موضوع قاسي الى هاني ناصيف للراشدين

ألشاعر سليمان طراد


بيخبروني الناس مش هاني
وضعك دقيق كتير بتعاني
وقالوا الأطبا كرهت حتى تشوف
وعايش تفضّي وتفتح قناني
بعرف انا الأنسان عندو ظروف
بتمرق عليه بتتركوا حاني
بس الفنا يا صاحبي ملهوف
يزيّن زهورو بحوض جبّاني
من هيك بدك صار جوز كفوف
تا تفيق تكتوب شعر وغناني
بحر الزجل جايي على المكشوف
يقلّك اذا بتموت بالخمرة
بأسف عليك كتير يا هاني

بحر الزجل
El miércoles
Hany Nassif
------


يا كاس البلحلا زيّن شبابي
شربتك أخ تا خفف مصابي
و لاني من الفجر للنجر بكدح
كنت خيي بشرودة و ارتيابي
العمر يا بحر غيمة و عم تسبح
بفلك اضيق من بطانة جيابي
اكبر من وجودية المطرح
و ازغر من الوهية ترابي
و بعد ما صار مني العمر ينزح
دبت عا نزوتي بكاس التصابي
و صرت كلما نداني الصوت اسمح
لغيري يدخل عتابي لاني
تركت الموت واقف عا عتابي

حل عن سماية يا بو شربل فل تركني بالانا في
El miércoles · Denunciar
ألشاعر سليمان طراد
الخمرة يا هاني كتير مأذيّه
وفيها سموم ومجرمي هيي
بتدوّبك متل التلج عا النار
وبتسرق سنين الطفوليي
يا رفيق حاجي بعيشتك تحتار
وتغفا عا بطحة خمر يوميي
وتضيّع سنينك متل ختيار
ناطر يجيه شباط يا خيي
انتي ضحية والضحايا كتار
وتا ساعدك عا الجرح ما فيي
مجبور كفّك يحمول المسمار
وتتحمل الأوجاع والأخطار
واياك مرة تعتب عليي


بحر الزجل
Hace 23 horas · Eliminar mensaje
Hany Nassif
********

ولك اخ منك ما رح تحل عن سماية و تتركني بي همومي


تركني يا بو شربل عا ذوقي روح
ما عاد عقلي يحمل سمومي
صفيت متل الجسم من دون روح
يما الماشي بحقلة لغومي
شو نهايتي.... محمل عا نتفة شوح
افضل اذا بي غيبتي ارتاح
و لا ضل حامل خشبة همومي

Hace 22 horas · Denunciar
ألشاعر سليمان طراد
مجبور تحمول خشبة همومك
ومجبور عا شرب خمر لومك
ومجبور ترحم نفسك ولا تصير
تشرب يا هاني بكاسة سمومك
خليّك عايش عاالبنج تخدير
وحضّر لملقا ربنا طقومك
وما تعيش عمرك هيك فوق سرير
تعبان ناطر رحمة الخلّاق
تأكد ما في انسان بيقومك

بحر الزجل
Hace 22 horas · Eliminar mensaje
Hany Nassif
=

شو بعد بدك يا عمر مني
ما شاب راسي من زغر سني
حملتك بقلبي عام خلف العام
و كل عام عم بتكبر العني
اتركني بي حالة عايش الاوهام
و لا تردني على كون جنني
اتركني ما بدي عيشة الاحلام
ممنوع احلم حل دشرني
الورد الربي عا روضتوا بسام
بيعطيك عطرو كل ما يجني
بس الخلق عا فرشة الالام
بيعطيك كل شي بيملك بهالارض
كرمال لحظة يعيش متهني

Hace 22 horas · Denunciar
ألشاعر سليمان طراد
بعت الدني وعم تخسر سنينك
وطبّقت عا حالك قوانينك
ونسيت انّو ربّنا رحمان
الخلّاك تعرف بالدني مينك
رح حلّفك بالحق والوجدان
لا تخسر ورودك وياااسمينك
اللي بينتحر ...بتصير للشيطان
روحو وانا ما جيت تا دينك
جايي يا هاني يقلّك سليمان
تراك الخمر ورجاع لدينك
وضوّي شموع الحق عن إيمان
ولا تخاف زكرك بالدني بيضل
والله على الأوجاع بيعينك


