فن الهجا

عصام يوسف

يا بو الزولووف يا بو جفن مكحول *** و قصايدك أطيب من المعمول
منها إذا ضيّفـــــــــــــت شي إنسان *** بيضل شهر من القرف مسهول

وقفتــــــــــك وقفـــــــــــة فهد بلاّن *** و قعدتك بتــــقول هِلمت كوول
و إيام حــــزب( الوفد) لــــو خلقان *** كان انســـحب منّو سعد زغلول

لولا عمــــــــــــلت خطبة بباكستان *** بيرجـــــع ابن لادن على كابول
و لو لا زرت يا بو الزلــــف إيران *** بتتــرك مفاعل( بوشهر) مقفول

يعني ما شالله عالـــــــم و فهمــــان *** شو هالزكا اللي فيك مش معقول
بيظهر بإنّو عنـــــــــــدك من زمان *** و بحر الزكا تَ يضـل فايت فيك
بيفوت شـــي بالعرض شي بالطول

بعد ما غبت عن موقع تسامى
ياما زرعت شعري فيه يــــاما
اعتزلت النت من مدة قصيرة
وقعدت بغربتي لابس بيجاما
شفت شعّار شطحتها قصيرة
... ومدير المنتدى عنها تعامى
وشاعر عاش نفسيى فقيرة
وحقدو بعد ها المدة تناما
ولأني بحر موجاتي غزيرة
نقلت الدبش متل حدار ضاما
بدر بيعرف وفادي عشيرة
وشفيق الديب خيّال المنابر
والحجّار خيي وبو أسامة

بحر الزجل
اوووف اوووف يتبع
وفي غامض صار يبعتلي تراجي
وخوفو مبللو وضعو تراجي
وقدر ما ينتخي بيضل خايب
ببرحش كلمتو متل الدجاجي
افتكر كرم القصيدة رزق سايب
شفط شردات ضو بليل داحي
وصار يخرّف وشوفوا المصايب
بيقول من الدهب عا الراس تاجي
وهوّي التاج مدري منين جايب
تنك مدهون لونو لون باجي
لها الأسباب جايي يا حبايب
عا أنترنيت أعلن احتجاجي
ولأني صرت عن ها الناس نايب
وما برضى يوم يتعكّر مزاجي
واذا عم تسألوني ليش غايب
عا غير شطوط شعّار القوية
ما بقبل بالزجل تفقش مواجي
بحر الزجل
يتبع...

عرفت وقريت من مدة وجيزة
كلام مشفّر تركو....ل زيزي
وشاعر خايب وما بظن كدعي
حكي بحقي فرنسي وانكليزي
وانا ما من ميزتي ما بحب ادعي
وصرت معروف عندي هيك ميزة
اذا بسمع مسبي بصير بدعي
وبشرب خمرة الفن اللزيزي
انا جكّامنا حبيت ادعي
يشوفوا الجقد عندو بالغريزة
ولأنو بغربتي معروف وضعي
تا يضوي لسان موهبتو وهبتو
شريط يعلّق وفيشة بريزي

بحر الزجل


مرق عا بيادري شاعر ومعمي
عا قلبو...وقال بدو الخصم يعمي
يـــا بحر الموهبة اعطيـــــــني قصيدة
قصايد منبري من دون طعمي
انا مقدّم عا برنامج وايدي
بزنّارك ...دخيلك هـــات دعمه
عطيتو قصايدي وكانت مكيدة؟؟
أخدها ...وراح سجّلها بأسمو
ارتحت من ريحتو وعن جد نعمة
ههههههههه
بحر الزجل تصبحو عا خير...

ألشاعر سليمان طراد
وبالأووف مهما تعمّر جناحك***بدها مواج الضو تجتاحك
بدك بمغزل شعرنا تنحاك***وتلبس الخوف الخانق صياحك
هههههب
عتب عا موسى زغيب كيف خلّاك***تحمل الدف وترفع قداحك
وعارف بيوتك كلها اشواك***عصونك يباس وسم تفاحك
...
بتشفط الضو بتسرق الأسلاك***بسام حرب بيفهم الزاحك
وقلّك بطاطا بيع بترجاك***وضليت واقف انت عا سلاحك

ودفعت تا قبلوك فرد تشاك***تا تسوكر بها العام إنجاحك
واليوم رح حطك ببيت الياك***ان جرّبت ترفع راسك بخليّك
تبرم بليل الضو عا جناحك

يتبع

لما رفعت الدف بالملقى***بلّشت تحكي بحقنا ونسيت
هاني وانا دعمناك بالحلقىة***تا خدت دفك يومها شو بكيت
ههه
ضويّت جمعة وبقيت الخلقة***عتمة غموض وبالتحدي بقيت
خايب ...وجاهل علقتك علقة***ومعروف كلما يكون عالي النوّ
... بودي العدا عا جهنّم ترانزيت

يتبع

وما زال عم بتزيد تهديدك***تهجّم عليي وهات شو جديدك
ولا تجيب من ارشيف كلو ليل***عا شطوط بحري حوت ما بريدك

من ميل بتبين الخيبة وميل***حقدك بيظهرمن بواريدك
خايب وغامض يا قليل الحيل***دف البرونز الحاملو سلّوم
... بيسوى دفوف الكوتشوه بإيدك
هههههههههههه
..


