هاني ناصيف مطلوب تكسير روس

ملوك النت اللبناني***بتطلب عا الموقع هاني
ومش رح اقبل طفل النت ***بها الموقع يتحداني

***************************
وينك يا هاني مقبور***بأييا موقع متخبّي

بو شربّل جايب ساطور***وطالع عا بالو الكبّة

بالفيس البوك الجمهور***عملوا حكمة متنبي

وطوني شلهوب الشطوّر***لابس أبيض لو بتشوف
عامل أوّل قرباني

ههههههههههههههههههههههههههههههههههههه

يلا شباب حسن بو خليل ابراهيم وعمو امطانيوس نجيب اشتقنا لحرف وعمار طوني مقصوف الرقبي
هههههههههههههههههههههههههههههههههههههه وفادي ويا ريت الأمير صديقي يتسجل عنا
ومحمد الخطيب بعد ما يشيل كرش حكمة بالفيس بوك يشرّف لعنا وعلي عامر بعد ما يخلص عركتو مع جعفر بنغم
ينقلها لعنا هههههههههههههه
تا نشوف مين غلب مين
بحر الزجل

بو الخل بضهر الأبجــر *** بساحاتو لما بيجول
كأنو أدهم خنجـــر؟؟؟؟ *** عا الخصم بسيفو المسلول
الموقع قدامو تفجر *** كأنو عما بيقــــــــول
اشتاقتلك ساحة عنجر *** يا فخر الدين التــــاني

سليمان مسلطّْن عا العرش *** وعن عرشو كيف بدّو يفل
رموش عيوني بعمل فرش *** ومن قصداني يفوح الفـــــل
حكمت قالو بيبــــرش برش *** هـَدّي عصابك يا بو الخل
ناوي أطبخلو هخا الكرش *** بالتيفال الطليـــــــــاني

[color:28b2=red

]جوعان ومش متعشي *** وناوي الليلي إشرب كاس
وعا مراتي قالب وشي *** كل يوم بتطبخ قلقـــــاس
بطحالو الحال بمشـــي *** وشويي من لحم الراس
شلــِّي الغمي والفشـي *** يا محمد لا تنســـاني

[center]

لما بفز الكون بهز
بدوّخ منبرنا تدويخ
بفخر و عز يرش الرز
على هاني لهز المريخ
بطيب و مز الكاس بمز
بوز على الناس صواريخ
بهز بلز بحز بكز
بجز جماجم حرزاني

اوووف اوووف

ملوك النت اللبناني***بتطلب عا الموقع هاني
ومش رح اقبل طفل النت ***بها الموقع يتحداني

***************

غنيّنا وصرنا شعّار***بموقع عا الغيمة غطّى
وكسّرنا يا هاني كتار***وما خليّنا ولا محطّة
بتنقل عا النت الأخبار***ولا شاعر ضل مغطّى
كشفناه بموقع افكار***وتحمم متل البطة
وبو الخل العندو منخار**بنرفض عنا يتلّطى أهلا فيك اذا بتحمل لسانات نرّة اهلا فيك
بدنّا نطقّو بها المضمار***بالردات الحرزاني

أهلا بأبو خليل نحنا هون ما عنا يا أمي الرحميني والا شو يا هاني
هههههههههههههههههههههههههههههه
يلا هات تا نشوف

لو ما ها الموقع حــَرزان *** بحلف عندك ما تسجلت
ناوي . تغطيني غلطان *** سمحلي . بالرد استعجلت
ما بيلقاني بها الميدان *** عن مُهري لولا ترجـــلت
أنت وهاني يا سليمان *** وفوق منكن سبعة تماني

سبعة تماني ؟؟؟؟؟ ليش انت قادر تلقى كف بو علي بس يللا بسيطا معزور

الهيئة معود عالفايس بوك
تا تطلب سبعة يلاقوك
لاكن نحنا عنّا ملوك
احتلوا القاصي و الداني

دخلكن علي عامر و حرف و شامخ و عمار و عم امطانيوس وينن ؟؟؟

يا شامخ حسون ضعيف
من ضربة وحدة تهوّر

وحرف اللعيب الحريف
بقلبي مربع و مصوّر

وامطانوس شاعر كيّّيف
متل الخمرة بيتقطر

لاكن تا انهي التعريف
عني و عن اسمي تزكر

هارب مني و هلق كيف
عالمنبر رح تلقاني

غالي عا قلبي يا هاني وتكرم عيونك رح اكتوب ها النقروشي اعدروني عا الغيبي كن حالف ما اكتوب بالمواقع بهد ما صار معي
خلاف بالفيس بوك مع الشاعر حكمة وتهمني بابو شربل وعندي عتب عا ابو شربل لأننو بدل ما يوضضح ترك الشك وانا ما حبييت
ادخل بهيك مهاترات

