هاني ناصيف يشكّل وزارة ههههههههههههههه

Hany Nassif (Lebanon) ha escritoHace 21 horas
وينك يا بو شربل نيراني شاعلي
لاكن في عندي الف قصة و مشكلي

تا شكل حكومة بدولة مهلهلي
بامر الطوايف هون فحوى المسالي

و بتلت ضامن تالقضية تنجلي
قلي شو عندك ناس خرج المرحلي

و لاتقول حكمت او ابن فياض عال
ما بيقبل بمرسوم اسمن بو علي

ملك النت وبحر الزجل
بو شربل

يا هاني انجيت تا تشكّل وزارة
حدد بس وقت الأستشارة

وما بدنا تغيب غيبة سعد عنّا
وتنقل من أمارة عا أمارة

لأنو هون بالموقع ما عنّا
وقت للت يا هاني خسارة

انت صهر المعنّى وزند بنّا
وجدير كتير تبقا بالأدارة

ولأنو موقع الكلمة تدنّا
وما بدنا ناس وسخة للتجارة

وانت ما فيك مرة تنوب عنّا
وترفض اسم او ترشق حجارة

لها الأسباب يا هاني تأنى
قبل ما ترفض الأسماء راجع
ضميرك مين في عندو جدارة

ههههههههههههههههههههه

Fadi Fayad (Lebanon) ha escritoHace 14 horas
يا هاني هالحكومة دشروها
قبل ما تدخلوا وتخردقوها
ان كنت صهر المعنى حل عنا
وروحوا هالخنادق سكروها
نحنا كلنا بدولة معنى
بقيوا خالدين الأسسوها
ولا مرا حدا عليها تجنى
ولا قدروا بتلت مرة يعطلوها
إذا بمرسومك لسانك تغنى
انقعوا المرسوم والمي اشربوها
ما بذكر وكّلك أحمد وحنا
بأنوا هالوزارة تشكلوها
يا هاني انت وسليمان منا
بحكومة شعر عم بيقدروها
اطلعوا من التلت والربع التدنى
العلكي لو السكر راح منها
مش لازم تضلوا تعلكوها

هههههههههههههههههههههههههههههه

Ghada Bfd ha escritoHace 19 minutos
ههههههههههههههه حلوة ومهضومة فادي طعميتن كف

بحر الزجل بو شربل
يلا شباب شكّلوا بلايي
هههههههههههههههههههههههههههههههه

يا فادي فهام قانون السياسي
الفيها معرفة وحكمة وكياسي

ما فيك تشيل كلمة من القصيدة
تا تختم حفلتك اعمول دراسي

وعلى التشكيل يا هاني مفيدي
تعمول طاولة تصفّ الكراسي

وما فيك تشكّل وكتلة بعيدة
من الشعّار بالرقم الأساسي

انا من جهّتي مليّت ايدي
ووزارة طلبت تعمول عا قياسي

ولفادي وحكمة وطوني اكيدي
في ألهون حل عنّا للكناسي

ولأنو بالزجل عنّا عقيدي
اللعندو هون شعبيي وحماسي

ما فيهون يحذفوه ومش طريدة
بتاكل لحمها وبتقول ناسي

انا يا ريّس الموقع بريدي
ببقا فاتحو ولا تكون قاسي

ولأنو جيت تا حمّي الحديدة
ما بقبل بالحكومة تكون سلطة
ورأيس يورّث الشعبو التعاسي

نطلب رأي حسن كوتراني ويا ريت حرف موجود معنا وعمّار وابراهيم ياسين وطوني شلهوب
وحكمة

هههههههههههههههههههههه

بين تشكيل القصائد وتشكيل الوزارت بيضها سليمان بهذا البيت:

" لها الأسباب يا هاني تأنى
قبل ما ترفض الأسماء راجع
ضميرك مين في عندو جدارة"

Hany Nassif (Lebanon) ha escritoHace 23 horas
يا شعار القصيد الارتجالي
تعو تا نحلل الوضع ببسالي

