الشاعرة هيفا بموقع فيس بوك الأم والشاعرة وعركة عا الخفيف مع الشباب

يا هيفا شعرك الكلّو حرارة***يا أم القافية بيوتك عذارى

يا جبلة عطف من الله وهباتو***اسمحيلي قدّم زهوري بعبارة

الزجل يا ست هيفا من سباتو***فاق ولولح بايدة باشارة

وسرح بقصايدك تا حس زاتو***طفل محمول عا زنود الحضارة

عا موقع شعرك الشعّار فاتوا***تا طلعوا لحن من أجمل كيثارة

وبعيد الأم في أمّات ماتوا***ضرورة نزكر الطيف التوارى

ويا أمي القلب عم يعلن وفاتو***وبها الأيام صرنا يا خسارة

غدر وديب عم يبطش بشاتو***وسواد قلوبنا متل الحجارة

وانا شاعر مواقع من صفاتو***الحقيقة يقولها متل المنارة

ما عندو مصلحة يوسّع عباتو***ولا بالمدح بيحب التجارة

انا انسان عامل واجباتو***ورفضت بموقعي ظلم الأدارة

وبعيد الأم يا شعّار هاتو***قصايد بكر كرمال الحنونة

تا تبقا الأم بالموقع منارة

موضوع: يمّــــــــيِ السبت مارس 21, 2009 3:41 pm

يــــمّـــــي عَـــبكرا العِـــــــيد
يا إمـــــــــــي
بوســي الصَليبْ ورتلّـــــــــلي
وسَـــــمّـــــي
ضــــووي الشمــــوع وهَلــــلــــلي
ل ياســــــــــوع
وأوفي الندَر لـــــــمحمـــدْ المفجــــوع
بأهلْ بيتو من غَدر أُمـــــــــــــــــــــة
***********
وبعد الصلا لا تعتبي علــــــــيي
ان قلت الصلا ضلم وعبـــــوديي
لا كان يسمع صَوّتك المُخـــــتار
ومن كَفْ عيسى ما أنقلع مســــمار
ما عِدت إعتب ع إبن عَـــــــــمــي
خَيــي قبل مِـــــــنو سَـــــــــــــفكْ
دَمـــــــــــــــــــي

شقي الفجر وبعيدك ابتسمي ---وضوي العتم من نور هالبسمي
ولا تزعلي بتيبسي الأزهار ---وبتجوعي النحلات والنسمي
ليكي الربيع مروج خضرا صار ---لوحة حلا بآذار منرسمي
من دون عيدك يا حلا الأنظار --- روح النضارة من الزهر بتروح
والشوك بيعربش على الرسمي

والأم طلعت عا جبل عليان --- وشافت البحر قبالها مهتم
ساجد عم يصلي بتقا وإيمان --- تا بعيدها خير وسلام يعم
وتحت أرزي من أرز لبنان --- دعوة وبسمي مزهرة عالتم
يا رب عني بعد الأحزان --- قالت وقدرني عا حمل الهم
تدخل الأرز الشامخ الحليان --- وفار بشرايين الغصون الدم
وقال بوفا يا نعمة الرحمن --- شمل الخليقة حولك بيلتم
عيدك عطي آذار مع نيسان --- مسحة حلا تخلي الزهر ينشم
وتدخل البحر اللي ساجد كان --- وعاف الصلا اللي واجبو ما تم
وقلك يا إمي يا بحر تحنان --- هموم الدني لو بتحملي مش هم
ليكي أنا شو واسع ومليان --- فكرت حالي صرت بحر كبير
طلعت نقطة ببحر قلب الأم

بحرفين إسم الإم شو تحلا ---- ومفضل على شعوب الدني كلا
حرف الالف عالكون في لو دين -- منو إسم ألله بيتجلى
وبالميم شو فرحوا القلب والعين --- بأحرف أسامي الأنبيا تعلا
موسى النبي وبعدو المسيح تنين --- ومحمد اللي كبّر وصلا
يعني ان ذكرنا الأم بالحرفين ---- منكون عم نذكر رسل هالكون
ومنكون عم نذكر إسم ألله

