تفرغتلك يا سليمان ...اتروك كل شي وتعا

شفيق

الجمر المكوّى ان مرّ منّك عام لوك...لو بالمثل أهل
المكارم عاملوك
معوّد أنا اطحش واقحم عاملوك...المنبر وأقطاب الزجل والميجنا

يا ريتك قبل ما غنيت غطيت...بنومك والجسم بالحبر غطيت
على شوشو أنا لو يوم غطيت...تأعملكن عصابيعي لعب

بو شربل

متل ما حمير بالعالم بقر في***وومعارض عارض وحاكم بقر فيه

وما زالها رقبتك حلمت بقرفي***يا أهلا فيك عا قرف الرقاب

ملك العتابا

تركتك تا تدفع خط يا شوشو قطع***وبين الحقيقة والكذب عذرك قطع

رح افرطك بالمنتدى وبيعك قطع***وتاجر مع الشيطان سوّق للفــــــــنا
هههههههههههه
يا شادي بدنا منك لحن للتوزيع ههههههههههههه

شفيق

ريتك جيوش العبقرية قطّعت....من قبل ما بيت العتابا قطعت
بحيثك شفيق بكل قطعة قطعت....من كل قطعة خود شاعر ميجنا

حاجة تبحث بمنطق بقرّف....من رفوف الذكا منّك بقا الرف
وإذا بتشوف شي مرة بقر رف....بيجوز جوانحك هني السبب ((هههههههههههههههههههههههه))

لا تزعل اهاا ..بشرفي مزح إذا بدك بمحيها فورا

ابو شربل

فتحت النت عا الموضوع دب بان***شفت نمر
القصيدة بين دبّين

وفي عندك نحل يا شوشو ودبّان***وبو شربل جانحو شهد وأدب

********************
قطعتك بالزجل والسيف تلفان***وعا خطّي الأفكح المعروف تلفان

انا رح ضل بيعك هون تا الفن***يصفّي بقلب مشتاوي طرب

****************

مرمغ جبينك بالشهد تا تصير بيك***ولا تضل تكتب ردتك بقلام بيك

ولو يعرف الجمهور شو بيصير بيك***كانوا عليك ترحموا بالميجنا

ههههههههههههههههههههه

ولا يهمك مسموح المسبات بالشعر بس نثر ممنوع ههههههههههههههه

شفيق

جوقك يا شاعرنا حسبتو جوق لي....ولو كان جوّك بالعتابا جو قلي ((هههههههههههه))
شبع فرق شعرك يا شاعر جوقلة.....خصمك جنودو مجوقلة وممرّنة

يا بو شربل تعا اعطي بشر بالـــ.....بشاير كل ما بحرك بشر بل
كفاك تنط يا خيي بو شربل.....التنطوط ما بيلبق للدبب....
((هههههههههههههههههههههههههههه))

عند ما الورد بمواسم عطر شك....ندمت ساعة ما عم نغّم عطرشك
يا حيط الميجنا ناوي عطرشك....وعبالي اخرطك تا تصير باب

ولك خايف ما يفوت شي حدا يقول شو هالمسبات ؟؟هه
بس يا شباب اللي بيعجبني ببو شربل أنو فهمان الزجل مزبوط وكل لحظة وألها حكمها ...يعني بلا مواخذة إذا بدي ردلو عالزهرة والنحلة وعالقمر عكل مزحة منبريّة ...منبيّخ الجولة ...
بو شربل شاعر وأنا كتير مبسوط بهالمحاورات

بو شربل

تا فيك تصيب عين الفهد والديك***البارودي كماش بالأيدين والديك

على جهنم انا قررت ودّيك***وشادي فوقك يجمع حطب

***************
انت سميّع والحولك مسامير***ومسايي عليك يا شوشو مسا مير

كفاك تبيع بالموقع مسامير***الموقع شعر مش معمل خشب

هههههههههههههههه

***************
شوشو يا أفكح من تلج شعري برد***بنحكي بشعر منحوت بالدبشي برد

سكبت القوافي فوق نافوخك برد***بركي بينبت ذوق وبتعطي جنا

ههههههههههههههههه

بدي شكك بشيشي ا ّورا الشك***حط بهار عا جرحك ورشك

أمير القافية طقّك ورشك***وقبل ما يدهنك حفّك ورشك

الفتنة نايمي عندك ورا الشك***وما بعرف ليش شاكك بالصحاب

ههههههههههه انشالله تكون عا مازوت ههههههههههه

شفيق

ما جيت في سيف المعاصي باري دين...ولا جيت تا
خلي الليالي باردين
جايي أنا خلي سيوفي باردين....عضلوعك وسن الصوارم والقنا

يا صوص الشعر لا تهجم على الديك....إذا ما فكرت تضغط على الديك
يا خيي خرجك تقلّد علي الديك....وسعدا خلفك تقنقش حطب (هههههههههههههههههه)

شفيق اللي صدور الغيد سمّر...بشعرو لا تفكّر فيه سم مر
مساميرو قصد هاليوم سمّر....لحتى يدوقك طعم العذاب

يا بو شربول بين النقد والشك...بصفّقة هالحكي سودت وشّك
ضعت بين الطعن بالرمح والشك....على راسك تشفت السطح والشك
انتها ترمك ووقت الموت وشّك....وم بعرف ليش حتى العقل وشك
وشفيق ان زاد فيك الظن والشك............تأكد أنت بتكون السبب

