في ضيافة برحليون

[b]

يَ برحليون الكريمه استقبليني ..........اسكبي خمر القوافي وضيْفيني
بشرع القافيه خمرك محلل ............. وأنا خمّار شعر بشرع ديني
تعي نسهر قدر م الليل طوّل ...........وخوابي ندلق بجو السكينه
وتنعرف مين عتّق خمر اتقل ......... يمّا بسكرك يـ بتسكريني

بعد م بموقعك اسمي تسجّل .........ان كنتي بتجهليني اعرفيني
انا شاعر رصيدي الفكر موّل ......وببنك الموهبه عقلي خزينه
وخيالي فوق سطح الفلك خيّل ......وسلاحي كلمتي وقوة يقيني
ومجالي من خيوط الشمس اطول....وباع الزمن اقصر من سنيني
انا بحقل الاصاله حب سنبل .......وانا قنديل عتمات الضغينه
وانا بليل العشق والحب مغزل...... جوخ لصدر ورده وياسمينه
انا م بحب عا غيري تمرجّل...... لكن لو حدا بدو يعديني
الواجب انصحو وقلّو تعقّل ....... بعد ما خلق من يقحم عريني

سمعت عن شاعر محنك مأصّل ....منك معجنو من خير طينه
باني للزجل والفن معقل .....بعزم جبّار وسواعد متينه
الزجل, لو ظن بعض الناس امحل....بوجودو بعدها ذات العجينه
وبحيثو ريّس الموقع الاول ........فيكي تْطمني بالك لأنو
.................زجل لبنان في ايدي امينه...........[/

b]

هاي انا اول نائب عن سليمان..
يلا يا وليد تفضل: من بعد اذن الجميع طبعا...
***
جايي ي "سيف الله" خالد بن وليد = تتمرجل بهالدار؛ إعقل يا وليد
شعارنا عم ينصعو مثل الجليد = بيتقاومو بالشعر والعزم الشديد
لكن انا عالمنبر الزجلي فريد = شعري مثل زندي على المنبر حديد
وبالفكر فكري جهنم الحمرا وانا = ما بشبع وع طول ببحث عن مزيد

يعني خينا محمد اخد عا عاتقوا القصة مش محرزي ننزل الا حدك يا وليد تا نلمك من الساحة مقطع يلا شد حالك عمك بو علي حدك بس لا يسكوا ركابك

جود خيي محمد بدك بعد يوجد

[b]مينك ي جاي تنوب عن بحر الزجل -------النسر ما بيمثلو صوص الحجل
قاصد انا مْضافة الشعر المرتجل ------ وتا خبرك باب المضافه شو حصل
طل الوليد وعن سرج مهرو ارتجل ------وقالوا ي ابن طراد ضيفك قد وصل
والكل بقدومي على الديره انشغل------ الا انتْ جمر الحقد فيك اشتعل
وخلوك نار جهنميه ع البواب --------برّا محلك ما الك جوّا عمل

مين يلي قلك يا محمد انو انا جاي اتمرجل؟؟[/b]

له يا رجل ما تفهمنا غلط...
بس قصدي بانو كل واحد بفوت عالمنتدى لازم يندعك مع شي حدا... وهاي انا اصغر واحد بالمنتدى جاييك... وعلى كل حالك اذا ما بدك هالمحاورة "انت حر" بس انا كان قصدي عرّفك ع قوة شعار برحليون واللي انا اصغرهن...

ناطر رسالتك....

كفي يا محمد كفي ,ادعك و اندعك كيف ما بدك انت وغيرك...ومين قلك اني زعلان منك ...

جايي وليد منين اللاه العليم.....لسانو بنقط سم عدنو لأيم
هاجم على القصار الله يرحمو....ضربة محمد سيف بايدو أليم

وينك ي ابن طراد ضبضب هـ لْولاد =او يوقفوا ع حياد حتى يسلموا
ولو جاب شامي جفت مش سيف البولاد=ان قلل ادب بيخْلع رقبتو وبعدمو

من قبل ما تطلب رجال مشوربي
انحت قصيدي تكون نتفة مرتبي
ولازم اله الكون حتى ينصفك
يعطيك نتفت عقل تا تبطل صبي

