شوية خرطشة غزل

[

دخلك يا الله انت مين و ابن مين
و لا تقول عني من جماعة كافرين
لاكن انا انسان في عندي سؤال
عم بسألو يا رب من ماضي السنين

مازال اسمك للعدل ارفع صفا
و العدل عا اسمك حقوقو بتنوفا
اسمحلي يا رب الكون اسال هالسؤال
بركي بيني و بينك يروح الجفا

ليش خلقت انسان من فقر كفر
مقضي حياتو بالعذاب و بالكدر
عدت خلقت انسان اغنى من غني
هيك العدل بيكون يا رب البشر ؟؟

خلقت الخطية بهالدني المعذبي
و زينتها بابدع حلى و اجمل عبي
رجعت خلقت انسان اضعف من ضعيف
و بتقول ما تخطى بوقت التجربي ؟

ليش خلقت مليون ملة من البشر
و كل ملة دينها عم ينتشر
و مازال انت مرجع الخلق الصحيح
ليش تا ميزت بين زيد و عمر

و هوني يا رب الكون لازم اسالك
ليش خلقت انسان عالعالم ملك
ليش الملك بيحقلو يملك عبيد
مازال مرجع خلق هالدنيا الك

هيدي يا انسة ليلى شردة و هون اذا ما قبلتيها محيها بس هيدي شردة

[/b][/center]

رح خبّرك ليش البشر أجناس

وان شفت جاهل عيب تتجبّر

وحتّى ما تجرح رقّة الأحساس

شوف الحقيقة اليوم عا مكبّر

بعمرك شفت شي عقربة بتنباس

وسم الأفاعي بينشرب سكّر

ولو يخلقوا شعّار كل الناس

كان الوطن ببلادنا منبر

***********

الله يا هاني عا الدني وزّع

خير وعطا تا يبيّن الأبداع

وادم بجنّة خالقو تمتّع

وحوّا اللعيني مصدر الأطماع

وقلّو يا أبني بها الدني اقنع

الجنة ألك عاشرط منّي سماع

بس الأفاعي دورها تزرع

فتنة وكأنو الكون ما بيساع

**********
وايّاك تسأل يوم المرايي

شو شايفي عا وجّها أشكال

العالم يا هاني رايحة وجايي

والساقية بتحسد سخا الشلّال

هيك الزمن يا صاحبي حكايي

وبالمنتدى تا نعملك زجّال

لازم نرصّك بالهجا كفايي

وبرموش فادي الموهبة تنشال

**********

رصّك أبن فيّاض وتأنّى

تا تصير شاعر وهرتك تنشاف

وشامخ فركلك دينتك عنّا

ولسّا حسن رح يشقلك عا كتاف

يا بو علي المغرور طمنّا

كيف الحرارة عليك صرنا نخاف

بيت الشروقي غير المعنّى

ولو كان بدّك عا الملك تسأل

أول ملك عا النت سلّو...!!!عراف

ههههههههه

والّا شو يا شباب شو رأيكون نفهم هاني ليش البشر اجناس

سليمان يا سليمان الله يكبرك
بساح الغزل بالمرجلة ما بعبرك
بس انتبه هاني امير المنبرين
ساعة ما بدي بكسرك و بجبرك

