عتابا

موضوع: عتابا السبت أبريل 12, 2008 2:52 pm

ناحت ارزتي ع شبال فلو
تكي الزنبق دبل عالهجر فلو
فتحو كتاب الأصل تا يفوح فلو
تلاقو دموع حمرا بالكتاب

نزلت عالبحر تسبح عفاها
مريضة البحر من موجو عفاها
و رجعت موجة و دخلت ع فاها
تفّت بالبحر صبّح شراب

موضوع: رد: عتابا الإثنين أبريل 28, 2008 4:58 pm

منيحة يا emile عم تتقدّم

موضوع: رد: عتابا الأحد يوليو 20, 2008 3:30 pm

قسيني المجتمع بيدر محالو

ودموعي رغم جهلنتو م حالو

واجا السلطان عا قلبي محالو

بقايا أمل بكفوف العذاب

موضوع: رد: عتابا الثلاثاء يوليو 22, 2008 11:05 am

سألت الرب يا ربي ما حولي***اجا الشيطان بغيابي وعملها
وقصايد بكر من موقع محولي***وجروح القلب صار يكبر عملها
وانا بالشعر من اول محاولي***ما كنت ضعيف عم ابرم عا ملهى
ولأنو بالعتابا الوزن ملكي***وعملت القافيي عا العرش ملكة
تا صارت يدّنا بالشعر مالكي***كسرنا القاعدة تا تصير عادي
وحملنا طفلة الكلمات عا دي***الحنون وما قبلت بالكون عادي
ويا دلّو اللي هجاني بالعتاب

حلو يا علي

موضوع: رد: عتابا الثلاثاء يوليو 22, 2008 11:22 am

اذا سلــيـــــمان خطــينا بلا ي = صبح سلمان مابيحــمل بلايـي
ياهاجم ع الحرب إوعـي بلايي = مافيـك تهاجم بدونـي لحــــــالك
لأنو بينتفوا بسرعة لِحــــــا لك = القاضي بمحكمةّ حرفــي لحـالك
غيري ماحدا بيهجي عــتــــــابا = وقصور العدل ناختــــلي عتـابا
الحرف ع القافية زوّد عتــــــابا = ووحدو بالحلا الأفكـــار جمّال
بيغني الموهبة ولا يوم جم مال = وياذلو اللي عمل بالشعر جمّال
اذا مابيرفع زيادة البواب
==========
حلووووو للشباب

موضوع: رد: عتابا الأربعاء يوليو 30, 2008 11:27 am

نادانا الرب ردّينا نعم لو
عطا سليمان ها الفكرة و نعم لو
هيدا المنتدى لازم نعملو
أون تتعلّق بعنق الشباب

موضوع: رد: عتابا السبت أغسطس 02, 2008 3:50 pm

تروّي الشعر يا حبابي تروّي
الشبيبي عصابها لازم تروّي
وانا غيمي مارح ارحل تا روّي
العطاشة للمعنى والأدب

موضوع: رد: عتابا الإثنين سبتمبر 01, 2008 7:42 am

غرامك جرني ع التعب جرّه

وكسر عا ثورتي مليون جرّه

وبعرقي ريقك المجنون جرّا

خمر طايش من مراجيح آب

موضوع: رد: عتابا الإثنين ديسمبر 01, 2008 5:39 pm

يا بنت يالعشرين عمرك مجملو
لا تنقصي بعمرك بيعقد مجملو
مجيت مجة كاس مجت مج ملو
و دخنا سوى يا ناس يلعن حظنا

موضوع: رد: عتابا الثلاثاء ديسمبر 02, 2008 8:25 am

بعطفك لوهجيني وبرّديني

ت إمضي بن شقايي وبرّ ديني

بمخلب سبع جاني وبالرّديني

مشبّه نصل رمشك والهداب

موضوع: رد: عتابا الثلاثاء ديسمبر 02, 2008 8:29 pm

ضلي يا حلوي شربيني و سكري
مهما الضغط يعلى معي و السكري
بسرعة على الرمان روحي سكري
تعبو عيوني و ما عدت اقشع انا

موضوع: رد: عتابا الأربعاء ديسمبر 03, 2008 1:18 pm

chou jinsik chou ya 7ilwi ta inti
ma fi ousloub kezeb illa w te2enti
lazemlik heik chi osba3 TNT
ta yzabbet kill ma te7wi bina

موضوع: رد: عتابا الأربعاء ديسمبر 03, 2008 2:31 pm

3afwan khaye emile ana a7ad el mou3jabin bi ziad el rehbene w houwe sadi2 w mou2arab ele lekin be2saf enno bi mountada fekre w mouta7adir w law min beb el maze7 ne2bal enno yenkatab che3er ziad aw radet la ziad li hiye bel we2i3 fechle w ma ela ayya 3ale2a bel khayel w 3afwan 3al te3li2