بحر الزجل
Hace 10 horas · Eliminar mensaje
Hany Nassif
****
بحياة ربك كن يا سليمان
حاجي بي قلبي تشعل النيران
و تخنق حنيني بالشعر ببيوت
فيها الوحي عم يغزل الخيطان
يمكن انا بهالشهر لازم موت
و اخلص من الاوجاع و الاحزان
يمكن يقولو الناس عني خوت
و كتر الوجع خلى العقل تعبان
بوصيّك لما بتحمل التابوت
لا تزرف الدمعات بترجاك
خلي الورد يشرب من الفنان

Hace 9 horas · Denunciar
ألشاعر سليمان طراد
بكرى اذا بتخلّد بيوتك
مجد الشعر ما بيقدر يفوتك
ومن بقوة سنينك قدير تعيش
وتاخد معك عا رحلتك قوتك
شوف الدني زناكيل ودراويش
وانتي غني عايش بملكوتك
لا تعيش عمرك سكر أو تحشيش
حتى ما ازعل منّك وما يضل
واحد وفي يحمل بتابوتك

بحر الزجل

Hace 9 horas · Eliminar mensaje
Hany Nassif
اتركني يا مأذي بشردة جنوني
و خلي الغشاوة مطمشي عيوني
اللي عاش عمرو بالدني احزان
ما بتنفعوا عالصدر هالقوني
ما في وفا الانسان و الانسان
مجمل حياتو كذب و خشوني
و عالمقبرة بتشيلني الاوزان
ووحدن بنات الشعر رثيوني
ما عاد بدي بركة الرحمان
و لا عالصلا يا ناس تهدوني
وينو اله الكون وقت الكان
سنيني بهالاوجاع معجوني
وينو اله الكون يا سليمان
وقت اللي شرف عالدني هالطفل
وروحو لملاك الموت مرهوني


حل عن ربي يا ابن الله
Hace 7 horas · Denunciar
ألشاعر سليمان طراد
قديّش فيني اتركك مهموم
والوقت عندك صار عا آخر
فتّش عا ربّك يا صديقي وقوم
ولا تضل عايش بالعمر ساخر
غراب الفنا بلّش عليك يحوم
وسوس المنيية بصحتك ناخر
وايّاك تنكر ربّك وما تصوم
بتصير متل الريح يا هاني
ترافق مراكب عمر وبواخر

بحر الزجل

Hace 7 horas · Eliminar mensaje
Hany Nassif
بحياة الله هيك خليني
بايع حياتي بحق قنيني
ما عاد عندي جسم يحمل بنج
شك الابر و البنج كاويني
لا تفتكرها هيك قصة غنج
كتر الابر غير تكاويني
شو بصارحك صارت حياتي سفنج
تمتص لون الحزن عا جبيني
و لا عاد هاني يا صديقي خلنج
ما عاد ينفع غير يا سليمان
طفّي بايدي شمعة سنيني


خلصني منك ومن تقل دمك
خلص بقا رحمة موتاك يا سليمان
Hace 7 horas · Denunciar
ألشاعر سليمان طراد
قديّش ناطر شوفك قبالي
راكع تصلّي الربنا العالي
ولا تكون كافر بالدني ويأسان
وترجع لربّك حر يا غالي
انتي بتعرف عيشة الأنسان
خوف وتعب بحكيك عن حالي
عم بشتغل صاير متل فدان
منشان اقدر عيّش عيالي
وانتي عا خمرة مغيّر العدان
وصاير بعمرك ما بقا تبالي
بوصيّك ترجع تشرب الإيمان
وتقول الله يعيني ما زال
عايش بدنيا قاسية بالي

بحر الزجل
Hace 6 horas · Eliminar mensaje
Samer Khoury
الأنسان يا هاني طري باعو
قبال الدّهر لولا الدّهر باعو
بيصبح بريعانو بدل لعطور
يرشّو بجمر ونار أوجاعو
وبيصير كاسو زي طاقة نور
ومهرب من سنينو البيتداعو
تارك المركب بالبحر بيدور
والرّيح تتسلاّ على شراعو
ومثلك أنا يا بو علي مخمور
عا كاس شاعر غاب أبداعو
باعو الدّهر هوّي صفي مأمور
الكاس الما فاد بيوم أتباعو
هالكاس يا هاني خدر معصور
بيطبع على المخمور أطباعو
بيسقيك تا تزهّر نشاف وبور
بيهديك عا دروب الدّني الضاعو
شاعر أنت عمرك خوابي شعور
وكاسك بقاعو قوت للجاعو
حاجي على كاس الخداع تدور
عا قاع كاسك داير العطشان
لا تحرم العطشان من قاعو

أيّاك بقا تحرمنا من قوتك يا بو علي

Hace 5 horas · Denunciar