صفحة الشاعر الدكتور اياد قحوش

الدكتور اياد يجود


شاعر الجرح
**
كيف عم أكتب شعر ! ؟
ليكي
الأشعار هيدي .. منّك و ليكي
وكل ما مرقتي
الجرح بيصفّي
منّو لحالو يعيّط عْليكي
العيطه : شعر بالصوت
بيكفّي
إنّي ع قدّ الجرح ماعيّط
صفّيت شاعر
يسلمو ديكي

نازف الدم
**
و إنتي ببال الجرح بتكوني
الخيط
و وقت بتشبّكو جفوني
بيدوب بعيوني
كأنّو خيال
مارق على بللورة عيوني
ولمّا سألت الجرح
عنّك قال
عطوني طرف من خيطها
عطوني
عطوني الحبيب للي سكن بالبال
تاضلّ قللو إنت ياهالخيط
شفيت النزيف
وإنت " ربّوني


حبيبي الجرح**


وجرحك بعد
ما سنين ضبّيتو
رْجعْت و لَشاش البعد قبّيتو
شفتو ضحكلي
متل طفل زغير
عاحبّ لون الورد ربّيتو
و جبلي زمان
بكيت فيه كتير
وفكّرت إنّي كنت كبّيتو
تاري بسمايي
بعد عم بيطير
مخبّى
ببقوة حلم خبّيتو
ياجرحها
وجه الصبح بكّير
من زنبرك بالآخ عبّيتو
رنّ وعليّي
طلّ بالتعتير
عاقدّ مامرقت عليي جروح
جرح الحبيبه كتير حبّيتو

مع مين..

جايي ..؟

تنشق

الأزهار

ما بتستحي

عا دمّك

وبتذوق

الدكتور

قحوش

شاعر

الشعّار

بدو حلا

بدو ...

يا أبني

رووووق

بعدك ولد

قدّام

شيخ

السوق


هههههههههههههههههه
وبعدك لاحقني لهون

روح عا تاني صفحة
بدي طبشك
هون ورد وهونيك خيزراني
خخخخخخخخخخخخخخخ

صلا بآدار
**
بآدار
لمّا اللوز بيصلّي
قدّاس عمرو
بتركع الفلّه
وبتصير نسمات الهوا
مراجيح
بتقوم حتى تجمع السلّه
و طفل القمر
عن قونتو بيزيح
الغبره
وبيصير ينطّ و يعللي
بدّو بعد قربان شعر
منيح
قربان شهر الصوم بيحللي
*
آدار
ملّ الطقس من تمليح
التلْج
وإجا من الضو ت يمللي
وتعبت شموع العاطفه
من الريح
ل حلفت دمع بالعين مَ تخللي


*
آدار
لو بتشكّني بالشّيح
شي عشّ .. فيّي تنام ترغللي
يمّا ازرعني
بالورد تلميح
بيلاعب النسمه .. وبيسللي
يمّا بمدرستي ارسمني
زيح
حتى صفوف المدرسه تقللي
اشتقنا لضحكك إنت
يامزّيح
ياشاعر ل بتضلّ متجلّي
*
آدار .. ياخدني
بلا تجريح
ع بلاد مافيها ولا علّه
ياردّني عاضيعتي
تلويح
فستان .. ع شريط الغسيل
وفيه
سكران زهر اللوز عالتلّه



***
د. إياد قحوش
مرمريتا

هلالين صرت

ونجمة

لعندا

ذنب

وثعلب خيالك

ما قدر

طال

العنب

متل الواقف

ضل

بنص

الطريق

بيرجف قصب

قدام

ملكوت

الأدب


بحر الزجل

يا ابني اتعب عا شعرك اكتر ونحات ههههههههههه

--------------------------------------------------------------------------------

موجه
هديي للبحر
**
يابحر
موجه كنت بعبابك
مخنوق .. عم بتلفّني تيابك
مره .. تهوج العاصفه
عللي
ومرات تهدا .. وإبلع ترابك
ولمّا حنيني للأرض
قللي
إترك سماك و اهجر صحابك
وبلّشت إسبح .. إسبح
و صَللي
تاعيش عابحبوحة غيابك
ت تعبت
متل سلاح عصمللي
وسبّيت عللي جابني وجابك
و وصلْت عالشاطي
شفت تلّه
م قدرت إطلعها
وعن الروشه
كبّيت حالي .. و متّ ع بوابك


