الشاعرة هيفا بموقع فيس بوك الأم والشاعرة وعركة عا الخفيف مع الشباب

هاني الكوثراني ... قلبو متل التلج نضيف
ت يبقى بعيشو هاني ... بدّو صنديد وحَرّيـــف
يسكْر تمو إهـــــاني .. رح أحذف ألْ التعريف
أقرء إسمك يا هاني ... بين كسر الحرف وضّمو

عالضفي كل الوردات ---- شربوا من نبعي شفي
ومتلن رح تنطر ساعات ---- عالمنبر مش عالضفي
اتركلي إمات وخالات ---- ومعنا عالجولي كفي
محسوبك كعبة أبيات ----- ملوك المنبر بتأموا
**********
بيعرفني منبر لبنان ... برغم ضروفي الصعّبي
أرزي عالرايي عنوان ... وأنت العشب العا كَعّبي
ولما ع نور الأيـــــمان ... فياض يزور الكعبـــي
بدّكْ تهرب يا شيطان ... لما بأســـــــمي يسمـــــو

لاحظت بالبيت في خطأ مطبعي بسيط...صححتو: "بمعصرتي" مش "بعصرتي"

يا أم الوجه الفتّان
خلِقتي لعمري فرحة عيد

جيبي العنقود الحليان
تا يصير بمعصرتي نبيد

وجيبيلي كواز الرمان
بجبلك غمرات وتنهيد

تخبي منالبدر السّهران
بخاف نجومو ينسمّو

بيهرب شيطان التفكير --- لما خصمو بيسموك
ولو أرزة خضرة بتصير--- بدهن يا أرز يقصّوك
جايي هزلك لسرير ----- ونغماتي الحلوي يغفّوك
كونك بعدك طفل زغير---- بياكل ويتلي كمو

لم غبنا صارو القصار
على جولاتي تتبجح
و كل واحد ما داق النار
حقو قبالي يتنطح
بس توقوا يا شعار
لو هاني مرة تتنحنح
لا بيبقا كبار و لا زغار
ولا عمو و لا مرات عمو

[/b]

كــلْ الّحَقْ علا سلـــيمان .. قَلــّــي نهركْ بدّو يفـــيض
تأهلّــــنا وفرحـــو الإخوان .. بتقاقي وما كنت تبــــيض
تتقـــص الأرز بــلــــبـــنان .. مين الـــعـاطيك التفــويـض
إرحـــم حالك يا إنــــسـان .. اللـــبيـــذم الأرز بــــــــذمـو

يا يا عمعوم تغطى ونـــام .. بغنيلك أنـــكغّ ابـا
ومع عمو حسون فـهـــام .. بتتهذّب وبتتربى
بفرشلك عيـنــيي حــــرام .. بجبلك زبدة ومربى
لأني خـــــايــــف إنـــلام .. م يقولو عمو والتانت
بأمـــــــــــورك مــــــــــــــــــا بـــــــــيهــتمّــو

حسون ركابو من الهم --- صكوا وكتفو مش ماكن
شموخ الأرز بيجري بدم --- عروقي وبقلبي ساكن
من طبعي شجع ما زم --- شعار المنبر لكن
التم اللي معود عالذم--- بدي بهالموقع كموا

ما بكن شي بالقرادي

اشتقنا لشاعر وادي التيم***عمّار وحرف الموهوب

يا حكمة أعقل يا عميم***سيفي بالموقع مسحوب

فادي الما بيغفا على ضيم***حاجي تنمّر يا حسّون

كل عمرو بيغفا على الغيم***وهاني نايم عا خمّو

هههههههههههههههههههههههههه لا تواخذوني قطعتوا القوافي هههههههههههههه

وهلّق يا فادي بلّش بقص الرقاب***حدّك عقاب الموهبة يا بو الشباب

طوني فرط بالمعركة وحسّون غاب***وحكمة يا حسرة صار يزحف عا الركاب

وهاني عديم الموهبة ووقت الحساب ***صفر بنتيجة معركتنا اليوم جاب

وفكرة أجتني يا تشاتيش الزجل***نعملّكون شي فحص قبل الأنتساب

شو رأيك يا فيّاض هههههههههه شو شباب استعدوا منيح االسؤلات هيّني يا استاذ فيّاض مش هيك لا تصّعبها عليهم
ههههههههههههههه
هاتوا تا شوف

ممنون لطفك يا عديم التجربي
على صفرك الحامل نوايا طيبي
صفري انا نقطة على باء النبي
و صفري اساس الكون يا شاعر ابي
و كل شيء من صفري انا بلش و صار
الا جنابك يا عديم الموهبي

حلوووو يا سليمان ........ يا خيي ما عم صعبها عالشباب بس شو القصة لكوا من أول جولة؟؟؟
هاني حلوي الردة خصوصي : صفري أنا نقطة على باء النبي ....... بس وين رحت بببو العين؟؟؟
يللا يا شباب شدولنا همتكن شوي