كرمال عيونك يا شب

رح يكتوب هون العممو

وموقعكون جد بينحب

وخلليكون لا تهتممو

ختيار وفي عندي قلب

وجسمي بيفوور دمو

وجمر الكلمة فيي هب

وأوعى تعلق بلساني

عامر يا هاني مشغول***بجعفر حيدر بالعركة
والعم امطانيوس مسؤول***وبالموقع متل البركة
وشامخ هاجر عا سطنبول***وحسّون بيلقى بركي
بتفرك دينتهون عا أصول***وبو الخل تقلو ينضب
فران الموقع شعلاني

ههههههههههههههه

قلب بقلب وإيد بأيد *** صَفي النيي يا سليمان
والعم مطانوس صنديد *** بوجودو الموقع عمران
حـُط بفرنك قرمة وقيد *** وبي بيت النار الشعلان
تشويلي بو عزم شديد *** وضيفني شي كرعاني

عمي امطانيوس شاعر عال
لاكن ما بيحمل جولة

مع شاعر رجف اجيال
و عالمنبر عامل دولة

اليوم تهدد قام وقال
يا ناس اسمااله حولي

ولو بيمر قبالو خيال
بيركض دغري خليفاني

عامر ما بعدو فنان
ولا حسون يبل الريق

و غيرك يا خيي سليمان
مش شايف شاعر بيليق

و بو الخل الشب التعبان
مبنّج يمكن ما بيفيق

وشامخ تارك هالميدان
مهاجر حتى يفك الضيق

و يا ربي ليش بلبنان
تاركني من دون رفيق

كل ما بحركش بالاخوان
بتهرب من وجو لهاني

بيقولو عامر مشغول = وفاتح جولات كثيره

لكن لعيونك عاطول = يا هاني بلبّي بغيره

حتّى يا طفل المريول = ازرعلك خوف وحيره

وبعد الغيبه عندي ميول = ربّيك بعركه تاني

يا هاني ليش حــَدْ الطَبع *** سيفك خــَشبي لا تســّلو
ويا عامر إنده عا الرَبع *** تا العـَطشانين يمــَلــّو
حتى يبل الريق السبــــع *** عا نبع فكاري دِلـــــو
تا يشرب من راس النبع *** متل العَنزي الجربــاني

بتربي ارباب الكار
يا عامر الله يعينك

حكيك حكي ولاد زغار
وما فينا هون نزينك

تهذب و اسجدلي بهالدار
يما ترحم عا سنينك

يا بخلي كراسي الشعار
فوق المنبر ولعاني

هلا خيي علي والله زمان هالقمر ما بان

عمهلك يا طراد العبقرية
اسمحلي جاوب الليلة خطية

لانو هالقزم بالصوت لعلع
وعني قال كلمة مهترية

انا ما قربت عا شاعر مخلع
خطية بينحسب كفر و خطية

ولا عالنت طفل زغير بسمع
رغم ما كنفش و عرّم شوية

انا ما بنصحك عالنت تطلع
تباري ملوك رب العنترية

لانو رقبرتك يا قزم بملع
اذا جربت مرة تدق فية

ابن فياض كان بهيك موضع
يرجف كل ما بجئر عينية

وابن شديد صوتو كان يبلع
عند ما قرب بجولة قوية

وطوني ابن شلهوب الملوع
نسي اسمو بجولة منبرية

وهيكي بو علي دغري تطوع
تا يرحم شعرنا من العنجهية

واذا مفكر بانك رح بتلمع
انت ما خرجك تغني معنى
انت خرجك تهرّج للرعية

عفوا ابو شربل بس سمعت انو مارون بستاني جاب سيرتي بحوارو معك وصلو بو علي ناطرو هون تا يملع رقبتو و رقبة جريس كمان

عيبك يا هاني مغرور = ومش عم تعرف شو بدّك

شعرك متل شهادة زور = وقابض الف على كدّك

بترحّم ع المتلك بور = وحتّى للقمّه شدّك

وتعطي خير باحلى شعور = بكرباج الحنكه الملعون

بخلّي جنابك ورمانه

يا هلا منوّر خيي هاني

الله يخليلي الشعار = ال موجودين ببرحليون
رح بشوي حكمت ع النار = وع لحمو نعصر ليمون
وانتي يا بشار اختار = ل عينَك تكرم مرج عيون
بس الحسرة يا بشار = هالصيدة مش حرزانة

hany nassif كتب:: لما بفز الكون بهز
بدوّخ منبرنا تدويخ
بفخر و عز يرش الرز
على هاني لهز المريخ
بطيب و مز الكاس بمز
بوز على الناس صواريخ
بهز بلز بحز بكز
بجز جماجم حرزاني

هاني ان طل السيف انسل = بصدرو غل بينهش ضرب
جسمو انشل وعقلو انخل = ودمو ضل بارض الحرب
وصار التل بوقت التل = حجار ان تل يسد الدرب
حالو ذل وقدرو قل = وموتو حل بميداني

» فادي فياض و هاني ناصيف
» هدية ل هاني ناصيف والمؤتمر
» تفضل يا ثرثار ...!!!هاني ناصيف
» هاني ناصيف يشكّل وزارة ههههههههههههههه
» هاني ناصيف و فادي فياض من جديد