شردات غزليه

موضوع: شردات غزليه السبت يناير 12, 2013 8:10 pm

وجك ب وج النور عا وجو

وشفاف طعمن بالعسل ملتوت

بسكوت متنهنه على بسكوت

وخدود متل الصبح ب وجو

والتم طعمة بردقان وتوت

والعنق عاج مطعم ب ياقوت

عيونك بحر ب طل عا بيروت
----------
قالت إنحتني عا بلاط رخام
أجمل قصيده حب عذريه
وخلي عيونك ينحتو فييي
ضليت إنحت بالشعر أيام
تا داب فيي الصخر حنيه
و علم حرف اسمك بعينيي
-----------

تبقي مرقي بالشعر تا شوفك
باب الوحي مفتوح و ب ايدي
صرتي قصيده كتبتها جديده
كل م القلم ب مر عا حروفك
بيصير لونو ألازرق نبيدي
و ب نز بدل الحبر تنهيدي
قولي بتجي ،وبلغي مواعيدي
---------

ب شريان قلبي بيقلقو الدقات
عيونك إذا بتمر عا سطوري
بتصير تزهر زنبق و جوري
مطرح م تمك تمتم الكلمات
ت يضل عطرك مي ل زهوري
باليوم مره جنينتي زوري
كل م بتجي بْتفَوِح عطوري
----------
دبس وطحينه
عالبحر كنتي والشمس حره
وصرتي بجمال الخصر تغريني
ونظرات قبل الحر تكويني
والجوع كافر والاكل برا
تيني عسل بتنقط التينه
لا تتركيني جوع طعميني
برونزاج جسمك ،دبس وطحينه
----------
كَرَز
لبستي القميص وبعد ما ، تْبَلّل
تحت الشتي والمي برداية خَرَز
حسيت بالتيار بعضامي خَرَز
قلتي النظر مسموح و مْحَلّل
بَيّن حلا الرمان عالصدر و بَرَز
وشفتو استوى و حْمّر .عا امو الْكَرَز

» شردات
» شردات
» غزليات او..بحر الزجل
» شردات
» شردات