كفر وايمان درب الصليب

تحرر من العبوديه
تحرر يا إبن الارض من جهلك
ولا تضل خايف تنتهي وتهلك
خلّي ضميرك عا الحقيقه شهود
ونقّي الوفايا ..منيح..عا مهلك
وصوّت لنايب بالزكا مشهود
وتا تصير حر بها الدني بوصيك
إياك تسمع يوم من أهلك

اوفف

كفر أو ايمان.,؟
يا رب بدي تفتّح بوابك
تا خبرك شو صار بغيابك
تآمر عليي الدهر يا يسوع
وتقامرو الجهال ع تيابك
تآمر عليي الدهر يا يسوع
تا طق قلبي من العطش والجوع
وياما على غيابك زرفت دموع
من بعد ما تأكدت ما في رجوع
كفرت باللي ع الدني جابك
ما كنت واعدنا تجي مشوار؟
غيّرت رأيك !! ليش شو.لي صار
معقول بعدو بكفك المسمار
بيحكي بوجع عن قصة الغدار
الباعك ب بوسه ..قبال احبابك
ما تزعل ان حبيّت قلك ضل
ما عاد عندك بالقلوب محل
الإيمان فينا يا مسيحي قل
والظلم سيطر والضمير اختل
السقيوك مره عاالصليب الخل
عم يشربو كوابيس بغيابك
تا يصلبوك ..رجاع وتوجع
وان كنت حابب بالسما خليك
هونيك رح يهتم بيّك فيك
بالأرض عنا ما حدا بيحميك
وان كان بدك عا الدني ترجع
عا الجلجله من جديد رح تطلع
تحمل صليبك تتعب وتوقع
انت الوحيد بتعرف الصابك

» كفر وايمان عدنان سعيد وبحر الزجل