__________________

بو شربل

ما كنت فتحت بالأشعار بووش يboucheــ***لو ما الناس قالوا الخصم بو شي

أوباما ان كنت أو بتكون بوشي***بدّي شقّفك متل الحطب

****************

خوفك يا شوشو صار هوّي حاجبك***عنّا بعد ما صار هوّي حاجبك

مهما عقدت ب منتدانا حاجبك***بيضل بو شربول هوّي حجّبك

ولو صرت شيخ المعرفة أو حاج بيك***بتضل تحني بالشعر ليي أنا

هههههههههههههههه

***************

يا بو لسانين عندك انت وجّين***ما بدنا نفوت بين السين والجين

فحصتلك خلايا العقل والجين *** شفنا دماغك المهلوط نصو

وإلي فكار الوحي أفكار نـَـصّوا***وحديثك بالزجل مفقود نصّو

فتت عا صفحة الشعّار منحاز***تا تسأل عا لقب ملكوت من حاز

إسأل روح غيري رقاب من حز*** وصلاة الموت بالموقع تليتو

بعدما كوب أشعارك تليتو *** وما في قرقور رح ندبح تا ليّتو
تبيّن مدهني يا بو النسب

ههههههههههههههههههههههههههه

واذا القرقور مرّة بست ليتو**قصيدك صار مدهن بس تليتو

يا شوشو انت قطعة بستليتوbastelito***عا فرن الموهبة وجّا التهب ههههههههههههه

هههههههههههه

البستليتو هي بالسبنيولي الفطيرة المحشيي بالجبن بالدجاج بالسمك ههههههههههههههه

يا سوس الحقد أرزتنا ما ناخير***صداقة ديب ما شفنا منا خير

عندك بووز يا شوشو ومناخير***بيعبّو جوّنا الرائع ضباب
هههههههههههههههههههههههههه

بتعرف ليش بحبك لأنو بتحمل قتل ههههههههههههه أكتر من شادي الأفكح ههههههههه

__________________

شفيق

هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه
هههههههههههههههههههههههههههههههههههههههههههههاهاها هاهاهاهاهاهاهاهاهاهاها
بستليتو لكان ههههههههههههههههههه

شفيق

سليمان العملتو صحن كفتا.....موازين الأكل تتصح كفتا

وكفتا راد يا حضار كفتا....يشويني متل مأكول باستا pasta
ههههههههههههههههههههههههههه
وأنا اللي كان بدي صوم بس تا...شوفك ليّة القرقور بستا
ههههههههههههههههههههههههههه
يا بقسى عليك في هاليوم يا برق...وتمطبخ هالشرق بالكون يبرق
يا أما بعملك طبخات يبرق.....يا أما بفرمك متل الكبااااااااااب
هههههههههههههههه

العما عهالتأفيل يا زلمة هههههه

غني معنى يا زلمة قبل ما يحكو الناس عليناههههه
يا بو شربل أنا ناوي عبرشك.....متل مالرمح بضلوعك عبر شك.....لحتى جفنك ينقط عبر شك
شو يللي منفخك يما عجرفك.....أنا اللي جيت تا زتك عجرفك.....وعلى نيابي أنت تمرك عجر فك
المعاني وامتلا بطنك وكرشك....لحتى ادبحك هلق وكرشك......إذا ألارنب على القسور وكر شك
كفاك تعفر الليلة عفر شك.....متل هربان عم يبحث عفر شك....وإذا حبيت تتخبى عفرشك
..............................بإيدي جاهزة عواد الثقاب

اسأل بو علي وسأال بوزين...اللي بيو زين رح بيضل بوزين
متل بوزك مارح بيصير بوزين....شفاتيرك متل سكة حلب
ههههههههههههههههههههههههههههههه

يا نفسي لو قشعتي موسى ليني....تمن هالأخ يسلخ موس لي ني
يا بو شربل لو كنك موسليني.....تأهب صار حالة انقلاب

بو شربل
لا تتباهى معي بالشعر بالزين***ما فيك تسّوق
البطيخ بالزين

بدك بالعتابا صار بزين***بز المعرفة وبز الأدب
ههههههههههههههههه
بقلب البحر في سمكة وفي ران***وما عنا خوف عا قرضون وفيران

شفت بالمنتدى ضفادع وفيران***انشالله بينتفوا لشوشو الشنب

هههههههه
متل الجمل همّك ضروري حمّلك***ونطلب من الخلّاق يبعت حمي لك ههههههسلامتك

بين الأوادم جبت سيخي حمي لك***بركي بطاسة مي ب...؟ خ ...كون أنا
هههههههه

انا بجفتي ع عين النسر بصلي ***وبقلع كل بوبو عين بص لي

وبعد دبحك ياشوشو جيب بصلة *** بيختم جرحك وبتحس طاب
تهههههههههههههههههه

غصني بالزجل عاقد وما هر***و ما كسرو ديب وبسيني وما هر

وتا تصبح بالزجل شاطر وماهر*** لاتبقا ديب عمتغدر ولا قط

ضلّك امسك بايدي ولاقط ***ولاتترك صفحتي وتغلط ولا قط

تجّرب يوم تأسرني بغدرك***ربطت مستقبلك كلو بغد رك

وكلما الدم بالساحة بغ درك***بتدرك كيف بسحبلك قصاب

هههههه لازم يفتحوا فرع مطبخ مشتاوي

شفيق الديب

بصدر (((المعرفة))) يا شريك بزهى.....تأتواب ((الحياكة)) يطيب بزها
عطيني المعرفة تا شوف بزها....بشرط خلي الشروط بلا أدب (هههههههههههههههههههه)

جرح القلب لو عمل ولك فار....بدعاء الغش لا تدعي والكفار
شفتك فار قلتلك ولك فار.....بمصيدتي علق فيك الدنب

لما أبو شربل عساحاتي حمل....حامل مصيبة وتهلكة وأتقل حمل
قبال السبع لا تنتحل مشوة حمل....الليلة قصف عمرك على أيدي انبنا

راسك بالبصل يا أخ فجلي.....ياأماوضح الأفكار ف اجلي
البصل مش رح بينفع متل فجلي...متل راسك لجرح الالتهاب

