صفحة الشاعر الدكتور اياد قحوش

إلهام شاهينك**
ياسامر خيالك
إذا بشدّو
وبقدر على قوس القدح
مدّو
بعلّق بسقفوالشمس
برّيمه
كل مابيخلص صبح
بتردّو
بيلعب ع حدّ الضوطمّيمه
وكل ما بيتخبّى
الطقس حدّو
بتنشّ من سطح السما
غيمه
بتزرب كأنها دموع ..
عاخدّو
بينصبلك
بصحرا الهوا خيمه
بتحط ركوه عالقمر
تيفورإ
لهامك .. وبتبلّش تعدّو"



نصر تموزك
**
ياشاعره ...
كل ماحرقتي بنار
روحك
ترابك تاضحك آدار
بيدور دوّار الشمس
دوره
بمركب قصيده عابحر دوّار
وبيصير شعرك
متل بلّوره
بتشرب الضو .. نبيد بالفخّار
ونافورة الكلمه
المتل حوره
بتطلع ع صنّين الأبد .. مشوار
بتمرق قدس
عامفرق الدوره
بدير القمر بتمرّ متل قمار
بتسهر بقهوة سهرتك
فوره
بفوّار أنطلياس
طقّت كحل
ع رميش بنت جبيل سرحت غار

الشاعر ل من عمر ببّو العين
الشاعر طفلكل ما بيشوف خيال
بيفكّرو من متحفو تمثال
بيكتب شعروبيختمو بقفله
متل الختَم عابيت جدّو ب غال
بيركد ورا الصدفه
وعاغفله
بيتشركل بيوقع ع راحة بال
بيشوف طفله .. بتسألو: شفلي
ليش حرف السينفيه جبال
بيقلها .. لك آخ ياطفله
منشان جبلك من " سماها " هْلال
الشاعر غزال بتقرصوالجفله
بينطّ بعباب الهواشلاّل
: إيد الوحي بتوشوشواقطفلي
شي زنبقه .. بيقطفلها موّال
وكيف بدها تصيرهالحفله
وكيف ممكن يدخلو الشعّار.
.وممنوع إلها يدخلو ل طفال

Eiad
بنتك العرجا
**
بتعرف الأرض بإيدها
شو شايله
تا مشيت على الحبل نتفه مايله
...بيجوز هيي شايله
خاتم عروس
خايل قمر
مطرح مَ هيي مخايله
وركدت متل طفلين
كتبو بالدروس
مش عايله تعلْوِج الريح
وعايله
والدّوه .. دعست عاوتر
بلش ينوس
تالرّيه ماشافت شوهيي قايله
و المنقله لفّت
نهر عانهر
كوس
دلتا مصر
عالبحر إيدو طايله
النهرين عاشطّ العرب
شافو المجوس
قالولهن نحنا اختلفنا بالدروب
لكن بعمر المي نحنا مجايله






مهراجا الزجل

**
قللي القمر
غيّرت مكياجي
...لبست الهلال بْدال الكماجه
منشان إطلع
مع سمير هلال
فوق المنابر .. لبّسو تاجي
ياهلال
يا سكره على أطلال
ناجي .. ومنها الكاس مش ناجي
ياتشردقة قهوه
بحبّة هال
انكبّت صبح أبيض ع حرّاجه
ياخيال تلّه
وانرسم خيّال
من شبحتو .. قال المدا حاجي
ياضو
وجّ الشمس حدّو خيال
من دروتو
عم شعّل سراجي
صوتك لمهراجا الشعر
تمثال
ياشعر من صوتي
لمهراجي
بتدلق دفا إفريقيا
الشلال
زخات تلج بقصرك العاجي
بتمحي الزمن
بتوقّف الزلزال
رفّه ع باب عيونك سكاجي
ياهلال
كل مابحرك بينقال
طلبة صلا
بتجاوبو مواجي
بتتغنّج عيونك
زهر بالبال
وبيشمّك من عيونك غناجي
ياهلال
لفّيتك لحن موّال
عاقلب عمري
وصار فيك القلب
يلفّ الدني بشريانك التاجي

