مصاحة الحج بدر وعدنان سعيد

من عشر سنين منقول من موقع زجل
مصالحة الحج بدر وعدنان سعيد
فيّاض جيب الكاس الله ينزعك
وقلّو يجي عدنان بدي مالحو
بركي معي ما بيقنع بيقنع معك
لازم الليلة مع الحج نصالحو
هههههههههههههههههههههههههه
Adnan Said
تمت الصلحة قعود عاقل واعتلي
وسلّم على الاخوان ورفيقي علي
بيني وبين الحج في محبة وشموخ
لما سوى منقعد وَلي حد الولي
هههههههههههههه
ألشاعر سليمان طراد
جرّبت مرة صالحو عا سلامتي
الموقع كنت بكم ردة فالحو
قلي يا بو شربول هان كرامتي
ما بصالحو ما بصالحو ما بصالحو
ههههههههههههههههههههههه
Adnan Ramez Said
صدفة التقينا بهمة رجال ارتقو
متل الجبال بهالدني عم يلتقو
فتحنا القلوب ومن بعد جولة عتاب
فهمنا في كم انسان عم بيحرتقو
ألشاعر سليمان طراد
ما في خبر الا بتطلع ريحتو
مبارح هجيتو تا تبان فضيحتو
ما بصدّقك كذّاب ما بتغشّني
قرّب قبالي وبوّسو بصنديحتو
هههههههههههههههههههههه
Adnan Ramez Said
رح بوّسو بصنديحتو اوعا تخاف
لما عرفتو ابيض ومتل الهفاف
ويا ريت منو حج شي حلوي يكون
تا كنت بستو عالخدود وعالشفاف
ألشاعر سليمان طراد
بيخبروني الحج قرر عن كبر
ينفخ شفافو سيليكون وبالابر
يمكن لها الاسباب صالحتو وليي
قبل الحكيم الحكمّو عندك خبر؟
هههههههههههههههههههههههههههههههههههههههههههههههههههههههههههههههههه
شو قصتك حرّكت فيي مخرزي
الخلّا الطبيعة من خيطاني مدروَزي
وعّيت فيي جنون شب وعنفوان
رح فش خلقي بشي صبية محرزي
ألشاعر سليمان طراد
بتعرف بعد ما كبّرولو الشفتين
مبيّن متل شي بنت شقرا مغنّجي
ونهرو تعبّى زهور فوق الضفتيّن
وان كنت عامل ميل صوبو لا تجي
هههههههههههههههههه
Adnan Ramez Said
مازل صفّا هيك مهضوم وبَهي
وانت بعدك شب يمكن تشتهي
وختيار صرت وما معي حق الحبوب
وهوي عا جنبك مد ايدك والتهي
ألشاعر سليمان طراد
لازم لسانك تنقعو بسبيرتو
ما البحر عم يحكي بأسف من غيرتو
ومن كتر ما بيكره الحج وحضرتك
ندمان...يقطع سيرتك عا سيرتو
هههههههههههههههههههه
Adnan Ramez Said
منك الو خلي الحياة مجابَها
وهيدي العلاقة واضحة اسبابها
افهم انت بالحج ورفيقك كمان
ومكّة اللي اخبر بالدني وشعابها
ألشاعر سليمان طراد
Autor
Colaborador destacado
قلبك متل قرنة السودا بالبياض
بتطلع الضحكة غصب عنك بالمخاض
ان ما كبرت يا عدنان قلبك كبّرو
يا بنصحك خليك عم تلبس حفاض
ههههههههههههههههه
10 años
Compartir
Adnan Ramez Said
مظبوط عندك حق بدو يصير هيك
والسر واضح صار حطة ايدتيك
بلبس حفاض بخاف من غدر الدني
من كتر ما عم اضحك وابكي عليك
بحياة الله عيف قلبي ومنهلو
بعرف حبيبي والقلب هاتف الو
عندي صبيي ناطرة من ساعتين
وطالع عابالي صبّح الوج الحلو
ألشاعر سليمان طراد
نيّال قلبك كيف بتحب المرا
بوج الصبح لا مبودرة ولا محمّرة
عكسك انا بحب المرا يا صاحبي
متل البطاطا مدورة ومقشرة
ههههههههههههههههههه
Adnan Ramez Said
عندي صبية بحالها عم تعتني
الله خلقها من الطبيعة ملوني
بتغفى الدني لو دبلّت جفن الحلا
ولما بشوف شفافها بتوعا الدني
ألشاعر سليمان طراد
شفاف المرا بتنشق كلما بستها
بتفتح اذا بفقسة التحت فقستها
لكن يا دلّك لو بتسكر بالنبيد
بتكون طارت من قبل ما لمستها
Adnan Ramez Said
الحبيتها وغاب القمر لو شافها
كل الدني عم تركع لاوصافها
بدلق نبيد الحب عا خدود الحياة
وبعود اشرب من عصير شفافها
سليمان طراد
شوف المرا ..ما تغب مرة نبيدها
صب السعادة كاس وسكي بايدها
وكلما بتشرب كاسها تزكر منيح
سر الخمر موجود بعناقيدها
ههههههههههههههههه
Adnan Ramez Said
هيدي حياتي وحب قلبي والحنين
فيها القمر والشمس خلقة مجّمعين
بعيدي المسافي بيننا وعند المسا
بتنام حدي متل كل العاشقين
Adnan Ramez Said
سليمان يا قلبي انت صبت العلام
هيكي حياة الروح موجوعة ...حرام
كلما غمزتا عا طريق الفلفشي
بأمرك حبيبي بتركض تلبّي قوام
ألشاعر سليمان طراد
حد القبر بتنام مش حد المرا
لا تفتكر حالك توقى عنترة
نهر المرا طوفان ما بيرحم قناع
بيوصّلك عا البحر قبل المقبرة
1
ألشاعر سليمان طراد
Adnan Ramez Said
هيدي الحبيبي البدرها عليي شرق
من بعدها عقلي انتهى وقلبي احترق
هيي البحر والموج عاشفافي قوي
وقديش فيها صرت استحلي الغرق
ألشاعر سليمان طراد
مرّة شفت عدنان بمشهد هوى
فكّرت يا احباب عم ياكل هوا
وسمعت شقرا عم بتندهلو انبسط
انطرني حبيبي رايحة جيب الدوا
Adnan Ramez Said
كلما نهيد شفافها بيوصل الي
بتوعى الحياة الغافيي والمرجلي
وساعة ماشوفا بعود للعشرين عام
هيي الدوى وهيي فياغرا الصيدلي
ألشاعر سليمان طراد
يا صاحبي حبّة الزرقا مسطرة
لما عليك يهب ريح الختيرة
ان ما خدتها عن جد عن ايد الطبيب
اكبر جريمة بتعمل بحق المرا
ههههههههههههههههههههههههههه
Adnan Ramez Said
عمرو طويل يكون يللي جابها
للحبة الزرقا الحسبنا حسابها
ولحد هلق حبتي خلقة معي
بتوعى معي كلما رميت تيابها
ألشاعر سليمان طراد
لا تقلّها تا تجن فيها منكري
وزرارك على الصدر اوعا تسكري
مني نصيحة لا بقا تزلوع حبوب
ما بينفعك ما زال عندك سكري
هههههههههههههههه
Adnan Ramez Said
سليمان صبحية معك كانت حلا
ولوما انت محتال خليتا صلا
وعيت فيي جنون وعيون وشجون
رايح لعندا ويقطع سنين الغلا