يا بو شربل إذا بنكك فتح شيك....ومصاري تورم جيابك فتحشيك
ومهما خمنت أنك في تحشيك....مسباتك معي تزيدك ف تعليك
هيدا علاك يتزايد في تعليك....وأنا ما بشد يا أصغر فتى عليك
احني عنقك واخلع لنعليك....لحتى هالجهد نبذل لنعليك
لحتى تشوف شو حامل لنا عليك.....وإذا ناوي بهالليلة في تقليع
شفيق بقول يا أصغر فتى قليع....متل فرام يتكربج في تقليع
........وعلى دماغك فرامك ينسحب

__________________
سامحوني

ملك العتابا بو شربل

دماغك هون بالموقع برش تا***بهــــــارتك صرت ضايع برشتا

انت متل الملح زايد برشتا***وما عندك ذوق حتّى بالشراب

هههههههههههههههههههههههههههههههههههههههههههه
الجالي الحقيقة يا غريمي سفر جلي***السافر مع الألهام شعرو سفر جلي

انشالله بتكدش كل ردة سفرجلة***وتغصّ.....؟؟؟بس المي بايدي أنــــــــــا
سلامتك من ها الغصة ههههههههههههههههههههههه

فحول الشعر لا تفزع عا لبطون***ولا تاكل موز يا شوشو وعلب طون ههههههههه

انتي وصاحبك زاحف على بطون***ونحنا نسور ناموا عا السحاب

ههههههههههههههههههههههه
خيالي بحر ردّاتك ما عكرون***وصور أبداع يا شوشو مع كروون هههههههه

قرّب كوول وتبقط معكرون***وبلا ما تضل عايش اعلتراب
هههههههههههههه

عيرة ثوب خبرتك ماتلبس***ورغم ما نصحتك بتبقا متلبس

وع جنب السبع بتضلك متل بس****وما عمرك كنت سبع بقلب غاب

ههههههههههههههههههههههههههههههههههه

ما بعرف ليش مهر الشعر جنفاص***قمز حيط الحقيقة وعاد جن فاص

بدّي حمّلك بكياس جنفاص***بعد ما كنت عم تحلم بكبّي

بحطّك متل صندوقة بّ كبّي***وبرجع بهرمك بصلة بكبّي

وانا ما طلبت مرّة منّي منّك***ويا مرج الشعر عطرك..منّي منّك

كنت بقطش لساني منّي منّك***قبل ما هين ملكوت العتاب

***************
خدلك ها المشرشرة يا شوشو اذا سامع فيها ههههههه

من نبوعي عزمتك روح ملّي
يا أبن الديب شبّهتك بنت شاة

قبل ما تحلم بفرحة عراسك
جيب الناي تا تعزف عزفتك

كفاك تمل بالأشعار ملّي

وشفافك صارت بتعرف بنتشات

بعد ما دعست بالقفلة عا راسك

عزمت الناس بالحفلة عا زفتك

انا شاعر عتابا لكل ملي

وفردي بينعرف شكلو بنتشات

وبلا ما طق بالموقع عرا سك

وفرجي الناس عا شكلك عا زفتك

لأنو بيطفشو كل الحباب

بحر الزجل بو شربل

وهلق يا شوشو فحص الشروقي وانتبه لكل بيت كيف بيشحط فرام ههههههههههههههه

وايياك تكتب غير شكل عنو بفرمك

حرّك يا بحر الزجل...بيت القصيدي مواج***وبوّس شطوط الحلا...خليّهون يطوشوا

بركي علينا الوحي...بينزل متل ميراج***وبيصير جو الشعر...يولع بخرطوشو

نفّض يا ريح الأمل...من منتدانا فواج***وعليّق شاعر ظهر...شيلو من شلوشو

طالع عا بالي انا...اااااااكل الليلة دجاج****وشايف قراق وخلص....قررت عا شوشو ههههههه

حلوي كتير يا شيخ المنتديات ابو شربل، سليمان.

شفيق الديب

الظاهر أنت تفكيرك كبا بين....المطابخ تا طلب جوعك كبابين

وعرفنا تنينهن صارو ك بابين...فتاح الباب تا تدوق الكباب

أبو شربل وقت أقدس سفر جل...قلتلو على الكوكب سفر جل
وبما أنو قطفت ليّي سفرجل....جايي بلّعك قرمة حطب

لما الطون أهل الجود عطّون...المتلك صار عايش دهر عالطون
يا ريتن قدّمولك صحن عطّون....زيتو يكون من فحم الحطب

بو شربل وقت حدي مر تدلا.... ولو بمرت ضلوعو مرت دلا
شو رأيك بصفقة مرتدلا؟؟....بشرط ما ندنس بلحمك علب

نضب عطرك ووردك صار يابس....يا أما اليوم غني منيح يا بس
لا تتطاول عضهر السبع يا بس....قبل مافلت عليك الكلاب

طريق الموت في دمك عبدنا.....عند ما قيّست بدك عبدنا
المتلك أنت بيضلو عبدنا....لا تسأل من فنونك بلكي بدنا
ما بدنا شعر ممقت بل كبدنا....زوّدناك نكسة بل كبدنا
الخساير ليك تا ينفح وردنا....وعيب بهالحكي ردّك وردنا
وعند ما الرد من شعرك وردنا....لسانك فوق مبردنا بردنا
قبل مالمتلك يفكر بردنا....يا نقطة حر لا تواجه بردنا
لأنو بالمعاني ماسردنا....إذا هاك الجميلة ماس ردنا
وحبوب التبر يما ماس ردنا...وما ردنا شعر ينقاس بخشب

