عتابا

موضوع: رد: عتابا الثلاثاء أكتوبر 27, 2009 5:36 pm

القصيد بلوحتك حامل عطــونــة
العفن من كلمتك نادي عطـــوني
وحرف السيف ماجرّد ع طونـي
انجرح وحدو ان سلّو من القراب
============

موضوع: رد: عتابا الثلاثاء أكتوبر 27, 2009 5:43 pm

سيف الجهل عــا طوني سلي من؟
يا حرف القافية سليك سلي من
أنا حاكــيـــت شاعرنا سليمــــان
تاري حــرف في عـنــدو دنـب

موضوع: رد: عتابا الثلاثاء أكتوبر 27, 2009 5:51 pm

قبل ما آخذك بالبحر ع النــــــو
حرف مــــنو رعاع الشعر عنوا
اذا عندك بصيرة سئـــــال عنو
نجم مذنّب بقرص السحــــــاب
============

موضوع: رد: عتابا الثلاثاء أكتوبر 27, 2009 6:00 pm

إنت مش نجم لكن حرف علـّة
معك غنيـّت هالعركات علـّي
سماك الواطية عالجوّ عـلـّي
علـَّى نجمك وبيضــلّ عـلـّة
بسمـايي نجمك بشوفو غراب

موضوع: رد: عتابا الثلاثاء أكتوبر 27, 2009 6:01 pm

تاتعرف بالزجل تعرب ضماير
وعّي بجوهر نفوسك ضمـــاير
انكنتوا الشر من يمي ضمــــاير
بيمي رح تضيعوا ع العـــبـاب

============

موضوع: رد: عتابا الثلاثاء أكتوبر 27, 2009 6:05 pm

كنا مع وحي الأفكار سارديـــــــن
لقيناكن دجل بالشعر سرديــــــــن
تاقطّعكن سمك بالبحر سرديـــــن
وعلى الفيس بوك وزع للصحاب

============

موضوع: رد: عتابا الثلاثاء أكتوبر 27, 2009 6:12 pm

غيرك ما حدا شعرو معـــدل
قبال اللي سبق سكبو معـــدل
ومعدل ماجبت حتى مع الدل
إسكبلك القهوة والشــــــــراب

============

موضوع: رد: عتابا الثلاثاء أكتوبر 27, 2009 6:14 pm

يابو صوت متل القعق والبوم
انا مابحب قلب الوج والبــوم
صور ببعثلكن بالطـق والبوم
معبّى كيف صكيـــتوا ركاب

============

موضوع: رد: عتابا الثلاثاء أكتوبر 27, 2009 6:20 pm

إذا القيـــــــمات ماكنتوا عميدين
لنقد المرتجل صرتوا عمي دين
وجنرال ولوا ومعهن عميديـــن
بدحر جيشهن تـــــــرم الحـراب

============
بقسم الجديد بتكتبوا مش قسمنا
هههههههههههههههههههههههههه

موضوع: رد: عتابا الثلاثاء أكتوبر 27, 2009 6:26 pm

تعي ياموهبي وشـعري شيليلي
لأنو القطر من وحـــيك شيليلي
اتفقوا اتجمعوا ضدي شي ليلي
بلكي بتحملوا بيـوتي الصعاب

============
في قسم إلكن منبني وهيذا لناا
هههههههههههههههههههههههههه

موضوع: رد: عتابا الثلاثاء أكتوبر 27, 2009 6:47 pm

حروف الشـّعر مهما لـوّحـــوهـا
وآلهة الشـّعر ذاتن لو وحــوها
إذا لمعاتنـــا ما لوّحـــوهـــا
ما رح تـتلــوّن بلون الدهــب

=====================

بـشعرك كرجتك كرجة قـنـا عا
الزبالة وفيك عجبـتـنـي القـنــاعــة
الوساخة وحدها بتلـبــس قـناعـــا
كـل مـــا بــدهـا تـقــــلـّـــل أدب

=====================

عـن ألفاظـك البشــعــة تـرقـّــا
ولمرتـبــتي إذا بـتـقـدر تـــرقـّـا
الـكـلـمـة الـمرهـفـة لازم ترقـّـا
وتـخـبزها علـى جرح الـتـهــب

موضوع: رد: عتابا الثلاثاء أكتوبر 27, 2009 7:09 pm

فيي قولها عا الموضوع مع فادي يا طوني لا قيني عا الدردشة[/color][/size][/center][/i][/b]

موضوع: رد: عتابا الثلاثاء أكتوبر 27, 2009 7:52 pm

من طيفك يا حلوي شال هبينا
كوى الأعصاب فينا شلْ هبينا
ومتل شلهوب دخلك شلــــهِبينا
متل النار تآكل بالحـــــــــطب