ليش على حنا قمت ها الحملة***وعندك قصيدة غير مكتملة
حنا الشاوي شال كلمة وصار***يزرع حلا تتشرقط الجملة

قمت القيامة وقلت يا ستّار***حنا سرقلي الشعر بالجملة
ونسيت حنا زينة الشعّار***علّم عليك وبيّنك نملة
...
بلّشت تتهمني انا يا جحار***خلف البحر عم اجمع العملة
وما زال عم تفتح عليي النار***رح ضل افرك رقبتك تا تضل
ترقص بإيدي متل شي قملة
خخخخخخخخخخخخخ


ابتسم يا بدر حتى يبان سنّك***اجى بحر القصيدة المرجلاني
تا ياخد بالجزر والمد عنّك***بطولة بتنحت الصخر بثواني

ويا شاجي بالزجل شعرك متنّك***لا حس...ولا جمال...ولا معاني
قلت سكّر..يا بحر الشعر دنّك*** انا ما اعتدت اشرب بالقناني
...
انا من خابية شعرك وفنّك***أخد بأووف دفي الأرجواني
كتبتلي قصيدة يا محنّك***وهاني تواسط وموسى عطاني

قلة ها الوفا لعندك لأنّك***صرت معتاد عا شفط الخزانة
انا ما زعلت يا مضروب منك***انا من الست هيفا كتير بزعل
إهاني!! نرجع نرد الإهاني
ههههههههه
..
يتبع...

وخيي وسام القال محيّلو***بشاعر ونقطة عا السطر ...شيلو
لحنا...!!قلت ممنوع امحي حرف***حق الدفاع العدل حانيلو

من زمان محيوا بالزجل لحرف***خلّوا الوقية وطفشوا الكيلو
نحنا بموقعنا في عنا عرف***لو سب شاعر ما بنمحيّلو
...
عا شرط يكتب شعر زجلي صرف***وزيت المقدّس يطعم فتيلو
لكن اذا القانون عنا عرف***يكتوب الفكرة متل ما بتطلع
مش بالحبر بالضو بمضيلو

بخخخخ
يتبع....

وخيي كمال الكلمتو هذّب***قال الحقيقة ويوم ما كذّب
من هيك منو بتهرب الستات***تزوج الكلمة داب وتعزّب
من العزوبيبة هخهههه
وانتي يا إبهام القصيدة هات***وتا نقول عنك شاعر تعذّب
وتا تشرب من البحر ضويئات***ضوّي القصيدة بلمعة الشردات
... وخليّك معنا مزوف مهزّب

من قبل سبع سنين طقيّتك***ومن يومها ما طلعت من بيتك
وحتى شفيق بيشهد وما فيك***تنكر..!! بأبّا حال خليّتك

كسّرت راسك بالزجل تاريك***بتحكي بقفانا بيحترق زيتك
وبنصير قبل الدبح متل الديك***قرقة زراعة بقيت يا ريتك

غامض يا شاجي بالزجل وركيك***ولو صرت إلّاوي ما حبيتك
من حيث دمّك بالبلاغة سميك***وجلدك متمسح عا القتل ما فيك
تعزم بنات الضو عا بيتك

الله لا يقيمك قلتلك لا تلعب مع البحر

ملاحظة ينقل حوارنا عا برحليون وزجل وبس للمتابعة ينقل غدا بسبب ضيق الوقت
وبدي نام تتقبل التعازي في موقع زجل يومين الثلاثاء والاربعاء وفي موقع زجل وبس يومين الخميس والجمعة
نرجو عدم التبرع بأكاليل بل بالعملة

ختام الافتتاح ....

