فن الهجا

من حبّي لفن الهجاء رح بلّش نزّل كل قصيدة هجاء ولو كانت ضدّي وها القصيدة للشاعر نمر شبّو موجّهة للأخ علي\






يا علي حاجي تمسّح جوخ
دشّر عِصام وفن هندستو
الشعر بدّو فكر بدّو مخوخ
الأجيال تتلمذ بمدرستو
شوقصتك من دون خمر بتدوخ
من قبل ماكاس الغبا بستو

بالله شو معبّا بها لنافوخ
تا متل راس الفجل روّستو
وكعب جمجمتك طلع منفوخ
ليش بالدّبّوس نفّستو ؟؟؟؟
قديش بدّو حف بالرابوخ
تايصير ناعم مطرح الدعسي
وماتنزج أجرك إذا دعستو

انه الشاعر عصام يوسف في قصيدة موجهّة للشاعر باسم القباني
فلنستمتع بنقد السخرية

يا راكب بنــــــــــيسان ألتـــــيما
و رايح من المكسيك عَ ليــــما
عَ فيتــــــــــنام اليوم أوعى تمر
بيشقّفك إعـــــــــــــصار لــيكيما

بسيخ الدبـح عندك ولع شو السر
ســــــمالله متل أرنولد بالســيما
و من كتـــــر ما عقلك زكا بيشر
بتلعـــــــب مع الصيصان بَفليما

ان كنّك على دبح البـشر مضطّر
جوز الحـــــــــمام دباح لَ ريما
و أن ضلّت بقلـــــــبك نوايا الشر
كان لازم من بـــــــــعد شارون
تكـــــــون الزعيم بحزب كاديما

ونبقا مع عصام



يا باســـــــــــم الواطي عن القِمّي *** شبرين أو أكتر مـــــــــش مَهمّي
بس انتبه لا تـــــكون واطي كتير *** بفزع يصفّي اســـــــــــمك مْذمّي

واطي عن الإبــــــــداع و التفكير *** واطي عن الأخــــــلاق و الزمّي
واطي عن الخلْق و عن التصوير *** واطي عن القــــدرة و عن الهمّي
واطي عن التصـــــغير و التكبير *** واطي عن الكسره و عن الضمّي
واطي عن التشـــــــييد و التعمير *** واطي عن البـــــــركان و الحمّي

ومنْشان ما توطى لَ حتّى تصير *** أوطى مـن رفاقــــــــــــك بهاللّمّي
رح إرفعك عَ زر ورد صــــغير *** حتّى إذا برفع كمـــــــــــــامي زر
تِعــــــــلى يا واطي زر عَ كمّي

ونبقا مع روائع عصام يوسف

يا كلمه من خمور الشعر صبّي *** و فضّي جرّتـــك و الكاس عبّي
أنا شاعر بأفـــــــــكارو تسامى *** بغــــــيـــر الورد مَ بْرِدْ المسبّي

يا باسم ماحدا عـــــــنكن تعامى *** إذا كــــــــل واحد بوكرو مخبّي
إنتوا حد منّي حـــــجار ضامى *** عَ ذوقي بشيل طَبّي , بحط طبّي

علق فاتـــــح على زر الخزامى *** و إنتوا ما علقــــتوا بْ زر قبّي
تَأمّل في كلامـــــــــــي الدايلاما *** و كَتب عنّي أناشــــــيد المحبّي

إذا باســــــــــــم برفقاتو تحامى *** عَ بو الطيّــــــــب مَ بيفيد التنبّي
و كل رفاقـــــــك جداد و قدامى *** تَ كبّشهـــــن بايدي قرص كبّي

يا ما انصـــحتك من زمان يا ما *** و برجع إنصــحك تنضب ضبّي
طفّي المنـــــتدى و إلبس بيجاما *** و حتّى بالحلم ما تـــــشوف فاتح
شفلك صيــــــــدلي يعطيك حبّي

