عتابا

موضوع: رد: عتابا الأحد أكتوبر 25, 2009 11:27 am

hikmat chedid helou كتب:: فَرَق شَعرِك نَسيم ال -من ال قِبلي
وطَبَع عَشفافِك وعالعنق قُبلي
ما برضى يلمسِك عالصّبح قَبلي
لا عِطر ولا نَسيم ولا تياب

رائع كتير يا إستاذ حكمت ـ شاعري ورقيق جدا
يسلم تمـّك

موضوع: رد: عتابا الأحد أكتوبر 25, 2009 11:48 am

[تسلم صديقي. كلك ذوق

الحلوي شفافها البوسات غَلّو
بعد ما سهامها بالقلب غلّو
ما رح يشفي بهواها القلب غِلّو
قبل ما تتلج الدنيي بآب

موضوع: رد: عتابا الأحد أكتوبر 25, 2009 11:58 am

الحاطط ع راسو تجال رح ضييف جلو = وع جو حرف بجيبهن لولا جلوا

واللي طناجر بيضوا يما جـــــــــــــــــلوا = مستضعفين القـــــافية بيناتــــــنا
===========================

موضوع: رد: عتابا الأحد أكتوبر 25, 2009 12:01 pm

الحاطط ع راسو تجال رح ضييف جلو = وع جو حرف بجيبهن لولا جلوا

واللي طناجر بيضوا يما جـــــــــــــــــلوا = مستضعفين القـــــافية بيناتــــــنا
===========================

موضوع: رد: عتابا الأحد أكتوبر 25, 2009 12:04 pm

قالو إلي عالعيد إنّك عايدي
مُرّي عليي شي دقيقة عايدي
كبرتي عصدري وطال شعرِك عا يَدي
وشو كان في خبز وملح بيناتنا

موضوع: رد: عتابا الأحد أكتوبر 25, 2009 12:37 pm

هلق بعد حذف القصايد والمــــحـــــو = قلتي بحب الحرف شوفو ولـمـحو

بأحو الدجاج كرهت بيضو ول محو = يعني صفارو وأبيضو بصحوننا
============================

موضوع: رد: عتابا الأحد أكتوبر 25, 2009 3:54 pm

بعد ما العطر للشوكة مَنَحنا
جَرَحنا شوكها القاسي ومَ نِحنا
لا تنغرّو ببسمتنا مَ نحنا
سباع بيرعبو شلعة دياب

موضوع: رد: عتابا الأحد أكتوبر 25, 2009 4:24 pm

انا بعطي الحروف بدون منة = وقلت ياموهبي من الرب مني

مابيرعب ذياب الخاف مني = وعم بيصك ومبلل ثــيــــــاب
=======================

موضوع: رد: عتابا الأحد أكتوبر 25, 2009 4:43 pm

أنا شفت الشّعر ما حَد قَلّي
ضعيف مكسّر...منسنين قِلّي
أنا دجاج الَمَنَابر جيت قَلّي
تعا يا طراد وعزملي الشّباب

موضوع: رد: عتابا الأحد أكتوبر 25, 2009 4:58 pm

يا مستشعر اذا راسك كسرتـــــو = وببيت الميجنا بقصدي كسرتو

الثعلب سائل دجاجي كسرتو = وهون السكرعنا ع القــصـــاب
========================

موضوع: رد: عتابا الأحد أكتوبر 25, 2009 5:19 pm

لغز الشّعر غير حكمت مَ حَلّو
وزاح البَدر تا يقعد مَحَلّو
ضعاف الشّعر عن ضهري مَ حَلّو
ولّما بشعرُن العَلقَم مَ حَلّو
صار الدّم واصِل للرّكاب

موضوع: رد: عتابا الأحد أكتوبر 25, 2009 5:31 pm

مافيك البدر لو بالغيم لفيــت = محلو تعقد وجهـــال لفيت

ولو إنك ع مفرق حب لفيت = مابفرك ذينتك بعد الرقاب
======================

موضوع: رد: عتابا الأحد أكتوبر 25, 2009 5:35 pm

بشعري فَرحة الَمنبَر وَعيدو
قولو الشّعر من خلفي وعيدو
كيف بينطق بكلمة وَعيدو
شاعر مستحي بحَرفو الكتاب

موضوع: رد: عتابا الأحد أكتوبر 25, 2009 5:49 pm

حرف أرزي لها ع المجد فية = وبغير الحق مابيحكيش فيي

انا بيشمخ زجل لبنان فيي = وزغرو فيك ياعقل السراب
========================

ياحكمت لو حرف بالشعر عناك = المعنى منسمعو وبيزيد عنك

عندي شرط حتى حل عنك = على الفيس بوك رجعلي الحساب
========================
ههههههههههههههههههههه عنجد بعدني بحبك بس لوما هالمحايي

ويلا كود نايت ونتابع الطق غدا انشاء الله والمسامح كريم
ياويلي عليك هههههههههههههههههههههههههههههههههه