موسى قبل ماإنزل وعالأرض صفي
بسمايي كنت لون الرب صفي
أنا وياه بالجنة سوية
لادنيا ولابشر فيها ملفي
كنت دحرج قصايد سرمدية
قفي شعر خمري وخمر قفي
الملايك خلف مني عالسجية
الردة ترد كلما البيت قفي
صدى صوتي وعي وجاوب عليي
سمعت ردي القوي كفة ب كفة
وكتر ماتوهجت فيي الحمية
وعلى دفي كتر ماضربت كفي
هر نحاستو بضربة قوية
ولففت كون الله بفرد لفة
غضبت ونفخت فيها الجاذبية
ت علقت بالفضا وللناس صارت
شمس الله من نحاسات دفي
===
يتبع

شادي موسى والله الصار لفنوني مواكب عرفني مركب الإبداع راكب
وشاف الشمس حبة من غلالي
قلي؛ قوم تانهز المناكب
لاتتركني عم بدحبر لحالي
كواكب عتم فيها الصخر ساكب
ولأني بالفكر واسع مجالي
شلت من فوق راسي النور هالة
وعليها حدد مدار الكواكب..
====
يتبع

يا ابن ظراد نازل من علووي
حتى فيك حد الحد سووي
متل مابغصنك المنشار سووا
ومتل مابجرحك مساوي المكوي
انت لامرتوي ولا غيم روا
ولاتراب ولاموسم عم يجوي
انت طارة عليها الجلد طوا
طبل منبر شعر غيرك مدوي
وعذكر الطق وفحيحك الدوا
شوف الفرق عنا وين هوي
أنا بشوف القصيدة جسم ضوا
ملاك من الوحي مرمر مضوي
وهجو طق وبشعري تقوا
تاسقف الكون طق من المروة
وانت شفت القصيدة بنت حوا
ولأنك شخص محلول العزايم
حتى تطقها بتشرب مقوي
خخخخخخ
يتبع


انت بالروح روحك روح جلطة
لأم الموهبة سببت جلطة
وتاتحيا الأم من نفحة أثيري
عملت دورة حياة بأرض ألطة
دلقت الفن خلطة من عبيري
ب حنجور الودايا ضربت بلطة
وتاتتمازج مقاديري الكثيرة
عملت زلزال تاحرك الخلطة
وضعت بركان بالفوهة الزغيرة
وسقيت الموهبة ملطة وملطة
داخت منها بحالة مثيرة
وعلى مخدة حنيني عم بتلطا
وبعد سكرة غناني عاسريري
عطتني عاجسدها الحر سلطة
وأنا رح قول تاريح ضميري
بعد ليلة قضتها حد مني
عرفت يا بحر قيمة هيك غلطة
====
يتبع
على اسمك تبنني ماانكتبلي
ولاشعرك ع سمعي دق طبلة
وأم الشعر طرحت سم دمك
قبل ماتموت هي وست حبلة
وحشاها اللي نضف من دم سمك
تبرا منك ومن هيك جبلة
واجا مستنقع التجرح لمك
وقت شافك ببحر الفن هبلة
بجلد تمساح لفك لف ضمك
و وشم دمعو على خدك ب قبلة
وأنا تاريحك من تقل همك
منيحة ماعملها شخص قبلي
قبل ماتراب أحقادك تطمك
بدي اكلخ لسانك ولفو
على لسانك تاوفر حق حبلة

أنا شاعر بإحساسي ونهيدي
بقصايد من اللمعات الجديدة
رصيدي مطفحو عاكل موقع
السما ورقة تشك المن رصيدي
فقر هاني ماباع الكنز مطلع
ولا شح البدر ضوا ليل عيدي
التجني منك على الكل وقع
حنا وبدر هاني بالمكيدة
مارح افتح دفاتركن تارجع
على الصفر من المسافة البعيدة
لأنو اللي معود دف يرفع
دهب ..مابيرجع بيحكي بحديدة
وانت معروف فاشل فكر أخلع
رصيدك ماحوي ردة وحيدة
وتاتستر محلك بتنزل بتطلع
تنشر شعر غيرك بالجريدة
قصيدة من عصام الغيم رصع
وقصيدة قحوش بنفحة شريدة
متل القاعد بمتر المربع
على أبواب أسياد العقيدة
وكلما نار جوعك فيك تولع
بتنطرهن تايرمولك بصحنك
عضمة شعر ملفوفة بقصيدة
====
يتبع
شادي موسى لا أشعاري بتاج الأوف كبرو
ولاهمي صير حاكم بالسرايا
وإذا غامض بشعري وعتم حبرو
غامض بس ع عقول الغبايا
البشعري غاص.. بدو يشيل تبرو
وهيدي ميزة الناس الزكايا
بمشتاوي كفوفي فيك خبرو
كسرت عضمك على رفوف المنايا
رجعت من بعد ماكسورك انجبرو
تاكسرهن واطحن بالبقايا
وتافرجي الفرق للناس ال اصطبرو
مين ال بالزوايا عاش مزوي
ومين اللي زوي ركن الزوايا
====
اوف اوف

انت ورقة وانا تعودت طييك
انت جرح وأنا تعودت كيك
انت خدشة حيا لسانك كساها
ع نول شفافك من الذم حيك
بتتباها بعراها ال اعتراها
بفضايح قال ثوب الضو شييك
ولأنو شييك ب تمك سقاها
هيدا لسانك الزيو ع زيك
ولأني عرفتها شو مبتغاها
جيت بخيط رفعو رفع ضيك
حتى كف عالمنبر أذاها
قبل ما اقطب شفافك بخلي
شفافك من حياها تضب شيك
خخخخ بلا معنى