تابع عصام يوسف


فاتح لأهل المنتــــــــــــدى بيوتي *** و فاتح بأجـــــــمل مطلع بيوتي
هون زهره , هون تــــــــم انباس *** هون لــــــــوحه , هون منحوته
هون شمــــــــعه , هون في قدّاس *** هون عبقة عــــــــــطر مفتوتي
هون تكّاية قــــــــــــمر و جراس *** بيحرّروا شّــــــــــــعار مكبوتي
الكلمه في إلها بالشــــــعر مقياس *** و فيها نســـــــــب إبداع مثبوتي
كلمه انحفرت عَ حــــــجر الماس *** و كلمه انكتبـــــت عَ ورق توتي
عطونا شعر يدخل قلـــوب الناس *** يا باســــــــــم ويا رومل النوتي
منحكي معن من قلب شفّه و كاس *** بيــــــــجاوبوا من قلـب جيبوتي
لا تفكّروا إنــّوقمـــــــــــــرنا ناس *** نحنا قنابل شــــــــــــعر موقوتي
لْ بيعيش تَ يشـبع من الإحساس *** لو ضل صايم تَ يـــشيب الدهر
ما بيكسر صــــــيامو عَ بسكوتي

لَ باسم كمان عصام يوسف

يلّي علـــــــيّي كتيــــــــر كنفشتو ***و عا كتـــــــــاف الوهم عربشتوا
مين اللّي منكن مَ استـغل الظرف *** و بـلّش علـــــــــيّي يهز مشمشتو

لكن أنا حبّيــــــت غض الطَرف *** و قلت عِـــــــشتوا للشعر عشتوا
تاري الـــلّي عندو بالنّداله عِرف *** يا ريت لو خــــــنقتو و لا عيّشتو

يا شاعر انْ ما كنـت رب الحَرف *** و شَعر القصيــده بْ دَيْك فلفشتو
مفروض عنقك نقطشوا عالحرف *** مطرح ما بـــــيت الشعر قطّشتو

باسم لا تحكي بالنــحو و الصرف *** و لابقيمة الـــشعر اللّي خربشتو
بالشعر ما بتجيب ســـعر الصرف *** لولا علـــــــــــى الدولار قرّشتو

ضلّوا غْرفوا من عنــفواني غَرف *** و حوّشوا أكــــــــــتر ما حوّشتو
و لاتحرفوا خط القصــــيده حَرف *** بْ نظم الشعر لو إلكن مْن سنين
اعتبــــــــــروا بإنّو اليوم بلشتوا