وتعو بهالمنتدى نشكل حكومي
تا ننهي هالسفاهة و هالرزالة

ويا شعّار المواقع لا تلومي
هاني لشكل بحب و عدالة

قبلوا بصيغة قبلوا يلا بقدومي
وما بدّي للتلت اعطي كفالي

عندي مشاكل وبحمل همومي
ما بدي اخسر و لا ضر مالي

انا ما عدة رح احضر فلومي
والحكومة جيت اعمول عا مودالي

و يا فياض هالكلك نعومي
ما بقبل تنحسب بمقام عالي

لانو بمركز الصف الهجومي
بدك نمر ما بدك غزالي

ولو يا ملايكة الله تقومي
ما بقبل وزّر اللي كان ضدي
ولا بقبل غير تا احكم لحالي

فادي فياض

يا هاني ليش بتطوّل فتيلي
ان كانت موهبة شعرك قليلي
ان كان بفكرك بتحكم لحالك
العوض بسلامة العيشي الجميلي
وإذا بدك حكومة عا مودالك
من زائير رح جبلك قبيلي
تبخرلك متى شافت ظلالك
وعا بيتك تنقلك عا ضهر فيلي
السلطة مش بنك تا راسمالك
يزيد ويعتمد أسوأ وسيلي
ويا سليمان فضي اليوم بالك
أنا ضد الوراثة للسليلي
يا سليمان ما بقشع مجالك
بحكومات منبرنا الخليلي
انت المطبخ عيونك عمالك
وشفت الكون شهباية وفتيلي
ويا هاني وفر بهالعمر مالك
وتروك السياسي عالقليلي
السياسي مهر عم يسرح قبالك
إذا عا ضهرها جربت تطلع
رح ترميك عن ضهر الأصيلي

ههههههههههههههههه ولك شو بدك بهالشغلة

ملك وبحر وطبّاخ المواقع
بو شربل

يا هاني قناع منّا يا ضنايي
وبلا ما تشكّل حكومة بلاييي

انا وفادي سويّي رح نشارك
لأنو الحكم بالعيلة هوايي
ههههههههههههههههههه
انا كنت السياسي يوم تارك
ومطاعم شعر أسستها بعنايي

وربحت كتير والخالق يبارك
سألوا بسّام مشرف عا الدعايي
ههههههههههههههه
انا يا صاحبي فيّاض دارك
بأنّو الحكم بدّو صار دايي

يولّد حل تا يجنّب معارك
وطبّاخين ها الطبخة كفايي
هههههههههههههههههههه
لها الأسباب جايي اليوم شارك
لأنو خبرتي بطبخ النتيجة
بتجبر فوت عا المجلس نكاييي
ههههههههههههههههه
اكيد مجلس الوزراء مش النواب تا ما تقولو تعدي عا صلحيات
مجلس النواب
شفتوا انو الطبخ اهم شي بالحياة السياسيي
ههههههههههههههههه

يا برحليون قوليلن عريسي *** بتاج المملكة دُرة نفيســي
وعلى عرش الزجل لولا تربــع *** بيمـّشي الكل عا الخط الرئيسي
ونهج جديد جيت الليوم أوضــع *** حرام الفوضوية والدسيسـي
عا ميدنتي آذان الحق بـــرفع *** وخطاياكن بطـّهْر بالكنيسـي
يا فادي قبل ما تطرح وتجمع *** على جـَدول الحقد الكونداليسي
تذكْر بالسفارة رفضت تقنع *** جكارة بــَس تا ترضي الخسيسي
با التلتين يا فادي لا تطمع *** لأنو حصتكْ معنا بخيـيسي
وعا ساحتنا إذا بتنزلْ مفـّرع *** أنــا صّيــادكْ وأنت الفريسي
قدامك يا شاعرنا تطــلع *** وقبل ما تقول حالتنا تعيســـي
على جـُرحك إذا بكبس بأصبع *** سنـينك كلـّها بتطلع كبيسـي
يا سليمان عا الكرسي لا تفّزع *** قبل ما يعكــّرو الألفة الأنيسي
رئيس وما حدا غيرك بيطـــلع *** ولآخر يوم من عهـدْ الــــولايي
أنا رح ْ ضلْ واقف مع رئيــــســي[center][b]