ناطرك

موضوع: رد: عتابا الأربعاء أكتوبر 28, 2009 1:06 am

حذفت بواسطة المدير واتبعوا الرابط للراشدين

https://slayman14.yoo7.com/montada-f5/topic-t934.htm#6085

موضوع: رد: عتابا الأربعاء أكتوبر 28, 2009 2:04 pm

يا شباب نحنا شعار منحب القسا منحب الطق منحب المرجلة منحب المرجلة منحب القوة بس ما منحب ينزل الشعر لمستوى اللي شفنا
ارحموا الشعر و رحمونا نحنا هون بمنتدى ادبي مع شعار كبار و ما بعتقد لا خينا حرف و لا خينا طوني بيرضى الشعر يصير بمزبلة التاريخ و نمشي بدفن القوافي على هيك حكي
ارحمونا و ارحمو الشعر
القساوي صح بس مش جولة مسبات
يعطيكن العافية اذا بدكن تكفوا بهالمنطق الادب و الشعر ما الن مطرح معكن

موضوع: رد: عتابا الأربعاء أكتوبر 28, 2009 2:16 pm

يا هاني رقبتك عا النت دلّها***لحتّى لفركة الايدين دلها
واذا بيلقط على المشار ديلها***لخلي الدم يوصل للركاب

*********************************

موضوع: رد: عتابا الأربعاء أكتوبر 28, 2009 3:04 pm

خيـّي هاني أنا بحب إتشكرك عا حرصك عالشعر وقيمة الكلمة، خصوصي إنك كنت دايما من أصحاب الإنتاج الشعري الجيـّد. تعليقك كان تعليق إنسان كبير، بهنـّيك.
طبعا ما كنت بنزل لهالمستوى إلا تا وصـّل رسالة وقول إنـّو كل واحد بيعرف يسبّ ويستعمل ألفاظ بشعة ويقلـّـل من إحترام العالم، بس قلال كتير اللي بيعرفو يكتبو كلمة راقية، هالمرّة جاريت حرف عا مستواه، بتمنـّى شي مرة يجارينا إذا بيقدر ويسمـّعنا شعر.
بتمنـّى هالنظرة للشعر تتغيـّر، والنفسيات تتغير، ولمـّا تتغير أنا أكيد ما بقا حدا يفوت بشخصيات مجهولة تا ياخد راحتو بالإهانات وبالتجريح.
ما عرفت شو اللي دفع بالشاعر الكبير حرف ينحدر فجأة؟ وليش ردّ بهالطريقة؟ ما شاف إنـّو الكل عبـّرو عن إستياء من هالنوع من الكتابات وعن أداء هالشخصية بشكل عام ؟

إلا إذا بتعتبرو هيدا تحدّي شريف :

"القصيد بلوحتك حامل عطــونــة
العفن من كلمتك نادي عطـــوني
وحرف السيف ماجرّد ع طونـي
انجرح وحدو ان سلّو من القراب
============"
أنا بعتذر منكن، وإنتو عندكن كامل الحرية تفهمو الشعر والتحدّي متل ما بدكن

موضوع: رد: عتابا الأربعاء أكتوبر 28, 2009 3:31 pm

طوني انا بعرفك شاعر و انا بعرفك انك روحامي و لو كانت روحانيتك مش متل الكل انا بعرفك اديب انا بعرفك مهذب انا باسم الشعر بترجاكن و بقول لخينا حرف عملو معروف نحنا عم نقاتل يا شباب تا نعيّش الشعر و ما نعيش الشعر بحذف العين
حاوروا بالفكر حاوروا بالمرجلة حاوروا بالكلام القاسي ضمن حدودو بس بهدلة لاء لا انا بسمحلكن ولا الشعر بيسمح
و يلا يا شباب عطونا عتابا و ميجانا

سودا العباية بس بيضا قلوبنا

بشهر تموز نيزلتي بردنا
و بعشة اب اولجنا و بردنا
و شهر ايلول حبك شو بردنا
و ما كان يحن قلبك عالمصاب

