تحية وغصّة من الشاعر عمار

أول شي تحيّة للشاعر عمار اللي بالفعل قصيدتك بتعبر عا الحقيقة من هيك نقلتا عا صفحة خاصة وبتستحق

اكتر من رائعة

سألوا البشر شو صار يا عمـّــــار = ببلادكــم شوهــــا الدمار الصــار
كل يوم عم بيقـتّـــــلو مـــــــلايين = ولبنــان خايف ترجع الأخطـــــار

جاوبتهم تانكــــــــــــــون متفـقّين = ما في ولا جيش بيدخل على الدار
ياما انقطـــــــــع ببلادنا البنــزين = والهـم ما عتــــــلنا قنـــيـنا حـمار

يا ألف عيب الشـــــــوم خجلانين = اسم العرب يــنقـــال ع الأخبـــار
تافرقونا ولاد المجـــــــــــــــانين = وع كل فرقة يبعـثــوا طيـــــــار

وكيف شكل بدنا نضل متحديــــن = واللي علينا تآمــــــروا التجّـــار
تاخدرونا وسوقوا المــــــــورفين = ونحنا متل زعــــــران عم نـنـدار

وحكّامنا بتهـــــتم بفســـــــاطين = شافـوا الرجـولة مشحـترة شحـتـار
صاروا بدل مايغيّيروا قــــوانيين = بيغيــيروا ع الضرس والمنــشــار

نحنا ع حرب العــــــالمي جايين = ومن ويــــــن بدنا نجمع الأطـهار
بيناتهم مـــــــــــــافي لِنا محبين = وكل والي ع العرش سمـســــــار

باعوا الوطن بفلوس بهـــتانـيــن = ولومــــــا العيوب بيقبضوا الكفّـار
حق التراب اللي انردم والطــين = فــــــــوق الطفالى وبسمةّ الأبرار

ولوما متت بالبحـــــــر ياتـنـيـن = وشفنـــا ع صخر الباطية شو صار
تا كنت يا اخوان سب الديــــــن = واكـفـــــر بالله واسحــــــب البتّـار

وقطّش بروس وفوّت أســافيــين = وعلّم الصـخـر المرجــــلــة يختار
ودحرج قراعي كبار مأجوريـن = وإكســــــــــر وطبّش جرةّ الفخّــار

حاجي بقا حشّــــاد وعنــــواين = نحــــنـــــا مابدنــا نفضح الأســرار
يمكن الهيئة رخصــّوا الفزليين = والكل نطــــــــــروا الوقت بالأدوار

خليك مع عمّال من سوكلـيـن = ولا تروح مع تجّارنا الشـــــــعّــــار
معروف خصمك بالمواقع مين = وهونيك ب غزّي الخانوا كـــتــــار

ومن هيك يا روّاد حاجي تهين = مسمار فيـــــنا نشك ع البــيـكــــــار
يا ما اعتدنا ع الألام سنـيــــن = والسيــــخ ما بيستــــــــــأذن الجزار

ونحنا على المسمار مختلفــين = وبحيـــــــاة الله تعلموا يا كــبـــــــار
هيذا دخل بمسابقة كرستـيـــن = وهـيذا هرب بيــقـــــــــول عندو تـار

عم يركضوا من شرقنا ع الصين = وعم يلحــــــسوا الدولار والديـنار
لاالصين حملت مجزرة وتـقـنــين= ولا الروس بعد استوعبوا الأقـــدار

الشيخ وصبية ولاد عريـــــــانين = اندفنوا بعمر الورد والأزهـــــــار
ضحكوا علينا ولاد المــــلاعيين = تا يشلّحـــــــونا بلادنا بحـجـــــــار

وقديش فيكي دم يا فلسطــيــــن = وقديش شعبك قــــــاوم وجـبــــــار
ياما عليكي فلتّوا شــياطـــيــــن = وأولاد ذيب من الضبـع عســبــــار

ولازم متل ما تحررت برلـيـــن = معـــــــبر مانترك باحشـــو الحفـار
تانشوف من معبر رفح جاييـــن = يتعانـقـــــــــــوا الأحرار بالأحـرار

مش رح يخلوا شعبنا المسـكين = يعرف يعـشلو بالأمـــــــــــان نـهار
ان فلّتت شي كلمة يا مغتربيين = مني تحــــيـّـــــة وعذر ع الكلمـات
انفتقوا شي مرة عروةّ الزنار

* * * * * *

يا قدس نحنا كتير مشتاقيين***لكنيسة المهد اللي صرلا سنين
و الله يحمي ولادنا تا نضل***نطلب يــــــا الله تحفظ فلسطين

قولك بقلب الظلم باقي محل***للعدل نتفة بين حين وحين
يمّا الفساد مسيطر على الكل***وصارو ل دم جديد مشتاقيين

يا حقد ودّع شرقنا لك فلّ***صرنا من التشريد هربانيين
وما عاد فينا نقبلك يا ذلّ***وما في شريعة بتقبلو ولا دين

ويا حب فتّح بالمحبة وغلّ***و يا ورد بلّش بالهوا تلحين
وبحياة الله فل يا محتل***ودشّر طفالى تحلم بّكرى
وما يضل عنّا ناس مختلفين

» مع الشاعر عمار البراضعي
» محاورة مع الشاعر عمار البراضعي
» عمار كتبلي
» مقتطفات فيديو من افتتاح عمار بحفلة ضهر الاحمر 2008
» برقةّ ظهر شروقي - عمار