فراس عبيد وبحر الزجل قصايد

فراس عبيد كتب
......
لشو سليمان عن خطي تنحّى
بعد ما النحو من نحوي تنحّى
معي كل ما سحب من حرف إنّكَغ
القلب بيقول يا سليمان صحّه
وإذا عقرب إجى صوبي تيلدغ
ومتل غيرو بخوابي الشعر ضحّى
أنا راس الفنا معتاد إفدغ
تا إسحب من سقف حلقو البحّه
أنا بعلم العَروض لسان أبلغ
من اللي بيدعوا إنهن الدحّه
ومعي عدنان جفن الوحي دغدغ
وطلال مطانيوس عكّو اللي محّى
بذِكر رفيقك وذِكرك وأبلغ
بإنو مارد الإبداع صحّى
وأنا صحوة غضب مارد تفرّغ
على سحق الخصم والكل نحّى
وإذا ثعلب إنت رح كون أروغ
وقص لسان أفعى بتعرفوها
وعلينا حرّمو ما يفحّ فحّه
خوابي الشعر مش إلكن مصحّه
رد ع فراس عبيد Firas Obeed
ليش التجنّي وعيب يا فيرو firou
تهجي بحر رفعك بتقديرو
وخلّاك شاعر سوريا ولبنان
وضهرو إلك كان قادر يديرو
واللي سقاك الشعر بالفنجان
ونبيد شعرو من قواريرو
لازم تقدّس كلمتو منشان
ما تنرمى حجرانك ببيرو
توقّى بجهلك تخلط الأوزان
بالشعر..لو غفيو نواطيرو
خلي القصيده بالوزن ميزان
منّك بحاجه الكسر تبريرو
خليّك شاعر..لون مش بهتان
مين ما طرق عا منبرو يديرو
وكلما برسمك تغمر الألوان
تجن الخليقه.. عقولن يطيرو
الشاعرشبيه الجن...مش إنسان
عادي ..الدني عجزت عا تحقيرو
كيف لاك عين تهاجم سليمان..؟
والكل عجزو وصعب تكسيرو
يا من تعلّم عا الرميّ ..وخان
ورغم الكبر ها القد تفكيرو
وحق المسيح الحي والقربان
ان ضليّت تلعب هيك عا الحبلين
مضطر احلقلك على الزيرو

» حسن كوثراني وبحر الزجل
» قصايد بحر الزجل
» حوار ربحر الزجل وفراس عبيد بين اللغه العاميه والفصيح
» نسر وبحر الزجل زكزكات
» فداء مطر وبحر الزجل