بعيد الأم الشمل اللتم***وشعّار النت اهتمّوا
انشالله بيبقا عيد الأم***وكل الشخص يعيّد أمّو
*********

الأم بتعطي بدون وكيف***بننسا ها العيد الغالي

لازم يا شعّار نضيف***عيدين بأسوأ حالي

ونعمل بالموقع تعريف***للشعّار القوّالي

والّي مش خرج التأليف***بتراب النت نطمّو

يلا شباب

يا سليمان بهالمشروع ------ بتتغربل كل الشعار
مين الخرجو يشد طلوع ------ ومين اللي خرج المهوار
في شاعر صوتو مسموع ----- وشعرو عنوان الأخبار
وشاعر إلا بوقت الجوع ----- مش ممكن يفتح تمو

هاني يا فادي جوعان***وما بيرحم جوع المعدة
عم يطحن ضرسو الصوّان***وداءو عا النت بيعدي
انشالله يسلم يا أخوان***حسّون بهيكي قعدة
فادي مخلّص وسليمان***ورود النت بينشمّوا

اللع يساعد يا اخوان
على هالجوز القوالي
ما فيهن واحد فهمان
حتى يهدي على قبالي
ان كان فادي يما سليمان
مين ما مر على مجالي
بردو محمل بالميدان
و من تحت النار بلمو

ليش بتكتب فوق وتحت***تعلّم يا هاني ولا تكون

خزّان الكلمة الروّحت***وضيّعت الشعر الموزون

لا تزعل لولا تسحسحت***بموقع منبر برحليون

فادي بينحت متلي نحت***وكتّر خيرون ها الشعّار
الموهبتك عم بينمّوا
ههههههههه

جوع المعدي ما بيهّم ... بعّبيها كوسى وخيار
المصيبي لو جاع التّم ... حتى يطهّر بدو نـــــار
بسّ السمّاوي ال بيذم ... أخصامو بها المضمار
قولك مين أكتر بيسم ... سَم الحَيي أو سَمــــــــو

الأم بتعطي بدون وكيف***بننسا ها العيد الغالي

لازم يا شعّار نضيف***عيدين بأسوأ حالي

ونعمل بالموقع تعريف***للشعّار القوّالي

والّي مش خرج التأليف***بتراب النت نطمّو

يلا شباب

يا بو شربل ما بيهم ... طم الحبي وأجني غمار
بموقعنا الفرحة تعّمْ ... وتزيد حبوب الأفــــــكار
بعيد الإم الشمل نلم ... نادي ع كـــل الشـــــعار
حتى نحيي عيد الإم ... ب عيد الأم اهـــــــتمـــو

[b]

هــــاني وفادي تَوُب جديد ... يا منبر فيهن إكْـــــــبر
وسليمان وإبن شــــــــديـــد ... قولو ألـــــله أكــــــــــــبر
وطوني شلهوب الصنديد ... ان صارو شياطين المنبر
بفرّقهن وقت ال بـــــريد ... ووقت اللبدّي بـــــيلـــــتمو

سامع صوتك يا حسون ----- بتزمر عا مفارقنا
الليلي بمنبر برحليون ------ مش بحجار تراشقنا
ما تفرقنا من شارون ------ مش إنت البتفرقنا
ولوما هالعيد الميمون ----- طموحك بالشعر بزموا

بندهلك عمّو حسّون ---- يا مربعن شايب شعرك
بيني وبينك واو ونون ---- غلّو بقدرك وبسعرك
ولمّا بتحاكي أنطون ---- عا منبر شعرو وشعرك
أكبر منّك رح بيكون ---- إنت بتندهلو عمّو

سامع صوتك يا حسون ----- بتزمر عا مفارقنا
الليلي بمنبر برحليون ------ مش بحجار تراشقنا
ما تفرقنا من شارون ------ مش إنت البتفرقنا
ولوما هالعيد الميمون ----- طموحك بالشعر بزموا