**
ونحنا من بعدك ياسليمان ياأستاذ
خيّك إياد
وشكرا عمحبتك

صليب الدرب



**
بقراك
بسمع صوت عم يرجع رجوع
بيفوت عا قبل الدني
و بيلفّ كوع
بيجيب جمعه
دموعها بمشهد غريب
بتنزل على خدود السّما
بتشعل شموع
*
شفتك تلج
نازل على جبال اللهيب
متل الصّيام
معمّدو بخّور جوع
ولابس دموع
الكون حدّك عندليب
عاقدّ ماعطشان .. عم يشرب دموع
بتمشي الطريق .. الآخرو درب الصليب
بتشلح خيالك
ضو بيضوّي الطريق
و غَر شكل
إنت خْيالك بيطلع طلوع


**
د. إياد قحْوش

و عمتسأليني ليش عمأشرب عرق ??!!
كتب معلوماتية الهوى
الثلاثاء, 25 ماي/آيار 2010 18:43
هذه القصيدة للدكتور إياد قحوش من أجمل القصائد التي لها تأثير خاص في نفسي....إهداء للصديق آرام الجمّال الذي عرّفني على كتابات العظيم إياد قحوش
صوتك بَرَق ....
بالبال...
و همومي ضباب....
و سمعت منك شي ألف مية سؤال...
انسلو بشقوق الخوف متل المي..
و عمتسأليني ليش عمأشرب عرق؟


صوتك بَرَق
رح خبرك ...
رح خبرك...روقي
بشرب أنا تالنار بعروقي
تخمد متل مجد العرب ...و تموت....

رح خبرك ...روقي
سمعتي بحلم بيروت...
المن تحت المخدة انسرق...؟
بيروت يا بيروت...
يا باب حدّ البحر ...
و بيوت أحلى بيوت

صوتك بَرَق
و عمتسأليني ليش عمأشرب عرق؟

سمعتي بجمال الشام...
و شو بخبرك عالشام...
الشام هيبه
و نار بالطلعة
و كان ياماكان....
كانت متل قلعه...
و رعدت الأرض كتير ...و صار الغضب طوفان...
و انهدت القلعه....
و طيّر صلاح الدين من مركبو شوحه....
و لليوم مارجعت الشوحه
ولا طيف من بكرا مرق

صوتك بَرَق
و عمتسأليني ليش عمأشرب عرق؟

و بغداد مجروحه...
وعصفورة ل بال قدس مبحوحه
"وشابوش لملوك العرب..."

و عامين جن...و شال هالكف و ضرب...
خدود للي باعونا
تالنفط يطلع من عيون المجرمين..
عامين يشفي هالغليل و بالرمح...
عارقبة التنين..
يضرب ....عالجبين...
وعالقلب ...عالتم...تايذلو
تايفيق بالصخر الضمير...
ويفزّ ويقّلو ...انتى العدو...
انت المرض كلو

و عمتسأليني ليش عمأشرب عرق؟

بلادي قصيدة شعر...و الشعر انحرق..
وبحزن عمنادي
ياخطي يا بلادي...
ماضل منك غير رسمة عالورق....
هلق عرفتي ليش عمأشرب عرق؟
************************


وهيدا الرابط للأمانة

http://www.7aba.net/mag/index.php?option=com_content&view=article&id=386%3A2010-05-25-16-43-17&catid=38%3A2009-10-24-21-27-46&Itemid=90

Kahwash Eiad **
اياد قحوش وعصام يوسف

تشربكت فيكي
وكل شربوكي
بتلفّني ع زرار مفكوكي ...
وهمسك
نزل عاخاطري طْرِنْبَه
وبلّش يضخّ هموم متروكي
شردت بسماكي الطايفه
أنبا
شارد بقبّة قصر مملوكي
وبالجو
لمّا احترقت اللنبه
عربشت عانجمة أبوكرسي
برمتك قمر سطّعش
عالسّوكي

