صريح،المهم النوعية وليس العدد. انا انتظر من حرف نوعية غير شكل

مشرف عدد الرسائل : 519 تاريخ التسجيل : 15/03/2008

بعرف مافيك تخوض بحري ومدها = مجال الطـويـلـة بترعبك مش قدها
العالم ع درب الدين آية بـــــــــدهـــا = قراهــــا وبكــلــمــةّ بسملة لا تحدها
الشيطان دفشك للنبوة ضــــدهــــــــا = ما تعدّ أيــــــــــــــةّ ربك اللي مـدها
وبالشعرجايي بوقعتي تـآكل عصـي = والحرف بدو يزيـــدهـــــــا ويعدها

==========================

إذا كان الكثير كثير ونوعي في الوقت عينه فهذا هو الطلوب. ولكن ما رأي ابراهيم في الامر.

مشرف عدد الرسائل : 519 تاريخ التسجيل : 15/03/2008

الوصـــّـوك ثلثين المراجل هرولي = عجّــــل لأنو الحرف فـيــــك بيبتلي
وانتي ياليلى المشرفة وقدرك عِلي = بتـــبقي بجو الحرف نجـمة مكـــللي
ولو تسألي حرف الذكا مابتغــلطي = الغلطة إذا المرحــــوم مـرة بتسألي

==========================

» طق يا ابراهيم !!!
» ابراهيم و ثناء
» عن جديد خيي سليمان
» جولة تحدي...ابراهيم و هاني
» بحر الزجل وناجي عساف من جديد