الله يعينك

يا جايي وسالل السيف المثقف(السيف)
صعب يا جاهل تجرد فرندك
جبلي كديش بدروب المها اندس
نحنا لو بساح الخصم حصنا
دبحنا بساحتك سيدك عنفرك
لا تمشي بالعلم مشي المثقف (المستقيم)
قبل ما رندنا يوالف في رندك
الغشيم بيقدر يدس المهن دس
اللي حصحص منبر الإبداع حصنا
بشعر بصقول وبعنقك عنف رك
أنت ما بيعحبك فكري المثقف
خرج فنونك بداخل فرن دك
لأنو الجهل ما حب المهندس
وين قلاعكم تا هد حصنا
وأنا اللي ردت تقليعك عنفرك
لأنو ما بقا عندك أدب

بنصحك خليك عم تشحط فرامات لأنو مطبات الشروقي المخفية أصعب من المبينة

غني شروقي معي ولا تكسر الأوزان......الداعي إلاه الشروقي الجهجه شروقي
شو ما يا خيي طلبت عندي إلك ميزان....بزينك تأعرف شو بدو ينفعك سوقي

بدينا بحرب الحلا والفل والريحان....وجولة عتابا لها دق الحرب بوقي
شفتك رفعت العتب وطلقت فيك لسان....مربّيه عالمسخرة بسم الحكي السوقي

تأكد عند ما الحرب يبدأ بطلق عنان....فورة عروقي وبدمي تسخن عروقي
بطيّر بردي ألف جلبوط يا سليمان....متلك غشيم وإجا تا ينغم شروقي

أنا مستمر مع الشاعر المشاغب سليمان ههههههه بس من هلق يا شباب أنا ببرر لحالي كل كلمة تحت هامش السماح اللي بتقيد فيه بالعادة لأنو كل موضوع وألو إطارو من شان هيك بتمنى من كل إنسان بدو ينقدنا عبعض الكلمات ياخد بعين الاعتبار هالجملة هي

يللا يا سليمان الحرب قائمة
دخلك وينو أمير الزجل؟؟
__________________

بو شربل

يا شوشو الموهبي بالشعر نخ لي***تا أنخل راسك بغربال نخلي

انا أرزة عتيقة وأنت نخلي......وعلى المنشار ما بتتخن رقااااااب

هههههههههههههه

نصيحة روووح يا حبّوب فلفل***ما عنا سمسم ولا زيت فلفل

وانا بالشعر ياااااما ملوك فلفل***وانت بتطّل كلما السبع غاااااب

هههههههههههه

ما عندك حق تا تغيير ما عندك***العتابا أصول وقوافي ما عن دك

وأنا سليمان رح أبقا معاندك***لحتى تعرف أصول العتااااااااب

ههههههههههه

ما زالك صرت عم تكتب عتبتك

لراسك بكسر وبرجع بطقو..

وبعد ما تصير عم تبكي عا كسرة.

يسيل الدم ويطرطش عتبتك

وأصحابك اذا فهمو بطقوا\

عا خبزة بجبرك تبكي وعا كسرة

وما عمري يوم يا شوشو عتبتك
وانا المعتاد لضهرك بطقو

يا شيشي انجر من علة وعا كسرة
انا ملكوت من غنا عتااااااااب

ههههههههههه
ما زالك صرت تتفاخر بردك
عا لوحة امسمر ة سودا بردك
بقلب المنتدى أحذر برا دك

القوافي المايعة بالشعر متلك
وكل الناس لو بتشوف متلك
بدها تقول مدري مين متلك

وعليك ان مت ما في ناس حدو
لأنو الشعر مش معقول حدو
تقطع...؟ بقطعك بالسيف حدو

وعا عنقك يقطع المسنون قطعة
يخلي راسك الموتور قطعة
وتا فرق عا البشر مليون قطعة

وبسيخ مشلخ بينقص عرفك
وانا مخصوص فت لهون عرفك
مين الما عرف بالكسر عرفك

قصيدك صاير محرف وشقفات
وجهز للدفن أأبرة وشقفات
لأنو الموت جاييلك وشق فات

العيون وبابك مسكر بسكرة
وانت داييخ نسي الله بسكرة
وما عمرو النحل عم ينغل بسكرة

لأنو زهر أشعاري عبيرا
النحل عطشان عم ينطر عا بيرا
وانت سكران يا مشرشر عا بيرة

خدلك كف عني فك فكي
ما حقك بالعتابا جد....؟فكي
انا لبوة قوافي فتحت فكي
وفاكك رقبتك مليون فكي

شوف محاورتنا وقول من طق
التاني ودشرو والبضهر منطق
ما عندك بالعتابا وزن منطق

وانا بالشعر يا أستاذ شرشر
عرفت الشر أنو فبك شر شر
مني الذوق والأخلاق شرشر
وانت مشرشر بحكي السباااااااااب

هههههههههههههههههههه ظبط فراماتك الطريق نزووول ههههههههه

خسرت بجولتي الضربات علّوك

لأنو لعلموك الشعر عا الوك

بعمرن يا صبي ما يوم علّوك

ولأني بعرفك بالعلك علّوك هههههههه

يا بدبح رقبتك بالسيف أو كي

نحنا بمنتدى ممنووووع أوكي

علك شكلس ما عنا غيير أوكي

الشكلس منقطع يا بو الشبااااااااااب

ههههههههههههههههههه
وهيدا منشان تعلك منيح وتشدق بنيعك أوكي
أو شكلس أو علك أوكي هههههههههههههههه
الله يكون بعونك بها النزلة ههههههههههههههه