القصيدة للشاعر نمر شبّو موجّهة للأخ علي


يا علي فتّح عينيك وشوف

كيف الشعر متل النّبع بيطوف

شوف الحلا بقصايد سليمان

مش متل عبقة وجهك المخطوف

شوف شادي الشاعر الفنّان

بيمشي طريق لبالخطر محفوف

متل النحل بيحوم عا لألوان

تايقطف الشهد لّي مش مقطوف

بيمشي الطريق لما مشيها الجان

بيرجع طريقو بالعطر مرصوف

مش متلك معبّا بقلب شقبان

وعابواب الله عم تمد كفوف

مابتستحي مابتنخجل تنهان

لمّا الشعر يحكي على المكشوف

مش عيب تغفا بفرشتك جوعان

تشكي الطفر من شعرك المألوف

روح جيب كيس وبحبش البستان

ولا تخلّي عا طرافو لوف

وأرعى الحبق والفل والريحان

والقرنبيط والخس والملفوف

ولاتقول إنّي بالشعر حفيان

معتّر فقير مشلحف ومنتوف

من بيدق تعلم درس أوزان

وكلّك من ( محمّد ) شي جوز كفوف

وضلّك عند( فراس ) شي عدّان

حتّى تصفّي بالشعر مشغوف

مرقلك على ( عصام ) شهر زمان

هالأسم يلّي بالكَرَم موصوف

بيمرنّك مع أشجع الفرسان

كيف بالشوكة تصد سيوف

وميّل عَ جعفر حيدرلخلقان

شاعر بيشيّب بالمعنّى ألوف

بيعلّمك روح الشعر منشان

ما تضل بكتاب الشعر محذوف

ومرتو لّي عم بترصّع المرجان

من شعرها تخبّى القمر مكسوف

بتعلّمك من ذوقها التحنان

تا تميّز الواصف عن الموصوف

ورح عامشتى الحلو بنيسان

ميّل عَ أنهل دبس يا مكفوف

بيعلّمك من رقّة الوجدان

كيف بقصيدك تفتخر لحروف

عيب استحي بكرا بيجي الديّان

وبتوقفو قبالو صفوف صفوف

حفيان بالي مشرشح وعريان

وخلف قضبان الغبا موقوف

وبطلع أنا قبالك ( نمر) شجعان

والآلها قبالي رفوف رفوف

منشان يفدو بدمّن الأ نسان

بيناتنا سكنو وتركو الروف

تيباركو شعري بسما القصدان

وينزلو ببيوت شعري ضيوف
***
شافوك ياعامر بهالأكوان

خاروف من عقم الزمن معلوف

ومنشان يرضي زهوتي الرحمان

ويعمل معي بالآخرا معروف

شاهد بعينيي ( نمر) غضبان

قلّن لآلهتو بعدو من الدرب
وخلّو النمر يبطش بهالخروف

تسلم يا شاعر ولعيونك رح خلّي ها المنتدى رمز الحريّة وكل الشاعر يفرجي شخصيّتو وشوف ها التحفة للشاعر
ساجي


حــاجي يافــــاتح زنبــــق تشــتّي **** صار الشعر من بعـــدك مهتّي
مــــن شــــفيق لقـــــــــد بتيـــتين **** هــــّديت بتّـــي وتركــــت بتّي
وأبـــن الخطيب لكنفش الجنـــــحين **** قــــّديش طلعت ردتــــو مـرتّي
ضـــــل يتشـــقلب عـــلى الميـــلين **** حتّى مــرق عنقــو عالمــكتّي
ورومل عا هيكي شكل يخزي العين **** بيـوتو معتّ وشـــوفتو معتّي
ماكـــان عالموقـــــع خـــرس يومين **** لوما عملتـــو بالشـــــعر فتّي
وباســــم القبـــــــــاني ألو سنتين **** حتـــّى يبت بهــــالأمـــــر بتّي
عاســطح قبّــــانك طليــــــع رطلين **** رطـــل عجّـــور ورطــــل قتّي
وشـــادي لعمـــل حــالو طليع وزين **** عالأرض زتيتــو بفـــرد زتّـــي
الظــــاهر توحّــــــم عاغـــراب البين **** تاصــا ر بكتاب الزجــــل عتّي
لـــولا ســـــألتو مجمــــع البحـــرين **** بيشهق ناصيف اليازجي وحتّي
عن هالشــعر رح يكتبو ســـــطرين **** (لّي بيســكرو من الخـمر المعتّق
غيـــرل لي ســــكرو من ضرب متّي
********************

ونبقا مع روائع ساجي


يافاتــح وســـاجي ويا ســـاطي **** لّي صار أسـمك لامع وسـاطي
بترسم صور شعرك الحلوة رسم **** بريشة دافنشي وفكر سـقراطي
*****
حاجي يارومل تبرم على الأســم **** وتنسى غياب الشمس عالشاطي
بالأســم أســمك ماطـــلع عالكسم **** وبالفعـــل شعرك شعر قرباطي
****
من لهفتو اللــه عطـــاك الجســـم **** يـــاريت ذرة موهبـــي عــاطي
ولحــد هلــّق مــا دفعـت الرســم **** يمكـــن لأنــّو عقـــلك شبــاطي
منشـــان أحســملك أمورك حسم **** مـــازالنــي عـــالي وواطي أنت
ببقى أنا عالي وأنت واطي

شكرا خيي محمد هي زاتا

وهنا الشاعر سليمان يطق حرف بمدافع 240 ب موضوع وين البطل



سليمان

ما بعرف ليش بتضلّك مدقّف***ب وجّ الي نسور الشعر شقّف
قراري بالشعر أقطع خبارك***وكلامي جد ...؟يا خصمي تلّقف

لوما يكون عمّار بجوارك***وبحالة مزريي...؟بوضعك ترأّف
تا خلّي يا بطل تفرط زرارك***وكفّي فوق خدّك رجّ...!!!زقّف

ألي شهرين عم قرر حصارك***ومدفع كلمتي ...!!!بحصات نقّف
يا بيت قزاز لا ترشق حجارك***ونصيحة يا حرف كرمال الله
بموقع شعرنا تهذّب تثقّف


وما زال القصف المركز ويتابع
يا حرف سماع...!!!وقّعتك بفخي***وكنت من قبل حبل الموت رخّي
لأنو الكذب أيامو قصيري***عليك مناصرينك ...؟جيت نخّي