موضوع: رد: عتابا الأحد أكتوبر 25, 2009 5:54 pm

ولك وين رايح بعد ما خلصت منك... إلا إرتاجلي ما بحب قول عتابا . يلا غيمة صيف ومرقت. مين محالك؟

مَرج الَمنبَر بفكري عَبَيْتُو
بشِعِر متشَوّق السّامع عَبَيتو
وَدّو زغير مَنبرنا عَ بَيتو
لأّنو ما بيفهم بالأدب

موضوع: رد: عتابا الأحد أكتوبر 25, 2009 5:58 pm

بَعد ما كنت بَدّي ياك خِلّي
تا رَبَّيتَك سقيتَك مُرّ خَلي
أنا معتاد قرص الشّمس خَلّي
يشرق عالدّني وقت الغياب

موضوع: رد: عتابا الأحد أكتوبر 25, 2009 6:00 pm

وهلق تصبح بخير... يلا ما صار شي مهم. بعدني بعزك...

موضوع: رد: عتابا الأحد أكتوبر 25, 2009 6:14 pm

مين الوهم بيراسك عــــــبا لك = بخيط العنكبي تنسج عبا لك

وبطول لسانك ان طالع عبالك = سحب منسحبو قبل الغياب
========================
كنت رح سامحك هلق ولكـــــن = لقيــــتك مدعي بجهلك ولاكن

الحرف بالمرتجل غرّد ولا كن = ولغير الرب مابيحسب حساب
========================

حرف لاتفتكر ع الغير بداك = ولا بيتصيد العقبان بالدك

بدك اعترف بالشـعـر بدك = أضعف ما خلق متك وجاب
======================
تابنت الموهبة حافظ ع بكرة = عنتر عبس علقتو ع بكرة

ولوما في شغل عندي عبكرة = لوج الفجر خردقتك عتاب
======================
وهلق تصبح ع خير عنجد لاني نعست هههههههههههه

موضوع: رد: عتابا الثلاثاء أكتوبر 27, 2009 12:07 am

يللا ما بقا بدّي رصّك. تا نرجع للغزل

****

زعِلتي بْلا سَبَب بستِك فَرِقتي

لِم عا مَفرَق الغابة فَرَقتي

عند ما عتمة جعودك فرَقتي

عن الشّمس البهيّة ما فرِقتي

ما فيكي تحملي بُعدي وفرقتي

وإذا بَدِّك شِعر نَاعم فِ رقّتي

ببَرحليون أحبَابي وفرقتي

بيغَنّو تا تشوفي اللّيل شَاااااااب

موضوع: رد: عتابا الثلاثاء أكتوبر 27, 2009 1:10 pm

يا أمواجي اذا هجتو فرقتو
بشعري دوّبو السكر في رقتو
وكلما حكمة تغنّي فرقتو
اخطفوها بالمعنى والعتاب

موضوع: رد: عتابا الثلاثاء أكتوبر 27, 2009 1:20 pm

يا حرف الريح من تحتك صفي بساط***وعلى الشعّار معرفتك وحي بساط
ونصيحة كل ما شويعر بكي بساط***وجبلو حروف شبعاني أدب
هههههههههههه

موضوع: رد: عتابا الثلاثاء أكتوبر 27, 2009 2:19 pm

قالتـلــــــــي شفــــاف تمـّك علـّـمونــــــي

الشـّـغف بالحــبّ .. حتـّـــــــى علـّـمـوني

عقــدت شالي عا عنقــي .. عل لامـوني

عـقـــــدة شـــــاش عـا جــرح التــهــــب

موضوع: رد: عتابا الثلاثاء أكتوبر 27, 2009 3:10 pm

انا شلهوب ما اهضمتو واللي يمون***عليه يفهّمو انّو وليمون
ومتل ما بيعصرو الموزة وليمون***بدي اعصرو وضيّف شراب

موضوع: رد: عتابا الثلاثاء أكتوبر 27, 2009 4:35 pm

بوشربل من حرف صوبك عطر راح = الما قادر ينشقوا دلـــّو ع طراح

وكفي عطيت للشفـتــو عـطـــــــا الراح = تانسمع زقـــفةّ ملـــــوك العتاب
======

ويامغفي ضميرك قــوم صحّي = الطبخ صفا بيبرحليــــــون صحي

الغلط منكن وكل الصح صحـي = كفى ركوب الخطأ تعدوا صواب
======

موضوع: رد: عتابا الثلاثاء أكتوبر 27, 2009 5:02 pm

قصيـدي لوحتي ومعـروف حـرفـي
امتهن فن الرّسم بالـشـّعـر حــرفـة
وإذا جاهـل هـجـا حرفـي وحـر في
بيـصـفـّـي سـيــف بيقطـّـش رقـاب

» عتابا وميجنا حكم
» عتابا مصريه
» عتابا من العتاب
» عتابا يعد الميجانا
» عتابا من بعد الميجانا