ضوئيات بو شربل

المارق عا نهر الضو ما توضّى
بيمرق عا بحر القافية عطشان
بيشلح حرام الضو عا الألوان
بيعمول بإيد العاصفة رضّة
ويضل لونو نحاس مش فضّة
...بحر الزجل
راس السما عا مخدّة الغيمة تكي
فرّع كتاف الليل تا ياخد هوا
وكحّل بلون الشمس عينين الهوى
وولع الورقة سكوت تا تنقط حكي
ونكوز بكتف الضو...!! الله تا حكي
.........
بحر الزجل

نور القداسة محل
ما ضوّى
بيحفر بقلب العاطفة
مغارة
بيطلع من البخور
.........طيّارة
بيفجر نهر أحساس
من جوّا
ومن يومها الله خلق
حوّا

بحر الزجل

ليش؟ الشعر ناوي على صلبي
بحَبْ السلام وبعشق الراسي!!
مرّات بيوّقفْ نَبَضْ قلبي
ومرّات بيوقف شَعْر راسي
...ذنبي أنا .أو ذنبْ إحساسي
...
بحر الأحساس

تقمّص بروح الطيّبة بتطيب***وضوّي الخيال بعتم أفكارك
وخلّي القصيدة شمس ما بتغيب***بتعتق حروف الضو بجرارك
بحر الزجل

الأخرس شبح
واقف بوج الضو
بيشلح خيالو
خلف فزيّعة
من لون صوتو
......بتنرعب ضيعة
وآهات خوفو
طايرة بالجوّ

بحر الزجل
الشبيّط عنا بيشبه
المحواش
بنستعملو عن غصب
للزيتون
بيفرط حبوب العالية
...وبيكون
الفاروط هوّي الحاملو
رشّاش
بيقبض عا علمي مش متل
حوّاش


المارق عا نهر الضو ما توضّى
بيمرق عا بحر القافية عطشان
بيشلح تياب الضو عا الألوان
بيعمول بإيد العاصفة رضّة
ويضل لونو نحاس مش فضّة
بحر الزجل


ألشاعر سليمان طراد
دلدق جرار الغيم عبّيني
ورجّع عرق شغيّل عا الزرقا سما
بحري تعب ينحت مرايي للسما
وانتي خيالك قد قنّيني
ما بيمسح الدمعات عا جبيني
...
بحر الزجل
وزن سليماني
هههههههه
لحقني عليه

قديّت من كتف الشمس
قنديل
وخزّقت شقفة ليل
بالنسمة
وطبعت لون الضو
......عا أسمي
وضل العتم عا كتاف همّي
تقيل
ونحت الصلا خلّى المسا
تراتيل

بحر الزجل

انشفتوا شي مرّة خيال عا التلّة
وشاعر بيصلّي قصايدو يعيشوا
بيكون كلما يركع يصلّي
بيطلب تامنّي يخلص بريشو
هههههههههه
...
بحر الزجل

ما زال عاقد عقد قنطرتك
جنون
وفاتح بوابك للغموض
وللفنا
رجعت وقلت ما بزور ها المدفن
......أنا
عطر البيعبق بالحواس
وبالعيون
ما بيسكن بزهرات محل
الزيزفون

هههههههههههههههههه
طيفك قصيدة ناقصة
المطلع
وبحروفها من عادتي
ازني
وكيف بدّي بمطلعي
......اطلع
وانتي عا بحري ما
بتنوزني

بحر الزجل

شالح كتافي فوق همّي
شال
مغطّى تعب زارب
من القفّي
بركي الجنا بيرتاح
...من كفّي
وعنّي الوجع شي كم كيلو
شال
بضيّع وهم وبجدد
الآمال

بحر الزجل
نحنا مرقنا نهر مي
وضو
حد الخلق بالشعّر شمس
وفي
وغرّق خيال الضو تحت
...المي
وعلّى القصيدة وشال كلمة
لوّ
وبعدو ل هلّق طاير بها
الجو

بحر الزجل
انت نهر الضو وقلب المي

كلما عليك الضو يرسم لون
بيشلح خيال الشمس عا بيوتك
بيهز بالابداع خصر الكون
من قبل ما يدخل عا ملكوتك