موضوع: رد: عتابا الخميس ديسمبر 04, 2008 7:12 am

akid wla w ma inna betredd 3al 3ataba ma kenet 7attayta.
w ba3ref kamen awanin hayda l mountada ma kenet 7atayta, wa lekin hayde min a7abb l echya lli ala ziad w yalli wasafte bel fechle, khayi hani fi ichya fechle saret afkar lil 3abakira.
3ala koullin ma bi3ti2ade iinou fi 3amal la zid l re7bene w ma ilou wa23ou 7atta 3al 7ayet l yawmiye w khassatan bi libnen.
ma3 ta7iyete ABOU 7ANNA

موضوع: رد: عتابا الخميس ديسمبر 04, 2008 3:03 pm

7a eb3atlak mou7awarat 3ateba beine w bein ziad el rehbene w bachir sfeir

موضوع: رد: عتابا الجمعة ديسمبر 05, 2008 11:38 am

wllah bkoun mamnounak.
bisifati nitel ma bi2oulou ferekh , ana bicharrefni hal chi hayda, li2ano biwasse3 afak l fekr l chi3ri.
w mamnounak.

موضوع: رد: عتابا الجمعة ديسمبر 05, 2008 12:43 pm

أكتبولي بمنتدايي حروف عربي***وبلا ما ترجعونا نسوق عربة
واذا ما بتكتبو رح شيل عربي***كل من بيت عا ذوقو كتب

موضوع: رد: عتابا الجمعة ديسمبر 05, 2008 3:08 pm

لاتيني الحرف عم شوفو مش مهم
زهور الشعر في روضو مـاشمـهم
ونهر المرتجل متلي مشــــــا مهـم
على ضفافــو حرف حرفــو سكب
=============

موضوع: رد: عتابا السبت ديسمبر 06, 2008 5:27 pm

دخيلك ع المبادي لو هجيني

وقت منزوع حبّو لو هجينه

ع أمرو روح سمره لوهجيني

ي موهبتي بتسامح كل باب

موضوع: رد: عتابا السبت أكتوبر 24, 2009 8:32 pm

من عيوني سطا ع الخد غربي

سقيني ولوعة التذكار غربه

ولكن م رح ولّي صوب غربي

قليل ان مت ع تراب الحباب

موضوع: رد: عتابا السبت أكتوبر 24, 2009 11:01 pm

فَرَق شَعرِك نَسيم ال -من ال قِبلي
وطَبَع عَشفافِك وعالعنق قُبلي
ما برضى يلمسِك عالصّبح قَبلي
لا عِطر ولا نَسيم ولا تياب

موضوع: رد: عتابا الأحد أكتوبر 25, 2009 7:01 am

مهما رياح الجــــــــهل تتدرب فـرق

بتبدل عمــيد الغرّ ع المنبر فِـ رق

وضحل القوافي بدرب محـايي فرق

شبيهو عديم المعرفي بعيونـنــــــــــا

=============

موضوع: رد: عتابا الأحد أكتوبر 25, 2009 10:42 am

7arf كتب:: مهما رياح الجــــــــهل تتدرب فـرق

بتبدل عمــيد الغرّ ع المنبر فِـ رق

وضحل القوافي بدرب محـايي فرق

شبيهو عديم المعرفي بعيونـنــــــــــا

=============

يا حرف اوعى تفتكر أنّو محي***شاعر عميد الفن ما بيعشق محي

واللي حذفلك شعرك بعدو ما حي***وما بعتقد موجود هوني بيننا

موضوع: رد: عتابا الأحد أكتوبر 25, 2009 10:59 am

hikmat chedid helou كتب:: فَرَق شَعرِك نَسيم ال -من ال قِبلي
وطَبَع عَشفافِك وعالعنق قُبلي
ما برضى يلمسِك عالصّبح قَبلي
لا عِطر ولا نَسيم ولا تياب

عزمت النحل عا مروجك قبلتي***تمنّو تسرقي الصنعة قبلتي

ولأنو بتعرفي طعمة قبلتي***تركتي الشهد ولحقتي الشراب

موضوع: رد: عتابا الأحد أكتوبر 25, 2009 11:14 am

بعدو حرف ياصاحبي المجرم ما دان = وإلا فصاحة وحق من عدلو مادان

برأيي بيبقى المتـــــــــهـــــم بعدو مدان = حتى يثـــّـبـت بالبرائــــــــة حكامنا
=============================

» عتابا وميجنا حكم
» عتابا مصريه
» عتابا من العتاب
» عتابا يعد الميجانا
» عتابا من بعد الميجانا