عركة زينب حماده طوني شلهوب وغسان شديد

اشتقنا للمشاكل
Toni Chalhoub
Zaynab Hmedeh

بحر الزجل

زينب وطوني ..تنينهن شعّار
شاعر ملى الإحساس ببيوتو
وفي شاعره ..مش شاعره بتغار
وتنينهن بالبحر بيموتو
ان كنتّو صحيح ..كبار ..يمّا زغار
عا بوست..بحر الموهبه فوتو
هريبه هريبه

Zaynab Hmedeh
مش لابقة بموقع زجل تعريمتك
فعل الهريبة والغدر من شيمتك
شوية حكي وكرباج ولساني السليط
جبتن معي تا يعملوا من قيمتك
اسأل ستيف مين ملك الهريبة يا ناكر الجميل


Ghassan Michel Daoud Chedid
Zaynab Hmedeh
طوني ما بتصور المشكل عاجبو
وطراد رح يعقد الليلة حاجبو
وزينب اجت ولسانها كرباجها
وكرباجها عامل عا جلدك واجبو



Ghassan Michel Daoud Chedid
طوني مع المية العكرة بينشرب
وزينب سليط لسانها دماغك ضرب
وبتقول هربو كلما حطيت بيت
وما بشوف غيرك ضبضب العدة وهرب

ألشاعر سليمان طراد
icono de la insignia
Autor
Zaynab Hmedeh
جبتي معك كرباج اهلا ومرحبا
الهيئه نسيتي او تناسيتي بغبا
لما عا كرسة كهربا اربطك وصرت
مع كل صرخت آخ جلسة كهربا


ألشاعر سليمان طراد
icono de la insignia
Autor
Ghassan Michel Daoud Chedid
شو دخّلك يا شديد مع طوني وفتاة
ان قررت اني سفّها بتطلع فتات
تا فيك تنزل عا بحر هايج كتير
مني نصيحه تلبّع بطوق النجات


Ghassan Michel Daoud Chedid
ألشاعر سليمان طراد
لوما يكون الشعر احساسي امتلك
ما صرت ضاوي متل نجمة بالفلك
وحتى ما تطلع ليلتك سودا كتير
رح اتركك بيغيبتي تعمل ملك
هلق انا هربان بخاطري



ألشاعر سليمان طراد
icono de la insignia
Autor
Ghassan Michel Daoud Chedid
الفزعان والمعتاد يهرب يا شديد
بيتحجج بها العيد من شرب النبيد
ما زال مش قدران تربح معركه
تسلّح بخوفك واركع بقرنه بعيد


Ghassan Michel Daoud Chedid
ألشاعر سليمان طراد
رح جاوبك من مستواك وعينتك
صعبة معي بالشعر تطبش عينتك
وعا سيرة ركوعي بزاوايا معيينة
بركع على ركابي تا افرك دينتك


Ghassan Michel Daoud Chedid
Zaynab Hmedeh
طوني ما بتصور المشكل عاجبو
وطراد رح يعقد الليلة حاجبو
وزينب اجت ولسانها كرباجها
وكرباجها عامل عا جلدك واجبو



ألشاعر سليمان طراد
icono de la insignia
Autor
Ghassan Michel Daoud Chedid
كرابيج زينب من لهيب شفافها
ما دقتها...ما البحر وحدو شافها
معوّد انا اكسر خواطر بالزجل
وهيي الجره بتنكسر عا كتافها



ألشاعر سليمان طراد
icono de la insignia
Autor
طنطون وينو وين ايامو هرب
عامل زعيم وحامل هموم العرب
ان ما طل بدي عا فرنسا الحقو
وخليه يرقص من وجع قلبو طرب


Zaynab Hmedeh
تا جاوبك ..هالرد قلي شو اخترع
بالك ب هالشعر ال ما لو معنى برع
مكسور وزن الشعر عندك يا طراد
ب حيثو اجا من راس في عندو صرع


