اياد احوش وبحر الزجل

اياد احوش
سليمان:
مشتقلك
متل شوق السجر
للزقزقه بكير
مع صبح انفجر
شلفة حجر بين ضيعتي
وبين ضيعتك
بحياة الله
تشلف عليّي حجر..!؟

ألشاعر سليمان طراد
يا جار.. رغم محبتك.. ها الدهر جار
وكتر القسا بيناتنا عمر جدار
ما ضل عنا بشرقنا مقالع وفا
كترو الخطايا.. لها السبب قلو الحجار

Eiad Kahwash
قللو الحجار وبس
ماقللو الزنود
" وبالقرنة السودا" انزرك اسم الخلود
النهر الكبير
مورّده حدودو جمال
اقطفلك شي ورده و زتّها خلف الحدود .

ألشاعر سليمان طراد
ما في حدود مرسمي بدستورنا
كل الدول من هيك عم بتزورنا
ولما شلفنا وعدنا خلف الحدود
غير الورد ما انزت فوق قبورنا

ألشاعر سليمان طراد
سليمان
عبّر شعرك بإبرة جواب
شبّك الضو
وخزّق وراق الضباب
وشوف الزمن
حطّ الدني بصينيّتو
ونحنا ضْيافه
من التراب و للتراب.

ألشاعر سليمان طراد

ما عاد شفنا ضو او بدر اقترب
قسم منا ضل والباقي هرب
وتا نكمل الفرحه بجنازه محتمي
ضيافات عم بنروح ع صواني العرب

Eiad Kahwash
ألشاعر سليمان طراد
الحرب برّا
بس جوّا في سلام
وقلبي قصر للحب
عالي
من الرخام
بفتح عيوني
بشوف أسراب الميراج
بغمّض عيوني
بشوف أسراب الحمام .
2 años
Responder
ألشاعر سليمان طراد
نيال قلبك طفل وعيونك سرير
غمض عيونك تا السلام يزورنا
يا بو نبيل بغيبتك مات الضمير
واسراب سودا حايمه عا قبورنا
راح الحمام وما رجع الا الغراب
وانتي وانا بساتين دين الاغتراب
(ورجع الزمن حط الدني بصينيتو
وصرنا ضيافه من التراب وللتراب)
صدقت.... يا حكيم

ألشاعر سليمان طراد
اكبر مصيبه ي حكيم جزورنا
بها الارض بعدا مشلشي وزهورنا
خلقت حرس ع بواب احلام الحياة
وبتعيش حتى تموت فوق قبورنا

Eiad Kahwash
الأرض أم الكل
فيها بتنقرا
آيات شعر من الغياب مشفّره
أول تخت .. متلو متل آخر تخت
مافي فرق بن مقبره و بن مقبره .

ألشاعر سليمان طراد
عن سوريا ولبنان لو قلنابحماس
قلبين بشرايين فيها التباس
وما في فرق بين مقبره وبين مقبره
وحدة مسار جروحنا هيي الاساس

Eiad Kahwash
الدرب
مابدو بطاقه ع الحدود
بيروح حرّ
وحرّ بالرجعه بيعود
ياريتني
بن بيتنا وبن بيتكون
درب
ومشي
وع جوانبو معبّى ورود.

ألشاعر سليمان طراد
بيت التركتو صار للذكرا وعتيق
ماعاد يدعس عتبتو حتى الصديق
كلمن عا قبرو قرر يجد السفر
وما ضل غير الشوك سحاب الطريق
سامحني عا السحاب

Eiad Kahwash
عابيتنا في درب
صبيان و بنات
عملناه قجّه مطفّحه بالذكريات
وعاقد ما نقطع دروب
بهالدني
بيضل درب البيت شريان الحياة .