اكتب شعر يا وليد و ما تهرب من اي معركة ببرحليون

سليمان ما كلف حدا يقرب مجال
انسان ما بيفهم جمال الارتجال
شامخ ... محمد ليك حبو يقربوا
لكن كفرت بنعمة الرب الحلال

محمد صديق الموهبة و عندو حلا
و هاني الاه المنبر و شعرو صلا
و شامخ انا ما بحب نهفات لولاد
بفرك دينين الخبّص و صوتو عتلا

نتبه على دينيك ههههههههههههههههههه

رد على هاني ناصيف:
ربي نصفني لما كوّن معدني
متل الصبي يوسف خلقني وبعدني
وت تزتني بالبير عقلك حرّضك
لطهر الصبي عقول المكيده بتنْحني

رد على شامخ:
مَني عداوه مع محمد او معك
ولا جاي بالتخبيص جرح مسمعك
لكن تذكر كيف انت هجيتني
اضطريت اعطيك الدوا تا اردعك

شو باك يا مهضوم بتألف كلام
و بتكسّر باوزاننا بلا اهتمام
و كرمال تترفع على اشرف مقام
بتخبص حكي من دون معنى و احترام
شعر و مكيدة و بهدلة دخلك حرام
خلي الشعر من مرتبة ناس العظام
و لا تنزل على محاورة مش قدها
هادن يا عمو بترجع الليلة بسلام

وينك يا طير الموت جايبلك حمام
حمّل وليد و روح من حدي قوام
نحنا يا طفل النت عنا التزام
غير القوي ما منقبلو بوجه عام
و مع بو علي لو ردت تتحدى فهام
بيطقطقك ما بيترك عليك العضام

حبيت رد عليك مع انك ولد
والكل عارف للولد ما لي جلد
كرمال اعرف كيف ممكن يا صبي
يكون الدوا عند العليل بينوجد

رد على هاني:
عقلك ي هاني عِجِز, شكلو م رْتقى
لعمق المعاني...وسف حكيو حرتقه
وبحيث رابي ع الكفر والزندقه
شغلو المكايد والفتن والهرطقه
لابد راسك ينحني كل ما لْتقى
بمتلي صبي رمز الطهاره والتقا
ولو بعد ما ستوعبت حكيي يا نصيف
لازم اسقيك الفلسفه بالمعلقه

لو جيت تطلع عا سواري عمشقه
روحك بتطلع على حبال المشنقه
ونْ كنت هاوي تطق عضمي طقطقه
رصاصي قصابك بخردقها خردقه

رد على شامخ:
سمعت شامخ واقع بمشكل خطير
راقد بمشفى وبدّو كلوه يستعير
وحدّو ولد مرضان جنبو عالسرير
بين الحيا والموت عمرو عم يسير
هـ الولد ابن اصول.. في عندو ضمير
وعندو الدوا موجود وتقرير المصير
تْبرع بكلْوه لْشامخ وهل يا ترى
كيف بدو شامخ يجازي الزغير.

يا قاصد شيوخ لمعنى تقيلها
عالنت قرب يا وليد حنيلها
مش بس كلوة بينهدا شيخ الزجل
مفروض روحك بيايديك تشيلها

روح يا بابا لعاب مع لمن جيلك نحنا ملوك لمعنى
بو علي و انا حصن منيع ههههههههه

تركني بارضي منحني و حالف يمين
حنوة سيوف الطيبة بموقف امين
و ضلك ولد بالموهبة و اكتر جنين
ما فيك وزنك حد منبرنا تزين
ونحنا ملوك المرجلة و موقف مهين
الارنب الليله يهاجم سباع العرين
و بالفلسفة جاية تا تحكي فلسفة
وعقلك منشف يا حبيبي من سنين

هاني و شامخ عالمنابر طالعين
تا يقرصو عجين القوافي الطالعين
واياك تهذي بجاه دنيا و جاه دين
ياما المشانقف عا كمامي مجاهدين

بتمنى من الشعراء ما ياخدو الامور بشكل شخصي..نحنا بس عمنتحاور بالشعر.