موضوع: رد على شردة هاني الأحد مارس 22, 2009 5:40 pm

رد على شردة هاني

شتان ما بين هذا وذاك...
ما شردت به الان هو أسئلة محقة تدخل في باب الفلسفة والوجوديات، وهذا أمر من صميم حرية الرأي وحرية التفكير وحرية المعتقد والتساؤول يضعك في خانة الوجوديين والمفكرين، أما ما شردت به سابقا فهو تعد أعطينا رأينا فيه.
برأيي أنك حملت الله ذنوبا هو منها براء، فالله لم يخلق غني ومن ثَم خلق فقير، الغني والفقر نتج عن أنانية الإنسان واستقواء واحد على آخر، أي اساءة استعمال الحرية.
من الأغنياء من سعى إلى ثروته بالكد والعمل والجهد، ومنهم من حصلها بطرق غير مشروعة، والفقراء منهم الكسالى، وربما مَن أصابتهم عوائد الدهر، ومنهم مَن أفقرهم غيرهم، وقد جاءت بعض الحلول فعمقت المشكلة ولم تكن المراهنة على طبقة البروليتاريا في محلها، وقد أغتال بعض الثوار القائد شاوشسكو الذي كان غنيا على حساب هذه البورليتاريا، ولم تعمر الثورة البولشفية لأكثر من سبعين سنة فانهارت بعد أن ساهمت في انهيار المجتمع وتجويعه، عدا عن ملايين القتلى الذين سقطوا على يد فلاسفة الألحاد والسياسات الإشتراكية، فهل يقع اللو م هنا على الله أما على السياسات الخاطئة والفلسفات التي حجزت الحريات والمعتقدات وجعلت الإنسان مجردا من حقوقه المدنية والسياسية والفردية والدينية وما عدا ذلك بحجة تأمين لقمة العيش في أرض عمها الكساد حتى الانهيار الإقتصادي والسياسي والاجتماعي?!!!!
وفي رد آخر سأبرهن لك أنه لا يوجد ما تسميه الشر? وحقيقة هذه الكلمة.

دعني أعلق على ما كتبه سليمان من شطحات فلسفية أنصحك أن تتأمل في معانيها وليس فقط في البعد الشعري الذي يلزمك أدبيا بالرد عليه.
هون سليمان بيضها بقدر ما سودها في تحليله الشطحات التي في غير محلها، وعذرا على الصراحة.

ولم تعمر الثورة البولشفية لأكثر من سبعين سنة فانهارت بعد أن ساهمت في انهيار المجتمع وتجويعه، عدا عن ملايين القتلى الذين سقطوا على يد فلاسفة الألحاد والسياسات الإشتراكية،
الفكر لا يموت و لا يندحر انها نظرة خاطئة جدا الفكر الشيوعي و ان كان تمت ترجمته بطرق خاطئة جدا لكنه لم يمت لانه بمرحلة معينة اثبت انه الفكر الوحيد الذي بامكانه ان يجمع العالم و يساويهم بما يعرف" بالاشتراكية العلمية" و طبعا عكس ما تفسر لدى بعض العقول السخيفة بالمساوات الخاطئة وهنا اجيبي ببساطة ان قتلتي مليون لتعطي اراض لمئة مليون هل هذه خطيئة مميتة ؟ ثم مقولة فلاسفة الالحاد و ... ان الفكر الالحادي لم يدعو الي القتل بل دعا الى بعد اخر و اجهل لماذا بالدول العربية دائما يتهم الفكر الالحادي الممثل بماركس و هيغل و سارتر بانه فكر مجرم وذلك بعد ان ابدى علامات استفهام حول الدين .انسة ليلى طالعي القران و الانجيل او حتى التورات هناك مغالطات لغوية مرعبة و مغالطات و اخطاء نشرت لا تصدق و الكلام هنا مثبت بابحاث و دراسات معمقة من مؤمنين على راسهم عباس عبد النور احد ائمة الازهر سابقا عندما نشر كتابه الممنوع في لبنان و العالم العربي "محنتي مع الله في القران" حيث اتهم انه صهيوني و ... متل العادة و هون خليني انقل عالعامة اريح حتى تعمقي اكتر بالفكر اللي يسمى الالحادي هوي بيحمل بذور ايمانية اكتر من الفكر الايماني اللي بيحمل ابعاد مادية اقتصادية لا اكثر و هون باكد تشابه وصيتين من وصايا الله العشرة او اللي تعرف بوصايا الله العشرة