*********
أمـــس نطرنا تلت ساعات ... حتى تجــــاوب يا فيّاض
عا لضفّة يبسو الـــوردات ... لا هدّرت ولا نهرّك فاض
عليكن فَرّقت الــــــردات ... لا صُحت ولا ديكك باض
بحّلف إنتو مش إمـــات ... ولا خــالات بتتســـــمو

بندهلك عمّو حسّون ---- يا مربعن شايب شعرك
بيني وبينك واو ونون ---- غلّو بقدرك وبسعرك
ولمّا بتحاكي أنطون ---- عا منبر شعرو وشعرك
أكبر منّك رح بيكون ---- إنت بتندهلو عمّو
*******
يا عمّــي طوني الطَيُوب .. يا صرخة من طنبوريت
واو ونون ان قلت جنوب .. جارك بالضيعة شو نسيت
شَعري شاب ومش رح توب .. وكلما دَرب العّز مشيت
بعيوني بلمح شلهوب .. عمي ال دمي من دَمّو

حسّون ومستر أنطون***تنين ملوك القرادي

الهيئا بموقع برحليون***علينا اتفقوا يا فادي

ولا تفزع لو جنّوا جنون***الكلمة بزتّون عا الوادي

وما بخلّي شعر ولا عيون***ولا واحد بعتل همّو

حسون وطوني ندّيــــنْ .. من جنوب ترابو بينباس
بوادي قنوبين تنــــيــــن .. صللو ع ضو النبراس
عا بابك متل السيفين .. يا ويلو ال بيكبر راس
فينا اللي بيفتح عين .. بدي بموقع برحلـــــيون
جم البقدونس جِمّو

ولك ش عاملين. هلق تا شفت القرادي....

لما جمعت الورد غمار
لأم شفاف اللهباني

شفت العلّيقات كتار
عا شكل الكَوثَراني

الليلي بجنينة أشعار
برحليون الحلياني

الورد المش مليان زرار
بدّي منشلوشو جمّو

هلق عملت update، شفتك منزل نفس القافية...." جمو ". بسيطة...

شو اللي صاير بالشّعار
جايي طهّر هالمنبر

كترة ما بالشّعر زغار
تا شوفن بدي مجهر

شافو شعري شعلة نار
أقوى من نار المطهر

صارت تحكمهن أدوار
وعالبردّية ينحَمّو

لا تغنّج حالك حسّون
شكلك متل غراب البين

صوتك من أشنع ما يكون
وخايف لا نصيبك بالعين

تا تصفّي شاعر موزون
تعرف تكتبلك بيتين

شَنْكِل عمّار وأنطون
ومعهد أشعاري أمّو

عالضفي كل الوردات ---- شربوا من نبعي شفي
ومتلن رح تنطر ساعات ---- عالمنبر مش عالضفي
اتركلي إمات وخالات ---- ومعنا عالجولي كفي
محسوبك كعبة أبيات ----- ملوك المنبر بتأموا

حكمت سبقتني عا لحظة بآخر ردي إلك من هيك طرقنا ذات القافيي .......... بسيطة عا كل حال ما زالنا بخندق واحد ههههههه
يللا شباب وينكن؟

يا ما من ماضي الازمان
منكوزني حتى غني
بيعرفني شاعر فنان
و موهبتي بتحكي عني
و معليش انشفتو سليمان
عليي جاية و متجني
ياما بجولات الميدان
هاني مسكرلو تمو

ببحور الشعر الحلوين
غطَست جداديل السمرا
وصدرا العطشان من سنين
تا يدوب بنار الغمرا
عمّار وهاني مساكين
جَنّو عا دواق الحمرا
وطراد منالمحرومين
ما بتسبح حلوي بيَمّو

هاني هيدي الردة منقالي مبارح......

» يلا يا بو خليل جولة عا الخفيف
» هيفا العنداري وبحر الزجل وفادي فياض خشب وقصب مشكل وحساب
» سليم شلهوب وعدنان سعيد وبحر الزجل حركشة عا الخفيف
» الأم
» عيد الأم