انا وردة اذابنفح... عبيري***وعا بير القافية بوجّه مضخي
بخلي المنتدى متل الجزيري***وبحور الموهبة تغرق بزخّي

انا زوّربت عا دروب العسيري***وتا أوصل ...؟قلت للنجمات نخّي
حمليني عا سما الله الكبيري***وشوفي ...!!!منتدانا واستمخّي

لأنو صار فوق الغيم...!!!سيري***وبلا ما تزوّربي دوبي وجخّي
البطل ما ضل راضي بالحصيري***لأنو زورب بكل المواقع
وكتر ما سألت عنّو داخ مخّي

تعو نرى الشاعر ابراهيم ياسين كيف يتألق مع الشاعر حرف
ويا ريت بيكون حرف عم يستمتع معنا بالأفتتاحية





افتتاحيية ابراهيم ياسين



بلا يا حرف..هات أقوى ما عندك
أووووووف أووووووووووف

غمزت النجم من طاقة عيوني----و طلَقْت الليل من محنة سْجوني
و رحت فتّش على شاعر تبارى----يلاقي كلمتي و يرعب حصوني

شفت عالغيم ...عم تلمع منارة----لْحقتو.. صرت عا جنّة فنوني
بإيدي السيف و يعيني الجسارة----و يا مين يقرّبو و يبارزوني...!
و ما عندي قلب إتحدى العذارى----ولا أنصاف العذارى بيقنعوني

و بعد ما قفزت عاتاني مغارة----سمعت نقّاد عم يستغيبوني
سبع نقّاد... طلعو يا خسارة----بحجّة يِنِقدوني..ينَقُدوني
واحد قال:.. لازملي حرارة----شحيح و بالصدف عم يسمعوني
وواحد قال:.. طلاتي زيارة----بيمرّ شهور حتى يسمعوني
قلت لا تواخذوني يا شطارى----ما فيكن بالقلبل تعيّروني
لإنو قد ما تزيد الغزارة...----بغابة تشربكت.. تا يضيعوني
بكفيها.. من لساني شرارة----يا ويل ال جرّب يشرقط جنوني!!

رجعت و سْحبت عا لساني العبارة----و لعنت بليس و تعدّل سكوني
و قلت معليش.. إحكو يا غيارى----و متل ما بتحسبوني.. إحسبوني
احسبوني خيال تا شقّ الصحارى----و شردق رملها بدفقة عيوني!!
احسبوني مِحْل.. تا خلّي الكوارة----مداها يغص من "عبرا"ل"جونيه"
احسبوني كوخ.. رح بطلع عمارة----احسبوني جليد رح بطلع سخوني
احسبوني رماد... رح فجّر حرارة----احسبوني إجر كرسي و انطروني
تارجّ الأرض.. من مبنى الوزارة----بألف دعسة على البيعارضوني!!

يا نقّاد الدعاية... و التجارة----ما فيكن قد شعرة تزحزحوني
لأنو بعد تاتطالو الجدارة...----ألف هكتار..عِدّو و الحقوني
الجدارة مش أسامي مستعارة----و جبان تْلتّم "بحرف" الليوني
ولا تبطين.. من خلف الستارة----و متل بخّ الأفاعي تلطشوني
الجدارة.. طعنة الغارة بغارة----و حارة تقابل الحارة بخشوني
و إذا بيناتكن(بوشهاب حارة)----تا كنتو بذات إسمي واجهوني

و إلك مني التحية.. يا إدارة----و على المصحف إذا بتحلفوني
ما بدي بمستشار و مستشارة----بعد نصري عا نصري تكرّموني
ما بدي غير عا عيد البشارة----إذا ناقص ببرحليون شاعر...
عليّي تِكْرمو..و تْبرحلوني..!

هناك ملحق يتبع


و



يلا هات تانشوف....