حلوة العتابا بس عاطل صوتنا

موضوع: رد: عتابا الأربعاء أكتوبر 28, 2009 4:10 pm

طـونـي شـلـهـوب كتب:: خيـّي هاني أنا بحب إتشكرك عا حرصك عالشعر وقيمة الكلمة، خصوصي إنك كنت دايما من أصحاب الإنتاج الشعري الجيـّد. تعليقك كان تعليق إنسان كبير، بهنـّيك.
طبعا ما كنت بنزل لهالمستوى إلا تا وصـّل رسالة وقول إنـّو كل واحد بيعرف يسبّ ويستعمل ألفاظ بشعة ويقلـّـل من إحترام العالم، بس قلال كتير اللي بيعرفو يكتبو كلمة راقية، هالمرّة جاريت حرف عا مستواه، بتمنـّى شي مرة يجارينا إذا بيقدر ويسمـّعنا شعر.
بتمنـّى هالنظرة للشعر تتغيـّر، والنفسيات تتغير، ولمـّا تتغير أنا أكيد ما بقا حدا يفوت بشخصيات مجهولة تا ياخد راحتو بالإهانات وبالتجريح.
ما عرفت شو اللي دفع بالشاعر الكبير حرف ينحدر فجأة؟ وليش ردّ بهالطريقة؟ ما شاف إنـّو الكل عبـّرو عن إستياء من هالنوع من الكتابات وعن أداء هالشخصية بشكل عام ؟

إلا إذا بتعتبرو هيدا تحدّي شريف :

القصيد بلوحتك حامل عطــونــة
العفن من كلمتك نادي عطـــوني
وحرف السيف ماجرّد ع طونـي
انجرح وحدو ان سلّو من القراب
"
============"
أنا بعتذر منكن، وإنتو عندكن كامل الحرية تفهمو الشعر والتحدّي متل ما بدكن

القصيد بلوحتك حامل عطــونــة
العفن من كلمتك نادي عطـــوني
وحرف السيف ماجرّد ع طونـي
انجرح وحدو ان سلّو من القراب

هاني انتي عزيز عا القلب بس برأيك طوني معو حق بالتحديد يعلّق عا ها البيت لو علّق عا غير بيت كنت وافقتو بس بيت ما في مسبات

جريّس البستاني قال

بقلّو روح نضّف ها العفوني

والخ

اما بيتك يا طوني ما في مسبات ههههههههههه

بـشعرك كرجتك كرجة قـنـا عا
الزبالة وفيك عجبـتـنـي القـنــاعــة
الوساخة وحدها بتلـبــس قـناعـــا
كـل مـــا بــدهـا تـقــــلـّـــل أدب

انتي طلبت الرأي وانا بطلب رأي هاني ناصيف بالتحديد اييا بيت بينقال والاستاذ حكمة في يعطي رأي وحسون والكل
ههههههههههههههههههههههههههههه

ملاحظة انا بعرف حرف انو كان من باب المونة عا طوني والمزح عم يستعمل ها الألفاظ النابيي بس بنرجع لموضوعنا

ما حدا بيحملك غيري يا حرف
هههههههههههههههه

موضوع: رد: عتابا الأربعاء أكتوبر 28, 2009 4:23 pm

بتمنى تشوف البيتين والجمال بالتوريي الشعريي
من هيك نزعتوا الجولة ليش ههههههههههههه

سيف الجهل عــا طوني سلي من؟
يا حرف القافية سليك سلي من
أنا حاكــيـــت شاعرنا سليمــــان
تاري حــرف في عـنــدو دنـب

حرف

قبل ما آخذك بالبحر ع النــــــو
حرف مــــنو رعاع الشعر عنوا
اذا عندك بصيرة سئـــــال عنو
نجم مذنّب بقرص السحــــــاب

شي رائع

موضوع: رد: عتابا الأربعاء أكتوبر 28, 2009 5:00 pm

يا سليمان ما في حدا معو حق
الشعر وحدوا معو حق لا طوني ولا حرف
انا بقول كلمة وحدة اذا بدنا نضل بهالمستوى خلونا ننبش عا شي محل يكتبو شعر

موضوع: رد: عتابا الأربعاء أكتوبر 28, 2009 6:06 pm

شو هالكلام ها ؟؟؟؟؟؟؟؟؟؟؟؟؟؟

يااخي يعطيكن العافية كلكن وبشكركن كمان من قلبي اولا
وتانيا هيذي مش مسبات ولاتجريح لانو رغم قساوتها بتحمل طيبة قلب
وانتي ياطوني فتت ع التحدي انا ماطلبتك كنا ناهيين الجولي انا وياويلي عليك
يعني الدكتور ههههههههههههههههههههههههه حكماااااات
بعد ماحذفلي كل شي من الفيس بوك مرتين وكان في تصفاية حساب بيناتنا
فحضرتك دخلت كمان طرف هون الي حق اقسا عليك لانك تاني يوم فتت تتحدا
حبيبي انا لني بحاجي لدروس من حدا ولاكيفية التعاطي ع النت مع الاخرين صرلنا
5 سنين وماحدا زعل من التاني فاذا كان حدا من المصنوفين وماعندو رحابة صدر
مايتدخل بموضوع مش الو وبس يدور الطق ينصنف هاي ماعجبتني منكن بنوب
ههههههههههههههههههه
ولما بيكون انسان بدو يتحاور مع رفيقو بيطلب منو وبيختاروا بموضوع وبيكتبوه
ساعتها بيكون التحدي بالشعر المحضر والمنقح اللي حرف زهقان منو
وانا برأيي ماحدا بيقدر بيعمل شاعر اذا ماجرب كل الالوان
وعلى فكرة الطق مابيقلل من قيمة حدا
بالعكس كل انسلن والو احترامو ومكانتو
ورغم كل شي بعدني بحبكن وبعتذر اذا اساءت لحدا قبل مبادرتو بالإساءة إلي
وانتوا كلكن شعار كبار ومستواكن راق وخلصنا يا اخي انا مابتحدا حدا بعد
وهاي . . عرفتوا شو معناها نقطتين ع السطر هههههههههههه
اخيرا سليمان معك حق ما حدا غيرك بيحملني
تصبحوا ع خير

