الحقيقه بتجرح الشاعر اذا بيعيش ع القمه

الحقيقه بتجرح
الشاعر اذا بيعيش عا القمه
ما بتحكمو دوله ولا أمة
لكن اذا بيعيش بين زغار
بيصير يتبهل...وكركمه
اصلن الكلمه..! بترفع الشعار
والواو... ما بتنوب عن ضمه
من هيك حرفي بتقن وبختار
من قبل ما ينشال من تمي
خلو القصيده متل خط النار
تصيب الهدف وتقلبو رمي
وما تترك السامع يلت خبار
تشبع الديني وجوها تحمي
الشعر المخلد بوتقة أفكار
شغلو الحقيقي الموهبه ينمي
ويدخل القلب بدون استهتار
يشعل الزقفه ويحرق الضمه
الشعر مش رنه واستظهار
ونطلع نغني بدون ما انسمي
نقلل ادب تا نكتر الانصار
ونقول شوفو الناس ملتمي
والشاعر البيكون دب...حمار
وبيبيع وجدانو مع الذمه
تا يشحد الليره بيهين كبار
وبيقول بدي عيش شو همي
يا للأسف منبر زجلنا صار
سوق سودا عربده وشمه
وين زين واسعد الجبار
الكانو قمم ع منابر مهمه
وين بو روكز.. يجي وادوار
يشوفو الزجل كيف صايبو حمه
من هيك صوتي بيزعج وبدي
قول الحقيقه بنبرتي الحدي
بيي نصحني وقالها جدي
الشاعر رسول وكلمتو منشار
وكلمة الحق بتجرح الكذاب
لمش قدها بيشوفها مسمّة

» لما الشاعر
» الشاعر
» الشاعر
» الى الشاعر علي
» الشاعر