كعب وراس فادي فياض وبحر الزجل

رب ملكوت الزجل الأصيل
بو شربول

يا عملاق التحدي بالغناني

كفاك تسل سيفك بالمعاني

ما فيك الدم تشرب يا معتر

بموقع صار لونو أصفراني

انا بالمنتدى صفيّت أضجر

ياهاني جيب للموقع أعاني

عا شرط تجيب عالموقع غضنفر

تا يحرز جيب راسو عا الصواني

انا بالشعر مش معقول أخسر

وعا أنترنيت شاعر أولاني

سحبت الروح من ورد المزهّر

تا صار العطر يرقص بالقناني

انا شاعر فرض عا كل منبر

وجودو وصار للموقع ضماني

فتحت مطاعم الشعر الموقر

تا خلّي بطون موقعنا ملاني

انا الريح الحفر عا الصخر دفتر

وتراث بلادنا بأزميل جاني

انا بو شربل الوقّفت عسكر

سنكي طق بالموقع يا هاني

تا يعطوني التحيي وقول أكتر

حراسي عا المواقع بالتحدي

وحفاظاا عا الرسالة وعالأماني

**************

Hayoufa

هههههههه حلوووو مهضوم متل العاده يللا شباااااااب وينكن جايي بو شربل يتحداكن يللا بدنا نسمع تكسير روس بالشعر هههههههه

عملاق المواقع
ههههههههه
بو شربل

حفيّت ايدي عا الورق جن الشجر***وقلّي يا بو شربول لا تشكي الضجر

ما تنطر البطيخ يزهر كستنا***وبيت الغروب قزاز ما بيلقى حجر

هههههههههههههههههههههههههههههههههههههههههههههههههههههه
فادي فياض كتب

يا أبو شربل بعد بحث المختبر --- موقع زجلنا بير إلهام وعبر
وانت الوفا اللي فيك لازم يمنعك --- بير اللي منو شربت ترميه بحجر

بحر الزجل
بو شربل

حفيّت ايدي عا الورق يا فيلسوف***منشان أضرب عا الشجر بحصة وشوف

لقيت الشجر بالمنتدى ما في تمر***وبير القوافي منشّفي فيه الحروف

ههههههههههه

4Fadi Fayad 16:51
نحنا شجرنا ارز ما بيعطي تمار ---جبينك عا كعبو حف تا تجمّع وقار
ويللي بيرشق بحص عا أرزاتنا --- بيفطر عا طبخة بحص آخرة النهار

هههههههههههههههههههههههههههههههه
بحر الزجل والمواضيع الحسّاسة
بو شربل

ههههههههههههههههههههههه

انتو ا شجر بلّوط مش شجرة خلود***هرّت نمل من راسها وهرّت قرود ههه

ونحنا عا كعب الأرز خلّدنا الوطن***ومكعّبيين لحد هلق عالحدود

ههههههههههههههههههههه

6Fadi Fayad

لا النمل قاصد بيدرك تا يحاصرو --- ولا القرد من شعرك مهدي خواصرو هههههه
ومزبوط انتو مكعبين بهالوطن ---- البو كعيب غيرك ما حدا بيناصرو

هههههههههههههههههههههههههههههههه

بحر الزجل وبيدر الكلمة
بو شربل

خليّك متل النمل عا البيدر داؤوب***ولا تضل ترقص بالحيا متل العيوب
بيشك أكبر راس بطيور السما***تا يدوق من غلّات بيدرنا حبوب

Fadi Fayad (
سليمان حتى تنجح بهالمدرسة ---مفروض تطلع راس حدي وتكتسي
حبوب القمح ما تعرفت عا بيدرك --- ما بتنفعك إلا حبوب الهلوسي

بو شربل بحر الزجل

شنّكت متل الحور تا تشوف النخيل***وناسي وفا الزيتون بالغصن الطويل

كلما بيحني...!!! للكعاب بينمشق ***وكلما بيعلى..؟ بينفرط ما في بديل
ههههههههههههههههههههههههههههههههههههه

