تفضل يا ثرثار ...!!!هاني ناصيف

بيخبّروني إنت كسباويي....غشّاش زيت وبالسعر كاوي

وصوتك بقلب المنتدى دبّور.....زكّرتنا بأيّام مكّاوي

شامخ إجى من سفرتو مسرور....وعا قصف عمرك بالزجل ناوي

وسبع الشعر لو صام عشر شهور....لا تخاف ما بيفطر على الواوي

إسأل علي خربان كان يدور....فزعان منّي وبدلتو جاوي

وإبن الخطيب الشاعر المشهور....بيروي يا هاني بشعرنا الراويي

وحتّى مدير المنتدىالأمّور....بنار التحدي لحمتو شاوي

وحسّان عكّاري تركتو يغور....وعمار زندو بالزجل لاوي

وهلق يا هاني سماع ياصرصور....تا تشوف بدر المنتدى ضاوي

إركع نصب عا البحص يا شطّور....ولا تقول شامخ بالزجل هربان

جايب عا قلب المنتدى مكاوي

و تتصير شاعر رافع الراية
بالافتتاح عمول تحماية
و لا تروح تحكي بالقفا بتنهان
براسك بربّي القمل تربايي
مبارح كنت بالمنتدا سهران
لقيت الهجا من جبهتك جايي
روح ستحي شامخ جبل صوان
متلو ما جابت بالزجل دايي
لو شدّ فيك معلم سليمان
و قلي يا شامخ اعطف كفايي
حنيت مرة و تركت خربان
و اليوم جايي اقلب الآيي
بعرف سريع الطق بالقصدان
و عندك حشو و بيوت تعبايي
و شامخ قصيدو من زجل لبنان
منقى قوافي الشعر تنقايي
طوني ابن شلهوب يا فنان
قول الحقيقة متل لمرايي
بدي النقد منك يجي منشان
ما يقول هاني تحيزوا الشعار
وبكرا بيألف هالصبي حكايي

انا يا استاذ كنت بسفرة عمل رجعت و خبروني انك مطوّل لسانك قال خايف و هربت منك و انا معروف عني بقص لسانات فا.......هات تا نشوف شو بيطلع منك فتحلك شي موضوع يا حبّوب

و بالاخير بشكر الاستاذ سليمان على المعلومات ههههههههه
صحيح طوّل لسان بس تطويلو طلع بمحلوهههههههههههه
شمر يا هاني على.......زنودك و قرّب لعندي ههههههه

يا شامخ علتك علة خفية
بقلبك حقد و بحكيك اذية
تروى يا حبيبي وكون اشطر
و ع درب الشعر امشي بلا خطية

احبك مطلعك من حبك مرمر
بلا صراصير و الفكرة الغبية
لانو بحكيك مقامك تصور
الحكي مراية عن النفس الابية

يا شامخ خصمك بهالشوط عبقر
لا تحكي بالمذمة يا عينية
وبلا ما تطهوج و تكذب عامنبر
وعلية حاج تتحامل خطية

اذا مقهور يا شامخ تصبر
انا عكسك يا شيخ الفوضوية
قبل مرة امتحنتك عالمكبر
هربت ما جمدت بالجبهة العتية

ما بدي قول عا منبر موقر
باني ربحت هالجولة القوية
لانو بالشعر ضلك تذكر
اسمي و النصر خلقو سوية

و عاكلمة غش يا بو عقل اعجر
انا المغشوش عم بحلف بي بيي
طلبت بالشعر اتلاقى بعنتر
طلعلي طفل يحكي بسوء نية

صفنت ... صرخت يا الله و اكبر
شو بدي بعد اعمل يا جماعة
اذا قسيتو انحسب زلمة عليي

ما في شك أن شامخ شاعر كبير له في ميدان الشعر باع طويل، وصولات وجولات مشهودة له في كثير من المنتديات، وأنا ممن يتذوقون شعره تذوق الخمرة المعتقة التي تسبق رائحتها الفواحة طعمها اللذيذ، ولكنه وقع في عدة مغالطة أريد الإشارة إليها من باب الأمانة العلمية والأدبية وهي:
" بيخبّروني إنت كسباويي....غشّاش زيت وبالسعر كاوي"
فرقت معك عا كم كليومتر، فهذا ليس في كوسبا الأبية.
واستطرد لأهنؤك على هذا البيت القوي أن سبع الشعر لا يفطر على واوي الشعر، تعبير مجازي يتجاوز الواقع ، حيث أنه سبع سيد السباع.
أما في شأن استطرادك في ذكرالشعار وهجومك المبرر عليهم فأتركه لهم وخاصة سليمان في عدم السكوت واتحافنا بما تجود به القرائح المعطاء.
هل ستعجز يا سليمان أمام شامخ جبل صوان? وتترك منتدى الشعر يهان، أم اتركها لهاني حتى الخيط الأبيض من الأسود يبان!
هل صحيح كما قال الشاعر هاني أن علة شامخ خفية? ومَن هو الطبيب المداوي?