رد على شامخ:
شيوخ المعنى يا زعامه مزيفي
عروق الحيا والشرف فيكي منشفي
ورغم النوايا الطيبه في موقفي
بقيد الحقد بقيّت يديكي مكتفي
كلوة ذكا فيكي زرعت المعرفه
ضلو الجهل والعلم بعدو مختفي
من هيك روحي شلتها وحطيتها
بجسم المعنى تا تعيش الفلسفه

رد على هاني:
تركتك بأرضك منحني حنية جبان
قدام رب الفلسفه والعنفوان
وانتو ملوك المرجله؟؟ما في ضمان
عا هالحكي ولو كان صار بخبر كان
ويا سبع مره كان في هوني سبع
دوّر ع بيت جديد في تاني مكان

لوما الارض يا ...شريك كانت طيبة
و قبلت بكلوة شخص متلك عييبة
كان النشاف وزل رافق كلوتك
و صارت على الطرقات لقمة طيبة

الله يجازي خينا طراد الابي
الخلا بمرج الشعر يلعب هالصبي
ويا ارنبي عا سباعنا لا تقربي
احسن ما نترحم عا روح الارنبي
وهلق يا هاجم حاج تمشي مواربي
و اترحم عليي بهيدي التجربي
بغفى شهيد الموهبي بحضن الورق
بوعى فكر مكتوب جوا المكتبي

رد على شامخ:
يا شريك..لو ارضك غنيه..واحتمال
فيها ربّه طيبه..بس السؤال
لوما بكلوه بْجود عا أحشائها
كيف بدها تجود ارضك بالغلال

رد على هاني ناصيف:
سليمان ربي يسامحو..والله يجازيك
بمرج الشعر خلاك يا دبش السميك
مصفي شهيد الموهبه ومين الرميك
بسهم قصّك شقفتين ودق فيك ؟
ومين الترحم على روحك يا شريك؟
نسيت فضلي عليك وفضلي ما نسيك
مغفيك في حضن الكفن يا بو علي
وكل ما نكرت الفضل بيوعيك ديك

عليّي يا تاريخ الشعر اشهد------دخلت برحليون بقلب اجمد
من السبع العمشرقط ايهابه -----وخلعت حناك كل شاعر تنمرد

وحتى يحرجو سبع الروابي ------ ودّوا للفدا اصغر مجند
مَ كفّا بيت حتى فل حابي ------- ولحد اليوم ما بيّن محمد

وودّوا شاعر شموخو صلابه ------وقلبو في جرن حقدو تعمد
جبرني ذوّب شموخو اذابه -----و صفّى الاسم من فعلو مجرد

وفي شاعر طل من خلف الضبابه---بضجيجو نبرش تحدى وتوعد
غشيم عْلى الجهل والطيش رابي ---- وبشعرو الاجوف تزلم وعربد
امتحني ونال من سهمي جوابي ---- و بيتمو اعلن بأنو استشهد
وبعد ما طوّل عليكن غيابي -----رجعت شوف الشهيد نْ قام يمّا
----------------بعدو متل ما تْركتو مدّد-------------

شفت الجواب و شفت ضعف بمحتواه
ولاحظت يا مسكين بدك انتباه

ما بترك الانسان يمشي على عماه
وعن درب بحر المعرفة يضيع خطاه

يا مدعي هاني تواضع من سماه
تا يحاورك من حيثك معكر مساه

روحي صنيعت رب واحد بالسما
و اسمي الاه و ربنا حدي الاه

بوعلي

[/size]

حلو يا بوعلي....وبعتذر على التأخير في الرد

[بأيّا منطق وشرع وديانه
مصفي رب يا سنيور هاني

وانت القلت ذاتك انتْ مخلوق
وروحك صنيعت رب وحداني

رب الزجل قلّك يا هاني روق
ما في عبد يعلى ع سلطاني

ومهما طموحك للأعالي يتوق
ما فيك تقعد حد منو حيث
وحدو ما له شْريكا وثاني

محمد شامخ مع هاني ------حملتهن مش حرزاني
ودّوا الشعرا فواج فواج -----وكل فوج تماني تماني

نْ جبتو الشعرا فواج فواج -----بساحات الفكر تغبّر
بمرق ريح بقبّ سياج ------ الغبره وم بخلّي مخبّر
واوعو تظنو البحر نْ هاج ---انو غاضب متجبّر
خوف مْن سياط الكرباج -----راكض قدام حصاني

» برحليون في صور
» يا برحليون
» برحليون
» انتخابات بلدية برحليون سنة 2004 ههههههههههههههههههههههههههههههههه
» إكليروس.. وكنائس برحليون للخوري حنا كرم