بدي افرطك متل الزيتون

[center]Comentario nº 10Ramzi Bf (Lebanon) ha escritoEl 23 de julio de 2009 a las 18:28
هاهاهاهاهاهاهاهاهاهاهاهاهاها منيحة منيحة متابعينكن اون لاين ههههههه

Comentario nº 11Fadi Fayad (Lebanon) ha escritoEl 23 de julio de 2009 a las 18:40

زيتونتك مش رح بيمشي سوقها ---- مع نخلتي النالت جميع حقوقها

لو نخلتي عا مستوى زيتونتك --- بيصير مراق الطريق يدوقها

بحر الكرم والزجل
بو شربل

شوف الكرم عا درب مصدر للكرم***وبخل الطبيعة بنخلتك يا محترم

الكعبة محج لكل حجاج الدني***وقلّي اذا بتحج عا راس الهرم

ههههههههههههههههههههههه
[b][/center]

Comentario nº 13Fadi Fayad (Lebanon) ha escritoEl 23 de julio de 2009 a las 19:06
الكعبة العم تخلد نبي دين انقبل --- جبينو بنور الدين بكير انجبل
وموسى طلع عالطور تا يحاكي الإلاه --- ما شاف ألله لو بقي بكعب الجبلResponder a Fadi
Denunciar
Comentario nº 14Hayoufa An ha escritoHace 19 horas
حلووووو فادي هيك بيكونوا العمالقه بو شربل ما فيك تغلب شعار الفايس بووووك ههههههههههههههههResponder a Hayoufa
Denunciar
Comentario nº 15Has escritoHace 13 horas

بحر الزجل
بو شربل

الكعبة يا مؤمن من قبل ما تحجّها***تربّع عا كعبك وانحني يا حجّها هههه

وسيكارتك عا النت حابب أسألك ***من راسها أو كعبها بتمجّها

Comentario nº 16Fadi Fayad (Lebanon) ha escritoHace 4 horas
سيكارتي العايش بلا إحساسها --- أحسن ما تحرقني حرقت أنفاسها
وحلوي اللبست كعب حابب إسألك --- بتبوسها في كعبها أو راسها ؟؟

هههههههههههههههههههههههه

انتبه من الكعاب يا بو شربل هههههههههههههResponder a Fadi
Denunciar
Comentario nº 17Has escritoHace 3 horas

بحر الزجل
بو شربل

كلمة مرا بلا مسايرة يا نوسها***دروب الغرام سماع مني دروسها

ان كانت عا ذوقي متل ما الله خلق*** من كعبها ل راسها رح بوسها
ههههههههههههههههههههههههه

لاتفزع بو شربل خبير هههههههه

Hikmat Chedid Helou ha escritoHace 5 horas
حلو يا بو شربل يا بحر التبويس

سليمان مرة شَّط ريقو عا مَرا >>>>> لبست قصير وعن بتمشي غندرا
لم حاول يبسوا براسها وكعبها >>>>> تْلقّى عَ راسو ألف كَعب سْكندرا

هاهاهاها

تابعو شباب متابعينكن...هيدي مداخلة كان لا بد منها للتوضيح...هاهاهاهاهاResponder a Hikmat
Denunciar
Comentario nº 19Fadi Fayad (Lebanon) ha escritoHace una hora aproximadamente.
حلو يا حكمت انا نبّهت بو شربل من الكعاب بس ما انتبه ههههههههههه

اللعبة قدر ما تكون متقن لعبها --- حد الملك بتدوق طاسة رعبها
الحلوي ضروري براسها عاشق تعيش ---- ولا تضل تزحف خلف دعسة كعبها

ما تقلي هلق إنك مغوار ومعود عالزحف ههههههههههههههههههههResponder a Fadi
Denunciar
Comentario nº 20Has escritoHace una hora aproximadamente.
رب الزجل ومحيط الكلمة
بو شربل

ما زال حكمة من قبل منّي انغرم***وااكل كعب بالراس سببلو الورم
قررت غيّر عا السياسي من الكرم***تا نعيّش الموضوع شعري محترم

