زينب حماده وبحر الزجل ركوع وشموخ

18 horas ·
انسحاب زينب حماده وانكسارها بوجه امواج بحر الزجل

Zainab Hmadi

سليمان يا عايش بوحل الاغتراب
ومن غيرتك شايف حلا وجي سراب
قبل الدني اﷲ خلقني من وحي
وبعد الدني النسوان خلقو من تراب

ألشاعر سليمان طراد

الله خلق ها الكون تا الوحده نسف
وجمّع تراب الكون تا يرسم جمال
نفخك على فلسطين كمشه وللأسف
ترابك نباع وصار تحت الاحتلال
2
Zainab Hmadi
فلسطين عا فعل الصلاۃ مداومۃ
بإنجيلها عالأرض ما في مساومۃ
وجّي تراب مقدّسۃ متل القدس
اللي احتلّها بتوقف بوجّو مقاومۃ
5
ألشاعر سليمان طراد

صرلك ع ها المنوال شي مية سنه
فلقتي سمانا بتضحيه ومقاومات
تراب المرا ما بيشبعو خير الدني
تراب الدني بيجوع ل تراب الحياة
3
Zainab Hmadi
تراب الدني تا تشبّعو جياب المُحال
بدّك أبد مغزول عا نول الخيال
وبدّك أبد يا طراد تا تشبّع مرا
ع ترابها بتركّع ركاب الرجال

ألشاعر سليمان طراد

يا حاملي زلمي بقلبك شو جرى
بتتفاخري بذل الرجال وشي غريب
البيكون زلمي ما بيركع للمرا
ومريم العدرا تزكري تحت الصليب
1
Zainab Hmadi
مريم العذرا ركعت وفكرك ما تاه
عن هالركوع ال كان عالي مستواه
تحت الصليب ركوعها بيعلّمك
انو المرا ما بتركع لغير الإله
3
ألشاعر سليمان طراد
لا تهربي من الذل حاجي تتعبي
وتتشبّهي بأطهر مرا بين الورا
ما زالني صاير اله الموهبه
من هيك لازم تركعيلي يا مرا

Zainab Hmadi
شو هالإلٰه ال بالشعر عم ينغلب
شيطان إنت وعالأرض جايي جَلَب
من كتر ما عامل خطايا بالزجل
بدّك إلٰه جديد عنّك ينصلَب

ألشاعر سليمان طراد
من بعد ما صلبوا ظلم يسوعنا
الا الندامه ما بتكسر جوعنا
سر الفدا بيبلش بصلب المسيح
وفعل الندامه بيبتدي بركوعنا
يرجع اله جديد..مش موضوعنا


Zainab Hmadi
مواضيع ع مواضيع عملو إشتِراك
اثبتلك علی موضوع تا ننهي العراك
يا مفخّت دفوف الزجل بالمسخرۃ
قديش بدي ضل عم رقّع وراك
خارج المواضيع هاي

ألشاعر سليمان طراد
من بحر موجو موت..شو بتتوقعي
غير الغرق مش بس بدك تركعي
ومش بس بدك تندمي عا عملتك
عا جهنم الحمرا رح تروحي معي



Zainab Hmadi
فعل الندامۃ ركوع توبۃ إنّما
مش كل ركبۃ بتنحني جوع وظما
في ناس عم تركع ت توصل عالرغيف
وفي ناس عم تركع ت توصل عالسما



ألشاعر سليمان طراد
امّي قبل ما تموت قالتلي
لا تركع ولو متّ يا بني جوع
وعن ربّنا المصلوب شرحتلي
من بعد ما سقيت صليبو دموع
كون يا بني بعيشتك متلي
ولا تتنحني إلا لمجد يسوع
وانتي يا زينب ركعتك متله
ب المجد.قضيّتي انحنى وركوع
تستعطفي بدادون بالفتله
وكتلة أبو أنطون والمجموع
ما قدرتي تشكّله كتله
بالكاد جبتي لحاصلك مجموع
ما بتفهمي ..! تا تاكلي قتله
رح ضل لاطيلك انا عا الكوع
انتي ركعي ..واستعطفي وإتلي
كتابك لأنك مارقه بقطوع
وكل الفرق بيناتنا شتله
عشبه صغيره راكعه عا الأرض
وأرزي كبيري عم تشد طلوع
جاعت سنين وراسها مرفوع




1
هنا تم انسحاب زينب حماده واعتذارها من بحر الزجل

Zainab Hmadi
يا واقف تشحد دموع السحابۃ
من ركوعي ما تنطر انسحابي
ت تبقی وقفتك حلوۃ ومُطلّۃ
ركع وادي وحمی ضهر الروابي
يا واقف حارس عۡلی باب تلّۃ
كبرت عم تشحد الرزق ب تُرابي
وصرت محتاج تا تقدر تعلّي
نبع راكع علی ركابو ب غابۃ
ركوعي نقطۃ العز بسجلّي
لأرض شرّفتها بشعري وخطابي
أنا بركع ع باب الحرف صلّي
ما بركع اشحد ال كرسي ب نقابۃ
ولأنك قاصد تهاجم مَحلّي
وقصيدۃ جايب وعامل حسابي
ت إسمع شو كنت ناوي تقلي
وت تتركلي القصيده عا بوابي
ضروري جُرّك بلحظۃ تَخلّي
إنت تركع ت تعطيني جوابك
أنا أوقف ت وصّلك جوابي