بحر الزجل
غصني طلع بقصايدي
مخضّر
وزهّر بشجرة ضو
غنيّي
وغسّل كفوف الشمس
......بالميّي
وجدّل بايدو شعرها
المشقّر
تا طاف بحر قصايدي
عا البر
ابن تراب تراب احلامو
بيكمش بإيدو الضو بيطفّي
وكل الأجوا من قبلنا نامو
بتابوت شغل النار بيدفّي
ههههههههههههههه
بحر الزجل

بحر

توبة الشاعر يخزق الدفتر
ويقول انو الشعر ما بينفع
بيطلع عا سلّم مجد تا يكبر
ومن الغرور بيرجع بيوقع
بحر الارتجالي

خيالك مدا بالضو مش محدود
وبعلبكاتك من شغل الله
وصوتك قصب مبحوح ما لو حدود
بيطلع عا عرش الأووف يتجلّى

بحر الضو

نيّال يلّي بيشرب فناجين
ديّكي كأنو داخ من ديكي
ومن صبح تمّك بلّش التدخين
ويمج بوسة وينفخ عليكي
صبي النهر بالنار ما عليكي
بحر الضو

سليمان طراد واقع بنقطة وهم ما بتقوم

مفكّر خيالك قد بحر الضو

وناسي بتشرب من غيابي نجوم

ونهري الوحيد بيطلع على الجو

بحر الضو

Samer :Shhade Khouri]

يا ضو وهمي عا خدود الجو

نجوم السّما خزّقتها بسهمي

بتموت كلما عليك طلّ الضّو

وبتعيش بس بغيهبي ووهمي

...ألشاعر سليمان طراد

فلتان من عب السما مازوخ

ونازل عا راس الجرد ومجلّد

وأرز المجد بيزت عمرو صموخ

ومينك انت تا الضو تتقلّد؟

شعري أبد يا سامر ..مخلّد

...

بحر الضويتبع...يا ستيف طلّاب الضو كتروا لازم نفتح جامعة دخيلك


سامر خوري

نورك من كفوف السّما لو غف
بيوقع عا كف الغيم لملبّد
بيعود غيمي يزيح عنّو الكفّ
...بينزل عا كفّ الأرض يتعبّد
محبوس بين كفوفنا مأبّد

ألشاعر سليمان طراد

ضو الشمس بركان قد الكف
بيصفع دني وبتعلّم كفوفو
وبحر السما بيطوف لولا جف
ونجمات الله بتطلع حروفو
ويا ملايكة تا تصدّقو شوفوا
بحر الضوVer

ها الكهربا الوصلت عا كوكب صار
موسم شمس بنقطّفو بلهفي
وكلما بنخلق شرقطة ونهفي
بنخاف نحرق حالنا بالنار
ومن التعب ما نكمّل المشوار
...قدّام الله وسيّد الأشعار

بحر الضوVer


نخيّت متل الريح طيّر قش
ودركب حجار وهدهد حفافي
والضو ينحت شقلت كتافي
والجرح عمّل ورّم وما فش
وسطح السما من موج بحري نش

بحر الضو

وشيّت نقطة ضو..طلعت في
خليّت إيدي ترشّك ..وعادي!!
هيدا يا سامر سر ل عمادة
بيعطيك حكمة من الإله الحي
وبتشوف بالأنجيل طعم المي

بحر الضو

جبالك قلام منشفّي من الريح
وبحري يا سامر محبرة ..كبيرة
بتنغط ريشة ضو فيها منيح
بتلمع قصيدة بجو تفكيري
وانتي عليك الخرطشة كتيري

بحر الضو

ضو الوحي قناديل فيها زيت
من شمس ضويت عا الدني خيمة
جبران فيها عاش ونعيمي
وعنّك ما سألت بالدني ..ويا ريت
معقول كان يعيش عندك بيت
بحر الضو

عم يظلموك بحسّك..ومقهور***لمّا اللي عايش فيك ...؟بيضلّوا
يقولوا... ابن شاعر ...ونسيوا أمور***لمّا نجومك عا السما طلّوا
قلّون..يا شاعر انّك من النور***غيوم الوحي من قصايدك ملّوا
نقّط الشمس خيال عا البلور***وقلّون الشمس خيالها بيموت
...الشاعر بيترك ضو بمحلّو
...
بركان الضو