هيدي يا شباب زيادة بس مش أصل البيت
ههههههههههههههههههههههههههههههههههه

يلّي القواعد بالسياسة ما احترم***حمل السلاح وراح عا الفتنة برم
وحتّى الفتنة راسها نقصّوا سوى***خلّي المبادي تلتقي بكعب الهرم

هههههههههههههههههههههههههResponder a tu publicación
Borrar publicación
Comentario nº 21Fadi Fayad (Lebanon) ha escritoHace una hora aproximadamente.

ا ن كان بالسياسي فتحت يا شاعر جدال -- الفتنة طموحي شلشها من الكعب شال
ان ما رفعت راسك يا مواطن بالوطن --- بتضل صفر مكعب بميل الشمالResponder a Fadi
Denunciar
Comentario nº 22Has escritoHace 55 minutos
بحر الزجل
بو شربل

لا تروح مّرّة معنزق على المعركي***بيطير راسك بالقزايف يا زكي هههه
لازم بكعب الخندق تصد الهجوم***وتكتّر الخدعات وتقلل حكي

هههههههههههههههههResponder a tu publicación
Borrar publicación
Comentario nº 23Fadi Fayad (Lebanon) ha escritoHace 37 minutos
بدي العقول العسكريي تدلها --- عليي وطريق النصر رح توصلها
تمركز يا بو شربل على راس الجبل --- تا تسقط مواقع التحتك كلهاResponder a Fadi
Denunciar
Comentario nº 24Has escritoHace 2 segundos
بحر الزجل بو شربل

لمّا يا فادي يدور قصف المدفعي***طفّي براسك نار تا تشعّل وعي
ولا تضل واقف عا الجبل متل الغشيم***شفلك مغار ة واختبي حاجي لعي
ههههههههههههههههههههههههههههههه

يا دلك من القصف

Responder a tu publicación
Borrar publicación
Editar publicación

[b]

فادي فياض

لولا الزكا شي يوم عا راسك مرق --- بتشوف إنو الراس عن كعبو فرق
الريشة ان ما غطت راسها بالمحبرة --- للفلسفة والشعر بيجوع الورق

رح إهديك ريشة ومحبرة تا تتأكد
هههههههههههههههههههههههههههههههههههههه

حكمة شديد كتب

حلو يا شباب حلووو. بس يا بو شربل شو هوي ال لعي؟؟؟؟؟

بحر الزجل بو شربل

هديني بربك محبرة وبيّن الجود***تا أعملك يا ريش مهواية خدود هههه
لوما الريشة تبوس كعب المحبرة***راسك الناشف ضل عا راس الهنود

هههههههههههههههههههههههههههههههههه

منيح الغطيت راسك بكعب المحبرة تا صار يكتب ما ضل ناشف ههههههههههههههههه

رد عا حكمة

لعي يا حكمة يعني يتفلسف او يخبص برات الصحن ههههههههه
ودارجي كتير عنا اذا الواحد بدو يسكت حدا بيقلو حاج تلعي
وبتجي من لعيان النفس ههههههه

انشالله ما يكون ناشف راسك متل فياض
هههههههههههههه
مزحة لا تزعل

حلو يا شباب معركة محتدمة الوطيس، وكلام موزون بدون لعي

فادي فياض

يا منشّف من الشعر ونبوع الخيال --- اخترلك شي شغلة من التنين بهالمجال
مبيض طناجر تمسح كعوب الصدي ---يما اسكافي مصلّح كعوب النعال

هههههههههههههههههههه

ليك الشغلتين مناح فيهن كعوب كتير هههههه بتتسلا هههههههههههه

Hayoufa An ha escritoHace 4 horas
سليمان عنّا ميّزه بعاداتنا
منكرّم الضيف النّزل بيناتنا
ون كان متلك ما بيمشي بالمليح
بيضلّ ياكل قتل عا ديّاتنا

