شادي موسى وبحر الزجل سهل وبحر

بموقع سليم الاخوت

يارغيف صاج الليل..يابدر الضواك
هلق اجا القمّر عجينة محتواك
تفضّل يابحر وشدّ عالعمق الشباك
سنّارتك ع الموج مابتظهر حلاك
كنّا ن دعاني منبر الشعر ودعاك
تفزع مع الشادي ت يحصل اشتباك
حد غيري مستواك بيعرفوه
وحدّي رح يشوفو حقيقةت مستواك..

ألشاعر سليمان طراد
الشعّار ما بتنهان بين رفاقها
بترفع الكلمة ل مستوى اخلاقها
وتا الناس ترضي بالزجل أذواقها
وتكون مذوق ..!!أحترم مبثاقها
مقياس معرفتك وحبر وراقها
عن مستوى سطح البحر آفاقها
بحور الزجل والموهبي با صاحبي
انشالله تقدَّر مستوى . أعماقها

بحر الزجل

شادي موسى ------------------------

بحور الشعر..اسم لمفاعيل وفعول
ومش عمق فيها. !!.. العمق" بالفكرة" البتول
يابحر حدّك سهل وجنابو حقول
كتفو جبل ..راسو قمم تاجو الفصول
من تحت خصرو عمق عمقك بالنزول
ومن فوق خصرو سطحك ن دق الطبول
ويضل يلطم عالدنة بكف المواج
بيضل راسو بمستوى خصر السهول...

ألشاعر سليمان طراد
مواجي أيادي طاهرة عبّت غيوم
طافت عا سهلك خير ..تا صارت كروم..!!
يعني البحر.. بيضل بوجه العموم
مفضل عليك وشاهدة حيّي النجوم
لما الحرب ببلادنا كانت تقوم
ضب البحر أحلامنا بقجة هموم
ورح بسألك بالحرب يوم المعركة
كيف بسهل مكشوف بتصد الهجوم

بحر الزجل

شادي موسى --------------------------------------------

بالصيف !! دخلك وين طوفات السحاب ؟
غيمات صيفك متل طقم بْلا جياب
سهلي ل ْينابيعو نَحَت صدرو بواب
وعبّا كفوفو وللمدى قلو : اشْراب
و كيف لاك عين بتسأل وبدك جواب!!؟
عن صد هجمات العدا بوقت الصعاب
شو نسيت موجك يابحر هالشر جاب؟
وتراب سهلي تروحن بدم الشباب
لاتسأل ..الواجب ع موجك يستحي
من سهل عم يحضن شهيدو بالتراب!!!

ألشاعر سليمان طراد ..
قديّش ظلمك سهل وترابك زهيد..
غليّت حالك ...!!تا رخص دم الشهيد
بحري يا شادي تقدمس بحرف الجديد
وسهلك حشيشي زرعت حتى تستفيد
يعني البحر بيضل افضل عا الأكيد
حتى الزغل ما بيحملو بطبعو العنيد
وبحر البيغطّي جبال مملكة الزجل
قدام إجرو بيركعو سهولك عبيد

بحر الزجل

» شادي موسى وبحر الزجل ارتجاليات
» شادي موسى وبحر الزجل موضوع الضياع
» اهلا بالشاعر شادي موسى
» حوار الكيس شادي موسى وبحر الزجل
» شادي موسى وبحر الزجل موضوع انتحاري وشهيد