شدّي الوقت بحبال شغل البال
وفكّي الزمن بكفوف شغل الروح
وخلّي الورد فوق الهوا خيّال
يقرص لجام العطر كلما يفوح

بحر الزجل

مشغول بالي كتير ..يمكن ضيع
ومرتاح حلمي وواقعي بيغلي
هيدي السنة كتّرت ل مشاريع
وبالكاد عم لحّق على شغلي

لا تعتبوا عليي اذا عم غيب
غيابي ضروري وقصتي مديون
وعم فتّش بها العيد بركي بجيب
دفعة تا سد الدين ...أو بتهون

اوقات بحلم بالمجد وبصير
إبني على الغيمات برج الضو
أوقات بيضيع الوقت تفكير
وأحلام سودة وطايرة بهالجو

لا تصدّقوني ...بعيشتي كذّاب
ببرم الكون وواقف محلّي
وجنح الشمس بيلف موجي غياب
وشيطان فكري بيركع يصلّي

ظالم انا...والعمر ما بيرحم
ناسي حياتي ...بعب أحلامي
ولو عيش حلمي بضيعتي أرحم
ولا عيش راكض كل أيامي

من هيك بدي عيش ها اليومين
وبيع الدني تا أشتري الراحة
لكن اذا بيخبّروني منين
بتنباع...لاقوني على الساحة

تعبان بدي بضيعتي ارتاح
وارضا بوطنا عيش عا الجبني
لكن قراري مضيّع المفتاح
من هيك الله عم يعاقبني
عايش بجنّة كلّها تفّاح
وممنوع اقطف لا يحاسبني
وعندي ملايكة السما أشباح
عم حس فيها...عم تراقبني
وحياة الله بعيشتي مرتاح
ومع كل هيدا ما بيعجبني
بشوف الغرب عم يزهق الأرواح
بالشرق هيدا اللي معذّبني
من هيك همّي بغربتي ما انزاح
وكل عام حلمي بتطوّرو وببني
منشان ارجع يا وطن عا جناح
عصفور هاجر ارض برحليون
وابني شي بيت وورتّو لأبني

بحر الزجل

فكّي زرار الضو بدّي شوف
لون السنة..؟وارتاح با سمرا
وعا وراق صبحك جيت غط حروف
وقلام تمّي تشرب الحمرا
بحر القصيدة بالخجل معروف
ومروج روحو ورودها حمرا
وزنبق سنينو من السما مقطوف
وموعد عذابو ناطرو عا الكوع
وقاعد بغربة موت عا حمرة

****
مشغول بالك ...!! غبت.. وتعوّقت
تا صار همّي تعرفي همّي..!!
ايوب صبري صدقيني سبقت
للهم عندي عاطفة وهمّي

ما ضل عندي للقصيدة وقت
ولادي ومرتي بيعرفو وأمي
قديّش..صابيعي تا انجح ذقت
تا فرّخوا الدعسات عا تمّي

واليوم تا أكتوب نزيفي فقت
عاكفوف روحي الحاملي دمّي
يمكن طريقي انشق لمّا خلقت
تا وصلت بالأخلاق للقمّة

وعم تسأليني ...! بعدك توفقّت ؟
برحلة عذابك...؟ ليش مهتّمي
ما زال قلتي بخاطرك...!! ما لحقت
قلّك بحبّك بس بدي وقت
موتار قلبي دوّر وحمّي


بحر الزجل

من موت أحمر خلف سبع بحور
طليّت متل الشمس عا رفاقي!!
تا صارت البونسوار والبنجور
ترقص قصيدة ضو عا وراقي
*******
نيّمت همّي وقلت وعّيني
عا حلم روحي البلأمل موعود
ولا تبخلي بالضو يا سنيني
بركان قلبي...عاطفة بلا حدود
الله طبعلي الشمس عا جبيني
وزيّن حياتي ب زنبق وب ورود
وخلّى الهوى ينقّي بساتيني
تا صار فيي يشعل البارود