هههههههههههههههههه ولك شو هالهضامه وشو هالشعر الرائع كلكن اشتقنا لحرف وينو ولوووو اسا حلو يكون هون فادي تقّللّو يلا ههههههههه

بحر الزجل بو شربل

اخترت السكافي عن جدارة ومقدرة***وقررت يا فيّاض من بعد الجرى
بيع المطاعم وافتتح معرض نعال***وبلّش بها الشعّار سلخ وبيطرة
هههههههههههههههههههههههههههههههههههههههههههههههههههه

مارسي خيي فادي شغلة بتربح هههههههههه انا اخترت هههههههه

فادي فياض

بتبيطر الشعار ؟ عقلك ثبتوا --- أحسن ما فعلك وقعك بمغبتو
حوافر خيالك خرمشو موضوعنا --- وما في جمل مرة لمح حردبتو

ههههههههههههههههههههههههههههه

بدك فلسفة تكرم
بحر البلاغة
بو شربل

يا متابع الموضوع من بين السطور***بتشوفنا متل التواضع والغرور
وبتشوف راس الموج عم يفقش جيّف***ودر المعاني الخالدة بكعب البحور
ههههههههههههههههههههههههههههههههههههههههههههههههههههه

العم امطانيوس علّق عا المحاورة

حلووو يا بو شربل
ويا عممو فادي

واسمحولي بها النقروشي

راس

وكعب

موضوع

أنساني

ما بيفرق

الأوول

عن التاني

خففوا

عا بعض

شويي

بالموضوع

وشددو

القوافي

بحبل

ل غناني

عممكون امطونيوس

فادي فياض رد

يا كرم زحلة عصور خمرة طيبي --- ويا كرم شعري عصور خمرة موهبي
بتعرف يا عم مطانيوس بالتجربي --- مين البيطلع راس عا منبر أبي
--------------------------------------------------
هيدي كانت ترحيب بالعم مطانيوس وهلق هيدي إلك سليمان بدي ضل إكبسك تا تصلك بالكعب متل الراسور ههههههههههههههههههه

غدرك يا كعب البحر غرق مركبي --- بلعت السفن خلف البحور المرعبي
وموجي حمل هالسفن عا شاطي الامان --- وأول البحارة وصل نوح النبي

بحر الزجل بو شربل

فادي يا عمّو اليوم دلقت غمتّو***وكلمة ابو شربول يمكن سمتّو
لا خالتو بتخلّصو ولا عمتّو***محمّل ضميرو أو محمّل ذمتّو

وهي ترحيب بالعم امطانيوس هههههههههههههههههههههه

حتّى الجبل ما يوم تبرد همتّو***مفروض كعبو يضل يرفع قمتو
ولوما النعامة بتستحي ب راسها***ما شفتها ب كعب حفرة طمتّو
*************************
هههههههههههههههههههههه

قد ما تكبس بدي فز وما رح تطلع راس معي ههههههههههههههه

فادي فياض رد
شفت النعامي الما بتقرب موسمي --- وما شفت إينشتاين تورة ملهمي
في ناس بتروا الكعب عاشوا إنما --- عطيني حدا بيعيش من دون جمجمي

يلا فك هالعقدة تا نشوف يا بو شربل حاج تفزفز من ميل لميل هههههههههههههههههههههه

بحر الزجل
بو شربل

يلّي انبتر بالحرب لوعة يا شريك***براس القزيفة الحاقدة وحرب النهيك

وحتّى الأفاعي ما تبخ سمومها***مفروض ندعس راسها بكعب السميك
ههههههههههههههههههههههههههههههههههههههههههههههههههههه
بدي سمّك الكعب هههههههه تا ما تقب راسك ههههههههه

Comentario nº 41Hayoufa An ha escritoHace 3 horas
ولك شو هيذاااااا يسلم تمكن يا هيك يكوت التحدي يا بلا عنا موقع بدو يخلّد تاريخ الزجل بالشعر والشعراء الموجودين فيه واول واحد بدن يقولوا خسر قدام شعارنا هوي بو شربوووووول هههههههه يلا يعطيكن العافي مهضومين وتنيناتكن من معدن صلب كل واحد عم يشد لصوبه بس الهيئه في ذخيره حيّه وجاهزه عند التنين مش هيك يا عم انطانيوس؟؟؟؟؟؟؟