أنا لم أقل أن الفكر النظري لهيغل وسارتر وغيرهما أنه فكر مجرم ولا أتبنى قولا بذلك، هذا فكر نظري ولكن الذين طبقوا هذا الفكر هم الذين خربوا المجتمع حيث لم تطابق النظرية الواقع...
قال كارل ماركس على سبيل المثال وليس الحصر: " الدين أفيون الشعوب"، فزالت دولته الشيوعية التي اضطهدت أهل الدين ونكلت بهم ولم تعترف بالحريات الفردية والعامة، وبقي الدين وعادت معظم روسيا إلى أيمانها، ولن ننسى أن الكرملن كاد أن ينهار على رؤوس من فيه، بقصف الدبابات، وفشل محاربة الدين دروسا من التاريخ كان يجب الإعتبار منها، .ولكن مَن يَعتَبر?!!!
لم يطبق الفكر الشيوعي خطأً كما زعمت، بل أن التطبيق فضح النظرية وأكد أن محاولة ألغاء الدين ستبوء حتما بالفشل، عدا عن إلغاء الحريات.

أوافقك الرأي أن النظام السياسي زال وبقي الفكر، وهذا حق مقدس، ويبقى المجال واسع للنقاش.

لقد طالعت الكتب المقدسة ودرست بعض اللاهوت والفقه الإسلامي، فقل لي أولاً أين هي المغالطات في التوراة والإنجيل?!!! ودعني أسألك: كيف عرفت أن مؤلف كتاب: " محنتى..." هو عالم أزهري، واسم المؤلف مستعار???!!!!، هو يقول عن نفسه أنه كان شيخا في الجزائر وليس في مصر، ولكن كيف نعلم أنه شيخٌ بالفعل، وإن أدعى لنفسه ذلك، كيف تأكدت من صحة كلامه وليس معك سوى الكتاب وما عليه من حبر، هل تملك قائمة بشيوخ الأزهر? أما أنك تصدق كل ما تقرأه عاطفيا، لا تنظر إليه نظرة الفاحص الباحث?!!!!!ونحن لا نعرف عن كاتبه إلا ما كتب هو عن نفسه? .
لا شك أن الفكر الفلسفي يلتقي مع الفكر اللاهوتي وخاصة أن سارتر يُعتبر من مدرسة ديكات وديكارت كان فيلسوفا مؤمنا.
المشكلة في الفكر الإلحاد أنه أنكر وجود الله انطلاقا من منطلقات واهية جدا تجدها مع سارتر وسبينوزا اليهوديين، وهيغل الإلماني، حتى صار الانسان الآخر مع سارتر هو الحجيم.
في الرد اللاحق، سأبين لك التناقض العملي في الفكر الشيوعي، إذا أردت. دعني أدل على مغالطاتك المرعبة. أن الذي يدعي أن اسمه " عباس عبد النور" كاتب منتحلا اسما ما لحماية نفسه وربما كان مسلما أو خلافه، لا نعرف.. لذا علينا أن نكون موضوعيين عند قراءة الكتاب ولا ننظر إليه نظرة من لا يحب الدين الاخر ولو وافقنا في بعض كتاباته أو أقنعتنا ... ولكن قلت أنه اكتشف مغالطات مرعبة في التوراة والانجيل وهو شخص مجهول الهوية وليس له أي درسات، فمن أين أتيت بهذه المغالطات المرعبة ?

وربما اقتضى التوضيح في مجال لما يتشابه الفكر الفلسفي مع الدين، وهو كذلك، ربما نتوسع أكثر في هذا الحوار.

layla كتب:: دعني أعلق على ما كتبه سليمان من شطحات فلسفية أنصحك أن تتأمل في معانيها وليس فقط في البعد الشعري الذي يلزمك أدبيا بالرد عليه.
هون سليمان بيضها بقدر ما سودها في تحليله الشطحات التي في غير محلها، وعذرا على الصراحة.