موضوع: رد: عتابا الأربعاء أكتوبر 28, 2009 6:12 pm

بسيطة يا شباب ما صار شي كلنا اخوة واللي في شي مش عاجبو من شاعر يبعتلو رسالة ويقلو ما كلنا عم نتسلى من الاحوال الزفت
بربكون خلص بلشو سبو بس يكون بالشعر
ههههههههههههههههههههه
حرف جايبيك
تا فك رقبتك وخلص اذا حدا ازعج منك حقو عليي انا بس والله كانت جولة حلوة لوما شوية زبالي نزعوا العركة
هههههههههههههههههههههههههههههههه

موضوع: رد: عتابا الأربعاء أكتوبر 28, 2009 7:14 pm

حاجي بقا إتهامات. كيف بدي إمحيلك وما معي حق المحي بالموقع؟ وشو أنا كمان محيت الصفحات ؟ يعني كيف بتقول هيك؟ بعدان شو أنا عندي شراكة بفايسبوك ؟ أو مهندسها؟ لي الإفتراء هيك لي؟ أنا بسب يلي صار معك وبعدو عن يصير، حلفت إتبارى مع شاعر ما بعرفو وفايت بإسم وهمي. يعني شو فيها لو عرفنا مينك؟ شو هربان من الإنتربول؟؟؟ هاهاهاها. نحنا بي شو أهناك؟

أنت بتحب النوع يللي بتسميه "الطق" ويمكن معظم مستمعين الزجل بيحبو هالنوع كمان. أنا بالعكس بحب الكلمة يللي متعوب عليها ومنحوتة نحت وفيها رابط مع الأحاسيس الإنسانية مش عا طول خبيط وضرب كأنا بالعصور الحجرية.

لاكن بحترم رأيك ومستعد بكل لحظة شارك بمباراة معك عا شرط توديلي عل الخاص رقم تلفونك تا إتصل فيك وأعرف مينك. ومن وين. مبين بوضوح عندك قلب طيب ومش حقود . بالتأكيد عندك شعر حلو بإسم تاني يعني بإسمك الحقيقي. لاكن لأنك متخفي، قاعد بتسبسب وبتشتم . يا رجل في ناس ما بيحبو هالطريقة بالمعاملة...أنا ما بتيقها. شوف الناس يللي بيحبوها واستعملها معن . أنا شخصياً مني مستعد كون سلة مهملاتك. ساعة بتسميني متعجرف وساعة بتسميني عنطوز. لي كيف عرفتني هيك؟
عنجديد، إذا بتحب ، أنا مستعد أعرفك بشخصيتك الحقيقية وبتشرف بمعرفتك وعفا الله عما مضى. بس مش بهالطريقة الغلط . أنا تباريت معك إرتجالي عتابا تا تعرف والناس تعرف اني ما توقفت عن التباري معك لأني مستهابك شعرياً. أنت بذاتك بتفهم بالشعر وشاعر وبتعرف مستوى شعري وقدرتي بينك وبين نفسك حتى لو ما اعترفت بهالشي.
بكل محبة بقلك كرمالك وكرمال هالموقع الراقي، وقف هالتضرفات الشواذ هيدي. وناطر إذا بتحب، توديلي اسمك ومن وين ورقم تلفونك وأنا بتصل فيك من هون بكرا. وهيك منبلش صفحة جديدة.

سلامات

حكمت

موضوع: رد: عتابا الخميس أكتوبر 29, 2009 8:17 am

اذا دمعك على جمعه حبا لي

ونهيدي والوفا الرحمه حبا لي

شرط لا يزرد قناعك حبالي

ع زند الشوق ويجنّو الحباب

» عتابا وميجنا حكم
» عتابا مصريه
» عتابا من العتاب
» عتابا يعد الميجانا
» عتابا من بعد الميجانا