Issam Youssef بيت الشعر لابس
تياب العيد
و بجيبتو
من العطر عيديه
جدّو الدّهر ... Ver más
عاطيه
عمر نبيد
و ستّو الدّني ..
شابيك حريّه
و بيّو
عِمِلّو قوس
و عواميد
عا طاقة المجد
السماويّه
و خبّت إلو أمّو
قمر بالإيد
تا تدوّقو
من الضو غنيّه
و جابت
إلو خزانة
ربيع
جديد
لاقى فيا شال
النهر مفلوت
و طاقيّة
القرميد مكويّه

اياد قحوش

وينك ؟
متل لمحه بتمرق عالفرس
بتشدّ بلجام الحكي .. بيعمى الخرس
بتضرب بسيفك
عالفضا
...بتفرطعو
بيفلت .. سفينه تقطّعت منها المرس

عصام

Issam Youssef كنت عم لمّس عا حيطانك
بَلكي بْلاقي باب منّو فوت
صِدفه على طاولة نيسانك
لقيت كبّاية سهر و سكوت
و صوره لِها برواز منشانك ... Ver más
مسكّر على .. خيالك تا فيه يموت
خدت شَفّي .. وخوخ وجدانك
بكبّايةِ لْ عاطاولي مفتوت
و مْرقت بالبرواز عا حصانك
مَ لقيت حالي غير بالمَلكوت

Kahwash Eiad
..

ت تفوت
بفتحلك فعل ماضي ... Ver más
بيطلّ من بكرا .. ومش راضي
شافك أراضي
مالها نهايي
بلّش يجي ويروح عالفاضي
تشردق بأمرك
عارفو جايي
يقعد ع طاولة النحو قاضي
ونسيان إنّو
إسمك مرايي
بيفوت
تايمضي الظرف إسمو
بيطلع كأنّو خيالك الماضي

.Escribe un comentario....

Kahwash Eiad شوقي متل ريشه
وإذا بغطّو
بقلبي .. بيطوَل عالمدا خطّو
وينك ؟
على سمّاعتك صللى
...صوتي بحر
مابيلتقى شطّو
يا كنت عم بتلفن لأْلله
ياكان هوّي عم يتلفنلك
وماكان يفضى خطّك .. وخطّو

ألشاعر سليمان طراد علواه لولا بكون حدك بالغفا

تفلفش كتابك شفّتي وجه وقفا

فرّعلك الأحلام بركي بتدنقي ... Ver más ... Ver más

ويجلّد النفناف بفراش الدفاا

وينبّح صوت الآخ لما تشهقي

ويغفا ملاك الحب بسرير الوفا

زتك عا صدري ونام بركي بتعرقي

تايحس قلبك يا حياتي بالدفا

ويشلح تيابو الصوت فوقك...؟بالشفا
هههههههههههههههههه

بحر الزجل

.Issam Youssef وينك يَ بو شربل يَ نقّيش الحواس
عا نهر إزميلك مَيخضر اليَباس
إنت نقشت قوني على صدر الدني
و غيرك نقش شِفّه على صدر النحاس
شو هرّت بإيدك نجوم الولدني ... Ver más
بيجوز كانوا معلّمينك عالقواس
و لمّا وقع سهمك عـَ ضحكه ملوّني
قوس القدح وجّك دلق تَ يْصب كاس
شو ما ارسمت شو ما انحتت .. عـَ الدندني
بـِتْـدَبِّك الصوره عا مزمار الحماس
بتفتح شبابيك الثواني عالسِّني
بتفصّل خيالَك على قد السما ..
قدّيش يا نجّار شاطر بالقياس


.ألشاعر سليمان طراد هربان من هم الدني ومجبور
كمّش جمر بكفوف برداني
منشان شعّل بالقصيدة سطور
بلّشت طفّي بيوت شعلاني
قديّش الله حط فيي نور ... Ver más
بيضل عندي عتم جوّاني
ولما العطربنطلّعو من زهور
بيصير يشرب دمع فوق قبور
ويشهق وجع عا قلوب بتعاني

بحر الزجل
El 29

Kahwash Eiad

ويتابع الشاعر الرهيب ويتكلم مع تمثال العدرا


قْبَعتي الخطيّه
وضلّ
عالقبعه
" شقفه زغيره .. مكمّشه " بشبعا
وبعرف أنا ...
بخّورك بيرغي
عالضو طبعه .. وعالشتي طبعه
وتمثالك
بنصّ السما برغي
لولاه
بيهبّط علينا الجوّ
بتوقع علينا طوابقو