لقد كان المفكّرون في عصر الدكتاتوريّات يلتجئن
الى الواحات الأكثر ديمقراطيّة :
وهاأنذا أطلب اللّجوء الشعري إلى هذا القسم الذي أراه
اكثر ديمقراطيّة ورحابة فكر من القسم الذي يلاحقنا بحجّة الذوق الرفيع ويمحو
مايقيض من قرائحنا السيّالة في أحد ألوان الشعر الزجلي الذي نفتقده اليوم


وبمناسبة حلول عيد الحب ( العشّاق ) أهدي هذه الباقة من العتابا
للشاعر العتابي الأوّل ( علي عامر )

بوطك مش الأخطا الأخطا بوطي
أنا ماخطيت بس الأخطا بوطي
وإذا سفقتك بكفّي الأخطابوطي
بلزّق جحش حنكك بالكعاب

***
علي عامر كبر هلّق معسّكر
وإذا بيتاوب بيبلع معسكر
إذا معستو رح يقولو معس كر
العوض بسلامتك مالو صحاب

***
وصلت من بعد سنة علاج قمّتو
وجقمتو وبعد طول علاج قمتو
تركت البوم يبكي على جقمتو
ويزقي زيز وينغور غراب

***
إجا مرادي وريّو دي جانيرو
بكوروتيبا وريّو دي جانيرو
اكدنو واحشكو وريّو دي جا نيرو
انكدنتو بأزرع بيفلح الغاب

***
بمكوات الفحم ديلك بس كويت
مابدّك شارقة بدّك بس كويت
راحة لحمك وعضمك بسكويت
حلي عا قلبها منّو الدواب

____________ مع محبّتي ( نمر شبّو )

كريندايز

http://www.mshtawy.com/vb/forum16/9460/#post44439


أنا جوا بريدي رحت بحبش
و على قصايد قديمة جيت نبش
و هالايميل بركة شاعرية
على مياتها جايي ت طبش
و اذا الشعار دبش رصيف هيي
انا الروس الكبيري جيت دبّش
و سليمان كبش العنترية
بخورف منطقو و برجع بكبــّـش
و اذا بيعربش بإيدو عليي
صعب الشيــح عالأرزة يعربش
شاشة منبري الصافي بهيــة
و كل ما شاشتو بفتح تشوفو
بقشع شعر متخربش مغبش

................................................

واذا سليمان عالشاشة تمحن ..... و قصيدو عا نشاز الصوت لحن
انا ما باكلو جيفة عسفرة .... مهما تطنجر و مهما تصحـّـن
المتل فضلو إذا بيوقع بحفرة .... بيرجع من كتر غيظو مشحّن
و هوة وقت ما بكفر شي كفرة ..... و بعمل متل ما الملحد بيعمل
من هالشعر رح شوفو تروحن

..................................................

مازالو قرب الفهمان يفرط ..... و بدي اصبع ندم عالحرب يقرط
قولولو لا بقى ينفخ بحالو ...... ال عليه شروط مش مفروض يشرط
و أنا زودت عا كتفو حمالو .... و هوة اعتاد عالجمهور يخرط
قولولو لا بقا يكتر قوالو ..... و يلحق شهرة الامتال .... قالو
الراعي لو حمل عنزة بي...
( تمام هيك حبي ؟ )

......................

أنا من مهرة الشعار أسبق ..... و متلي يا شعر ما لقيت البق
كتر ما غليت طنجرتك ع ناري ..... فوقي صرت شوف الغيم بقبق
وإذا سليمان جبتو عالتباري ...... متل بسكوت خليتو مطبــّــق
و لوين بتوصل جناح الدواري ...... إذا النسر بجوانح سمر شبّق
وهلق قبل ما بلش حواري ..... مع سليمان هالشب الملبق
روحو شغّلو شفّاط ناري ..... لأنو بريحتو وريحة حريقو
بدكن تقشعو الموقع معبق



__________________
كريندايز ....... إنطلق

هلا وها ارتجالي بلا تحضير ههههههه



انا كرندايزر الحبيت نصّو***وعيونو متل لون الليل بصّوا
ما بعرف ليش عم ينزل قبالي***وبشعر الصفصفة بعرف ما خصّو

ألو شهرين ناوي عا قتالي***وانا ما كان بدّي اليوم تصّو
ورسايل حقد ... بعتوا ..؟عا ايمالي***بقتلك ليش يا كوكو توصّوا

انا بو شربل تأكد يا خالي***بقلب المنتدى....!!! موجود نصّو
جايب لاك منكّو mangoتروبيكالي***انطلق لا تخاف قرّب ذوق مصّو هههههههه

