فادي فياض و هاني ناصيف

رجعوا يبن فياض ايام العراك
تفضل اذا ما الخوف من هاني اعتراك
ما عتدت اشرب من مياه البلبراك
و ما عتدت خلي السبع غافي بلا حراك
ولا عتدت انزل عالحوار مشالحا
و ما عتدت نزل مستواية لمستواك

هاني ناصيف

كل مرة بقول يا هاني عقال --- وما تقفز قبال السبع قفزة غزال
مع أبو شربل شفتني بساحة نزال --- ولو فكّرت تنزل عا هالساحة نزال
رح كابش سليمان بالإيد اليمين --- ولعبك بينغ بونغ بالإيد الشمال

فادي فياض

شو باك ضايع بالحوار و بالجدال
وبيني و بن سليمان ضايع لا محال
و بالايدتين انجيت تا تعمل نزال
هي مش نزال و بان جرمك بالمجال
عم تسرق سليمان بالايد اليمين
و قاصد عليي تقوطب بايد الشمال

هاني ناصيف

اتركني مع المحبوب بالليل الجميل --- إسرق سواد الليل للجفن الكحيل
وبينك وبين بو شربل المنو بخيل --- إيدي اليمين بجيبتو لما تميل
ولما تشوف بجيبتك إيدي الشمال --- شو عرفك عم حط يما عم بشيل؟؟

فادي فياض

معروف عني بحر عالمنبر جرا
و ما بهاب لص البحر لو مهما جرا
بعب البحر موجود درة مختيرا
و قاع البحر حاوي مفاتن مبهرا
و لما بقاعي تمد ايدك يا حلو
بتكون عم تسرق يا فادي الجوهرا

هاني ناصيف

هي اول المرات هالبحر العريض
بيجري وموج الشط بيقبّع ركيض
بتقول شعرك جوهر وشايف نقيض
حاجي بقفشاتك يا هاني تستفيض
يللي بيينطر من بحورك جوهرة
متل البينطر ديك رومي تا يبيض

فادي فياض

بيجوز ديك يبيض منها مشكلي
و بيجوز من بحري الدراري تنتلي
و بيجوز ملحي بعينك تشوفو حلي
و بيجوز ميّة بحرنا تغلي غلي
بس العجيبة يا شويعر بالزجل
تثبت وجودك عا منابر بو علي

هاني ناصيف

ناصيف ساند منبرك عا قشتين --- خصمك عا قدك والكراسي بحصتين
يرحم الزين الكان نسر المنبرين --- عم حس روحو اليوم نقزت مرتين
مرة لأنك انت حامل كنوتو --- ومرة لأنو ما انحفر تمثال زين

فادي فياض

معليش لولا قصروا بتكريم زين
صعبة نكرم نسر فوق الفرقدين
ولما انا بالمرجلة رجحت عين
وزرعت كفي بوج فادي خمستين
و حفرت اسمي مدرسة بفن الزجل
معناتها خلدت اسمو مرتين

وحياة منبر بو نبيل و بو حسين
وموسى و خليل الكان نسر المنبرين
ما عتدت سند كرستي عا بحصتين
الا ما اسحب من عضامك عضمتين

هاني ناصيف

كفك يا هاني قبل ما يصفع نسي --- انو بيحمي صاحبو بمسدّسي
لولا الدولة عالنظام مأسسي --- بتسكّر مدارس رخيصة ومفلسي
وانت بدك مدرسي لكن بشرط ---نشيل تاني حرف من هالمدرسي

بعدو يا هاني جناج شعرك ما كسي ---ونهرك تمرجل عالمحيط الأطلسي
وخود مني عضام قلبي ما قسي ---حوا عطيتا ضلع مني ومحبسي

فادي فياض

لما المرس بيصير موضوع الحوار
بيصير صعبة نقنع ولاد الزغار
جيب المرس معليش مشروعك انهار
و خدلك متل واضح متل ضو النهار
محمد ما عرفو بالعشيري قيمتو
و ما في نبي تكرم على ارض الديار

مازال حاتم طي صار باختصار
وفاض الكرم من خزنتو و فضا الجرار
ربك العاطي ستك ضلوع الوقار
مش من كرم اخلاقك الموضوع صار

