صفحة الشاعر الدكتور اياد قحوش

Bassam Alhussain Makhoul
دار المجانين
________
الكلمه
بتوقف حدّ باب الدّار
وكل ما هرب مجنون .. بتردّو
...و بتردّ
إيد الضوّ فوق النار
و بتغسّــل جرين الوقت حدّو
...
الشاعر بيوقف وين ما بدّو


Kahwash Eiad ‎:
رعيان كنّا
وكان بالفخّار
نبيد البكي .. كل مَ التقينا يجنّ
وضليت انفخ بالقصب
...تاصار
عْليي الهوا .. منّو لحالو يعنّ
..
وتوب القصب ماكان يوم يحنّ



Hassan Kawtharani كلما بمطحنة الزمن
جعجع
فيها الحجر ع زوانها
المغشوش
تا تمسكو من إيد
... ل بتوجع
قلو حبيبك مصطفى علوش
بيطحن سنين الضَو



بالجاروش

Bassam Alhussain Makhoul
هيك الدني قالت
___________
يا شاعر ل عمّرت من ذوقك
بيتين ع المرتاح
و التالت
...عا ذمّــة الراوي..وقع
فوقك
مدري لأنّو المسطرة مالت
...
مدري بـراسك شي حجر فالت


Kahwash Eiad ‎:
بالذاكره
لما فتحت الدرج
وفاض العمر .. عالبال إسطوره
جريي كأنهن
...برج حدّو برج
وقعو .. وأنا عم لمّس الصوره
..
إي كيف الألف بتصير مقصورى

Kahwash Eiad ‎:

الغرب متل الشرق
مافي فرق
بين الأصولي وبين ل فرنجي
...من العتم راخي دقن
فوق الشرق
و واقف بسوق الدمّ دكّنجي
..
ويمكن صفي من النفط إخونجي

Kahwash
فراقيّات سريانيّه

-------------

ياهالوطن جنّنتني
شوصار
كل ما مرقت عاخاطرك مرقه
بفزع
كأني بهالدني ختيار
وعم يسرق سنين العمر سرقه
قلّي
احكيلي
ليش هالأوتار
العندك بتعزف بس للفرقه
وكل ماكتبت إسمك
ع ورقة غار
بتصفرّ
وبتتجعلك الورقه
وكل ماشْربْت بريقك الفخّار
بتنزل بعيني
ميّة الزرقا
ومنّك بيطلع بالقلب حرقه


*****************

أووح من البرد

----------

الميّ علْيت
والبحر غدّار
ياهالوطن :
وينو بقى نوحَك ؟
تاريخنا
عم يحترق بالنار
وْصارت ع آخر روحنا روحَك
فتحو جهنّم عامداك
وْصار
مْنِ البرد الله يفيق عا أووحَك
وْهدّو السما
وْصارت تشتّي حجار
و رسمو
خطوط النار بجروحك
تايلعبو الشطرنج بسطوحك

********************

سلّم بالعرض
-------
كل الدني
بتصير صيّاده
لما الشرق بيصير
مرج طيور
وبيغزلو
من الدم سجّاده
وبيبلشو يصلّو شهود الزور
وشو بيعمل
الدستور يابلادي
مازال فيكي
رصاصة العميان
بتمشي بلا شرع وبلا دستور

**********************

عروس الموت
-------
كنتي منيحه
وزينة البلدان
وماضل بكتاب السنين سنين
الله معك
ياجنينة السريان
نشفت وراقك من حلا التلوين
الله معك
ياتراب .. ياإنسان
يابلاد
ياعصفورة الحلوين
الله معك
ياغابة الدخان
ياجبال كل شهورها تشرين
وقبل الدفن
رح حمّلك عنوان
إخواتك ل صارو
بدنيا الدين
إي سلّمي ياشام
عالبنان
وسلّمي ياشام ع فْلسطين
هودي شباين موت
للتنوين


******

سامحينا ياسوريا .. كنتي بلاد استثنائيه بالتاريخ و وهلق موتك السريري حدث استثنائي
منعزّي حالنا ومنقول أزمه وبتمرق .. بس لازم نواجه الحقيقه ونعترف إنو الجوره غميقه .. والقيامه يمكن بجيل بعدنا
بحبك
بحبك قاتل ومقتول .. اتنينهن أهلي

إياد قحوش

حرّاجتك

د. إياد قحوش

نْهارِك سعيد بْعيدك
...
وبيزيد

شوقي لدفوة غمرتك

بالعيد

وشو غمرتك

مسحة رسول

خْيال

بيجلّد كتاب القلب تجليد

بالعيد

بشحد من صبح عرزال

صوتك

ندي .. وبزرنقو تغريد

بْلملم صدى الماضي

وجع تمثال

من ضربة الإزميل باس الإيد

وكل ما بْتجي

حرّاجتك ع البال

بتهبّ

ريحة هندبي من بعيد

متل الغيوم النازله ع حْبال

حبّ الشتي

ت تبوّس القرميد

وبيصير ع سْنين الدّهب

سلسال

عمري يشدّ بقونة التنهيد

متل السّما

الفيها الجراس جْبال

وبتدقّها إيد الرياح رعيد

ألله ياأمي
و نهر موّال

عهد الطفوله

طاف عهد جديد

ألله ياأمّي

ياأمّي قْبال

وجهك

الضحكه

بتنقلب قربان

وكاس الدمع

بيصير كاس نبيد

نقيت اجمل بيت يا استيف وحطيتو ليك
قديش بدنا نطلع عا سلالم الضو

حتى بالرثاء الضو الو نكهة
Eiad Kahwash
‎**

البابا شنوده
------
غْيابك متِل
... الله فتَح باب السّما وجابَك
وغمّض عيونك عالزمن
تايسمّعو كتابك
..
بس رحْت
وسّعت الدني
تاتوسع غيابك
..
تْيابك مصِر .. جبّة قطِن
والنّيل سحّابك
منِ الميّ سيفك بالفضا
سْحبتو منِ قْرابك
..
ومنْ كتْر مانْعِسْت الأبد
بتْنام بتْيابك
وْبتهزّ فيك الأرْض حتّى تْنهنه ترابك

.


Eiad Kahwash
بعد اجراء عملية القلب المغتوح للشاعر البير حرب
سلامة قلبك ياألبير ..

قصيدة قلبك
--------------
مطرح مَ إصبع جرحك
مسحتو
توضّح اللون
بهالمدى المبحوح

خضّيت بحر الشعر
وفتحتو
طار القمر
سدّه بخيال الرّوح
قفْلتو قصيده
بقلبك المفتوح
-------------
إياد أحوش
بالسلامه ياشاعر كبير