تفضل يا هاني جمعك الحظّ السعيد.....بشاعر خيالو كحّل البدر لبعيد
طقيت قبلك جيل بالموقع جديد......و شعلت نار القافية بغمر الحصيد
و مني نصيحة بالزجل لا تمد ايد......معروف شامخ شاعر النت الفريد
ربا القمل بيروس شعّار الزجل.....و جايي تا اقصف عمرك ببيت القصيد

تفضل يا رفيق

مشرف عدد الرسائل : 519 تاريخ التسجيل : 15/03/2008

عجــــّل ياشامخ زم وآخذ زاويــــة = حاجي فكارك حاوية من الحاوية
هــاني ناصيف الفكرتو متساويــــة = روحــــو بروح العبقري متخاوية
ونفسك بمربى القمل حيثا هــــاوية = ومتهاوية ع مستــواك ولاويـــــة
تشاهد على روحك بأبيات القصيد = أفكار حرف عليك صارت ناوية
===================

ناوي يا حرف تصير كبشي للعياد....و اعزم عا لحمك عامر و خيك رواد
هاني صديقي و مش وعود علولاد....اهدا يا حرف عصاب شامخ مش بولاد
لما الاسد بيكون عن يبطح اسد.....مفروض من لبساس توقف عا حياد

مشرف عدد الرسائل : 519 تاريخ التسجيل : 15/03/2008

وينك ياشامخ بسأل ومقهور = قالوا إلي جوات سبع بحـــــــــــور
هلق الليلي بودّعك كودنيـــت = وبصبحك بكير بالبونـجـــــــــــور

بهاني بشوفك بهورة تســـليت = وجاييك حرف يشق ارض البور
ع النار بدي كان تسكب زيت = أخضر ويابس تحرق المغـــرور

يعني معي خليك ع السكـــيت = منشان خلّي طابقك مستـــــــــــور
بتعرف إلك من قلبنا تمنـــيت = تحكي ببلاغة تهزني بشعــــــــور

ياريت بيراسك قبل حكــّـيت = وضعت الجماجم بالحرب صبور
لكن اذا رح بسمعك نويـــــت = مشربـط مابـــــدي إجرحك أكثــر
ما بحب إجرح شامخ الأمـور
=========

فايت يا حرف بصفحتو لهاني و انا....لمابيوم شافو الذل و جبينن حنا
هاني يا شلح الغار اغلا من الضنا....و شامخ مزارع شب بزهورو عتنا
حرف نزرع اشواك بين ورودنا....و جايي المزارع يحرقو بموسم جنا

مشرف عدد الرسائل : 519 تاريخ التسجيل : 15/03/2008

شوباك صوب طلوع مش قادر ترود = الظابط حرف بيزحـّف المتلك جنود
هاني لاتوضع حدك بعيـــــدة الحدود = بيـــــنك وبينو في مسافة وفي قيــود
شو رح بتزرع غابتي انطـلوا الاسود = وشو رح بتحرق مابقا عندك وقــود
وقرود شو اللي صار شوك تشوفنـي = تاصير شوكي عامية عيون الحسود
==========

لعمار وسليمان نادي وكـــــــــم ودود = تايساعـــــــدوك ويكتبوا بجنبك بنود
اتركني حرف مقطوع من ارز الخلود = وبكل اصــــــحابك رح بربــي القرود
لاتظن حرف كتير بالعركـــــي ودود = البيحب يدخل عركتي ويفرض وجود
وشعار كل المنتدى شافوا الصمــــود = ورايات بيضة بيرفعوا وأوجاه ســـود

================

تركت يا شامخ بحما حرف الابي
تكتب شعر تا تصير عالي الموهبي
لاكن يا حسرة ما تحقق مطلبي
ضليت طفل صغيرجوا ملعبي
انضليت تحكي هيك كلمة مشقلبي
وتلطى بقصف عمار ناس مرتبي
رح انتفض واعمل بشامخ مجزرة
وحرم طفالا تهين ناس مشوربي

نزلناها غلط
الله حد يصلحها

تكتب شعر تا تصير عالي الموهبة

اخطاء من السرعة هههههههه

وينك يا شامخ هربت ما حميت المعركي بعد

شامخ عتاد يكون بالموقع طليع
لا بيلتفت لا حرف لا همّو طليع
شوفو بغير متوش قديشو ضليع
مسقول شعرو منيح و جوابو سريع
بس المرض غدار يلعن ساعتو
لا بيرحم الاكهال لابيترك رضيع

الله يلعن المرض يا هاني اللي خلا المستر حرف يشمت بس بسيطة
و شكرا الك لان سالت عني

اهلا و سهلا
الله يلعن المرض بس حرف طقك ما فيك تفتح تمك و جاية بو علي يكفي عليك شد همتك يلا

وينك يا شامخ حضر الليلة الخيول
جاية على الميدان قهار العقول
ومش رح بتخلص من بطش هاني ناصيف
الا ما تستنجد بعيسى و بالرسول

» هدية ل هاني ناصيف والمؤتمر
» هاني ناصيف وبسام العنداري منقول
» فادي فياض و هاني ناصيف
» تفضل عا بحر الزجل يا شفيق
» هاني ناصيف يشكّل وزارة ههههههههههههههه