ألشاعر سليمان طراد
icono de la insignia
Autor
ما بحب فيكي غير عينين الكبار
وشفاف من دبّور ورمو بالجرار
لكن اذا عن راسك حكينا الصحيح
فخّار فاضي ..بلا حسيده...يا شحار


Zaynab Hmedeh
ت الشعر يا سليمان عا بالي رضي
من الذاكرة..محيت كل اللي مضي
حطيتك براسي وقلت رح عاركك
من يوم ما حطيتك براسي ..فضي

ألشاعر سليمان طراد
icono de la insignia
Autor
بحبك وبعرف كيف بيحبو المرا
وبعرف كمان منين لازم تنقرا
لازم تا يفضى قلبها يدخل حبيب
اعترفي بغرامك بالبحر يا مشحره


Toni Chalhoub
يخرب ذوقك يا بحر
طوني وزينب .. إسم مش بكتابنا
من وين جبتو وغيّرت عا حسابنا
طوني وطوني إسمنا الشرعي انكتب
وزينب وزينب غنجونا حبابنا

ألشاعر سليمان طراد
icono de la insignia
Autor
يا رقيق ..يا حسّاس ..يا مرهف كفا
تزوزق كلامك بالمحبه وبالدفا
خاين انت هاجرت وتركت الحبيب
يلّا اعتذر تا نقول في عندك وفا


Toni Chalhoub
طوني وزينب متل ارزة مننسمى
علينا المجد نام ووعي وفينا احتمى
في شلوش بقيو بالتراب مكمّشين
وفي غصون عليو وسافرو لسابع سما

ألشاعر سليمان طراد
icono de la insignia
Autor
زينب حماده بالهوى ما خصّها
فيها الحقد مليان فاضي نصّها
مهما الغصون يهاجرو جزوع الشجر
بيضّل في حطّاب فيه يقصّها

Toni Chalhoub
ألشاعر سليمان طراد
نحنا بعمر الدهر وبعزم وثبوت
كتبنا نشيد المجد وبقينا سكوت
الحطاب رح بيقصّنا تا يقلنا
ما منفترق عن بعض .. إلا ما نموت

ألشاعر سليمان طراد
icono de la insignia
Autor
يا قيس حاجي تدرس بكتب الغرام
مفروض تفهم ها الدني وتضرب فرام
ماتفرّقوا عشّاق عنا بها الدني
الا بعد ما انقص جزع الاحترام



Toni Chalhoub
ألشاعر سليمان طراد
لو كنت صاحب احترام وابن جود
ليلى وقيس وعنترة وعبلة الشهود
شبّاك كانو قبال منك شرّعو
وهني اللي ردّو عليك من دنيا الخلود

ألشاعر سليمان طراد
icono de la insignia
Autor
مأثر عليك كتير جو الإغتراب
تا حكيت عن ليلى وقيس بإضطراب
انطرتن يردو...رد منهن ما اجى
عليهن تراب انرد تا ردّو التراب


Toni Chalhoub
ألشاعر سليمان طراد
عندك نظر أطرش ما عم يسمع جواب
عم تصرخو وتردّدو حروف الكتاب
عينيك وقعو منك وهمّك بقي
تا تهتدي عليهن تبحبش بالتراب


ألشاعر سليمان طراد
icono de la insignia
Autor
لما النظر يطرش وتعمى الدينتين
بيكون مات الحب صدقن بالتنين
لا تبحبش عليهن نصيحه بالتراب
فتش عليهن بين دمعه وبين عين

Zaynab Hmedeh
ما بنغرم فيك وإلك مش فاضية
وما زال عم تحكي بمطارح فاضية
في قبر فاضي مجهزيتو من زمان
عبي القبر تا كون عنك راضية
ألشاعر سليمان طراد
icono de la insignia
Autor
يا عاشقه خدودي وجمالي انّما
بعد الهجر معقول في عندك عما
ما زالني بتشبّه بعيسى المسيح
فضّى القبر تا يطلع يعبّي السما