تحديات مغ غسان شديد

لما يا ابن شديد قدّمنا عرض
تجددالجوقه صرت تمشي بالعرض
وأول حوار فتحت مع بحر الزجل
من فرد ردي جيت خابط بالارض
هرب

اياد



Eiad Kahwash
قبالك شمس يا أرض : واقع مش فرض .
. وأمر الشمس مفروض ع المتلك فرض
ولما الشمس بالأرض تخبط بدّها
.. تطلع يابوشربل مصارين الأرض .
ههههههه

ألشاعر سليمان طراد

ياما على تراب الدني ناس ارتمى
وبالارض بقيو مكبشين وانما
لما الشمس تلعب بذاكرة الوجود
بيتطلعلها البركان وبيعمي السما

Ghassan Michel Daoud Chedid

بحربك معي صلّي العناية تشتريك
ولو كنت بتحب الهدى االه هديك
ومن خبطت ركابي عا صدرك مين قال ؟
قوم عنّي وشوف شو بيصير فيك ؟ ؟؟؟

ألشاعر سليمان طراد

لما خبط غسّان من كفي وهوى
خابط بجرحو وصار يضرب بالهوا
وقلّي دخيلك قوم عني يا بحر
وجبلي الحكيم.. الجرح لازملو دوا


ألشاعر سليمان طراد

دكتور ايّاد اللي علمو باعدو
وحدوالضمير الما كسرلو قواعدو
دخلك ل إبن شديد بدي تساعدو
ع الأرض مرمي بظن منّو ع سوا
اووف
لما خبط غسّان من كفي وهوى
خابط بجرحو وصار يضرب بالهوا
وقلّي دخيلك قوم عني يا بحر
جبلي الحكيم.. الجرح لازملو دوا


Ghassan Michel Daoud Chedid

سليمان حلك تلزم حدودك
بالحرب مش عم تزبط وعودك
كلما عملت تا هذبك معروف
بترجع براسك تفلت قرودك
بخسارتك صاير معي موصوف
صلّي تا الله يحفظ وجودك
وعا قدما مطعميك صرت كفوف
مش بس عا خدودك طبع كفّي
عا كفّ ايدي علّمو خدودك


ألشاعر سليمان طراد

غسّان يا غسان عندي شروط
تا حاورك بالشعر يا مخبوط
كفوفك على خدودي اذا علّمت
بتكون عمتتبارك ومبسوط
بتسلم يا ابن شديد لو سلّمت
وتا فيك تفتح عا المجره خطوط
تهذّب بقا لولا معي تكلّمت
ولا تضل تحكي هيك يا بلّوط
ومهما مناصب بالدني تسلّمت
بتضل حد البحر يا غسان
ازغر من القرطيل والقبوط

ألشاعر سليمان طراد

فكّرت انك شاعر الجيلين
من وين يا ابني صرت من وين
في بس شاعر يا حبيبي بس
مربّى بموهبتو غراب البين
انتو اخدتو مجدكن باللس
وبعتو المنابر للأسف بالدين
ولما عليكن كم شاعر حس
دغري انكشفتو تفتّحو العينين
وبروسكن كبران صار الخس
كل شاعر صار ها الايام
يتشبّه بموسي وطليع وزين


Ghassan Michel Daoud Chedid

شو قصتك شو باك يا منحوس
بمصايبك ومشاكلك مهووس
مهما خيالك لبّط وشبّط
بتضل تحتي مربّط ومدعوس
بأيا شكل بتحب تتظبّط
وشكلك كأنو مارد الفانوس
وكلما نطحني جهلك ولبّط
بأكد شكوكي انت مربى حبوس
صرلك عمر بالجهل تتخبّط
وما تعلّمت كلشي اخدت دروس
ولو بالعصا بتضل تتخبّط
بيضل اسمك مفتن ومنجوس

خليك مني منأز مأبّط
ورح ضل عا راسك متل كابوس
لمتلك ضروري نتركو مربّط
كرمال ما تسمم عقول الناس
بأفكار عم بتدعوس القاموس




ألشاعر سليمان طراد

شو باك راخي ..ايدك ومنفوخ
ومن دون ما تشرب خمر بتدوخ
هدي بقا يا ركيك اعصابك
ما في امل رح يفقع الصاروخ
موتر معي ومرعوب شو صابك
متل الكانو وقعت عا النافوخ
متبلل وبيزيد سرسابك
حاجي بقا تنصب يا ابني فخوخ
المنبر الاصلي كبك وسابك
طول المسافي دشرك مفسوخ
رح ركعك عا البحص ع ركابك
تا تخس ع دمك وتبقا كبير
وما تضل يا غسان تمسح جوخ
3 d
Responder
Compartir
Ghassan Michel Daoud Chedid

يا حاقد يا مخبّي اعترافك
قبل ما كتير يشطح انجرافك
انا اسمي إلو طنّة ورنّة
انا بشوفك عكس ما الغير شافك
واذا برفض زجلنا فيك هنّي
لأنو كتير زايد انحرافك
عذرني لا تجافي ولا تجنّي
الوهم لفّاك والإبداع عافك
انا بعكس لبيغنو بحب غني
وطليع وزين لو غنّو بزفافك
وموسى في الو تقدير منّي
يا حاوي لسان اطول من لحافك
بكرا بيكتب التاريخ عنّي
ولمّا سيرتي بتجيب تبقى
بخّر تمّك وطهّر شفافك