يا ليلى ليش عنّي عم تقولي***شطحت وما قدرت اكبح ميولي

انا خلقان رب الأرتجالي***القصيدة بطقّها ساعة وصولي

انا بعطف عا هاني الكان خالي***من الأبداع حركّلي فضولي

دخلت عا صفحتو وما خدت بالي***بأنّك ناطرة الكلمة الخجولة

انا بالمنتدى عندي رسالة***وعا فيس البوك ما بسجّل دخولي

لوما بحب أسأل عا الغوالي***الفيهم ريحة الورد الشذيّة

وشهامة معمّدة بدم بطولة

لو كنت بعرف إكتب شعر كنت فقعت قصيدة من كعب الدست،
بس أنت يا خيي بتضل تطريها، خليني اعطيك لقب بتستحقو: عميد الكلمة

وحياة الله بتستحقي مش كلام***تكوني مديرة بمنتدانا يــــــــــــا سلام

وما زال نقدّك وجّه لصدري سهام***منّي يا ليلى كل حب وأحترام

بالمنتدى بعرف في عندك أهتمام***تا يصير مجد الشعر عالي بالمقام

وكلما نقدتي شاعر بيوعى الوحي ***وخد الورق بيدوب عا شفاف القلام

ما ألطف وأرق كلمتك، بس خليها بيناتنا، أنت مبسوط بضربات السهام لأنك لابس درع. ?!

سهم النقد لو شك فيي مش خطر***ولا يوم ألبس درع عا بالي خطر

والسبع لو بيجوع يا ليلى نطر***وما شفت مارد غير عا مارد فطر

واللي بيرفض ينّقد عندو بطر***وما في حلول بتنوجد حتّى بقطر

عندك خيال بيعصر غيوم الوحي***وعندك بشر بالتّش من حبّة مطر

يا مرافقا مشوارنا من بدايتو ---- بهالمنتدى اللي وكلك برعايتو
الشاعر معلي في وجودك رايتو --- وشعر لمجعلك كلمتك مكوايتو
اللي بيكبر على الناقد ومحايتو ----بيكون قرب بالشعر عا نهايتو
متل الصبغ شعرو بعد شيب الكبر --- من كتر خوفو من قزاز مرايتو

تحية لسليمان وفادي، وأنا أوافقكما الرأي، لأن النقد هدفه الأساسي التصحيح وجعل الشاعر والكاتب يتأنى في كتاباته، ويتمهل في إرائه، فينقي وينقح، ويحذف ويبدل ليأتي بالأوضح والأصح والأجمل.

بليلة شتي و عواصف قوية
فيها التلج اقوى من الخطية
خلق انسان عالدنيا تمرد
خلق هاني بضيعة كوسباوية

جمع بالعلم فحوى الف منجد
انعجن من عمد ارزة لبنانية
خلد ارزتو و حدا تخلد
ارزة بجنب ارزة عالسوية

تكون من وحي هوز و ابجد
امير على الحروف الابجدية
و بقي لليوم سيدها المسيد
و سيد كل حفلة منبرية

نزل عا جبيل عالمعبد الاجود
تا يتزوج اميرتها الصبية
ربي فيها وعلى المنبر ستاسد
و بقي سيد ملوك العبقرية

اخد من رملها العا الشط عربد
قساوة ما بتسمح بالاذية
اخد من صخرها الارغى و ازبد
صلابة من العصور الاولية

اخد من ادونيس بليل اسود
حب العشتروت الفينيقية
من سليمانها القايد الامجد
وفاق بلا مزلة طائفية

طلب شعار عالمنبر تا تصعد
و تتسلح بكلمة فلسفية
اجا سليمان قدامي و تهدد
ضربتو بحد شفرة زمهرية

طلبني و راح قدامي وتوعد
بعركة ينال فيها الافضلية
قلت معليش يا قلبي تجلد
و تحمل هالبضاعة الطفيلية

عيسى قبلك توجع تنهد
تحمل صلب لقيامة بهية
و محمد بالجزيرة كان يعبد
تحارب من سخافة قريشية

و موسى بعد ما لربو تودد
انباع لاجل دهباية غبية
و علي اللي كان غاية كل مقصد
اندبح من حد شفرة ملجمية

و متلن سيد المنبر الاوحد
اندبح من حكي كلمة سليمانية
و ما همو النقد من مبدا مجدد
و على فكرة النقد المنسمية