الدكتور اياد قحوش


عين أعلى من الحاجب
**
نهار الشّتي
بصوت السما .. بحّه
من وهرتو ...
بتفكّرو دحّه
مرّه انجلق عالأرض
متل شفاف
انشرمت من العطسه ومن القحّه
ولما الصبح
من خلف سطحو شاف
قوس القدح حاجب لعين الشمس
علاّ الشمس
عالقوس .. تاتمحّى

الدكتور قحوش

ذكرى من بكرا
**
متل الملح بالبحر
صفّينا
لمّا من الضجّه توفّينا ...
فتحنا طريق
تعلوَج .. من الريح
مشينا
ارتحنا شوي .. كفّينا
يارفيقة الدمعه
بآخر زيح
من عمرنا مطرح ماقفّينا
مليح البقي
كمشة تراب
مليح
ل ع تراب أطيب أرض لفّينا
مرقنا
وصفّينا صدى التلميح
وبتشمّنا الأحلام
كل ما بْإيد
ذكرى من الماضي انحفّينا

الدكتور الرائع يتابع نحت التحف


زمن المسافه

لمّا ياجوز الهند
باكستان
بتغازلك .. بتغار بالبستان
مرتا
ومتل مريم بتدلق نهْر
من العطْر
تتغسّل أرز لبنان
وبيصير توت الشّام
شهقة زهْر
غرقان متل الأرض بالطوفان
بيبلع عصير الوقت
شهر بشهر
بتفكّرو الحوت البلع يونان
وتاينشلو
بيمدّ قرنو الدهر
بيطلع أبوالقرنين باليونان
وبيعلّقو متل الجبل
من ضهْر
تعبان .. وبقلبو قلب رمّان
بيطقّ عاإيطاليا
من القهْر
عالإجر
يللي تشّت من المي
وبتضلّ عم تسبح ورا الرّومان

OcultarKahwash Eiad

: صيّاد قلوب
**
بتصلي الشمس غربال
عاشطّ الغياب
وبتصيّد مواج الغرابه من العباب
...... ت تلفّهن بالليل
برغيف القمر
صفنه
المخلّع شافها خلعت بواب
بالمملكه
وقّف .. ركد
راح وغمر
أعمى قشع صوتك
فلش عطر الشتي
النازل عم يسطّر بصفحات الضباب;s


Issam Youssef صياد نجوم
.......

بهاك الجرد
وقفوا جبال ...
تنين
و بيناتهن
مارق نهر
طيفي
و الريح فوقو
انشد عالميلين
بلّش
يحز الغيم
عا سيفي
و لمّا النهر
وصّل
عا قلب العين
لقيت القمر
عم يشرب !! .. عْويفي
و من كتر ما انشد
برموش العين
فكّرت
إنّو هالقمر
بَحْصه
و إيّاد
مَيْصَيّد بِنقّيفي

Kahwash Eiad فيروز
**
فيروز
ضللي شخوطي بالبرق
عالليل ...
تتشوفي بسمانا الفرق
بالشرق
هالواقف ع حرف الموت
ومحروق قلبو
من التخلّف حرق
قديش قبلك ملّ حبل الصوت
وقديش بعدك لفّ
بالصّحرا
يروّض خيول بتركد بهالشرق

**
إياد

ألشاعر سليمان طراد


مرّة عا شبّاكي كمشت
النور
شرشر
ظمط ...
من بين صابيعي ...
...
زرزقت
ريقي متل
توقيعي
وكسّرت قلبي
ضو عا البلور

بحر الزجل


Kahwash Eiad

الضو
**

الضو
صوت بيطلع من بعيد ...
بيصرف سنينو بالجهات ركيد
بيدقّ بالإشيا
وبقلب الميّ
بيتألّه
بيقلب المي نبيد
بتمشي معو الألوان
متل الخي
ل بيشوف خيّو الضو شو بيريد
ومن خرم إبره
ن فات منّو شوي
بيفلش بتاني ميل خيمة عيد
بيفوت بعيونك
بتصرخ خيّ
بيطلع
بتغفى عيونك من جديد
ولما بيتعب بالزمان
الفيّ
بياخد محلّو
وعند مابينام
بترعد العتمه عالزمان رعيد