الدكتور اياد قحوش


Eiad ‎**

ياشاعر ل سيفك
برق مسلول
والغيم مَ بيعرف شو بدّو يقول
...وتوب الأرض
بخطوطك مقصّب
بحّه عرض بتروح ..
بحّه طول
وكل ما مناخك عالدني عصّب
بتطلع خلاقك عالزمان
نزول
بيورانيوم من شعرك مخصّب
بيعمل حدشر معركه
أكبر
من المعركه ل بحدش من أيلولدروج الشتي
فتّحتهن تاشوف
Eiad ‎

خيطان طيّاره .. وقمر بَكره
...لقيت الوقت
متل العنب مقطوف
وعالسطح عم بتشمّسو الذكرى
..
ردّ العمر .. ياملبن البكرا

أرض
------

...محمّلي
وعم تطلعي بالجو
بحارات كون مقلقز
وبكرا
رح تهتري عليكي تياب الضو
وترقّعي الأحلام بالذكرى
..
و ينشف الوقت .. وتخلص السّكره

الدكتور اياد قحوش

نسر الأبد
--

طقَشْت الشمس
...والكون بالضو انغمر
والريح متلك .. مابتشبع ولدني
وبكرا عند
مَ يطجّ عالتلج القمر
بتعلّم خدودك على كفوف الدني
..
وفوق الشتي
بتعزف رياشك دندني

Kahwash Eiad
قجّة مصر
__

قالو البحر قجّه .. وهلق مصر
ماعاد إلها عالفقر حجّه
...
كيف السما
كل يوم عند العصر
بتحطّ ليرة شمس بالقجّه
..
وبعدو الهرم بالرمل بيهجّي؟

الدكتور اياد قحوش
من أجمل ما كاتب

ماعون

_______
...عملت الخيال بصفنتي
ماعون
و روّبت فيه الروح .. صار يطير

وكل ما بغطّ الشمس
بالصابون
وبنفخ عليها .. بيطلع طنابير
..
يمكن يَ إمي خلقت سرّي كبير

____

اياد قجوش

ساعة الوداع

-------
...
مكسور خاطرها على الجنبين
متل
بيضة عيد خسراني

مرايي ومافي بوجّها
عينين
تشوف التياب بقلب الخزانه

بتشوفها
وبتقول مدري وين
خبّى البحر ضو البرتقاني
..
والصوت طقّ بحبس القناني

Kahwash Eiad ‎**
كرّيجة الأحلام

-------
بس ترجعي
...بدها السما تنشقّ
متل الخرج عالتقل .. قلبو طقّ
وكل السنين
ل صارت مبارح
ع خيول من بكرا رح بتنزقّ
ياهالصبيه
شوقك السّارح
بكاس الجرس ..
بيعنّ كل مَ اندقّ
وقاعد عم يبقبش على مْطارح
بتنلقّ برموش العمر
صلبان
بتنزّ بدموعك وقت تنلقّ

Kahwash Eiad ‎**
انخطاف
------------------------
فختّ الفضا
بيّن عليي الجو
...جرّه .. الوقت جوّاتها بينخضّ
وجبت الشمس تلجه
لكاس الضو
ولما شربت الضو .. وجّي ابيضّ
..
متل ل كأنو بصوت الله انفضّ

الدكتور اياد

مملكة الريح
------------
في مملكه للريح
...فوق الزيح
ل منّو ينابيع السما انفجرو
ل ملوك وقفو
يشبّرو للريح
وتايدقدقو عالباب مااستجرو
..
الشاعر بيخلع بابها بإجرو

Bassam Alhussain Makhoul ¤¤
...
قمرجي
-------------

...في أصّ
بصفارين
ما صرلو
تبنّى ولد
لعّيب حزّيزة
معلّم
بِكار المصلحة صرلو
قبل الأرض
ما تجيب خبّيزة
...
سحبت الأرض..طلعت معي جويزة