ضروري النقد من واعي معود
بمجال النقد يحكي بلا خطية
مش من ريس بجهلو تعمد
اجا تا ينتقد عالم ابية

يا بو شربل كفا تروى و اجمد
تركني بالجهل عايش شوية
بجهلي حكمت عا شعرك مابد
لانو انت رمز الفوضاوية

و بكفي يا حلو بالشعر تجحد
يا علة عا منابرنا خفية
انا ببقا انا الشب التنمرد
على المتلك يا شجرة موسمية

يا بو شربا انا قبالك تاكد
اذا بتلك شي مرة ركابك
عليي تروك اوزارك عليي

بوافقك الرأي إستاذنا. وأفضل كمان تا ما نكرّر كلمة تلج ، خليها:
بليلة برد و عواصف قوية.

هاني مقدمتها رائعة القصيدة، يعطيك العافية

صحيح استاذ حكمت معك حق باللي قلتو المطلع في خطاء انا ما شفتو الا بس نزلتها للقصيدة و هون صارت Too late ما بقا فينا نصلح
انطون انت بتعرف هاني بس يندق في اكتر من مرة بيعمل انتفاضة ايام

تا نرجع للغزل

انا و الحب بمراحل عذابي
ما عنا لا نسابي و لا قرابي
كلما بطلبو عني بيبعد
كأنو حالف يرافق جنابي

كلما بطلبو عني بيبعد
كأنو محرم عليي الموعد
يمكن ما خلقت كرمال اسعد
خلقت و القهر لبسني تبابي

يمكن بالعمر حبيت اكتر
ما حب النحل هالورد المزهر
كلما جربت بالحب اسكر
بسكين الغدر باكل اصابي

دخلك يا اله الكون قلّي
الخياني ليش بالدنيا مخلّي
عطيني لهالوضع لنو شي حلّي
قبل ما تنطوي صفحة كتابي

من بعد ما دشرت شغلي عن خصام
و ما عاد بيني و بينهم في انسجام
و من بعد ما ببلادنا اختل النظام
و صار الغلا اشنع من ليالي الظلام
جبت الوسيط و صرت اقرى عالدوام
على و عسى خفف على نفسي الالام
و فجأة لفتني عرض مغري باحترام
عن بنت بدها تدرس حروف الكلام
برمتها براس و قلت رح اكسر صيام
بركي بجمع كم قرش من بعد عام
قصدت الصبية و صرت احضر عالدوام
ووصلت عالتطبيق نا انهي قوام
من بعد ما الابجد انتهيت عا سلام
ووصلت للهوز و هوني الامر هام
الهاء حد الواو خلصو بلا ملام
و الزين زر الدافن طيور الحمام
و احترت ايا زر لازم افتحو
زر الصدر يا ناس او زر الكمام

معتاد بليالي الشعر و الترغلي
انزل على الميدان نزلت بو علي
اخوت على الشعار افجر قنبلي
امشي عا اجسام الضحايا حنجلي
اتمرجل و ابطش و انهي المشكلي
و خلي الدني من تحت مني مزلزلي
لاكن لاجل عيون حلوة يا بشر
بقلب حمل و بعيف كل المرجلي

وقفت و صرخت Oui Ce que Voulez vous
شو باك يا امور لاحقني Toujours
قلتلها معليش بدي Rendez Vous
بركي سوى من دوب من نار ال Amour

طلعت عا قلب الباص قعدت عاليمين
قالت يا شاعر حارقك هالقد مين؟
قلتلها محروق من قهر السنين
و محروق اكثر من عيون الشايحين
محروق من عينين سود مكحلين
و محروق من عناب للشفة امين
محروق من شعرات سود مجعدين
و محروق من وجنات سمر مبودرين
محروق من نهدين جوا ضايعين
و مدري بقلب بلوزتك متحجبين
جاية تا كفي صرخة و قالت كفا
الله يكون بعون كل العاشقين

» شوية خرطشة مع رواد شرف الدين
» شوية نكت للتسلية