يا بيدق قاعدة شوشو ما عندوش

ما فيني ضل بالموقع ما عندوش

بيوتي مواج يا شوشو معن دوش

تحمم هون أخلاق وأداااااب

ههههههههههههههه شو بدك بها الحمام عههههههههه

وشوشو راح يا بيدق بريقو***وعا نبعة شح بيعبي بريقو

تبلكم هون وبيبلع بريقو***والله يلعن الكان سبب

هههههههههههه
الشوشو انغر والمتلو ما لو شي***وبيوتو خدود عا كفوفي ملوشي

واذا بيعنّد بجبلو مالوشي***وبملش كل حباتو بأدااااااااااااااب

هههههههههههه
النقدة بالتجارة حق ك الشاك***التلاعب بالعتابا موت ك الشك

وانا جايي يا شوشو اليوم كشك***لأنك مدعي بفن العتاااااااب

ههههههههههههههه اطلب دعم لوجستي ههههههه

بقلبي يا عتابا زرعت ودييييييييييييييك***الدجاجة بتشبهك بالريش والدييييييييك

وعلى جهنم بعد ما روح ودييييييييييك***برجع بقتل اللي كان بعدك

ما قادر يحمل على الهجر بعدك***ولولا صرت بجهنم وبعدك

غشيم ومدعي بنظم العتاااااااااب

وخدلك ها الميجانا اللي مش سامعوا بحياتك هههههههههه

خليك بالأشعار عا ال منبررشق***تا تصير شاعر عبقري من بر شق

ولو صرت فوق غيومنا من ب رشق***بتنزل متل شي نسر شك قبااااالنا

قلي اذا سامع بها القافية هههههههههههه

وخود بعد

الشعر بيطير منك لو عجبهة***المقاوم روح الله لو ع جبها

القلم بحروف شعرك لو عجبها***ما كان من الحبر عبا الكتاااااااااااب

وبعد بدك خود

هربنا من جبل من خوف من خور****التلوج المتل راسك صار منخور

عندك سمك دم وطوووول منخور***اللي شافك قال يا محلا الغرااااااااب

هههههههههههههههههه ولك يا زلمي بحبك بتحمل قتل

خشبة خلاصك هات حتى برييا****صاير مع الأيام انت بري يا

وما بشك سيفي فيك ألا بالرييا****وأنت بتعرف كيف حد سيوفنا

صابك متل شي واحد قال قوم عني تا فرجيك هههههههههه

وخود هيدي فواكي هههههههههههه

سألت الرب يا ربي ما حولي***اجا الشيطان بغيابي وعملها

وقصايد بكر من موقع محولي***وجروح القلب صار يكبر عملها

وانا بالشعر من اول محاولي***ما كنت ضعيف عم ابرم عا ملهى

ولأنو بالعتابا الوزن ملكي***وعملت القافيي عا العرش ملكة

تا صارت يدّنا بالشعر مالكي***كسرنا القاعدة تا تصير عادي

وحملنا طفلة الكلمات عا دي***الحنون وما قبلت بالكون عادي

ويا دلّو اللي هجاني بالعتاب

وهلق منشان ما تزعل هههه

المرح بالشعر بعتبرو مرح روح****مرحت الدم لو شفتو مرح روح

وكرامة عين أنهلنا ما رح روح ***ويا شوشو الموهبة بنبقا صحااااب

ههههههههههه

__________________

شوشو كتب

غني شروقي معي ولا تكسر الأوزان......الداعي إلاه الشروقي الجهجه شروقي
شو ما يا خيي طلبت عندي إلك ميزان....بزينك تأعرف شو بدو ينفعك سوقي

بدينا بحرب الحلا والفل والريحان....وجولة عتابا لها دق الحرب بوقي
شفتك رفعت العتب وطلقت فيك لسان....مربّيه عالمسخرة بسم الحكي السوقي

تأكد عند ما الحرب يبدأ بطلق عنان....فورة عروقي وبدمي تسخن عروقي
بطيّر بردي ألف جلبوط يا سليمان....متلك غشيم وإجا تا ينغم شروقي

ورح غييرلك شوي وشوف الفرق وشوف كيف رنّة الشروقي ......

هيدي عا العام خدوها نصيحة من سليمان أصل الشروقي هيهات يم الزلف...عيني يا مولييا

شوفوا الزلف كلمة بنص الشطر لازم تكون كلمة بيت معنّى اجباري ومتحركة وساكنة اخر حرف مش ساكنين مثلا
ما فينا نحط بنص الشطر عتاب غياب لأنو ساكنين ويمكن تقولو موسى كتب وها الشعراء كتبوا صح كتبو بس
لا تفكروا انو صح انشالله حدا بيوصل لنظريتي وبدي بيدق يسمي ها القاعدة سليمانيي ههههههههه

غني شروقي معي ولا تكسر الأوزان......الداعي إلاه الزجل والجهجه شروقي
شو ما يا خيي طلبت عندي إلك ميزان....بزينك تأعرف انا شو ينفعك سوقي

بدينا بحرب الحلا والفل والريحان....وجولة عتابا لها دق الحرب بوقي
شفتك رفعت العتب وطلقت فيك لسان....مربّيه سخرة ونفخ سم الحكي السوقي

ولمّا يا سوسو الحرب يبدأ بطلق عنان....فورة عروقي بدمي بتسخن عروقي
بطيّر بردي ألف جلبوط يا سليمان....متلك غشيم وإجا تا ينغم شروقي

وخلي الملحن يشوف الفرق وردوا عليي خبر
__________________

بو شربل

شوف كيف بيكتبوا شروقي وانتبه لكل كلمة بالأحمر لازم تكون تنظم عا المعنى

حفظها من سلمون ولا تعاند رب الشروقي هههههههههههه

جرّبت اعطي درس...بركي الزجل بيفيق****وشوفوا بنص الشطر...عيبي لا تتناسوا
ألا وشوشو كتب...بالمنتدى حراتيق ****وضيّع بشعرو الحلا...وما بان احساسو