.
Bassam Alhussain Makhoul كتر الشعر
بيعمل معي حرقة
و بيسرق
ولاد الوقت سرقة
بيحصّل الخيمي بِـميلاد الغجر
...وبيعصر الغيمي متل خرقة
فكّرت إمسك لون
صابيع الحجر
و إمرق عَـلى سفح الجبل مرقة
عضّيت حالي ..قدّ مـا صوتي انفجر
و بكيت مع بعضي
ألف حرقة
شو كنت متْــشهون عَلى وراق السجر
تاري الأرض
متـــل السّــما زرقة
و من كتر ما شَفّيت جَنْديع الضجر
و فقّيت حبّات الشتي
قبل الشتي
تمنّيت إنّي لو كنت
ورقة

Bassam Alhussain Makhoul Kahwash Eiad : بتحِكّني

حبّات صوتَك بالجسم
و بتأتأ الضّو
اللي نازل ع الورق
...بتذكّــرك
بنسى عَلى جْبينك قسِم
منّي
بَعد مـ يكون بالحُب احترق
وينك ؟
أنا لولاك ما عندي إسم
و لولاك طيف الشعر
حدّي ما مرق
متل ل كأنّك ليل
بلّش بالرسم
و بيعزمو ألله
ع طاولة المجد
و بيكون قاعد فوق عم يشرب عرق
...
و بينزّلك
ع الأرض
حبّات
العرق
...........
من إنسان بيحبّك ...تروح و ترجع بالسلامة
الحسين مخول

Kahwash Eiad ‎**

الأرض راكوب .. وع آخرة الدني
من كل عزم الوقت
بالجو انضرب
...بيجرح الضو
وكل مانقّط سنه
من الجرح .. بشفاف الغياب بتنشرب
..
مين الضرب راكوب هالأرض .. وهرَب


الراكوب هوّي الكفّيه .. يعني حجر كبير بيعبّي الكف . هالكلمه منستعملها بمرمريتا وعالأغلب بكل ضيع الوادي
.. بتمنى من الأحبه
رجا
...مدام روز /وردة وفا
والحسين مخول

يخبروني إذا كلامي صحيح أو لا
كمان بتمنى من الأحبه: سليمان طراد و ابراهيم شلبي يخبروني إذا بيستعملوها

شكرا

الراكوب هو من خشب كانوا يستعملوه
متل سلم ومش سلم عندو تلات جرين
من خشب وفوقو طبلية من خشب
كانوا يستعملوه تا يطعمو دود القز ويحوّش خيوط الحرير
وكانوا يستعملو تا يطرشوا البيت
...وياخدوه عا الحقلة يمشقو زيتون

ومش عالي على فكرة اكتر من متر

هيكي امي خبرتني معناتو
وهلق ناطر خبرة الشباب

بحر الزجل


وكانوا يحزرو عنو بالقديم يقولو مين بيحزر

تلات خوارني بفرد طابية

دنكوره
-----------

...تمنيّت إتصوّر أنا والضو
وتتفتّح زهور السما
لتوره
وعاقدّ مادقّيت فوق الجو
بكعب الأبد .. تايلقط الصوره
..
طلعت براسو الشمس دنكوره

------------------------

Bassam Alhussain Makhoul ¤¤
بلا عنوان
_________
..
صوتي غُرف
...بالضو
مقفوله
ملوك الأرض .. رعبونها دفعو
نبشت الشمس
صبّيتها سفوله
ولاد الملك صابيعهن رفعو
...
الشاعر بلا جمهور شو نفعو؟...