ألشاعر سليمان طراد

يا عامل بالزحل طنه ورني
جريمه عاالمنابر ما تغني
لانو اليوم كل ال عم يغنو
فنانين مش شعرا بظني
الموسيقى دخلوها وما استنو
تاصار اللي بيسهر ما يتني
ولاني ها الزجل مسؤول عنو
بدي حارب الحب التجني
حتى يعصبو مني يجنو
ويسكن عقلهن يا شديد جنيه
حتى مال كسرى لو يجنو
ملكة شعرهن صارت مسني
بدي ضل خلفك تا مسنو
لشعرك تحملو وتسن سني
يا اما بنحتقر شعرك وفنو
يا اما بترجع تجدد الجوقه
واذا ما بحل عنك حل عني
هههههه


ألشاعر سليمان طراد

يا غسّان البحر منّو أناني
خبير الموهبه بسبك المعاني
واذا بيتجاوز حدود اللياقه
اعتبرها زكزكي ومنها إهاني
انا بحكم الأخوه والصداقه
قصدت تنكرز تكسّر قناني
لأني بعرفك عندك علاقه
مع شعّار ما صانو الأمانه
واذا ما في جمل عندك وناقه
وعايش منزوي بين القراني
انا بقدّملك من الشعر باقه
حتى تشعر بعطفي وحناني
ولأني وين ما بتحصل خناقه
رسول الخير ساعي للإعاني
بحل المشكل وعندي طلاقه
دعيني كل ما فتنه بتحصل
بحضر حلها باربع ثواني
ههههههههههههههههههههه

ألشاعر سليمان طراد


ألشاعر سليمان طراد

هرب هرب هرب

ألشاعر سليمان طراد

اسأل كل ما غنّى بمجالي
كيف بعاملو وما بشوف حالي
وانا بقلب الخوابي اللي اكتشفتك
احترمني ولا بقا تتطلع بعالي
اوعى تفتكر شي نهار خفتك
وتعمل بو علي المنبر قبالي
وتهجم عا البحر وتجيب جفتك
انتبه لا تموت موج البحر عالي
بسوق الموهبه لا تبيع لفتك
انا تاجر وسعري سعر غالي
بعام اللي مضى بايدي شلفتك
وخبطت بالتراب من الأعالي
ومتل ما بينقفو ,الكله. نقفتك
وبعد ما بعبوه الكلمه نسفتك
بعتك ع جهنم يا معتر
تغنّي من الوجع آخ يا يا لالي
هههههههههههههههههههه

ألشاعر سليمان طراد

اووف اووف
المنابريا صبايا ويا شبيبي
بحاله للأسف مره وعصيبه
بيصيرو كل من عندو مصاري
بيعمل جوق نغماتو كئيبه
ولأنو اليوم منبرنا تجاري
الشاعر صار عم يدفع ضريبه
مدحني وبدعمك والكل داري
والجمهور بلّش بالهريبه
بحكي الحق طج وما بداري
استغلو الفقر تا صارو مصيبه
مقرش ذلّهن متل الجواري
ولأنو خطي ما بقطع برزقن
انا قررت اسكت بالخوابي
احترامنا بس للجيل الشبابي
ههههههههههه

ألشاعر سليمان طراد

اعذريني يا خوابينا الوفيّه
اذا عم طنّش على شويعريه
لأني بتعرفي ضد المشاكل
خصوصي بين ابناء الرعيه
بس اليوم اصحاب الزناكل
صارو يبيضو طناجر عليي
وعزايم عامره وفيها المآكل
عم تنكب ..هي اكبر خطيّه
لها الاسباب كل شارب وآكل
منها بحس رح يطلع ضحيه
لأنو اللي مقدّمها ع شاكل
شكري ..ونيّتو منها سليمه
بدو يذلهن متل البقيه
هههههههه

ألشاعر سليمان طراد

يا غسّان اقتنع من احتجاجي
الغدير اليوم تا يرجع بناجي
ولا تهتم ترفعهن تحضّر
لأنو المنبر ل متلك بحاجي
كفاك تلّمع الصوره تا يظهر
بإسمك كم ولد مش عا مزاجي
ويعمل ريّس على كل منبر
وانت تضل تتقبل تراجي
حلّك تحترف منبر مجوهر
انت شاعر قصيدك برج عاجي
ومهما غيرك بشعرو تبهور
بتبقا بدر ضاوي بليل داجي
ولأني بعرفك شاعر واكتر
كوميدي ناجح وشاعر تراجي
جدد جوقة البي الموقر
وعلّم كل شعار المنابر
انا وكل الخوابي عم ناجي

ألشاعر سليمان طراد

الي يومين مش كاتب قصيده
اسمحولي اليوم اكتب من نهيدي
اشتقت لكل اعضاء ومداير
حتى قلهن ليله سعيده
انا انسان بفهم بالأشاير
ورداري بيلقطك مسافه بعيده
ندهني منبري زف البشاير
وقلّن في حماوي بالحديده
الغدير مقرريرين وما بساير
يرجع يصبح الجوقه والوحيده
وبدي يفمو الفكره ع طاير
ابن شديده بدو يدير جوقه
وعد بالصيف في جوقه جديده
هههههه

ألشاعر سليمان طراد

نصيحه من البحر
كلما تأسس جوق ها المده
اربع خمس حفلات بتهدّي
ولا توعدو الجمهور بالحفلات
ان ما بيحفظو من بعدها رده
الجمهور خف وما بقا ينفات
عا مطاعم الاسعارها حدّي
مني نصيحه خففو الجوقات
جوقه مهمي..واربعة شعار
بتسوا خمس جوقات يا شعّار
حاجي ضحك عا الناس بيقد