حلوي استاذ حسن،

رح شكل حكومة و عا زوقي ديرها
واشرف انا يا ناس عا توزيرها

و جيب حسون و بو شربل يا بشر
تلاتي فقط يا ناس رح منديرها

[quote="layla"]حلوي استاذ حسن،

أشكر مرورك أخت ليلى وأطراءك رغم بعض الشوائب بالقصيدة اللي شوهت إنسيابة القافية كان لازم تكون إنشائيتها أفضل شو بعمل بيسفزونا دائما

وهــَون المتعة بالزجل أخوكم حسن

[/quote

hany nassif كتب:: رح شكل حكومة و عا زوقي ديرها
واشرف انا يا ناس عا توزيرها

و جيب حسون و بو شربل يا بشر
تلاتي فقط يا ناس رح منديرها

ما زال بالتــــالوت عـِندك إعـتققاد
والمجــــلس يإمـــان هاني شَــكْلـو
المفـــروض إنك توقف بوج الفـسـاد
متــل ما وقف المسيح بهــــيــكْلـــو

والمشاورات تستمر وعناد هاني ناصيف
بتشكيل حكومته عا مودالو عنيد
هههههههههههههههههههههه

بحر الزجل

ما بعرف ليش تا هاني عزمنا
عا وقعة من الخصم زاتو ال هزمنا

وعلينا فلّت لسان الشتيمة
وبيقولوا كذب نحنا ما التزمنا

اااوووف اوووف
يا هاني عيب تعزم ها العزيمي
نحنا عزّة النفس بشيمنا

سكّت كل انصار اللأيمي
وتا تحكي الحق اطلع عا قممنا

نحنا يوم ما قبلنا الجريمي
وشهادة كل لبناني احترمنا

نحنا للوطن والحق قيمي
وعا عملة فاسدة ما يوم نمنا

الحوار بتطلبو النفس الكريمي
ومسيحي ومسلم ودرزي قيمنا

بدنا شعبنا يشد العزيمي
وما يقبل بالتدخل يا جماعة
وحكومة منزّهة ترفع علمنا

يا بو شربل انا صرلي بعاني
سني و تنين او يمكن تماني

تا حسّن وضع هالدولة شوية
و شيل المجرم و انهي الخياني

و لانو واقع السلطة الابية
بموطنا لحوي مية دياني

هجمت على الوزارة بطيب نية
و قلت يا رب اسرجلي حصاني

ولانو منبر الكلمة الوفية
متل دولة علمها صار حاني

شفت فيكن رمز سلطة قوية
و ضماني للشعر انتو الضماني

تركت حكمت لي عندو جاذبية
على النسوان تا يشتي عياني

و فادي بعد جولة عنترية
لايتو مش خرج يحمل صواني

رجعت عا منتدى الكلمة البهية
و ببرحليون تا ثبت مكاني

خدت حسون رمز الشاعرية
و بو شربل للزجل اسطول تاني

انا هيدي الحكومة الحربجية
تلاتي متل ثالوث المقدس
حسن بو شربل و عالراس هاني

حكمة شديد الحلو

يا هاني أنت وسليمان زيحو
عن المنبر إجاء ربو ومسيحو

بصوتي بزلزل جبال وودايا
وبأعصار الوحي برقو وريحو

وأنا وردة على صدر الصبايا
مطرح ما الجعود بيستريحو

وأنت ريس عصابة بالسرايا
جايب كيس مع كم لص متلك
تا أموال اليتامى تستبيحو

hahaha

ملك الطبخ وملكوت الزجل وبحر الارتجال
بو شربل

يا هاني سماع من حكمة صريخو
قبل ما تدوّقو كفوفك تليخو

هودي كبار بالمعنى الحقيقي
ومتل ما شاخ جدّك رح يشيخو

ويـــــا ختيّار لا تقطع طريقي
أبو شربول سنّ اليوم سيخو
هههههههههههههههههههه
انتبه هاني صديقي ومن فريقي
صفّى شيف بمطاعم زجلنا
ووعدني اليوم انتي من طبيخو