شادي موسى أنا سابع سما عتبة براجي
الملايك ناطرتها ب برج عاجي
الجنة مسكبة زغيرة بفلاها
نزلت ليها على غيمة دراجي
برج بابل من الأرض ووطاها
قبعتو وصار أرغيلة مزاجي
البحر قزازة المي بصفاها
وسور الصين نربيشي الديباجي
والمعسل شفق نكهة حلاها
الفضا جرن وعملت الليل صاجة
وقطفت الشمس جمرة من لظاها
نفخت الغيم دخنة وقلت حاجة

وإجاني ظراد عم يركد وراها
غاص بزوبعة غيمي وعجاجي
خبط بوزو كسر سنو بقساها
وحمل من يومها عاهة ب نطقو
بدل مايقول شادي يقول شاجي


موسى فادي وبدر هاني وابن شاوي
وسام وياسر وهيفا الطراوة
والشلهوب وستيف وكمالك
وفوزي وسالم الكل بتساوي
ياما بالمشاكل من فعالك
حفرت بيناتهن هوة شكاوي
لأنك بومة النحس بخصالك
بتجرح واحد وواحد تداوي
فتنة بتزرع بتحصد غلالك
بغض مسلوق عامرقة شقاوة
وبتطبخ عداوة فقر حالك
تاتشرب كاس حقدك عالعداوة
وكلما شاعر تخطا مجالك
بدل ماتشجعو عاهالحلاوة
بتركض تاتسبو مع رجالك
ب حجة ماعطاكن شعر ضاوي
وألف مرة صرختك شو جرالك
ضوك فقسة الزر بهداوة
الجمر ضاوي التنك ضاوي بظلالك
الصدي ضاوي وقت تحما المكاوي
مرري جبينك بلمعة نعالك
لأنو ضو بويا لو تباوي
وأنا تركني بنوري الماحلالك
نور الرب شعري بالتساوي
وانت اضوي بضو العاشكالك
لأنو ضوك بيشعل بيطفي
ومارح يطفي سنا النور السماوي

يتبع
ماعندك فن تا اهجي فنونك
ولاشجرة عمر تاشححل غصونك
ولاكرم بحمار الخد لووح
ولا المنبر رح بيعطش بدونك
انت بعيونك الميبر بتكسح
اذا الميبر غرز راسو بعيونك
وجك أحمر قرونك بتنطح
لسانك أزرق وخضرة جفونك
راسك أصلع وفي عليك مشلح
رمادي مطرز بنزوة مجونك
بيزبد تمك بيرغي بيقدح
رغوة حقدك بثورة جنونك
ومتى ماصار ضفري فيك يدبح
حتى يضل منك هون ذكرى
عباب الموقع بعللق قرونك
====
انتهى الافتتاح
العوض بسلامتكن ياشباب راح الشر خخخخخخ

المنبر بالجهالي عم يعاني
من المتلك ب كر الاسطوانة
وكل شعرور كاتب نص ردة
بيتلقب بالفلان الفلاني
وأنا جاي بطرح موضوع جدي
لأنو تاج أشعاري دعاني
عرري كل متلقب ب ردي
لبس لقبو من رفوف السمانة
قبل اسمك كتبت من التعدي
كلمة "شاعر" حروفك ملانة
وأنا ماكتبتها ومعروف حدي
بين الناس شاعر أولاني
وكلما تقول ردة من التردي
بتوقيعك بنقشع شكل تاني
بحر ضو وبحر شعر وتصدي
والألقاب عندك عالصواني
شوبحرك حد حسان المندي
بحر أشعار غيمو الارجواني؟
شو بحرك حد قحوش يامصدي
السفق موجو بموجات الديانة؟
شوبحرك حد عصام ال مودي
بحر شعرو خمر دفقة غناني؟
شو بحرك حد ديب بكل شدي
بحر الارتجال المرجلاني؟
ن صنفناك معهن بالمودة
بتطلع بحر أسود بالنوايا
يما بحر ميت بالمعاني

يتبع
شادي الشعر ياستيف بنهيدو
كرامة عينك مكفي قصيدو
حتى جميل أهل الشعر وفي
رح بكفي على طراد ورصيدو
عرفت هالليوم عيدو ومش مصفي
منو غر قرونو العميحيدو
رفيقو شم عطرو بالملفة
وتاني رفيق لولحلو بايدو
وأنا من بعد ماقبرتو بكفي
صدقني ماكنت اليوم قاصد
انو يكون دفنو بيوم عيدو
خخخخخ

طلع اليوم عيد ميلادو للمرجوم ظراد