شردات

موضوع: شردات السبت يناير 12, 2013 7:54 pm

حَب الماس
قالت ما بين العاج والجوهر
أكثر ب حَب الماس مهتمي
متلِك أنا مهتم و محير
لاكن ع أول حرف في ضمي
وم قدرت قلِك ت نشف دمي

---------
ركوه ضو
مرقت كفي ع خدود الشمس
وعبيت كمشة نور ب جيابي
و ضيفت منها كل اصحابي
وفورت ركوه قهوتي باللمس
ودلقت لون البدر ع تيابي
إليوم العزيمه ضو ع حسابي
----------
غواصه
بعاث الوحي بالبحر ،غواصه
فج المواج ،وفلفش الاعماق
جيب الدوا من تحت والترياق
عين الذكي بالشعر قناصه
لا يغرك اللميع والبراق
بالعمق غير الضو م بينذاق
--------
الشاعر. خيال الريح عالورده
بيمرق عيون الورد بتشوفو
سنينو ع برد الشعر بيحوفو
بيدعس ب خفه ضل عالشرده
ما بتتركو،ولا بتقدر تعوفو
وحامل قمر ونجوم ع كفوفو
----------
زتيت حبه ضو بالازرق
وغنيت رده أوف وشروقي
مسكت السما وقلتلها روقي
قالت ب بحرك شمس عم تغرق
وما ضل نقطه نور ب عروقي
تطلعت فيها !! وعرتها شروقي
--------
هاْلعمر, قْصبه تاكيه عا حَيط
صَارتْ مَع الايام ختياره
الانسان مارق بْالدّني زياره
بالروح نحنا مْعلقين بْ خَيطْ
و مْعَلقّه بْ الخَيط صنّاره
والمَوت ناطر بَسّ شي شاره
،ربك بحر ، واْلدين عَبّاره

---------

» شردات.٢
» غزليات او..بحر الزجل
» شردات
» شردات
» شردات غزليه