ألشاعر سليمان طراد
لما الوجع بيصير يضرب بالصميم
بيدق قلب العاطفه دقة حريم
بننسا المنا..!! كل ما جسر انقصف
بدرب التلاقي.. وشوق للرجعه عصف
...!
شريان بيت الروح سكر للاسف..
والذاكره روصور صارت يا حكيم

Eiad Kahwash
بكرا عند ما يوقّع الموت الكتاب
ويتعب جسد .. ويفوت عابحر الغياب
برجع ع أول درب مطرح مامشيت
لاكن محمّل فوق ع كتاف الشباب.

ألشاعر سليمان طراد
بكرا بترجع ع الكتاف بزلغطه
وخيال مهر المعرفه العلم امتطى
والكل بدو يصيح اهلا بالحكيم
نورت ارض الشام يا ارض العطا

Eiad Kahwash
الدرب العتيقه ل عشت فيها و حدّها
و حجارها للي صرفت عمري عدّها
أكلت من جريي الدرب شقفة حنين
بيجوز لازم موت حتى ردّها

Editado
ألشاعر سليمان طراد
لا تموت صوت الحق لازم ما يموت
لو لبسوه الموت خياطين خوت
خزق كفن اموات عاشو بها الوطن
ومن دون ازن تمرد عليهن وفوت
عا ضياع.. فيها مشلقحه اجمل بيوت
ختام الدكتور اياد
درب
………………………….
انا بضيعه زغيري
درب دافي
ورود الشمس
ضحكت من شفافي
الشتي
بتشدّني حبالو العتيقه
ت قوم
وفلفش بإيدي المسافه
الزرع
ع جوانبي جْوانح طليقه
ترفرف
من فيافي عافيافي
بحديقه بفوت
بطلع من حديقه
ومابعرف وين عم ضيّع طرافي
أنا كواعي عُرَب
فيّي الموسيقا
عمر
بيزنّ ع وتار الحفافي
بقرا
عطر دعسات العشيقه
بحس
بطعمة الحب الخرافي
أنا حْجاري
بفجر ترْم الخليقه
انرصفت شعر
غيّبها الرصافي
وسكبها
بيوت
لغّتها رقيقه
بضيعه
بوابها صارت قوافي
أنا بشرع البشر
أول وثيقه
مكتوبه
ومافيها سرّ خافي
اعملت هدنه
مع الوادي السحيقه
الجبل
ع مخدّتي بيضل غافي
أنا بالسهل
خطواتي رشيقه
سبقت حالي ع ساحات العوافي
عيون المي
لعيوني صديقه
كفوفي بالضيع صارت مضافي
أنا الدرب
للي ماشي ع السليقه
حكي للريح
كرسي اعترافي
أنا بكل الدني
أول حقيقه
مافي نزله ومانزلت من إيديي
ومافي طلعه
وما طلعت عاكتافي.
…………………………..
إياد قحوش
ختام البحر
انا بغربه كبيره
طقس بارد
بشوف الكون
من شرفة عطارد
الصيف
بيحرق خدودي الجميله
ت ضل
بغربتي مشرّد وشارد
القمح
بسهول موهبتي الأصيله
صار
ينعد عندي من الموارد
بحيله بزرع
وبحصد بحيله
ومابعرف وين غمر العمر زارد
أنا شخصيتي يمكن تقيله
وحنيني تنعّم
بحد المبارد
سبقت ولاد جيلي
وغير جيلي
بسرعة
ضو صرت الوقت طارد
بحس
بطعمة النسمه العليله
وبأرزه
ضل غصني غصن طارد
فضيل وما بجاهر
بالفضيله
صفى ناسك وماكان وارد
كفوفي مفتّحه
ومنها بخيله
مجرّد
شاعر الاخطاء جارد
طريقي واضحه ودربي طويلي
وخيالي عا مدا الأحلام
فارد
انا أمنيتي تعمل
زميلي
على الحامي ما بتمنى
ع بارد
لأنك يا حكيم بلا جميله
انتي مارد الكلمه وحلمي
متلك عا المنابر كون مارد