ألشاعر سليمان طراد

قاعد ..ل حالي
بغرفتي
وحدي ...
اشرب ضجر
من جرّة ...
...الوحدة

واسرق من الأفكار
شردة فكر
بركي بضميري
بحط
شي وحدة

وبّنج الوحدي
بخوابي
السكر
وبلبوس ل حالي
الموهبة ...
وبحدي

تا يضل من طعم
الخيانة
زكر
يرافق حياتي
ويختلي
بلحدي

يا شوق فيلك
من حنيني
شكر
سامحتني
واسترت
عا لحدي

شحدلي
صبر...؟
ما اعتدت
عا الشحدة


Kahwash Eiad طبرة المسمار
**
سهران
.. لجمام السهر
متل انطمر ...
.. وجّ الصبح
جاط ل معبّى بالتمر
.. وصارت صدى .. ناعوستي
.. و قربو الجهات
والوقت راح بْلانهايي .. وانغمر
ودقّيت مسمار السهر بالليل
فات
كلّو وبقي
طبره زغيره بالسما
احمرّت عكتر الدقّ .. سمّوها القمر


ألشاعر سليمان طراد

شميّت صوت
الضو
بالعتمة
لمع
حللت ...
عيني
تروح
عا السرقة
وأرنبت
أحساسي
عا شبّاك
السمع
شفت الرعد
عم يقدح
الزرقة
والريح ظالم
كان في عندو
طمع
يشلّح تياب
الليل
بالبرقة
ووحدو الحيا
سهران
عا ديال
الفزع
ناطر تا يستر
عورتو بورقة

بحر الزجل
·

Kahwash Eiad

شعرك إذا
بكلس الغياب بينطرش
وانبحّ عمرك
موج ع شطوط الطرش
بتصير بحر جليد
كل ما تهب ريح
.. بدها الذكرى
غيوم بيضا تنبرش
وبتدلف عيونك
من الماضي الجريح
حكايات
تاتبقى بمنامك دافيه
عاتخت موسيقا الحنين بتنفرش


ألشاعر سليمان طراد

صوتك اذا عافراش
نغمة
بتشلحو
بينفض على الأحساس
غبرة مشلحو ... ...
وبيرش
قمح
قصايدو
الله
بسهل الزمان
الروح كانت
تفلحو
لوما الجمال
الفيه متجلّى
كانت بضو الريح
بتشوفو
السما
وسر الأبد
موج الوحي
بيشلّحو

بحر الزجل
H

هيفا العنداري

اكتر من المرّات مش مرّه

وقفت قبالي الشمس تتمرّا
تا عرفت إنّي للقوافي شمس
والشمس ما خلقت لها ضرّه
بيغرف من جروحي حنين الامس
...وبتفيض دمعاتي بالمجرّه
وبغمّس الشوق بْحواسي الخمس
بعبّي باحساسي الف جرّه
وبالهمس ما بغنّي بغير الهمس
حتّى ما إخدش ذينة الشلاّل
ويطرطشوا حروف الحلا برّة

الدكتور قحوش


ياشاعره
ليلك إذا بيطوف
بيدفق من السودان .. نيل حروف
مَ بتعرفي
إنّو الهرم .. من مصر
جايي ت حتّى يشوف
كيف الشوف
لفّ البحر زنّار .. فوق الخصر
وهزّ القمر والشمس
جوز دفوف
..
ياشاعره
كل ماعصرتي العصر
ونقّط سهر نجمه
ع غيمة صوف
..
وكل ما بنظراتك
سبقتي العصر
وصار الوقت خلفك .. ورد مقطوف
بيفضى الفضا
وبيصير قوس النصر
القوس ل عن جبينك
حضن غرّه
أرزة جبل حضنت بني معروف

ألشاعر سليمان طراد

زر الحلا كرباج
لعيوني
بيجلد وجع وبيلبس
القوني
وجم المخبّى عن عيون الروح ...
ما بتكشفو صابيع
مجنوني

هههههه

بحر الزجل

.Kahwash Eiad ‎

سبعه العجايب
بس حتى يخص
الله بعجيبه .. مجد لبناني ...
شاف البحر
طفله وعم بتمصّ
مصّاصة الضو البرتقاني
ولما فتح شمسيّتو للنص
كانت الأرزه
ورقمها تماني