هاني يا فادي مدوبل بأربع صفوف***ويمكن حسن هربان من فحص الحروف

وحكمة هرب مسكين ما بيحمل كفوف***وهرهر وقال بتسمحولي بها الظروف

وطوني أبن شلهوب متل الفيلسوف***قال سألوني يا جماعة بلا كسوف

ولمّا سألتو عن المي ولونها***قلّي يا فادي...!!!المي زرقة البحر شوف

ههههههههههههههههههههههههههههههههههههه
وما قلتلك شيل ها السؤال معليش في دورة تانية ههههههههههه

المي زرقة البحر شوف: شو حلو اللعب على الحروف

توبّت حاكي فلسفي شاعر خفيف
همّو يهرّج مفتكر حالو ظريف
وقّف بوجّي بساحة الشعر العنيف
سألني شو لونو وجّك ... بقلّك خريف
سألني شو لون الميّ بالبحر المخيف
ما بقول زرقا ! بقول حمرا ! وشوف كيف
مادام عندك في جروح بينزفوا
بيكون لون البحر من لون النّزيف

لون البحر بعيونك الحمرا ظهر***أحمر عا أزرق والنظر فيه انبهر

وبعرف يا فادي كتير أنطون أنقهر***من بحر حامل فلسفة فيها اشتهر

لو شفت بو شربول سيفو ما شهر***لا تقول عنّو أصفر...!!! الموقع وهر

مواجو قوافي مفتّقة قماش الوحي***وشعرو معاني مقطّبي عيون السهر

سليمان يا طوني شعرو بهدلي
متل العجوز العم بتمشي هرولي
و مش محرزي بالفلسفة تجابة شخص
ما بيقدر يحاور سوى بالمهزلي

سلــــيمان يا ناصيف نزلت دمعتو
من حيث للــــعميان ضوا شـــمعتو
مَي البحر مش رح بقلّو لــــونـــها
تا يقول مي النهر شو هي طعـــمتو

خلونا نحط النقاط على الحروف:
1- كان رد الاستاذ طوني بليغا وموفقاً.
2- أنتظر من سليمان رد على نفس المستوى وليس أقل.

لون البحر بعيونك الحمرا ظهر***أحمر عا أزرق والنظر فيه انبهر

وبعرف يا فادي كتير أنطون أنقهر***من بحر حامل فلسفة فيها اشتهر

لو شفت بو شربول سيفو ما شهر***لا تقول عنّو أصفر...!!! الموقع وهر

مواجو قوافي مفتّقة قماش الوحي***وشعرو معاني مقطّبي عيون السهر

ولووو يا ليلى ناطر ردو انا ههههههههههههههههههههههههه

قماش الوحي لازم يا جاهل ينقطب
تا تلبس الكلمة مشالح من دهب
وكل ما عا منبر نسهر بجولة أدب
بيخسر البيقطّب عيونو التّعب

قلبت مقاييس العلم معنا والسبب
جهلك ... وتا كفر جهلك ينحجب
بزتّك بنعش ... وبين نعش ودرفتو
بعلّم حروف قصايدي تقطّب خشب

**

سليمان يا هاني بمحبرتو سكب
ميّ ... وإجا تاريخ أمجادو كتب

يا متّكل عا نقد ليلى لا تفوت***بموقع أله الموهبة ورب البيوت

الأنسان ما بيعيش ألّا تا يموت***والصوت ما بيتقطّب بخيط السكوت

نحنا الزرعنا البحر يا طوني يخوت***وكل الخليقة تقول عنّا ناس خوت

بالنعش لو زتيّتني بيغلا الخشب***كتيرهِ عليك تقطّب فراش التخوت

وهلق يا ليلى

ما خيبلي ظني سليمان أبداً، وما اكتفى برد قوي وإنما ضمنوا نفحات فلسفية حابي اتوقف عليها:
"والصوت ما بيتقطّب بخيط السكوت"
جميلة منك هذه النفحة الفلسفية، فالسكوت في الأساس ليس له وجود، والدليل على ذلك أنه لا يمكن دراسته أبداً، أما الصوت فيمكن دراسته لوجود الذبذبات، والدليل على عدم وجود السكوت هو أن السكوت ناتج عن عدم الكلام، انطلاقا من هذه القاعدة كنت أريد أن ابرهن لهاني عدم وجود الشر الذي حمل الله مسؤوليته،ولكنه أحجم عن الرد بعد أن قدم لنا استشهادات واهية فرددت عليها مبينة الخطأ من الصواب.

" بالنعش لو زتيّتني بيغلا الخشب"

كلام معبر جداً ورد موفق، فالشاعر سليمان لا يبالي بموته(الشعري، لأنو سلامة قلبو)، وهو كالجوهرة التي تزيد من قيمة الشيء الذي يحتويها.
ما زلت أنتظر ردا مزلزلا من شاعر كبير يُدعى طوني شلهوب.
ما تسكتلو.

النسر العتيق العالدّني فالِش حرام
إلا بحضن الشّمس ما بيعرف ينام
سليمان عن بتكتر كتير الكلام
مش إنت يللي بتفحص رجال العظام
جايي تا ربي فيك شعّار الزّجل
وجايي تا عَلّملَك لسانك عالصّيام