هاني ناصيف

طه النبي عا درب إيمانو سلك
وبنور قرآنو ضوي ليل الحلك
ويسوح شرّع دين تا الروح امتلك
لكن انت شو عملت حتى نكللك
كل شي عملتوا سرقت كنوة بو علي
وداير عم تحارب بخنجر مش إلك

ببنك الشعر صعبي يا هاني إكفلك
وغيم الضعف غطا شمس مستقبلك
وبالمدرسي أيا مدير بيقبلك
وما جبت مرة بإمتحان معدلك

فادي فياض

عملتك حرامي قبل هالرد الظريف
جاوبتني بمنطق متل عقلك خفيف
و عا ذكر زين شعيب هالنسر المخيف
لا تظن مجد شعيب زعلان و ضعيف
قبلي حرق نص المنابر بو علي
و اليوم جايي يحرقك هاني ناصيف

تنبه عا ورقاتك يا شجرة بالخريف
رح هر ورقاتك على بلاط الرصيف
و بالعلم ناجح بس ناجح ليك كيف
ناجح بصف العشق مع جنس اللطيف

هاني ناصيف

ما خف عقلي غير لما الظرف جار --- وجبلي خصم مش قد جولات الحوار
لو جيت يا ناصيف تحرقني بنار --- احرقني عجين بيطعم عيال الكتار
احرقني اغليني خمر تا زور الجرار --- واحرق هموم الناس في كل الديار
لكن انت لولا يا هاني بيحرقوك --- بتصير شرقيطة مع ولاد الزغار

ههههههههه ما تزعل هالمدة موسم اعياد وفرقيع هههههههه

شو باك يا هاني ما كفيت المسار --- وخايف قبالي يكشفك ضو النهار
وجنس اللطيف البدهن حب ووقار --- مش سيف بطش وبهورة وقتل ودمار

فادي فياض

اكتبوا للنصر عا وراق الصحيفي
نصر هاني ابو السطوة المخيفي
و جيبو بو علي بهاليوم ضدّو
ما بدو عاد هالشعرا الخفيفي

اندهوا ملوك القصيدة اللي انعدوا
اجا من بعدهن هاني خليفي
و حاجي اللي متل فادي يكدوا
تعبت من ناس بتأدي وظيفي

انا نار القوافي و لو اسودّو
حروفي اليوم باخدهن خطيفي
انا شراقيط لطفال استعدوا
بعد ما تزوروا الكعبة الشريفي

و انت من صنف اشخاص استبدوا
و بمرج الشعر اشواكك كثيفي
و مهما الشوك ياخد طول حدو
طويلة نشبهوا بزهرة رهيفي

و فادي البعرفوا و هلقد قدو
اجا وقتوا بعد كتر العليفي
المقابر يا شويعر ما تغدوا
و ما بعرف غير ما ضيّف رغيفي

و هلق رب بيت الشعر بدو
يشكشك بالرمح يا شب راسك
لانو حان موسم هالقطيفي

هاني ناصيف

سرّب يا هاني ونام وتغطى
ويا ريت لو صوتك بيتوطى
مش بس منو هون مزعوجين
منو نقز صهريج لمحطة
ذكرت هالكعبة وذكرت الدين
وانت ماشي بعكس هالخطة
ناقص عا مكة تحج يا مسكين
وتلبس عبايي وتعتمر حطة
شو باك بالنزلة دعست بنزين
ومعجوق وبخنصر بتتلطى
ضعيف ان كنت عا شكل عمد التين
بيستكتر عليك النسر غطة
بتحكي بعليفي ومقبرة وسكين
وكل لحظة في إلك نطة
متل الطرق صاروخ كوكايين
ولقلق وصار يبربس وسهيان
ومن كتر ما تدهدك أخد غطة

» هاني ناصيف و فادي فياض من جديد
» هدية ل هاني ناصيف والمؤتمر
» تفضل يا ثرثار ...!!!هاني ناصيف
» هاني ناصيف مطلوب تكسير روس
» هاني ناصيف وبسام العنداري منقول