.Kahwash Eiad ‎**

وتّاب الصوت
------
كل ما عرق صوتي
...بيمصّي ضو
بيحفر بليل العمر جرن غياب
بيحوّم عليه الوقت
والجو
بيوقّفو بنص الدني بْلا تياب
..
ومن فيه يمسك للحكي وتّاب

· 1 ..ألشاعر سليمان طراد

وتّب الضو
الريح حكّتلو
وكمشت ربش
كتفو
بإيديها
...ولمّا ارتاح
تشلقح عليها
ومن وين بدها
تلتقي
بمتلو

رائع يا رائع
خخخخخخخخخخخخخخ
بحر الزجل

أكبر من حالك
______
ياشاعر ل وقّفت صوت اللون
عافرد إجر
يرتّل قبالك
لا في خَيال بيوسعك بالكون
وْلا الكون قادر
يوسع خْيالك
..
خلقلك شي كون .. و فوت عاحالك
-----
إياد قحوش









الكاتب: عصام يوسف


| من: مشتى الحلو | في: Friday, Oct 29, 2010 12:13 AM
لمّا يا هادي
بسمع وراقك حَفّت
على قلام الغفا فْياقك
بتصير
عا سطح السما .. قِبّي
و بطلع على غيابي
تا إشتاقك
بسحّب مِن خيوط الهوى
هَبّي تا هِز غصن
و دوق سِمّاقك
بْجيب
سَلّة سيف .. و بعبّي
ضو السّما لْ فايت
مِن طواقك
و لولا وقع فوق الأرض
حبّي عا تراب
عم يستطيب دْواقك
بحس
صوتك سجرة محبّي ..
لون السما طالع
مع غصونك
و ضو القمر نازل
مع وراقك

ملك عبد
--------
يا مفتكر حالك ملك
...بس الأبد
بيعرف بإنك ميّت .. ومَ بتنحيا
يامقطّن بقبر العرش
مابتنعبد
يا رغوة جهنّم .. يا عتمه .. ويا..يا.. يا
ل طقّت بصفحة وجّك شلوش الحيا

شو رأيك بهالتجربه يابوشربل؟

كامش الضو

------------
...
وقّف الموت مكتّف
وعبّق
وطلعت حرارة نقمتو
.. وكشّر
وقت لي كونك
عالدني طبّق
صدر المدا .. وبقيامتك بشّر
..
لاتأشّر .. بإيدو الأبد أشّرs

عصام بيستاهل أكتر من هيك

إنتوا التنين إيقونات للشعر بتضووا على هالدني كلها
شاعر بيطير
------
مرّه دعست عاجسْر بالألوان
......سمعت طقّه
..... قلت شو صاير
قللي الشتي
كل ما إجا إنسان
وكبّر الكون .. بوسّع الدّاير
..
قوس القدح ياشاعر الطاير

**
عصام بينحبّ
وإنتو يافراس وياغسان كلكن ذوق وبتنحبّو من القلب

Bassam Alhussain Makhoul ‎..
مذكّرات شبح مشحرجي
____

مرّة قطعت
...راشيل
بنت الضو
ليش الكذب
ما عاد إتذكّر
بْلا طول سِيره
فحَّمت بالجو
بو خيط أحمر ما بيتسكّر
...
مِنّك لَ ألله يا نبع كركر


المجنون
_________

بْيسكت
...تايسمع بالسما خـشّه
بيحسّ حالو حرّ
و مربّط
بيرشّ صوتو سمّ
بـمرشّه
جوّات بيتو ل ما بيتزبّط
...
بلكي شي مرّة هالسقف هبّط


Kahwash Eiad ‎**
مكسور خاطرها
-------------------

...شو بيعملو بالمي لما تصير
...من كتر تقل الشوب
مكسوره
وماتقدر توقّف .. ع حيل البير
وتعمل ع حبل الضو كزدوره
..

بتنحطّ فوق الطاوله لتوره


خميرة السما

____________

...بس ينعسو ل ولاد
بنسى الباب
الجايي من نهار التعب مفتوح
بوقّف على العتبه
بشوف غياب
وجّي .. كأنّو العمر عم بيروح
..
قللي الخبز .. ل ولاد هنّي الروح

سجرة نار
------
قبل الأرض
...بالجو ماتندجّ
والريح تكمرها بفرد كمره
كنت عم لمّس
الجمر الفجّ
بغصن انملخ .. بجهنّم الحمرا
..
و وقعت الشمس من الغصن جمره