فادي فياض

أهلا بهيفا عالشعر معنا اسهري --- منكبر بهالموقع وانتي بتكبري
لكنما سليمان هالعودو طري ---جايي يشبّع جوعتو عن بيدري
ههههههههه
هودي تأهيل بهيفا وهلق هودي إلك يا بو شربل انشالله تكون بتحمل دعك مش متل غيرك ههههههههههههههههههههههههههههههههههههههههههههه

الحية جنبها نام مش رح تفتري ---- بتخاف تعقصها بلسان المنبري هههههه
وساعة ما تفاح الزجل رع ينعرب---- بالكعب بيحطوك حيثك مهتري هههههه

بحر الزجل
بو شربل

أهلا بهيفا الشاعريي حوّلي***دوقي طبخ بو شربل ولا تسألي
طابخ دجاج المنتدى لكن قلي***لعندو شحم بالدم ما في طاولة
ههههههههههههههههههههههههه عا مسؤوليتو ههههههههه
وهيدا تأهيل بهيفا

تركني عا كعب الشير قلب قرنفلي***وخليّك متل الشوك عا الصخرة علي
غصون الرفيعة روسها بتحمل يباس ***وما بتنحني ألا الغصون الحاملي

رح عيدها ورح زيدها يا بو علي***وخلّي الضحايا تروح عا كعب البلي
هههههههههههههههههههههههههههههههههههههههههههههههه
يا مطابخ الألهام حاجي تطولي***جوعان بدي روس أغليها غلي
ههههههههههههههههههههههههههههههههههههههه
تركني.عا كعب الشير قلب قرنفلة***وخليك متل الشوك عا الصخرة علي
غصون الرفيعة روسها بتحمل يباس ***وما بتنحني عا الكعب ألّا الحاملي

متل ما بيطلب الجمهور غزروني عا الزيادة شفت الشباب عا الكراسي ههههههههههههههه

Comentario nº 45Hayoufa An ha escritoHace 6 horas
يا ما وياما كرجت كرجات الحجل
وبموقعي ولا يوم حسّيت بوجل
ومن بعد جوله بيعجز قبالا الخيال
متل طفله صرت بغروب الزجل

Comentario nº 46Fadi Fayad (Lebanon) ha escritoHace 4 horas

سليمان راس الغصن بدو ينحني --- هوي الجني مش كعب هالشجرة جني
والمؤمن بيحني جبينو بالصلا --- انشالله يا ابني تكون نفسك مؤمني

ههههههههههههههههههههههههه

رح عيدها ورح زيدها من معجني ---- وأخبز لبو شربل طلامي مدهني ههههههه
ويا بو كعب راس السنة العيد الهني --- ليش بتعيد على راس السنة هههههههه

مش هم تشوف الشباب عالكراسي يا بو شربل المهم ما تاكلها شي كرسي من حدا هههههههههههههههههههههههههه

بحر الزجل بو شربل

تعا يا شعر كعّب عا بوابي
ونبيدك عتّقو بكعب الخوابي
ولفادي قوم بنّجلو خيالو
قبل ما تنبّنجو أبرة جوابي

انا كعبة قوافي هيك قالوا
بيجّوا الحجاج تا يبوسوا ترابي
انا بحر الزكاوي بأنفعالو
ما قدروا يقدروا الدر بعبابي

انا رب القصيد وارتجالو
وخيالي جو ما بيعرف ضبابي
وحواري لزتّو بسحبة جمالو
العليها النسر بيحب الصبابي

وما زالو أبن فيّاض اتكالو
عا راسو بكسّرو بفن الكتابي
وما بترك راس يعلى وما بطالو
وانا معروف ما بضيّع اصابي