قلّي يازجل لبنان قلّي *** مين العم يزيد الطين بلـــة

وما زال الحكم عنا ديمقراطي *** هِني بنفس حرة يصلـــــّو
وأنـــــالأرزتي الحُرة بصلي

حتّى الطبيخ بالسياسي غدا عمل ههههههههههههههههه

يا هاني ليش بتحب التحدي
عزمتك عا الغدا والبحث جدّي

رفضت تروح تفطر يا معنّد
وانا حبيّت تاكل صحن حدّي
هههههههههههههههههههههههههه
وما زال اليوم ها الموعد تحدد
تعا نبني ثقتنا بالمودّة

ونخرج ها الحكومة بهيك مشهد
وندخل عا السرايا بلا تجافي
يدّي بيدك ويدّك بيدّي

[center]
قللي يازجل لاتبل ايدك = بطبخات السياسه الما تفيدك
شبعنا من الدجل والعنترية = حرامي ولص بيو يكون سيدك
قطع بالكهرباء ولا لتر ميه = ولا شمع ولافلوس تمد ايدك
ولا شغل ولا وظيفة يا خطيه = شباب مسافره والهجر عيدك
وحكومة مثل طبخ مهلبية = رصيدا نار تاكل من رصيدك[/center]

طبخت أبو شربول مشهـورة
فيها عقول الكل مســحورة
عاسفرتو كلما أكلناكـروش
بيصيبنا إسهال وضـــرورة
ما زال عم تستوردومن بــوش
جنون وبقر وكلاب مسعــــورة
كل شي بتطبخ فاسد ومغــشوش
وتا ريحّك يا شاعر الكـــورة
حسون رح يفطر على فتـــّوش
وناصيف يتحـــلا بسنيــــورة

قالوهاني و الجارة....بيدو يشكل وزارة
يا هاني توقا لا تصير...متهوم بهاك الجارة
ههههههه

وين راحو نص الشعار....عا مكة يمكن هجو
لمن شافو خطوط النار...حجتهن راحو يحجو
لا تهزوا الواقف عا شوار...لمن ايدو الله يبجو
مندعي الشعار الاحرار...يلاقونا عالمختارة

يا شامخ بها الغارة *** متل الرقعة عا الكارة

مقـّطع بالمقلع تقطيع *** ومكـّسر با الكّسْـــارة
*****************

المـُختارة محــَجْ الأحرار *** الكوتراني عليها حـَج
وقّدس رائد بالأفكــــار *** بمشروع التاني ما انزج
لاكن المصيبي يا جـــار *** تمدح بالجارة وتحــتج
وأمس سمعنا با الأخبار *** ناوي تعملا زيــــارة [center]

مش عيبة الجارة تنزار....بطقة ضهر الصيفية
العيبة تتلطى ياجار....و تنزل تحت الشمسية
تزورا لم يخلص لنهار....يمكن بعد السهرية
تتعشا و تفرش بالدار....و اول ساعة بتاني نهار
بتقول عنها غدارة

تأليف هالوزارة صار بدو شطارة بس يا شامخ مرح نقدر نلاقيك مطرح ما بدك تما نحتار أكتر، وندوخ...

» فادي فياض و هاني ناصيف
» هدية ل هاني ناصيف والمؤتمر
» تفضل يا ثرثار ...!!!هاني ناصيف
» هاني ناصيف مطلوب تكسير روس
» هاني ناصيف وبسام العنداري منقول