**********
حطيّت كفّي عا جرح ايدي
تا يزهّر الناسوت بالملكوت
وشنقت شمسي بمشنقة جديدة
تا صارت الألوان ضوّ تموت
وعلّقت شوقي بحبل تنهيدي
وفكّرت حالي عايش ببيروت
يا شوق يا مبدد مواعيدي
ياما كتبتلك تا تغفا بيوت

لا تدق بابي ...فتاح قلبي وفوت

**************
تا موت بدي عيش بالجنة
ورافق ملاك تشيطن وقديّس
بركي الخطية بشيلها عنّي
وما بعود شوف بنومتي كوابيس
شياطين فنّي بيسألوا عنّي
دزّوا عليي بغربتي جواسيس
شغلي تركني بعيد عن فنّي
ومرتي عليي واقفي بوليس

شو قولكن صاير انا قديّس.؟.
فشة خلق
بحر الزجل

مدافع عيونك ليش عا الجبهة
ما زال جايي فاوضك تبقي
وتا تعلقي بالحب عا دبقي
لازم تضلي كتير منتبها
كتر الزعل بجعّد الجبهة
... ... **********
فكّي عقد حاجب تا فيني شدّ
حالي..وقّلك وافقي...وحلّي
مشكل غرام...تشمّس بظلّي
وبتعرفيني بحر طبعي حد
بفلش مواجي...عاصفة بالمد
هه

وبالجزربرحع ضبضب لحافي
وتا يطير نومي بكمش الورقة
وبفلت خيالي عا السما الزرقة
تا توقع النجمات عا كتافي
ضلي اضحكي عا الهم لا تخافي

وتا يطير عقلك بطرقك بوش أب
وبحط ايدي بمي وبكفي
وتا حس حالي داير الدفي
بفلفش وراقك بس دس الحب
بحس الدني وهمومها بتنكب

خخخ
من هيك بدي تعوّدي الأحساس
يعرق خجل بكفوف وقحنتي
وتصير ترقص شوق مطحنتي
ضبي الحيا وتكردي عا الناس
وتا تسكري من الشمس ضوّي الكاس
خخخخ
مني اسمعي ولا تسمعيني كتير
وتا تصدقيني كذّبي حالك
وضلي اضحكي للعمر احلالك
بكرى ليالي عمرنننننننننننننا بتطير
وضو العمر بيعتمو التفكير

بحر الاحساس..
يلا عا الغزل ما زال الحرب خلصت ههههههههههههههههههههههههه

ألشاعر سليمان طراد
لو ضو عيني بتطلبو بطفّي
وبترك قبالك يحترق كرتي
وبزحّط البوسات عن كفّي
تا تضل عني راضية مرتي
هههه
... بترك الجبة وبشلح اللفة
لغير الصلا...!! ما بهز مبخرتي
وشيطان فكري بعيّشو بعفة
وبمواج شمسي بشد زاكرتي

وبلبس تياب الوقت وبكفّي
منشان اسبق صوت باخرتي
وبشرب خوابي الضو وبقفّي
وبعزوم رفاقي بقيس مقدرتي
وبالشوق نار العاطفة بطفّي
طبعي كريم وآخدو ورتي
...؟بغير السما... ؟ ما بشوف آخرتي

هيك البحر ها الايام
رايق

ما في ضمير بيحمل سكوت
الضمير
ان ما كان عايش لاضمير
ولا سكوت
وضو الحقيقة بيفضح ولكن
ضرير
بيشنق حبال الصوت وبيرجع
يموت

صورة

طالع من الصورة عن التقليد
وقديّش حلوة طالعة الصورة
يا موقف بعلبك بلا عواميد
... بهيكل الكلمة الشمس مسحورة
متل العصر قلب القصيدة نبيد
وطلعت براس الدهر دنكورة
وصب الوحي بكاسات من تجديد
تا صار للإبداع اسطورة

بحر الضو

ألشاعر سليمان طراد che3rbook

شوفي الورد وتأملي فيي
بيعبق حلاكي بضو عينيي
وبيصير مشوار الهوا خيالات
... بتمرق عليكي بتقطع عليي

ولو سرقناها من الأحلام
قولك منتسمى حراميي

.................................................
..............................................

ولو سرقناها من الأحلام
منقدر بعد ما ندوق ضو ننام
ومنكذب على الحب والأيام
تنعيش بالأحلام يومي

يتبع...