انت راس الفقد معنا اعتدالو
وما عندك بالزجل ذوق واهابي
دموعك يا شمع عا الكعب سالوا
تا تضوي عتمتي وهمّي وعذابي

انتي راس منّو السم شالو
وانا كعب القفير بقلب غابي
منّي الشهد عم ينزل لحالو
وخوابي تنتلي وتشعل مخابي

انتي راس أركيلة زوالو
مأكد للحرق حكمو غيابي
وانا كعب الاأجى كويّس مودالو
حفظت المي اشرب من جيابي
هههههههههههههههه

انا شهادات منّي كتير نالوا
تا صارو ملوك نتيّي مهابي
ويا فادي كتير قبلك هون جالوا
وما طلعو راس مع بحر المعنى
وما قدرو بالزجل بلّوا كعابي

يا عيني عا الشعر حلو ومن بو شربل ألك شهادة ولقب جديد
أميــــــــــــــر الزجــــــــــــــــــل
وللتنويه ها الموضوع من أجمل ما كتبت صدق لأنو أول شي غني وتاني شي ارتجالي بالمعنى نشوف الرد ونرد قبال بعض وفادي بيشهد
سلام من بحر الزجل والى لقاء تاني
بو شربل

Comentario nº 48Hayoufa An ha escritoEl 29 de julio de 2009 a las 3:27
حلوووووووووو بس ليك يا بو شربووووول مش انت بتثني ع حالك نحنا يللي لازم نمدحك بس شو منعمل المغرور هيك ههههههههههه

Fadi Fayad (Lebanon) ha escritoEl 29 de julio de 2009 a las 18:28
استحي يا شوك من أرز الرواسي
وما تنسب قياسك عا قياسي
أنا هيكل سليمان المطوّب
بنيتوا وصار عنوان القداسي
ان كنت حوت وبحر شعرك مكهرب
يا سليمان أوعا تكون ناسي
من كعب البحر هالحوت بسحب
لأني ببحرك مقبّع ضراسي
أنا بطرحة عرس خيط المذهب
العروس بتاجها لمعت بسلاسي
وأنت بالكعب هالخيط المشرشب
العم يكنّس خلف منها كناسي ههههههه الله يهنيها هههه
انا براس المنارة نور قرّب
السفن للشط وحبال المراسي
وبراس الشمع هالوهج اللي دوب
شمع لقلوب من لهبة حماسي
انا أول دموع الخمر معجب
بشفة كتير ملهوفي لكاسي
وانت بكعب قنيني مسرسب
فضلة بتنترك تحت الكراسي
شعري تنبك المنو بتسحب
النكهة براس عطّرتو بحواسي
وانت بالكعب نتفة مي سرّب
من فسخ القزازي لقلب طاسي هههههه
قلت راسي مسم و هيك انسب
لأني سيف عالأخصام قاسي
سيف مسم ياما رقاب شطّب
بعركات البطولة والشراسي
يا بو شربل ما بدي اليوم تغضب
انت بتضل من أهلي وناسي
لكن بالشعر مفروض تتعب
وترفع راسك ومتلي تصفي
الشمس تاجي المشعشع فوق راسي

سليمان يعطيك العافي بالفعل بحكي إحساسي هيدا من أجمل المواضيع اللي كتبناها
بشكرك عالثقة ولقب أمير الزجل بعد وليم صعب ما بظن حدا بيقدر يحملوا ويا ريت بدالوا بتمنحني وسام الإستحقاق من رتبة فارس إذا في مجال ههههههههه
انت بتضل بحر الزجل بتشيل اللولو وبتطعم الكلمة يعطيك العافي .... وانشالله منعيد هاللقاء عالمنبر بس ترجع

» نسونجي فادي فياض وبحر الزجل
» فادي فياض وبحر الزجل نكش وطمر
» فادي فياض وبحر الزجل تشدشد وتحلحل
» فادي فياض وبحر الزجل انتقال سالم غانم عا جوقه الربيع
» فادي فياض بحر الزجل ثوره وفوره