معروف كلما حدا... القافي معو بتضيق ****بيجن عندو الوحي...بيحكحك براسو
وبيفور دمو عطش...بيصير يبلع ريق***وبيزت حكيو غلط...من قبل ما قاسو

من هيك.. اوعى بقا.... ولا تترك التحليق ***واصعد.. ع جوي النقي .... المش عارف قياسو
احلا بآخر لقا .....ما قشقك تقشيق ***وتصير متل الكبش...سيخ الدبح باسو
.
وياذيب ..شوف الفرق.... او إنطر التعليق ****الوزنين ..عندك سرق... بالكسر ماخاسو
وع بواب مشتى. الحلو... رح علقك تعليق ***وخليك متل الحمل...مقطوع انفاسو__________________

ايّاك تضوي للحياة شموع ***ما العمر شمعة وهيك ترتيبو
خبز القصيدة بتاكلو تا تجوع***وخبز الدني بتجوع تا تجيبو

خلّيك متل الشمس سجّادي****تستقبل النجمات لمّا تفوت
بعرف انا خلقان ببلادي****لكن ما بعرف ويّن بدّي موت

شفيق الديب

الدلب مش رح بينظر عا نخلنا...نخلناه وتصفى عا نخلنا

ويظهر بالعتابا عانى خلنا...لحتى مش عم يرد الجواب

وين أجوبتك يا سليمان ..ما بدنا جك حكي ههههههههههه

وقت ما أصبحت غرقان في الليت....تركتك بالحضيض وعدت فليت

وعضم راسك براس النمل فليت....وقحف راسك فتحتو بالكعاب

أنا جايي على الموقع لعاندك....ما جيت ومقصدي زيارة لعندك
بعد ما ربنا طينك لعن دك....طينة جد جنسك باللهب

