روحانيات بو شربل وبو علي

هاني ناصيف

صدفة و انا و الليل و الخمار
و الفجر عم بيجهجه و يطلع

وناطر العتمة تا تصير نهار
وبوج وهج الشمس تتشلع

و بهالعمر تا نكمل الاقدار
المفروض مرة نسمع و نقنع

عمر البشر لحظةو لحن غيتار
مهما كبر بالاخر بيوقع

تذكر يا عمري وقت كنا زغار
نلعب مع الازهار تا نشبع

و هلق يا عمر بآخر المشوار
عالاخرة منفوت ما منرجع

لا المرج قادر يشبعك يا حمار
من هيك نعمة خلقت يا ختيار
للشعر الله وللسما مرجع

ألشاعر سليمان طراد

لا تموت متل العتم يا هاني
متل الشمس خليّك حتى تموت
فيّق جروحك عا عمر تاني
وحضّر كتابك للوحي تابوت

انتي بشر غير البشر يا جار
انتي موسيقى بتنعزف للصوت
وكلما الوجع بيحرّك الأوتار
بتدوب نغمة آآآآآخ قبل الموت

نيّال قلبك ها الدني مودّع
ورايح عا دنيا تانية وفرحان
وعليك بدها القافية تدمع
جهّز محل زغير ..لسليمان

يا حراااااااااااااام

حبيّت إني بالزجل أرثيك
بركي يا هاني العمر جايبلك
عمرين حتى تعيشها وما فيك
بنموت يمكن كلنا قبلك

نزّلت دمعة عين سهراني
وخليّت قلبي بغربتي يعاني
وكرمال الله حاجتك أرجوك
تكتب شعر حساس عا الفيسبوك
بزعل انا عن جد يا هاااااني

تقبل مرثايي من بو شربل بلا زعل
ههههههههههههههههههههههههه

Hany Nassif ----

موجوع يا بو شربل اعتقني
بهالعمر جمر العمر عتقني
ما عاد فيي اكرع القصدان
هرهر شبابي الورد فتقني
بعرف حياتي لفها النسيان
و صار الوجع عالنوم يسبقني
و ما كنت صدق بالدني انسان
الا ما وصل الموس عا دقني

ألشاعر سليمان طراد وحياة ربّك روق يا هاني
بهالعمر كل الناس بتعاني
ما فيك تقشع بالدني فنان
والله يا هاني بعيشتو هاني

حتّى اللي حملو بالعمر صلبان
انصلبو عا خشبة عمرنا الفاني
باعوا المسيح وصرّفوا الإيمان
ويوضاس صاروا يمكن تماني

بها العمر رخصت قيمة الأنسان
والموت حق وجرح جوّاني
ويا بو علي بيحبك سليمان
خرطش شعر عا وراق ما بتموت
شعرك أبد والفن ربّاني

خرطش ضل وتراك المناكفات ههههههههههه

بحر الزجل

Hany Nassif ----
بحياة ربك هات الفية
اسكر انا وياك يا خيي
كل اللي باقي بالعمر كم يوم
عم يقطعوا متل الحرامية
و العمر متل الكفر وقت الصوم
بي حركش بجرح الالوهية
قديش صرلي طعمتك يا نوم
ما دقت من ايام منسية
لا تواخذوني ولا تحطوا اللوم
ايام جرحي بيرشح غناني
و ايام روحي بتعتب عليي

ألشاعر سليمان طراد خرطش يا هاني بيوت ومواويل
وفيّق جروح النحت بالأزميل
بتضل شاعر نت ما بيموت
كتابك صلا وقصايدك إنجيل

موجوع جرحك عم ينز بيوت
فيها الحلا صوب الحلا بيميل
واللي بيقرا شعرك المنحوت
بيحس الله ناحت تماثيل

من دون إذن عا قلوبنا بتفوت
متل الصلا من مدخل الترتيل
ويمكن قصادي عا الدني مبعوت
تا تجوهر الكلمات بالأشعار
وتا تحدد الإبداع بالتحليل

بحر الزجل

ملاحظة ارتجالي انا وبو علي

Hany Nassif -
اتركني بهمي حاج تغريني
هم العمر عم تحملو سنيني
متل العلى شط البحر مشلوح
و ناطر تجي و تطل شي سفيني

الانسان اخرتو شوية شوح
و شي كم دمعة تكون عالهيني
الانسان جسم و روح و المسموح
يغفى وعد يوعى حلم ديني

و بالاخرة بباب الكتب بي سوح
فوق السطر متل الكانو جمر
عا رماد عمري بنار كاويني

[b]

https://www.facebook.com/topic.php?uid=2229476199&topic=16164&post=124674

» روحانيات بو أسامة وبو شربل
» روحانيات ورثاء ووفاة ام ميلاد
» ضوئيات بو شربل
» أبو شربل والاستقاله
» ابني شربل