شيطان الغزل رجى يونس وبحر الزجل

مبارح صار هالحوار الارتجالي بيني وبين ألشاعر سليمان طراد ( بحر الزجل ). بعد ما متل عوايدو فتح ردة حركشة على الشاعرة زينب حمادة .
رجا
سليمان يا زينب في عندو مشكلي
مصدق بإنو صار شيخ المرجلي
زيتون مر وشغلتو سهلة كتير
كلما زيادي نرصّ منشوفو حلي
سليمان
يا أبو وليم قد ما زينب تثور
بتضل تفزع من غدر موج البحور
وبجناح عصفوره ما فيها عا السما
تطلع لأنو الريح قاسي عا الطيور
رجا
حيرتني ساعة سما ساعة رياح
وساعة بحر وهبوب موج بكل ناح
الصاروخ لما يطير ما بتفرق معو
وصدر السما بيشق ما بدو جناح
سليمان
ما كنت اعرف ليش عقلك هيك طار
وعارف بلدنا مرجعيّاتو كتار
كل الما عندو جناح عنا بها الوطن
بيوقع عا راسو شك آخرة النهار
رجا
بعلمي حروف الشعر فيك مألَها
وسيوف عالاخصام عمبتسلها
تاري طلعت عا منبرك بالواسطة
بهنيك وبهني المنابر كلها
سليمان
يا ريت عندي واسطه...وما بستحي
بساير تا أوصل للعلا ..بمشّط لحي
لكن انا مدمن قصايد يا رجا
علّواه لولا بصح من داء الوحي
رجا
عندك وحي بهنيك لولا كنت هيك
ونكان بدك واسطة تتصير بيك
ما في الك غير زينب بهيكي مجال
ادعي ل الله بيوم تا ترضى عليك
سليمان
عا هيك رده من البلاغه فاضيه
رح جاوب برده ملانه وقاضيه
ما همني زينب رضاها يا رجا
المهم مرتي تكون عني راضيه
رجا
ضحكتني عا هالحكي يابن الحلال
تذكّرت نسونجي بيردد هالمقال
بيقول مرتي بعد الله بحبها
ومن خلفها داير ينطنط عالحبال
سليمان
والله بريئ وما بقدّم باقتي
الا ل مرتي مصيبتي ونقّاقتي
ما زال نسوان الدني حولي مجوس
وين الغلط وزّع عليهن طاقتي
رجا
يا سليمان شهد الشعر جنّي
وخلي منبر الإلهام جنّي
مع الشعار من مدّي طويلي
صرنا عمنشوفك متل جِنّي
إذا في مأتم وعالم قتيلي
منلاقيك رايح عمتهنّي
وإذا قبالك شفت دمعة ذليلي
بشوفك من الفرحة عمتغنّي
تتحركش ما بتوفّر وسيلي
وكلما منسألك بتقول هنّي
ونحنا منعرف طباعك رزيلي
حما عامل وكل الناس كنّي هههههههه
ومع الشعار عندك ألف حيلي
كفوفك من الاعيبك محنّي
بأوزان القصيري والطويلي
بتعمل عرس مع طنّي ورنّي
وإذا شي شاعرة معنا جَميلي
بتبلش سيوف تسن سنّي
بتطلع رابحة منك جميلي
وإنت معروف بتحب التجنّي
و بين الكل بتردد متيلي
أنا بالموهبة الله عجنّي
كإنك شيخ عامل عالقبيلي
عقال مقصّب وقمباز بنّي هههههههه
أنا شاعر بأطباعي النبيلي
بدي أنصحك وسماع منّي
بريدك بالشعر خيّي وزميلي
لكن هيك لو تبقى ملعّب
رح بقلك تركني وحل عني
سليمان
يا شيطان الغزل روّق عليي
كأنك بو علي وآخد عليه
لا تتجنّى على بحر المواهب
وتعمل حالك البنت الضحيّه
إلّي بيسمعك ..بيقول راهب
ليل نهار بتصلّي الشبيّه
هههه
ما إنتي يا رجا راعب وراهب
بشعر الشيطني قلب الصبيّه
ههه
ولأنو ضل نجمي نجم شاهب
ثريّا.. بالسماواة العليّي
صرت محبوب من كل المذاهب
ويمكن شيخ اعمل يا بنيي
ههههه
انا سرّاق ياما قلوب ناهب
صارو الكل مغرومين فيي
ولأني بالفتن عندي مواهب
كار الشيطني منسوب ليي
ههه
انا فتّان مع فنّان ذاهب
على دنيا نشاف الشاعريه
بحكي ربّنا القادر الواهب
يرجع يطمرو بالعبقريه
ولأني حاسس ترانزيت ذاهب
على نيران حمرا جهنميه
لا تفزع من دهاليز الغياهب
انت شيطان عا المنبر تعلّى
وانا شيطان عاش بفنزولا
وعلى جهنم الحمرا بإذن الله
أنا وياك رح ننزل سويي
ههههههههههههه