هيدي قوافي مطروقة خيي سليمان تطور وبعدين جدول

تعلم القوافي البكر من ردي السابق

إجا يغني جنب ربو سليمان

طلع صفر بصفر والصوت صفر

شلحت راسك على صخرة وصم مد

البحور اللي ما بتصفي بحيرة

الشعر والفكر من شرك سليمان

ولا الأخضر من الجهال صفر

النير بعنقك تشدشد وصمد

وما بدي يا غبي توقع بحيرة

وإذا دمك على كعابك سلي مان

عليك اللي العلامة ليك صفر

مهما جمع الفكرة وصمد

علينا والنبي وراهب بحيرة

ما رح بيخلصوك من العذاب

أنا رح ضل قلب الخصم ردّي

اللي ساوى بالجهالة هيك ردي

وكل ما كتبت بالِأشعار ردي

أنا مجبور توب النصر ردي

لقلبي اللي على الساحات رد دي

إذا جناحي على المنبر فردتو

اللي متلك ما بيتغنى في ردتو

شفيق بيرفضك تصبح فردتو ههههههههههه

إذا يا حباب في جوو بردتو

جبت هالأخوت بأيدي بردتو

إلاه الشعر لو غنى بردتو

انسحب حدي وإجا يعلن ب ردتو

أنا بفن العتابا سيف قاطع

وأنت نايم عمية ألف قاطع

خميرك ما صبح بالشعر قاطع

نحنا راس أفكارك قطعنا

عند ماليوم تتحرك قطعنا

وشوطك بالشعر يا ما قطعنا

اللي متلك أنت رح بيضل عالرف

غشيم وما قدر عالشعر عرّف

ابتعد يا غراب اوعى تصف عالرف

يا أما بشقفك مليون شقفة

سألتك عن طريقو ان كان شق في

أنا أكبر جبل خليت شق في

أنا زيتي على رصاص المهل هل

أنا اللي مركع السبع المهلمل

وأنت في ساحتك طقم المهلهل

وما عندك من التفكير مخ مل

عندك راس فيه الشعر مخمل

أنا يللي ارتديت العز مخمل

اسأال النبع يا شاعر ع رقراق

بهالمشتى انوجد عنا عرق راق

أنا اللي سكبت تفكيري عرق راق

أنا اللي من حلا خمري سكرتك

وفتحتك عند ما بخيطي سكرتك

مش رح تنفعك معنا سكرتك

ولولا من اللهب صانع بكيتك

م فيك بتطلع مكيف ب كيتك

وعلى الحالين يا جاهل بكيتك

أنا اللي قدرت في ردة شرشحك

من الترشيح يا أجدب شو رشحك

إذا سيفي بضمن عنقك شرش حك

وإذا بيكون عندك شرشحة مل

لأني من ضلوعك شرش حامل

وإذا جفنك بدمعك شر شو حامل؟

قلي شو عم يساوو الشباب

يا ريتك كلمة الأبداع عليت

قبل ما تنطوي بالليت عليت

وأنا قلبك بحد السيف عليت

العلل جابت ألك أكبر مصاب

حاجة نفسك تزود فجورا

قبل ماليوم تتزحلق فجورا

القنابل لو إلي بديت فجورا

سطوح الجو بتشعشع فجورا

وبها مالك علاقة يا غراب

شجار الشعر ما بتنمو في سوقا

قبل ما نفسك تمحي فسوقا

العتابا ان رحت تتسوق في سوقا

ما فيك بتشتري الشعر بدهب

طريق الباب اسمع عا طريقو....لأني جيت زتك عاطريقو

الحنش لولا بدمك عاطي ريقو...تسمم منّك وما عاد طاب

الصنم لو راد يتبروز عواجهات....صنم بيضل لو توجه عوجهات

ويا سليمان لو قلنا عوج هات....العوج موجود فيك من ......الطنب ههههههههههه

حاجي تقلب حقوقك عواجبات....لأنو كل تفكيرك عوج بات

حوارك صار عم يبرم عوجبات...الجيف تا نشبعك يا بو الشباب

حاجي تخلق بصحرا رحب روح....تتمدح في نفاق الغش أنهل

إذا بتروح عالفرقد رح بروح....خلف منّك تشوف البدر ان هل

جايي دوّر بعضمك رحى بروح....وارجع من نمير الشعر انهل
تتنبع فيك ذرة من الصواب

أنا اللي كنت عالتنغيم أيدك

شفت راسك بعرض الحيط اي دك

تتشحد بالشروقي كسرت إيدك

بعد ما كسرت راسك بالعتاب

أن بفن الشروقي عش شروقي

ويا نفسي ان كان خصمي عشى روقي

انسحبت ورحت تلطى عالشروقي

أنا رب الشروقي والعتاب

شو بدك بالألوهة والربابي

على جهلك يا جاهل ور بابي

أنت أرغول أعور والربابي
بدون الغول وبدون الرباب

سليمان اللي من مدة شهر بان

بعد ما بصوت ريحانو شهر بان

سألت الناس هالأفكح شو هربان

قالو صايبو منّك رهاب

جحا عملك مهر تا عاد عنّك

تيسمع في جريش الصوت عنك

خايف هون شد الروع عنك

وتبقى شهر تحت الاكتئاب

__________________
سامحوني

شفيق الديب

ما جبت شي جديد يا خيي سليمان

.الداعي إلاه الشروقي الجهجه شروقي
شو ما يا خيي طلبت عندي إلك ميزان....بزينك تأعرف شو بدو ينفعك سوقي

هي المطب اللي عم تحكي عنو ...بعدك عم توزن عبو الزلف هههههههههههههههههه تطور شوي يا زلمة

شفيق الديب

بعدك يا طفل الشعر عم توزن الأبيات....وتصدح على بوالزلف تا تعرف أصولي؟؟؟
هيدا بدنيا الزجل هرت وحكي وليدات.....ميولك غريبة وأنا ما بغير ميولي

الداعي جبل للشعر أبعد من الهيهات....وأنت جنب الجبل يا دوب (عقبولي) هههه
خدلك نصيحة ومعي لا تزود الوقعات....من دم عينك قشور الصخر مجبولي

يا فنزوللي اللغة بالفنزويللي هات....شو فهّمك بالعرب وبقيمة حلولي
بلهجة زجلنا أنت صفر بصفر بالذات....يا ريت عملو زجل لكن اسبنيولي

احني دماغك ألي واركع على بلاطات....من فرن فيه الفنا والموت قاتولي
ما زال طولي أنا أعلى من النجمات.....وطولك قصير وصعب يزبط على طولي

سليمان

عا السريع يلا

يا مستورد مرض سلمان ما عديت***وضعيف وملعب الكلمات ما عديت

سم بتشربو بالشعر مع ديت***وبلا الراجيم ايامك عذااااااب

ههههههههههههههههههه

قلت بتحب تنخلني بمنخل***ونحنا الشنق عم نحكم بمن خل

ودماغك مش خمر صافي بمن خل***وريحة معفّني السمعك هرب

هههههههههههه

افتكرتك سبع فوق النت هر بان***وورق تشرين عا الأجرين هر بين

وانت يا ضعيف من سلمان هربان***وعا كتر الخوف رطبّت التياب

هههههههههههه ولك روح غير هههههههه

عليك بنات بالموقع غيارات***وفرامك بلّط وراحو غيارات

سألنا مين جايبلك غيارات***الأفكح يمكن حفاضات جاب

هههههههههههههه
يا قزم الشعر لا تهجم عليي****جبيني شامخة ونفسي عليي

السبع ما اعتاد يتغدا عا ليي***لأنو ضل ملك بقلب غاب

هههههههههههههههه
بتضل اجدب فيك صعبي ألتقي***صد الهجوم وبوكس منّي ألتقي

الموهوب شاعر حد الله والتقي***والمدعي بالشعر مرجوعو الفنا

هههههههههههههههه

كتر ما لسانك مطعوج بريتو***تا صار الشعر يتغنّى برايتو

انت ماضي ظهر حلمك بريتو***وقصيدك جسم ما تنفس بريتو

لأنو عاش بالموقع طفيلي***جسم مشقوق من حزبو طفيلي هههههههه
وانا الله على المنبر طفي لي***الشمعة وقال يا ملكوت قدي

الواجب تا تصير نهار قدي***جبت شاكوش عا الموقع وقدي هههههههه

تا جلس راسك وفك القطب

ههههههه

سليمان

عم تتقدم بس اللي ملونهون تعبانيين متلك هههههههههههه

قديش بدك قتل...تا توزن الأبيات***وتصير شاعر زجل...وبيوتك يلالو
فضّلت تبقا غبي...وملقّط بكلمات***يا خي محلا الطرش...الأطرش يا نيّالووووووو ههههههههه

شوشو يا شوشو الوزن...عندو حلا ولزّات***وحكّم شعورك بقا...لا يضل عا حالو
وشوف الجمال انسكب...بقصايدي شردات***وحمم شعور الغزل...من مي شلّالو ووووووو

ما زال عندك أدب...وبتفلت لسانات***عا ملوك متلي أنا....نجوم السما طالوا
لا تخاف دورك أجى...شرّف على الساحات***شاعر بو شربل وفي...تبغدد على ديالوووووو

لكن يا ابني انتبه...الحب ابتدا بالزات***ومهما بو شربل عطف...لا توقف قبالو
بتشوف عنقك تكي...وتكسّروا الديّات***وقرمة لسانك سحب...وسنانك انشالووووووو

بلا لسان وبلا سنان كتيري ولوههههههههههه

شفيق الديب

لاحظتو كيف تغير العدّااااان

بمودة كل أهل الشعر ودّيت....لأني كل جوهر شعر وديت
شو بدي عاد بالريجيم والديت....اللي شمك شم ريجيمو اتخرب