السايح
--------
قلب ل بيشتقلك يا هالسايح
...شافك ألف .. وبي .. وبوبايي
وبيكون جايي .. بقشعو رايح
وبيكون هوّي
رايح وجايي
..
غيرك مَ بعرف بالدني حكايي

Kahwash Eiad ‎**

" فرح " تمّوز
----------
أنا فيروز شعر
...الشعر نصري
فِرِح " تمّوز " .. من تمّوز نصري
سبقت الضو
لمّا سبقت حالي
ولمّا سبقت حالي .. سبقت عصري
نقلت الليل
من حاله لحاله
وفتحتللو شبابيكو ع قصري
نزل مني شتي
وطالع ع بالي
فصفصلو نجومو بزر مصري
..
عملت قوس القدح
تحتي سقاله
وعلى بحر الصبح
دندلت عصري
شِفِت الله عم يزقّف قبالي
وكل ما هزّ خصري .. الشمس تبرم
كأنها معلقه شكله ع خصري

سرّ الجرح

هديه للشاعر فضّول فضّول

د. إياد قحوش

**



لما الهوا

هبّش بِإيدو

حجار

خدود الدني

..

انشقّو النهوره

و صار

دم القهر

من شدّة التعذيب

يْسقْسِق ع وجه الأرض

ليل نهار

*

والبّر ينطر

تالِغياب يجيب

مرهم صلا

يوقّف نزيف النّار

وموسم يِجي

وموسم قبالو يغيب

والنزف ذاتو

والجروح كتار

*

للّي قال إنو الجرح بالتقطيب

بيطيب

أوعى تسدّقو

..

المسمار

بينكْوِز بْجرح الأرض تَيْطيب

ولاتسألو نجّار عن هالسّر

سر الجرح

بدّو ابن نجّار.

فلسطين-للدكتور إياد قحوش
فلسطين


----------


...فلسطين .. طفله من الزجل شقرا
العالم غنايا وأهلها فقرا
انباعت ألف مره بسوق الدين
من ملوك رخوه .. عيونها جقره


ملوك العرب حيتان ..دجالين
بين اليهودي وبينهن دقره
ل ضيّع دماغو بسفر للتكوين
كيف رح بيفهم سورة البقرا


ياأمتي .. ياديوك بطرانين
ومش قاصدين ينقِّرو نقره
مابظن فينا نرجّع فلسطين
وملوكنا عالذلّ مفطومين
والشعب لابيكتب ولابيقرا


د. إياد قحوش

بعد الشمس بشوي
قبل الكوع
للي بياخدك ع جهنّم الحمرا
...بتشوف زاروبه
و فيها دموع
عم يفقعو جمره ورا جمرا
..
هودي خطايا برقبة السمراSee More


1الى الشاعر فادي فياض كتبها الدكتور اياد



شتوة شعر
-----
البحر خرقه
...عصرت فيها شوي
نشفت جزر فيها .. وبقي بقعه
وعالعصر يمكن طار
غيمة مي
وقعت عند ما دقّت بسقعه
..
وكدشت تراب الأرض عالوقعه

للشاعر الدكتور اياد للشاعر حبيب يونس

Kahwash Eiad ‎:

جمع تكسير
------
كبرنا
...وصار الكرْم عالكبره
قشّ .. انجمع عمرو جمع تكسير
مننفخ
تاحتى نطيّر الغبره
عن دفتر تشخوط عليه كتير
..
ونحنا بنفخه زغيّره منطير

Bassam Alhussain Makhoul ‎:
نجّار باطون
_ _ _ _ _ _
بتطلع مساحة هالأرض
يومين
...تركيب أرضيّة خشب.. بالجو
والشمس لو بتصير
عن طاقين
واندقّ مسمار الأبد بـ ل لو
---
بتنصبّ فوق الأرض تنكة ضو



Kahwash Eiad ‎:
في شاعر بيفرط حبوب الليل
وشاعر بيعصر
ضو غرناطه

...من هيك وقفو قبال مجد جبيل
شاعر العصر
وشاعر فراطه
..
كلمة " شعر" قدّيش مطّاطه