انا سليمان رب الأرتجالي***حنون كتييير...!!ما بيرحم مقصّو
واذا رح تطلق لسان الرزالي***انا ما بزعل تأكد يا كوكو
بقلب المنتدى لسانك بقصّو
***********
وبعد ما انشاف مجدي وشفت عزّو***انا ما بحقد ورح ضل عزّو
لأنو من العطف عندي كفايي**و*ما بقبل يوم كوكو أستفزّو

انا بفنزولا بدون غايي ***بحكي الحق نسوانها بلزّو
عطتني من الحلا وأخدت صبايي***وحيط العمر ما بنقدر نفزّو

انا ما كان بدّي بالبدايي***سيف الحق بالأعناق غزّو
ولا قصدي ينعمل معنا جنايي***قبل ما تشوف... هون الشعر... بزّو

انا ما يوم بغلط بالرمايي**وجروحي بيوت شعريه بنزّوا
وما بدي الناس تعملي دعايي***ولا الشعار عا سنانون يكزّوا

انا قدّام والمتلك ورايي***عا راسي النصر عم بيرش رزّو
واذا جاهل يا كوكو مستوايي***اناالحاكم بصوت الأكتريي
وما في عن كرستو شاعر يهزّو

*********************



وبمشتاوي لأنك صرت متلي***قصيدك بالذهب مصقول مطلي
لا تتهجّم على الركن الأساسي***لأنوبعملك عا النت سطلي هههه

انا معروف ما بغيّر لباسي***وبلبس بدلة الخدمة ب عطلة
وانت محطّم الرقم القياسي***لحتّى صرت بالتغيّر متلة

تعا نتزّكر سنين الحماسي***وكيف زرعتك على النت شتلة
وتركتك مختبي تحت الكراسي***وبصفحة ارتجالي ...طلعت سطله

انت بالمنتدى عندك سياسي***تلّون شفّتك والوّش تطلي هههه
ويمكن كل شي بالعمر ناسي***لكن صعب تنسا كفوف ايدي
اللي منهم آكل على النت قتله
__________________

ما معقول يا عالم ما معقول سليمان كتب قصيدة كاملة إرتجالي ..... يا أخي شي ما طبيعي شي متل الكذب
( وفيكن تقولو كذب كمان )

بتجي تتفهمن ومعروف غرضك
بتطلع دب صار مفروض قرضك
عيوني قلت متل الليل بصو
ليش الليل بيبص على أرضك ؟؟؟؟؟؟
ان كنت طْويل طولك ما بخصو
ولني شايفك طولك وعرضك
وطبيعي تفكر لساني تقصو
لأنو كل ما بيحكي بتقشع
على عيون البشر منشور عرضك


كل ما ردتو سليمات ارسل
إلي بحسو بخفاياها توسل
يا كوكو حاج لا تقسى عليي
خيط نياعنا بإيديك نســل
و أنا الي شفت عزماتو طرية
و بعدو نايم مشخر مكسل
قصدت اليوم اعمل مسرحية
و هوة يكون مهزلة المسلسل
و أنا هالموقع بصبح و عشية
كل ما احقنو بريحة معسل
بيجي سليمان .. و بيعمل أذية
بينزع ريحة الشعر بوجودو
مشان الرب قولولو تغسل



ياريتو كان شعرك شعر ظابط
كنت بعينك للشعر ضابط
العتب عال فلت علينا لسانك
و كان لسان أهل الحق رابط
تعا بسبك القوافي رفاع شانك
و لا تحكي بمستوى عالناس هابط
هلق آن عالمنبر اوانك
بدي جبلك الحبلة لأنو
مفضي ليك قرنة بالمرابط





إلك بيفنزويلا سنين ساكن
ولحد اليوم ما حركت ساكن
تعا تعلم إذا الشعار غنو
كيف بيكون سبك الشعر ساكن
أوعى تظن بدي الحرب شنو
لأني محسّبك رجال ! لكن
تا فرجي الكون من أنسو وجنو
شو هوي حجمك بكل الأماكن
على الكرسي قعدت والناس جنو
وإجو يهزّوك من كل المساكن
و ما انهزيت عالكرسي لأنو
يمكن في تحت منك شي برغي
فات .... وخلاك ماكن

**********
__________________
كريندايز ....... إنطلق