السجين اللي من سجونو عفا اندق...م فيه يروح يتبروز عفندق
وأنت اللي بقلب راسك عفن دق....وراسك صار مرتع للغراب

جبلي شخص كافر عالرسل مان....تجبلك شخص متلك عرّى,,! سل من؟؟
ومهما بصوت مزعج عر سلمان...عريرك ما بيزعجلي صواب

خصيمي ان كان واعي وهادئ انسو....العداوة هاد شعبو وهاد أنسو
نحنا اللي صعدنا وهاد أنسو....وجبل جنّو شلحتو عالتراب

يا خصمي الظاهر بقلبك شراسي....وم فيك تدق في زندك شي راسي
سألتك مركب فنونك شي راسي....على شطّي المنحتو منح ماسي
اللي متلك صار قلبو منحي ماسي....بماس الموت يللي من حماسي
حاجي تضل بارم عالشكاسي....بخيل وما بعمرو عشا كاسي
وجفنك وقت طرفو عشا كاسي....عيونك وبضبابك انعكاسي
ولهيك بقيت فترة ان عكاسي....لجسمك تا بشعري انعي كاسي
أنا اللي ضل شعري عام راسي.....الخاص الما بيصبح عام راسي
المشانق رح بشدن عا مراسي....وما بتوصل عنادي عا مراسي
الظاهر ضارب براسك شي ماسي....وجنب الفجل لا تعرض شي ماسي
وجنب الشمس شو بتعمل شماسي...أنا اللي بحولك وقدة حطب

ما في داعي للفراغات بين بيت وبيت ههههه

المشاركة الأصلية كتبت بواسطة slayman

تفرغتلك يا سليمان ...اتروك كل شي وتعا - صفحة 2 Viewpost

يا خي محلا الطرش...الأطرش يا نيّالووووووو ههههههههه

لكن يا ابني انتبه...الحب ابتدا بالزات

شو هالتكسير يا سليمان ..قبل ما تتفلسف وتقلي وتنقد كتابتي بالشروقي الموزونة مية بالمية وما عليها شائبة

مستفعلن فاعلن مستفعلن مفعول

هي وزن الشروقي وكل أبياتي على هالوزن هاد

لكن حضرة جنابك نسفت العروض كلو بهالبيتين ...وكسرتين بقصيدة شروقي واحدة

ليش لأنو بدك تنغم عبو الزلف
طيب شو رأيك تنظم العتابا عالسكابا؟؟؟؟

هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه

سليمان ضعفو ظهر والوزن عندو خاس....يا ألف عيبة وألف خيبة عألهامو
وينو المعري يجي وينده أبو النواس....ومن شعر رب المعنى يفجر صيامو

معروف عني برصف الوزن يا حساس....ما كسرت عمري شطر في حربة قلامو
أغلب رجال القطر ديّنتهن ألماس....حتى الشعر يوزنو وتفوْق أعلامو

وإلا أخونا إجا وحامل بإيدو فاس....وظن الشروقي حطب مشلوح قدامو
ذل العروض ورجع قنديل عمرو ناس....وفرحان هالادمي في لون هندامو

وحتى ما يبقى الغبي يكبر علينا راس....وما يضل يرمي الحصون بشلفة سهامو
عا شكل ما بالشعر كسّر وزن ياناس....جايي شفيق الشعر تا يكسر عضامو

بيجوز بدك تتفلسف على ...كلمة..
حتى الشعر يوزنو وتفوق أعلامو
أو ..
فرحان هالادمي في لون هندامو

بس عا كل حال موزونين ...1000000 بالمية
مستفعلن فاعلن مستفعلن مفعول

موزونين شو ما حكيت

سليمان

أول شي بقدم اعتذار من الجمهور وشوشو أفندي لأنو سحبتلو لسانو ونسيت أنو ما عاد فيه يتذوق العسل

ولك يا شفيق شو باك ما عا بنا طلعت من صف الحضاني

يا خي محلا الطرش...الأطرش يا نيّالووووووو

لكن يا ابني انتبه...الحب ابتدا بالزات

موزووووووووووووووووون يا روحي ععععععععع اذا بلعت الألف والام فيك تبلعها وفيك تعلكها ما بتضرك رغم ما عند سنان

الأطرش يا حبوب تلفظ

لأطرش أ أطرش متل ما بتهواها هههههههههه انا حطيتلك ياها مقصودة فخ هههههههههه ووقعت وما حدا سمىّ عليك

الحب تلفظ لحب أو حب يا روح عمو وتقطيعون 13 بس بيتك مثلا شووووووف ههههه

....وأنت جنب الجبل يا دوب (عقبولي) هههه

معك حق مظبوط اذا بتكسر الواو شفت عم تتحسن

بس البيوت التانيي عند رأيي انا ما قلت كسر يا مضروب انا عم قلك مش سليم النظم والموسيقى وقلت تعباني متلك ههههههههههههه

الداعي جبل للشعر أبعد من الهيهات

مثلا هون شوف الفرق بها البيت

الداعي بشعرو جبل...أبعد من الهيهات

شوف ما ألز البيت وخلي شادي الأفكح يلّحنلك ياه لا تبقا عنيد مش تنمير عليك وانسا العروض لا تصيبك عوارض ههههههه وحمّي سخني ههههههه

ومتل ما قال الأفكح مرة اللي ما بيوزن بقلبو ما بيوزن يا شوشو بحياتو هههههههههههههه

وهلق خلصت المحاضرة راجعلك

وقطع بيوتي عا رواق تا أرجع

» محاورة سليمان وعصام يوسف سألنا على سليمان
» عتب ع سليمان
» تعديل الدستور
» شو صايبو سليمان ؟
» عن جديد خيي سليمان