صارروخ موجه الخوابي

صاروخ موجه
اعذريني يا خوابينا الزكيّه
اذا تنازلت عن عرشي شويه
لأنو بغربتي الدولاب بارم
وشقا الإيام متطّاول عليي
انا ما جيب تا اطلب محارم
تإبكي واندب بحظي ما فيي
لأنو في قرار كتير صارم
قبّع شوك عمري بيديي
ولأني شاعر وما بحب كارم
اسمحولي انتقد يا شويعريه
وقول بصوت عالي يا أكارم
استحو لا تدعّو بالشاعريه
انا ما بقول للشاعر عفارم
ع ردّه فاضيه ومنها قويه
انا بقلّو على حد الصوارم
تعلّم عا الكتابه من البقيه
واذا كتبنا بحبر طافح وعارم
قصايد بكر فيها معلميه
لأنو خدنا من الكف وارم
انتبهنا بالشعر عا كل غلطه
وما سخّفنا القصيده المنبريه

قصيده عا الخفيف
قبل ما تسألوني عن غيابي
اسألوني عن سبب همي وعذابي
وما بدي كلما عم غيب أسأل
لانو بتعرفو من اضطرابي
ولانو في طفالى عم بتقتل
اختنقت وماعدت جيد الكتابه
لانو الحرب والتهديم رحل
اهالي ..والعداله شرع غابه
عذابي من ضميري ما تبدل
لاني ما قدرت لاقي اجابه
انا بالحرب مش معقول اقبل
نزرع حقد بالجيل الشبابي
لاها الاسباب غبت وصرت اتقل
على همي اللي شوشطلي تيابي
رجعت وقلت يا قلبي تقبل
بحاله ها الشرق كرمال الله
وفضي همك وعبي الخوابي