شوية خرطشة غزل

من بعد ما الله بحلا و ايمان
كوّن دني و الارض و الانسان
شاف الدني بحالة صمت و ركود
و بدو وطن من اروع الاوطان
جاب الحلا و عجنو بأوفى زنود
و تا يكون ممضي من سما الرحمان
جاب الارز تا يكون رمز خلود
وكلل جبينو باروع التيجان
عاد و رماهن عالدني و موعود
تا جنتين بهالدني يقشع
جنة عدن ... مع موطني لبنان

قصدنا الكنيسة بليل برداتو خفاف
الشوق و انا و سمرة حلي فيها القطاف
ووصلنا على الساحة و فينا الشوق طاف
وكنا عم ندردش حكايا عالشفاف
الا و اجا خوري مكلل بالهفاف
قلي يا هاني جماد و ابعد هالكتاف
قلتلو معليش لا تفهم غلط
عم علم السمرا عا سر الاعتراف

يا ريت فيي كون مرة بهالحياة
مراية انا تا ظهر عليها الصفات
و تا كل مرة بس حدي تقطعي
قلك جمالك زاد عن كل البنات

هيدي الجميلي اللي انا عم حبها
والله يا عالم صرت اعبد ربها
جاب الحلا من الارض كلو عالسريع
وراح بقالب من خيالو صبها

كل ما وعي شيطان صدرك يا حلا = وكحلة عيون القلب والشرده سرق

ثلج العمر بيذوب من وهج الحـلا = ومن كل مطرح بالجسم بنزف عرق

مغروم بحلوة زغيرة مغنجي
و مشتاق منها الوعد مرا ترتجي
ولك شحشطتني بوجعتي اربع سنين
وبعدو القلب ناطر جنب منو تجي

يا لابسي فسطان من لون الربيع
عندك جمال بيسحر الرب البديع
ولك كيف بدك بعد نكتبلك غزل
مازال من سحرك الهك عم يضيع

تسرّب ضمير الحلم يلغي اللي كفر

ومؤمن انا لكن جروحي خامره

مشتاق من عين الحلم إلغي السفر

وإزرع بليلك شوق طايش عامري

حلو يا علي حلو

يحلّي ايّامك

المكتوب ومقدّس بآيات السما

وعمرو ي حبّة هـ القلب الفين عام

انتي اللي حبّك غيم الله وارتمى

منّو الندي حتّى على صدرك ينام

مرة عذمني اخوت بليل الغوى
عا بار فيه شكال و خبار احتوى

قلت القلب من بعد ما بنارو انكوى
حلو بقا يرتاح من ظلم الهوى

و فجأة اجتني بنت للعلة دوا
و ضحكت عا جسمي و قال ... ورقة بالهوا

هوني انا تمردت و المزح انطوى
و قلتلها قومي معي ... العركة سوى

و من بعد ما بالليل خضت المعركي
صرخت يا رب الكون شو حاوي قوى !!!!

لم بستها شعلت نيران وقيدها
و دابت الحلوة من كتر تنهيدها
قلتلها يا بنت قولي شو جرا
قالت الي ما بقول غر ما تعيدها

» شوية خرطشة مع رواد شرف الدين
» شوية نكت للتسلية